|
11/04/12 |
|
 Վերջին 2 շաբաթվա ընթացքում բենզինի գնի բարձրացումները ներկրող ընկերությունները կապում են միջազգային շուկայում բենզինի գնաճի, իսկ որոշ փորձագետներ՝ Հայաստանի բենզինի շուկայի վրա բարձր հարկերի ճնշման հետ:
Ռեգուլյար բենզինի մեկ լիտրի արժեքը դարձել է 500 դրամ, պրեմիումը` 520, սուպերը՝ 550, իսկ դիզելային վառելիքը՝ 460 դրամ: 2011-ի հունվարի համեմատությամբ 1 լիտր բենզինի գինը բարձրացել է միջինը 60-70 դրամով կամ 13-15 տոկոսով:
Արևմտյան Եվրոպայում բենզինի մեծածախ տոննայի գինը հասել է 1230 դոլարի, ինչը, ըստ փորձագետների, ռեկորդային է, իսկ եվրոպական մի շարք երկրներում 1 լիտր բենզինի գինը գերազանցում է 2 եվրոն:
Չնայած այս թվերին` կառավարման փորձագետ Հարություն Մեսրոպյանը նշում է, որ բենզինի հայաստանյան թանկացումները համաչափ չեն միջազգային թանկացումներին:
«Եթե մեր ներկրողները հետևեին միջազգային գների բարձրացմանը և համաչափորեն բարձրացնեին, ռեգուլյար բենզինի գինը, որ հիմա հասել է 5000 դրամի (10 լիտր), չպետք է անցներ 4000-ը»,- ասում է Մեսրոպյանը:
|
|
26/03/12 |
 Անցած շաբաթ «Արմավիա»-ի սեփականատեր Միխայիլ Բաղդասարովը հայտարարեց, որ եթե «Զվարթնոց» օդանավակայանի հետ խնդիրները չհանգուցալուծվեն, «Արմավիա»-ն կհայտարարի սնանկության մասին: Այդ սնանկացումը լուրջ խնդիրներ կարող է(ր) ստեղծել այլ ընկերությունների համար. «Արմավիա»-ն ոչ միայն ֆինանսական պարտավորություններ ունի «Զվարթնոց»-ի և ռուսական մի քանի օդանավակայանների առջև, այլև մի քանի տասնյակ միլիոն պարտք է մի քանի հայկական բանկերի։
|
|
09/01/12 |
 Հետադարձ հայացք նետելով Հայաստանի անկախության եւ պետականության կառուցման 20 տարիներին`կարելի է հստակ կերպով գիտակցել, որ պետականություն ստեղծելը եւ մեր ինքնիշխանությունն ապահովելը հեշտ չի տրվել: Լինելով փոքր, աղքատիկ բնական պաշարներով եւ դեպի ծով ելք չունեցող երկիր` Հայաստանը դարձել է ինչպես իր աշխարհագրական դիրքի, այնպես էլ ողջ աշխարհաքաղաքական իրադրության պա տանդը:
|
|
22/11/11 |
|
 Հայաստանի կառավարության`գալիք տարի բյուջեի եկամուտներն ավելացնելու որոշումը թերահավատություն է առաջացրել ոչ միայն ընդդիմադիր քաղաքական գործիչների, այլեւ`անկախ փորձագետների ու իշխանական որոշ գործիչների շրջանում:
2012-ին այս տարվա համեմատ 101 մլրդ դրամով (մոտ 270 մլն դոլար) ավելի շատ հարկեր հավաքելու նպատակով կառավարությունն արդեն իսկ հարկային եւ հարակից օրենքներում փոփոխությունների նախագծերի փաթեթ է պատրաստել, որը քննություն է անցնելու թե' Եվրամիության փորձագետների կողմից, թե' Ազգային ժողովում, եւ թե' նախագահ Սերժ Սարգսյանի նստավայրում:
|
|
01/11/11 |
|
 Բարդ հարեւաններով շրջապատված եւ մենաշնորհային տնտեսության պայմաններով սահմանափակված Հայաստանը ստիպված հույսը դնում է նոր տեխնոլոգիաների վրա:
Հայաստանի կառավարությունը պատրաստվում է բարելավել տնտեսության մրցունակությունը, սակայն փորձագետների կարծիքով`պետության ջանքերը մեծ հաջողություն չեն բերում`արմատավորված գործարար շահերի պատճառով:
|
|
30/08/11 |
 Կիրակի` օգոստոսի 28-ին, Ծաղկաձորում թեեւ նախագահ Սերժ Սարգսյանը խոսել է այն մասին, որ պետք է «ավելի առարկայական մոտեցում ցուցաբերել գիտության ֆինանսավորման հարցին» եւ նշել է, թե իր աջակցությամբ ստեղծվելիք առանձին ֆոնդը կաջակցի երիտասարդ գիտնականներին, սակայն շատերը թերահավատ են, թե մոտ ժամանակներս իրավիճակի փոփոխություն տեղի կունենա:
|
|
29/07/11 |
|
 Աղքատության եզրին հասած մարդիկ պարզապես լքում են երկիրը` նոր կյանք սկսելու ակնկալիքով հեռանալով Ռուսաստան:
Կարո Կարապետյանը, որն անկախությունից ի վեր 20 տարի շարունակ դեմ է եղել երկրից դուրս գալուն, ասում է, որ այլեւս հնարավոր չէ դիմանալ ստեղծված պայմաններին:
|
|
29/06/11 |
|
 Հայաստանի խոշորագույն քիմիական հսկան` «Նաիրիտ գործարանը», չափազանց ծանր վիճակում է հայտնվել` ստիպելով կառավարությանը մտածել գործարանում լուրջ ներդրումներ կատարելու մասին: Միաժամանակ, փորձագետները կառավարության ու գործարանի ղեկավարության` այդ ուղղությամբ ձեռնարկած քայլերը իրավիճակին համարժեք չեն համարում:
Կառավարության վերջին երկու նիստերում վարչապետ Տիգրան Սարգսյանն անդրադարձել էր արդեն ավելի քան մեկ տարի հարկադիր պարապուրդի մատնված և պաշտոնական տվյալներով 120-130 մլն դոլար պարտք կուտակած «Նաիրիտ գործարանի» շուրջ ստեղծված իրավիճակին:
|
|
28/06/11 |
|
 Հունիսի 21-24-ը տեղի ունեցած ամառային նստաշրջանում ԵԽԽՎ-ն` մոնիթորինգի հանձնաժողովի նախաձեռնությամբ, ընդունել է 1827 բանաձևը, որում անդրադարձ կա նաև Հայաստանին: Իր պաշտոնական կայքում ԵԽԽՎ-ն հրապարակել է գործողությունների ծրագիրը, որն առնչվում է անդամ պետություններից 14-ին, այդ թվում` և Հայաստանին` իրենց պարտավորությունները Վեհաժողովի առաջ կատարելու շրջանակներում:
|
|
16/06/11 |
|
 Թուրքիայի վարչապետ Ռեջեփ Թայիփ Էրդողանն անցյալ ամիս ամոթալի մի ելույթ ունեցավ Եվրոպայի խորհրդի խորհրդարանական վեհաժողովում (ԵԽԽՎ)։
Մեվլութ Չավուշօղլուն, ով հանդես էր գալիս ավելի շուտ որպես Թուրքիայի լոբբիստ, քան ԵԽԽՎ-ի նախագահ, շռայլ գովեստի խոսքերից հետո Էրդողանին հրավիրեց ամբիոն։
Չավուշօղլուն, իշխող «Արդարություն և զարգացում» կուսակցության (AKP) հիմնադիրանդամ է, ինչպես նաև Թուրքիայի խորհրդարանի անդամ։
|
|
|
