Վարդան Օսկանյանը սկսել է նախընտրական քարոզարշա՞ վը. Ոչ թե անձերի, այլ Հայաստանի ապագայի ընտրություն

Վարդան Օսկանյանը սկսել է նախընտրական քարոզարշա՞ վը. Ոչ թե անձերի, այլ Հայաստանի ապագայի ընտրություն

10-10-2012

Երեկվա բուռն զարգացումներից հետո, երբ ԱԱԾ-ն մեղադրանք առաջադրեց օրեր առաջ ԱԺ-ում պատգամավորական անձեռնմխելիությունից զրկված ԲՀԿ խմբակցության անդամ, նախկին արտգործնախարար Վարդան Օսկանյանի դեմ, իսկ դրանից ժամեր անց վերջինս հայտարարեց, որ առաջիկա նախագահական ընտրություններում ԲՀԿ առաջնորդ Գագիկ Ծառուկյանի չառաջադրվելու դեպքում ինքը պատրաստ է իր վրա վերցնել այդ պատասխանատվությունը, այսօր Օսկանյանը հանդես է եկել բավականին ուշագրավ գրառմամբ:

Ֆեյսբուկ սոցիալական ցանցի իր էջում, նա փաստացի արդեն իսկ սկսել է նախագահական ընտրություններին պատրաստվելը: Գրառումն ամբողջությամբ ներկայացնում ենք ստորեւ:

«Նախագահական ընտրությունները սարերի ետևում չեն: Հայաստանում «քաղաքական» բանավեճը միշտ եղել է անձերի, ոչ թե քաղաքական բովանդակության շուրջ։

Անկախ այն բանից, թե ովքեր կլինեն գլխավոր թեկնածուները, կարծում եմ, որ այսօրվանից արդեն պետք է սկսել քննարկել և բանավիճել մեր երկրի և ժողովրդի համար ամենաճակատագրական խնդիրների շուրջ և սկսել այլընտրանքներ որոնել՝ հաշվի առնելով համարյա բոլոր ուղղություններով մեր ժողովրդի առջև ծառացած բարդ իրավիճակը:

Վերջիվերջո, այս ամենը պետք է ունենա մեկ գլխավոր նպատակ՝ ամենակարճ ժամկետում էական փոփոխություն բերել Հայաստանի յուրաքանչյուր քաղաքացու կյանքում՝ բարոյական, սոցիալական, տնտեսական և այլ ուղղություններում: Ես հինգ այդպիսի ուղղություն եմ տեսնում.

«Ցանկացած պահի պատրաստ ենք պատվիրակության կազմում մեր տեղը զիջել Վարդան Օսկանյանին». ԲՀԿ անդամների հայտարարությունը` ԵԽԽՎ-ում

«Ցանկացած պահի պատրաստ ենք պատվիրակության կազմում մեր տեղը զիջել Վարդան Օսկանյանին». ԲՀԿ անդամների հայտարարությունը` ԵԽԽՎ-ում

09-10-2012

ԵԽԽՎ-ում հայկական պատվիրակության ԲՀԿ անդամներ Նաիրա Զոհրաբյանը և Վահե Հովհաննիսյանը Օսկանյանի գործով հայտարարություն են արել` նշելով, պատրաստ ենք ցանկացած պահի ԵԽԽՎ պատվիրակության կազմում իրենց տեղը զիջել Վարդան Օսկանյանին՝ հասկանալով, որ ԵԽԽՎ պատգամավոր լինելը ԵԽ անդամ երկրի պատգամավորին օժտում է լրացուցիչ որոշ անձեռնմխելիությամբ:

Զոհրաբյանի եւ Օսկանյանի հայտարարությունն ամբողջությամբ տրամադրել է ԲՀԿ լրատվության և հասարակայնության հետ կապերի բաժինը, որն ամբողջությամբ ներկայացնում ենք ստորեւ:

«Հոկտեմբերի 2-5-ը որպես ԵԽԽՎ պատգամավորներ մասնակցելով ԵԽԽՎ աշնանային նստաշրջանին՝ տեղեկացնում ենք, որ ԵԽԽՎ բազմաթիվ պատգամավորներ և ղեկավար կազմի անդամներ լրջորեն մտահոգված են Վարդան Օսկանյանի գործով, և մեզ հետ հանդիպումներում իրենց անվերապահ աջակցությունն են հայտնել «Բարգավաճ Հայաստան» կուսակցությանն ու ԲՀԿ անդամ, ՀՀ նախկին արտգործնախարար Վարդան Օսկանյանին:

ԲՀԿ-ն պետք է մասնակցի սեփական թեկնածուով. Վարդան Օսկանյան

ԲՀԿ-ն պետք է մասնակցի սեփական թեկնածուով. Վարդան Օսկանյան

09-10-2012

ԲՀԿ խմբակցության պատգամավոր, նախկին արտգործնախարար Վարդան Օսկանյանը հարցազրույց է տվել «ՍիվիլՆեթին»: Խոսելով առաջիկա նախագահական ընտրությունների մասին, Օսկանյանըա ասել է, որ եթե «պարոն Ծառուկյանը չուզենա իր թեկնածությունը դնել, և կուսակցությունը կանգնի իմ թեկնածության վրա, ես պատրաստ եմ ինձ վրա վերցնել այդ պատասխանատվությունը»: Հարցազրույցն ամբողջությամբ` ստորեւ:

-Պարոն Օսկանյան, այսօր ԱԱԾ-ն Ձեզ հրավիրել էր մեղադրանք ներկայացնելու և հարցաքննության, և Դուք կրկին հրաժարվել եք ցուցմունք տալ: Ինչո՞ւ:

-Նախ ասեմ, որ ես ընդամենը մեկ կարևոր հարցի եմ պատասխանել այն մասին, թե արդյոք ես ընդունում եմ իմ մեղքը՝ թեկուզ մասնակի: Իմ պատասխանը եղել է, որ բացարձակապես չեմ ընդունում: Հետևապես, ես օգտվել եմ իմ սահմանադրական իրավունքից և ցուցմունք չեմ տվել:

Քրեական հետապնդումից` նախագահական ընտրություններ. արդյոք կառաջադրի՞ թեկնածությունը Օսկանյանը

Քրեական հետապնդումից` նախագահական ընտրություններ. արդյոք կառաջադրի՞ թեկնածությունը Օսկանյանը

09-10-2012

Այսօր նախկին արտգործնախարար եւ ԲՀԿ խմբակցության պատգամավոր Վարդան Օսկանյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով և 190-րդ հոդվածի 3-րդ մասի 1-ին կետով`(առանձնապես խոշոր չափերի յուրացում կատարելու և հանցավոր ճանապարհով ստացված՝ առանձնապես խոշոր չափերի գումարի եկամուտներն օրինականացնելու համար): Նա մեղադրանքը չի ընդունել, եւ շարունակում է պնդել, որ իր եւ ԲՀԿ դեմ քաղաքական հետապնդում է իրականցվում:

Վարդան Օսկանյանի շուրջ ստեղծված իրավիճակը «փողերի լվացման» գործով նրա դեմ քրեական գործ հարուցելուց և օրեր առաջ պատգամավորական անձեռնմխելիությունից զրկելուց հետո, ըստ վերլուծաբանների, վարկանիշի առումով կարող է Օսկանյանին շահեկան դիրքում կանգնեցնել` ընդհուպ այն դեպքում, երբ նա որոշի առաջիկա նախագահական ընտրություններում առաջադրել իր թեկնածությունը:

Անկախ քաղաքական վերլուծաբան Երվանդ Բոզոյանը թեև ասում է, որ վաղ է նախագահական ընտրություններում Օսկանյանի առաջադրվելու մասին ենթադրություններ անել, սակայն նշում է, որ իրավիճակն իրոք կարող է ի նպաստ Օսկանյանի աշխատել, և նախկին արտգործնախարարը կարող է իշխանության համար լուրջ մրցակից դառնալ:

«Գնում եմ ԱԱԾ միմիայն այն պատճառով, որ օրենքն է պահանջում». Օսկանյանը ցուցմունք չի տալու

«Գնում եմ ԱԱԾ միմիայն այն պատճառով, որ օրենքն է պահանջում». Օսկանյանը ցուցմունք չի տալու

08-10-2012

Նախկին արտգործնախարար եւ ԲՀԿ պատգամավոր Վարդան Օսկանյանն օրերս արդեն ՀՀ ԱԱԾ քննչական վարչությունից ծանուցագիր է ստացել, որի պահանջի համաձայն, այսօր պիտի ներկայանա` որպես մեղադրյալ առաջադրվելու եւ հարցաքննվելու համար:

Օսկանյանի շուրջ խտացող գույներին զուգահեռ, «Սիվիլիթաս» հիմնադրամը Ֆեյսբուկ սոցիալական ցանցի իր էջում գործընթացը դադարեցնելուն ուղղված ստորագրահավաք է սկսել:

ԱԱԾ ներկայանալուց առաջ Վարդան Օսկանյանը Ֆեյսբուկի իր անձնական էջում գրառում է թողել, ուր նշում է, որ գնում է ԱԱԾ միմիայն այն պատճառով, որ օրենքն է պահանջում:

«Սա խորհրդարանի ինքնավարկաբեկման ցցուն դեպք է». Ռոբերտ Քոչարյանն աջակցությունն է հայտնում Օսկանյանին

«Սա խորհրդարանի ինքնավարկաբեկման ցցուն դեպք է». Ռոբերտ Քոչարյանն աջակցությունն է հայտնում Օսկանյանին

04-10-2012

ՀՀ երկրորդ նախագահ Ռոբերտ Քոչարյանը հայտարարություն է տարածել Վարդան Օսկանյանին պատգամավորական անձեռնմխելիությունից զրկելու առիթով, որը ներկայացնում ենք ստորեւ:

«Ուշադրությամբ ծանոթացա «գործի» հրապարակված նյութերին և չկարողացա գտնել գլխավոր հարցի պատասխանը` ինչ գործ ունեն ԱԱԾ-ն, դատախազությունն ու խորհրդարանը Ջոն Հանթսմանի, Վարդան Օսկանյանի և նրա հիմնադրած «Սիվիլիթաս» հիմնադրամի բարիդրացիական հարաբերությունների հետ:

Սա խորհրդարանի ինքնավարկաբեկման ցցուն դեպք է` երկրի վարկին հասցված բացասական հետևանքներով: Իսկ դա ամենևին էլ այն չէ, ինչի կարիքն այսօր Հայաստանն ունի: Վարդան Օսկանյանը ամենահաջողակ նախարարներից էր և իշխանության փորձությանը դիմացած հայ քաղաքակական գործիչներից մեկն է:

«Այդ անարդարությունն իմ նկատմամբ չէ, ժողովրդի,երկրի ճակատագրի նկատմամբ է. Օսկանյանը`անձեռնմխելիությունից զրկվելուց հետո

«Այդ անարդարությունն իմ նկատմամբ չէ, ժողովրդի,երկրի ճակատագրի նկատմամբ է. Օսկանյանը`անձեռնմխելիությունից զրկվելուց հետո

03-10-2012

Պատգամավորական անձեռնմխելիությունից զրկվելուց հաշված րոպեներ անց Վարդան Օսկանյանն գրառում է կատարել Ֆեյսբուկի իր անձնական էջում, որը ներկայացնում ենք ստորեւ:

«Քիչ առաջ խորհրդարանն ինձ զրկեց պատգամավորական անձեռնմխելիությունից: Գրեթե միաժամանակ տեղեկացանք, որ հարևան Վրաստանում երկրի նախագահ Միխեիլ Սաակաշվիլին ընդունել է իր կուսակցության պարտությունը երեկ կայացած խորհրդարանական ընտրություններում:

Փաստորեն Վրաստանում արդեն կա քաղաքական հակակշիռ՝ նախագահը մի կուսակցությունից է, օրենսդիրն ու կառավարությունը շուտով կլինեն այլ կուսակցության ձեռքում: Սրանով Վրաստանը մեզանից նաև քաղաքականապես ևս տասը քայլ առաջ անցավ:

Հանձնեցին. Վարդան Օսկանյանը զրկվեց անձեռնմխելիությունից

Հանձնեցին. Վարդան Օսկանյանը զրկվեց անձեռնմխելիությունից

03-10-2012

Հաշված րոպեներ առաջ, 64 կողմ, 6 դեմ ձայների հարաբերակցությամբ, ԲՀԿ պատգամավոր, նախկին արտգործնախարար Վարդան Օսկանյանը զրկվեց պատգամավորական անձեռնմխելիությունից:

Օսկանյանին` անձեռնմխելիությունից զրկելու միջնորդագիրը ՀՀ դատախազ Աղվան Հովսեփյանը ներկայացրել էր երեկ, որից հետո երկու օր շարունակ ԱԺ-ում ընթանում էին քննարկումներ, հարց ու պատասխան, պարզաբանումներ:

Հիշեցնենք, որ որ «Սիվիլիթաս» հիմնադրամի հիմնադիր Վարդան Օսկանյանի դեմ հարուցվել է քրեական գործ ՝ՀՀ Քրեական օրենսգրքի 190-րդ հոդվածի 3-րդ մասի 1-ին կետով, այն է «հանցավոր ճանապարհով ստացվածեկամուտներն օրինականացնելը»՝ փողերի լվացում: Ի պատասխան` Օսկանյանն հայտարարել է, որ իր հանդեպ քաղաքական հետապնդում է իրականացվում:

«Խմբակցության բոլոր պատգամավորներով կբոյկոտենք քվեարկությունը. Նիկոլ Փաշինյանի հայտարարությունը` Օսկանյանի հարցով

«Խմբակցության բոլոր պատգամավորներով կբոյկոտենք քվեարկությունը. Նիկոլ Փաշինյանի հայտարարությունը` Օսկանյանի հարցով

03-10-2012

Քանի որ բազմաթիվ լրագրողներ եւ հանրությունը հետաքրքրված են, թե արդյոք մասնակցելու եմ Վարդան Օսկանյանի հարցով քվեարկությանը հարկ եմ համարում հայտարարել հետեւյալը.

2008թ. հունիսի 16-ի «Ցպահանջ արդարադատություն» հոդվածում հայտարարել եմ, որ եթե գլխավոր դատախազը Օսկանյանի հարցով գա Ազգային ժողով, ես կողմ եմ քվեարկելու:

Նույն հոդվածում, կամ երբեւէ չեմ հայտարարել, սակայն, որ պատրաստվում եմ սերժանտական կոալիցիայի անդամ կամ մաս դառնալ:) Քանի որ հանգամանքների բերումով ընթացիկ քվեարկությանը մասնակցում են միայն իշխող կոալիցիայի անդամները, հասկանալիորեն չեմ կարող այդ ամբողջության մաս կազմել եւ ինչպես որոշել ենք Հայ ազգային կոնգրես խմբակցությունում, խմբակցության բոլոր պատգամավորներով կբոյկոտենք քվեարկությունը:

Վարդան Օսկանյանի ելույթը ԱԺ-ում. «Իմ աչքը կուշտ է»

Վարդան Օսկանյանի ելույթը ԱԺ-ում. «Իմ աչքը կուշտ է»

02-10-2012

Ներկայացնում ենք ԲՀԿ պատգամավոր, նախկին արտգործնախարար Վարդան Օսկանյանի ելույթը Ազգային ժողովում` դատախազի պատգամավորական անձեռնմխելիությունը զրկելու վերաբերյալ միջնորդություն ներկայացնելուց հետո:

«Ես ուզում եմ ձեր առջև դրված փաթեթին անդրադառանալ և դատախազի կողմից բարձրացված երկու հարցերին պատասխան տալ: Եթե նկատեցիք, կարմիր թելի նման երկու հարց է անցնում՝ ինչո՞ւ Հանթսմանի փողերը Օսկանյանն իր մոտ է պահել և անմիջապես չի փոխանցել, և երկրորդ՝ արդյո՞ք ես չարաշահել եմ այդ գումարները, իմ անձնական նպատակներով եմ օգտագործել: Դատախազը նույնպես նշեց, որ հիմնադրամը երկու տեսակի գումար է ստացել: Մեկը՝ անմիջապես, մյուսը՝ իմ միջոցով: Հարց չի՞ ծագում ձեզ մոտ․ եթե Հանթսմանները ուզում էին, որ ամբողջ գումարը Սիվիլիթասին գնար, կար այդ պրակտիկան, միանգամից այնտեղ կգնար: Սա Հանթսմանների նպատակն է եղել, որ մի մասը գնա Սիվիլիթասին, մնացած մասը՝ 1,427 միլիոն դոլարը, մնա Օսկանյանի տրամադրության տակ:

Ինչո՞ւ Օսկանյանի մոտ: Այդ մասին հստակ ասվում է Հանթսմանի վերահաստատման նամակում. հիմնադրամի խորհրդի նախագահ Օսկանյանի միջոցով իր հայեցողությամբ, առանց ժամկետների: Ընդ որում՝ այս մասին տեղյակ են եղել խորհրդի ինչպես հին, այնպես էլ նոր անդամները: Նրանք ասում են, որ գիտեն, որ Օսկանյանի մոտ է, այս պահին ստորագրությունները Սիվիլիթասում են: Բացի այդ՝ նրանք ասում են, որ տեղյակ են, թե այսքանը փոխանցվել է, այսքանը մնում է Օսկանյանի հաշվին: Այնպես որ՝ և՛ հիմնադրամի հայտարարությունը, և՛ Հանթսմանի վերահաստաման նամակը «ինչու Օսկանյանի մոտ» հարցը պետք է դուրս հանի: Երկրորդ, եթե ես չարաշահել եմ այդ գումարները: Այսպես, ես բանկից վերցրել եմ տեղեկանք, ըստ որի՝ Հանթսմանի գումարը փոխանցելուց մեկ օր առաջ նույն «ՎՏԲ» բանկում ես և տիկինս՝ Նանի Օսկանյանը, ունեցել ենք 410 հազ. դոլար, 8.3.11-ին Նյու Յորքի JP Morgan բանկից մեր անձնական ընտանեկան միջոցներից փոխանցվել է 40 հազ. դոլար, 9.13.11-ին նույն բանկից փոխանցվել է 9962 դոլար, իսկ 9.30.11-ին 316 972 դոլար է փոխանցվել: Դա եղել է իմ անձնական գումարը, և եթե այդ երեքը գումարեք, ստացվում է մոտ 370 հազ. դոլար, դա էլ գումարեք նախնական 410 հազ. դոլարին, ստացվում է՝ այդ բանկում մենք ունեցել ենք 780 հազ. դոլար:

Փողերի լվացում` քաղաքական ենթատեքստով. Վարդան Օսկանյանի հարցը բարձրացվելու է ԵԽԽՎ-ում

Փողերի լվացում` քաղաքական ենթատեքստով. Վարդան Օսկանյանի հարցը բարձրացվելու է ԵԽԽՎ-ում

02-10-2012

Քիչ առաջ ԱԺ-ում ՀՀ դատախազ Աղվան Հովսեփյանը միջնորդագիր ներկայացրեց ԲՀԿ պատգամավոր, նախկին արտգործնախարար Վարդան Օսկանյանին պատգամավորական անձեռնամխելիությունից զրկելու վերաբերյալ:

Մինչ դատախազը պատգամավորներին ներկայացնում էր միջնորդագիրը, ժամը 11-ից, ԱԺ դարպասների մոտ ի պաշտպանություն Վարդան Օսկանյանի` տարբեր ցուցապաստառներով հավաքվել էին  «Սիվիլիթաս» հիմնադրամի աշխատակիցները, գործով հետաքրքրված բազմաթիվ քաղաքացիներ:

Հիշեցնենք, որ որ «Սիվիլիթաս» հիմնադրամի հիմնադիր Վարդան Օսկանյանի դեմ հարուցվել է քրեական գործ՝ՀՀ Քրեական օրենսգրքի 190-րդ հոդվածի 3-րդ մասի 1-ին կետով, այն է «հանցավոր ճանապարհով ստացվածեկամուտներն օրինականացնելը»՝ փողերի լվացում: Ի պատասխան` Օսկանյանն հայտարարել է, որ իր հանդեպ քաղաքական հետապնդում է իրականացվում:

Վարդան Օսկանյանի կողմից «փողերի լվացման» գործով որպես մեղադրյալ ընդգրկելու գլխավոր դատախազի միջնորդագրի մասին հարցը կբարձրացվի նաև ԵԽԽՎ–ում։ Այս մասին այսօր հայտարարել է պատգամավոր Նաիրա Զոհրաբյանը, ով ԵԽԽՎ է մեկնելու վաղը՝ հոկտեմբերի 2-ին:

Սիրուն չի, խայտառակություն է. Սերժ Սարգսյանն ընտրություններից առաջ շատ է ուզում հասկանալ

Սիրուն չի, խայտառակություն է. Սերժ Սարգսյանն ընտրություններից առաջ շատ է ուզում հասկանալ

01-10-2012

Ըստ երեւույթին Սերժ Սարգսյանի խորհրդականները, պատասխանատու անձինք եւ PR-ով զբաղվողներն ուշ են ընկալում երկրում տիրող իրավիճակը, եւ նախագահն ընտրություններից առաջ է միայն սկսում նկատել տարբեր կառույցների «անգործությունն» ու այս ու այն ուղղությամբ խստաբարո կերպարով մատ թափ տալիս:

«Տարո՛ն ջան, ինքդ էլ ես տեսնում, որ սա այդքան էլ գեղեցիկ չէ»,- ԱԺ ընտրություններից 5 օր առաջ քաղաքապետի հետ շրջայցի ժամանակ, հայտնի Մաշտոցի պուրակում, ուր ակտիվիստները ամիսներ շարունակ պայքարում էին «բուտիկների» դեմ հարցը միանգամից «լուծեց» նա:

Երկու շաբաթ առաջ, կառավարության խորհրդակցության ժամանակ, նախագահական ընտրություններից հաշված ամիսներ առաջ, նրա կողմից բավականին լուրջ քննադատության ենթարկվեց կառավարությունն` ի դեմս վարչապետ Տիգրան Սարգսյանի, ում դիմելիս նախագահը ոչ թե վարչապետ, կամ պարոն Սարգսյան էր դիմում, այլ` «Տիգրան»:

«Կառավարության աշխատանքը ես շատ բացասական եմ գնահատում, շատ բացասական»,-ասել է նախագահը:

The Washington Post-ը`Վարդան Օսկանյանի դեմ քաղաքական հետապնդումների մասին. Ճնշելով քաղաքական բանավեճը

The Washington Post-ը`Վարդան Օսկանյանի դեմ քաղաքական հետապնդումների մասին. Ճնշելով քաղաքական բանավեճը

30-09-2012

Հեղինակավոր The Washington Post թերթի փոխխմբագիր և սյունակագիր Դևիդ Իգնատիուսը սեպտեմբերի 28-ին հոդված է հրապարակել Սիվիլիթաս հիմնադրամի և նրա հիմնադիր Վարդան Օսկանյանի դեմ քաղաքական հետապնդումների մասին: Հոդվածը թարգմանաբար ներկայացված է ստորև:

Ճնշելով հասարակական կազմակերպությանն ու քաղաքական բանավեճը Հայաստանում

Հայաստանում տարածում է գտնում Արևմուտքի աջակցությամբ աշխատող հասարակական կազմակերպությունների դեմ արշավը: Նախկին արտգործնախարարը մեղադրվում է «փողերի լվացման» գործով, քանի որ քաղաքացիական հասարակության զարգացման ծրագրերի աջակցության համար նվիրատվություններ է ընդունել Ջոն Հանթսմանից՝ ԱՄՆ նախագահի նախկին թեկանուծուի հորից:

«ԲՀԿ-ն պետք է կոշտ հակահարված տա». Ըստ վերլուծաբանների` Օսկանյանի գործը կազդի իշխանությունների վարկանիշի վրա

«ԲՀԿ-ն պետք է կոշտ հակահարված տա». Ըստ վերլուծաբանների` Օսկանյանի գործը կազդի իշխանությունների վարկանիշի վրա

30-09-2012

Վարդան Օսկանյանին պատգամավորական անձեռնմխելիությունից զրկելու գլխավոր դատախազի` Ազգային ժողով ներկայացրած միջնորդագիրը, ըստ քաղաքական վերլուծաբանների, միանշանակորեն կազդի իշխանություների վարկանիշի անկման վրա:

Հիշեցնենք, որ «Սիվիլիթաս» հիմնադրամի հիմնադիր Վարդան Օսկանյանի դեմ հարուցվել է քրեական գործ՝ՀՀ Քրեական օրենսգրքի 190-րդ հոդվածի 3-րդ մասի 1-ին կետով, այն է «հանցավոր ճանապարհով ստացվածեկամուտներն օրինականացնելը»՝ փողերի լվացում: Ի պատասխան` Օսկանյանն հայտարարել է, որ իր հանդեպ քաղաքական հետապնդում է իրականացվում:

Դատախազի ԱԺ-ում հայտնվելը, քաղաքական վերլուծաբան Երվանդ Բոզոյանը ուղղակիրոեն կապում է առաջիկա նախագահական ընտրությունների հետ:

«Իշխանության կողմից փորձ է արվում ճնշելու ԲՀԿ-ին` նախագահական ընտրություններին ընդառաջ»,-ասում է Բոզոյանը`«Մեդիալաբին»: :

Հաշված ամիսներ անց մեկնարկող նախագահական ընտրություններից առաջ, ենթադրաբար հետաքրքիր զարգացումներ են սպասվում: Թուլացող ընդդիմության ֆոնին, որի հանդեպ ի տարբերություն նախորդ ընտրություններին հասարակության հետաքրքրությունը զգալի նվազել է, ԲՀԿ-ն փորձում է տարբեր հնարքներով ընդդիմադիր դաշտում շահավետ դիրք զբաղեցնել:

«Իշխանությունները հանուն իրենց վերարտադրության կարող են զոհաբերել Հայաստանի ապագան».Վարդան Օսկանյան

«Իշխանությունները հանուն իրենց վերարտադրության կարող են զոհաբերել Հայաստանի ապագան».Վարդան Օսկանյան

29-09-2012

Վարդան Օսկանյանի նոր գրառումը ներկայացնում ենք ամբողջությամբ:

Հիշեցնենք, որ երեկ ՀՀ դատախազ Աղվան Հովսեփյանը խորհրդարան էր մտել՝ Վարդան Օսկանյանին անձեռնմխելիությունից զրկելու միջնորդագրով:

«Սիվիլիթաս» հիմնադրամի հիմնադիր Վարդան Օսկանյանի դեմ հարուցվել է քրեական գործ՝ ՀՀ Քրեական օրենսգրքի 190-րդ հոդվածի 3-րդ մասի 1-ին կետով, այն է «հանցավոր ճանապարհով ստացված եկամուտներն օրինականացնելը»՝ փողերի լվացում:

«Երկու Հայաստանների ակնհայտ տարբերությունը ինձ համար երեկ շատ կոնկրետ դրսևորում ունեցավ: Մեծ կոնտրաստ կար իշխանական լրատվամիջոցների կողմից Եվրոպական Միության ընդլայնման և հարևանության հարցերով հանձնակատար Շտեֆան Ֆյուլեի հետ Հայաստանի ղեկավարների հանդիպման լուսաբանման և ժողովրդին ներկայացված բացարձակապես վարդագույն իրավիճակի և օրվա վերջում պարոն Ֆյուլեի հետ իմ հանդիպման տպավորությունների միջև:

«Պատգամավորական անձեռնմխելիությունից ինձ զրկելու գլխավոր միջնորդագիրը միանշանակորեն համարում եմ քաղաքական պատվեր». Օսկանյան

«Պատգամավորական անձեռնմխելիությունից ինձ զրկելու գլխավոր միջնորդագիրը միանշանակորեն համարում եմ քաղաքական պատվեր». Օսկանյան

28-09-2012

«Պատգամավորական անձեռնմխելիությունից ինձ զրկելու գլխավոր դատախազի՝ Ազգային ժողով ներկայացրած միջնորդագիրը միանշանակորեն համարում եմ քաղաքական պատվեր»,-ըստ civilnet.am-ի հայտարարել է ԲՀԿ պատգամավոր Վարդան, նախկին ԱԳ նախարար Օսկանյանը` ի պատասխան այսօր տեղի ունեցածի:

Ընդամենը մի քանի ժամ առաջ, ինչպես մենք տեղեկացրել էինք, ՀՀ դատախազ Աղվան Հովսեփյանը խորհրդարան էր մտել՝ Վարդան Օսկանյանին անձեռնմխելիությունից զրկելու միջնորդագրով:

Հիշեցնենք, որ «Սիվիլիթաս» հիմնադրամի հիմնադիր Վարդան Օսկանյանի դեմ հարուցվել է քրեական գործ՝ ՀՀ Քրեական օրենսգրքի 190-րդ հոդվածի 3-րդ մասի 1-ին կետով, այն է «հանցավոր ճանապարհով ստացված եկամուտներն օրինականացնելը»՝ փողերի լվացում:

Մինչեւ ո՞ւր. Դատախազը խորհրդարանում՝ Օսկանյանին անձեռնմխելիությունից զրկելու միջնորդագրով

Մինչեւ ո՞ւր. Դատախազը խորհրդարանում՝ Օսկանյանին անձեռնմխելիությունից զրկելու միջնորդագրով

28-09-2012

Քիչ առաչ ՀՀ դատախազ Աղվան Հովսեփյանը խորհրդարան է մտել՝ ԲՀԿ պատգամավոր, նախկին ԱԳ նախարար Վարդան Օսկանյանին անձեռնմխելիությունից զրկելու միջնորդագրով:

«Սեպտեմբերի 27-ին ՀՀ գլխավոր դատախազ Աղվան Հովսեփյանը Ազգային Ժողով է ներկայացրել միջնորդագիր՝ ՀՀ ԱԺ պատգամավոր Վարդան Օսկանյանին՝ հանցավոր ճանապարհով ստացված եկամուտներն օրինականացնելու դեպքի առթիվ ՀՀ կառավարությանն առընթեր ազգային անվտանգության ծառայության քննչական վարչության վարույթում քննվող քրեական գործով որպես մեղադրյալ ներգրավելու համաձայնություն տալու մասին:

«Սաֆարովի խայտառակ գործարքը լուրջ վնաս հասցրեց Լեռնային Ղարաբաղի կարգավորման գործընթացին». Էդվարդ Նալբանդյան

«Սաֆարովի խայտառակ գործարքը լուրջ վնաս հասցրեց Լեռնային Ղարաբաղի կարգավորման գործընթացին». Էդվարդ Նալբանդյան

27-09-2012

Սաֆարովի խայտառակ գործարքը լուրջ վնաս հասցրեց Լեռնային Ղարաբաղի կարգավորման գործընթացին, ինչպես նաև տարածաշրջանային անվտանգության և կայունության ամրապնդման ջանքերին։

Լոս-Անջելեսի հեղինակավոր «Համաշխարհային հիմնախնդիրների խորհուրդ» քաղաքագիտական կենտրոնում ելույթ ունենալով, որին ներկա էին Լոս-Անջելեսում հավատարմագրված դիվանագետներ, քաղաքագետներ, լրագրողներ, պետդեպարտամենտի ներկայացուցիչներ, լրագրողներ, հայտարարել է արտգործնախարար Էդվարդ Նալբանդյանը:

Րաֆֆի Հովհաննիսյանի 15 կետերը. նամակ` Սերժ Սարգսյանին

Րաֆֆի Հովհաննիսյանի 15 կետերը. նամակ` Սերժ Սարգսյանին

25-09-2012

Այսօր Րաֆֆի Հովհաննիսյանը նամակ է ուղարկել Ս.Սարգսյանին` անցած ու ապագա ընտրությունների, երկրի իրական վիճակի, մարտահրավերների ու դրանց լուծման վերաբերյալ հարցադրումներով:

Նամակի ամբողջական տեքստը ներկայացնում ենք ստորեւ:

«24 սեպտեմբերի 2012

Պարոն Սերժ Սարգսյանին

ՀՀ եւ ՀՀԿ նախագահ

Երեւան, Հայաստանի Հանրապետություն

Հարգելի պարոն Սարգսյան,

Իմ Ժ-202/11 թվակիր նամակին` բացի բանավոր պիտակավորումներից, իրական պատասխանի պատիվ չստանալով, Ձեզ եմ վերաուղարկում նույն գրության օրախնդիր պահանջները, որոնց բավարարումն անհրաժեշտ է առաջիկա նախագահական ընտրությունները 1991 թվականից այս կողմ առաջին անգամ օրինական դարձնելու համար:

Այս ուղղությամբ, իհարկե, օգտակար կլինեն ոչ միայն Ձեր ձեւավորած կառավարությանն ուղղված հեռուստատեսային ողջունելի, բայց խիստ ընտրովի եւ ուշացած կշտամբանքները, այլեւ խորհրդարանական վերջին ընտրություններում Ձեր անունից արված ու Ձեր ղեկավարած կուսակցության եւ/կամ իշխող մյուս կուսակցությունների կատարած` վարչական ռեսուրսի ու սպառնալիքի, համատարած ընտրակաշառքի, ընտրացուցակների ու բազմակի քվեարկությանը վերաբերող, ինչպես նաեւ բացարձակապես հակասահմանադրական մնացյալ զանցանքների մասին Ձեր համալիր, անկեղծ ու ինքնաքննադատական գնահատականը:

«Պատրաստվել խաղաղության՝ ամենեւին չի նշանակում պատրաստ չլինել պատերազմի և ինքնապաշտպանության». Սերժ Սարգսյան

«Պատրաստվել խաղաղության՝ ամենեւին չի նշանակում պատրաստ չլինել պատերազմի և ինքնապաշտպանության». Սերժ Սարգսյան

22-09-2012

Անկախության տոնի առթիվ նախագահ Սերժ Սարգսյանը հանդես է եկել շնորհավորական ուղերձովը, որն ամբողջությամբ ներկայացնում ենք ստորեւ:

«Վեհափա՛ռ Տեր,

Լեռնային Ղարաբաղի Հանրապետության մեծարգո՛ նախագահ,

Լեռնային Ղարաբաղի Հանրապետության մեծարգո՛ պաշտոնաթող նախագահ,

Սիրելի՛ հայրենակիցներ,

Հարգարժա՛ն հյուրեր,

Շնորհավորում եմ Անկախության տոնի կապակցությամբ: