Թալիբների «թավշյա սեզոնը» Հայաստանում

Թալիբների «թավշյա սեզոնը» Հայաստանում

20-09-2012

Հայաստան թալիբ ահաբեկիչների խմբի ներթափանցման մասին տեղեկությունը, որ սեպտեմբերի 19-ին հրապարակել է Հայկական Ժամանակ օրաթերթը, եւ որն ըստ էության չի հերքել ԱԱԾ մամուլի ծառայությունը, բավական հետաքրքրական իրավիճակ է ստեղծում:

Թալիբների խումբը կարծես թե որոշել է Հայաստանում վայելել հանգստյան “թավշյա սեզոնը”:

Այդ ընթացքում, Հայաստանում անցկացվում է ՀԱՊԿ արագ արձագանքման ուժերի զորավարժությունը, որն աննախադեպ է իր մասշտաբով: Եվ ահա, երբ Հայաստանի անվտանգության առանցքային երաշխավորներից մեկը՝ ՀԱՊԿ-ը զորավարժություն է անում Հայաստանի տարածքում, այդ տարածք են ներթափանցում թալիբներ, հայտնի չէ, թե ինչ նպատակով:

Փոխարենը կարծես թե նոր լույս է սփռվում օրերս Լիբիայում ԱՄՆ դեսպանատան նկատմամբ կատարված հարձակումից հետո ԱՄՆ պետքարտուղարության տարածած կոչում Հայաստանի ներառման վրա: Ինչպես հայտնի է, մի քանի երկրների ամերիկացի քաղաքացիներին կոչ էր արվել զգոն լինել եւ լրացուցիչ միջոցներ ձեռնարկել իրենց անվտանգությունն ապահովելու համար:

Այդ երկրների թվում էր ներառվել նաեւ Հայաստանը:

Բացասական վերաբերմունք` կառավարությանը, լուսավոր ապագա` նախագահին. Ընտրություններին ընդառաջ

Բացասական վերաբերմունք` կառավարությանը, լուսավոր ապագա` նախագահին. Ընտրություններին ընդառաջ

17-09-2012

Երեկ նախագահ Սերժ Սարգսյանի անսպասելի խիստ քննադատությունն` ուղղված կառավարության վերջին տարիների կատարած աշխատանքներին, դարձել է ամենաթեժ քննարկվող թեմաներից մեկը:

Եթե շատերը դրական են գնահատում Սերժ Սարգսյանի` վարչապետ Տիգրան Սարգսյանին անխնա քննադատելը, վերլուծաբանների գնահատմամբ, նախագահն ուղղակի ընտրությունների նախաշեմին փորձում է ընտրողների վստահությունը շահելու քայլեր կատարել:

Ըստ քաղաքագետ Երվանդ Բոզոյանի, քանի որ հասարակությունը գործող կառավարությունից տարիներ շարունակ դժգոհ է, նախագահ Սերժ Սարգսյանն քննադատությամբ «որոշ փոխզիջումների է գնում»:

«Սարգսյանը հասարակության հետ քննադատում է նույն կառավարությանը, ցույց տալու, որ իրեն էլ է մտահոգում դա, սակայն այդպես նա փորձում է շահել հասարակության ուշադրությունը: Այն ինչ կատարվում է կառավարությունում` կոռուպցիան, տնտեսական անհասկանալի քաղաքականությունը, նախագահն ասում է, որ ինքն էլ գոհ չէ:

Ցույց է տալիս, որ 4 տարի է, ինչ սպասում է տեղաշարժերի, բայց դրանք չկան եւ հասարակությանն իր քննադատությունը ցույց տալով փորձում է եկող նախագահական ընտրությունների իր ակցիաները շահել»,- «Մեդիալաբին» ասում է Բոզոյանը:

Հիշեցնենք, որ երեկ ՀՀ կառավարությունում խորհրդակցություն հրավիրելով, որին մասնակցել են հանրապետական գործադիր մարմինների ղեկավարները՝ վարչապետի գլխավորությամբ, ՀՀ նախագահը իր դժգոհությունն է հայտնել կառավարության գործունեության հանդեպ:

«Համոզված եմ, որ այս անգամ ավելի շատ քվեներ կհավաքեմ». Սաֆարյանը բարձր է գնահատում իր հնարավորությունները

«Համոզված եմ, որ այս անգամ ավելի շատ քվեներ կհավաքեմ». Սաֆարյանը բարձր է գնահատում իր հնարավորությունները

15-09-2012

Օրեր շարունակ ընթացող քննարկումներից հետո այսօր վերջապես «Ժառանգություն» խմբակցությունը հայտարարեց, որ խորհրդարանական լրացուցիչ ընտրություններին Երեւանի թիվ 1 ընտրատարածքում իր թեկնածությունը կառաջադրի «Ժառանգության» անդամ Ստեփան Սաֆարյանը:

Ազգային Ժողովի նախկին, ամենակտիվ պատգամավորներից մեկը հնարավոր է նորից վերադառնա խորհրդարան: Այնուհանդերձ Սաֆարյանն այս անգամ շատ բարձր է գնահատում իր հնարավորությունները:

«Նախորդ անգամ ես չանցա ընտրություններին, թեեւ կարծում եմ, որ հավաքեցի պատկառելի թվով ձայներ` 10 հազար ձայն, բայց մյուս կողմից, ընտրություններից հետո ես տեսա իմ բացերը, որոնք կարող էի անել, բայց չէի արել» ,-ասում է Սաֆարյանը «Մեդիալաբին»:

Ռոբերտ Քոչարյանն «ունի ընդամենը մեկ շուն` Սիմբա անունով, որը երբեք դատարկ տեղը չի հաչում»

Ռոբերտ Քոչարյանն «ունի ընդամենը մեկ շուն` Սիմբա անունով, որը երբեք դատարկ տեղը չի հաչում»

13-09-2012

ՀՀ նախկին նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանն այսօր ասել է, որ ԱԺ պատգամավոր Ռուբեն Հայրապետյանին «այսօր չեն բշտում թերեւս միայն կուսակիցներն ու ալարկոտները»:

Վիկտոր Սողոմոնյանն այդ մասին ասել է, մեկնաբանելով Ռուբեն Հայրապետյանի` «Նուվել դ’Արմենի» ամսագրին տված հարցազրույցը:

«Առաջին անգամ եմ մեկ հարցազրույցում հանդիպում անհեթեթությունների այսպիսի բազմության: Այնքան, որ արձագանքելն իսկ անհարմար է: Թվում էր, թե անցած 3-4 օրերի ընթացքում Հայրապետյանը պետք է որ հասկանար դա (կամ էլ` իրեն պետք է հասկացնեին) եւ հանդես գար համապատասխան բացատրություններով:

«Ես պատերազմ տեսած մարդ եմ, դրա համար չեմ ցանկանում նոր պատերազմ». Սերժ Սարգսյանը` ԵԱՀԿ դեսպաններին

«Ես պատերազմ տեսած մարդ եմ, դրա համար չեմ ցանկանում նոր պատերազմ». Սերժ Սարգսյանը` ԵԱՀԿ դեսպաններին

08-09-2012

Նախագահ Սերժ Սարգսյանն այսօր ընդունել է տարածաշրջանային այցով Երևանում գտնվող ԵԱՀԿ-ում հավատարմագրված դեսպաններին: Հանդիպման ժամանակ Սարգսյանն անդրադարձել է տարածաշրջանային անվտանգության խնդիրներին, ԼՂ հակամարտության կարգավորման գործընթացին, ինչպես նաեւ վերջին զարգացումներին:

Սերժ Սարգսյանի խոսքը`ԵԱՀԿ-ում հավատարմագրված դեսպանների հետ հանդիպմանն ներկայացնում ենք ստորեւ:

«Հարգարժա՛ն դեսպաններ,

Տիկնա՛յք և պարոնա՛յք,

Ուրախ եմ ձեզ ողջունելու Նախագահի նստավայրում: Բարով եք եկել Հայաստան:

ԵԱՀԿ-ն շատ կարևոր կազմակերպություն է Հայաստանի համար և ոչ միայն այն պատճառով, որ այդ կազմակերպության շրջանակներում են ստեղծվել մի քանի ինստիտուտներ՝ Մինսկի խումբը, Բարձր մակարդակի պլանավորման խումբը, ԵԱՀԿ նախագահողի անձնական ներկայացուցչի ինստիտուտը, որոնք զբաղվում են Լեռնային Ղարաբաղի հիմնախնդրով, այլ այն պատճառով, որ ԵԱՀԿ-ի սկզբունքները և անվտանգության համապարփակ ընկալումն ամբողջովին համահունչ են մեր պատկերացումներին: Շատ կարևոր է, որ մենք կառույցի շրջանակներում համաձայնվել ենք, որ որևէ երկրի անվտանգություն չի կարող ապահովվել այլ երկրի անվտանգության հաշվին: Մենք բարեխղճորեն կատարում ենք մեր բոլոր հանձնառությունները:

«Խաբված լինելը չի կարող արդարացում լինել ձախողումների համար». Օսկանյանը հիասթափվել է Նալբանդյանից

«Խաբված լինելը չի կարող արդարացում լինել ձախողումների համար». Օսկանյանը հիասթափվել է Նալբանդյանից

07-09-2012

«Երեկ խորհրդարանում գրեթե միաձայն ընդունվեց Ադրբեջանին Սաֆարովի արտահանձնումը դատապարտող հայտարարությունը: Չնայած բովանդակության առումով տարաձայնություններին, քաղաքական բոլոր ուժերը այս հարցում համերաշխություն և միասնականություն դրսևորեցին: Սա ողջունելի է: Մինչև հայտարարությունն ընդունելը ավելի քան երեսուն ելույթ եղավ: Չնայած հոգնեցուցիչ էր, բայց լսեցի բոլոր ելույթները։ Ինձ իսկապես հետաքրքրում էր այս հարցի վերաբերյալ յուրաքանչյուր անհատի մոտեցումն ու ընկալումը։ Հատկապես իշխող ուժի ներկայացուցիչները, կոչ էին անում համերաշխության և կոնսոլիդացիայի, բայց նրանցից որևէ մեկը համարձակություն չունեցավ նույնիսկ անուղղակի ակնարկել, որ այս բոլորի մեջ միգուցե մեղավորություն ունի նաև իրենց կառավարությունը: Սա արդեն ողջունելի չէ,-Ֆեյսբուկ սոցիալական էջում գրում է նախկին Արտաքին գործերի նախարար, ԲՀԿ պատգամավոր Վարդան Օսկանյանը:

Խաղաղության գինը. Հայաստանին անհրաժեշտ է նոր «Լենդ Լիզ»

Խաղաղության գինը. Հայաստանին անհրաժեշտ է նոր «Լենդ Լիզ»

05-09-2012

ՆԱՏՕ-ի գլխավոր քարտուղար Անդերս Ֆոգ Ռասմուսենը սեպտեմբերի 5-6-ը այցելելու է Հայաստան: ՆԱՏՕ-ի հետ Հայաստանը հեռատեսորեն զարգացնում է համագործակցությունը «Գործընկերություն հանուն խաղաղության» ձեւաչափում` ընդլայնելու եւ ամրապնդելու համար իր անվտանգության բաղադրիչները:

Սակայն փաստ է, որ թեեւ ՆԱՏՕ-ի հետ Հայաստանի համագործակցությունը էապես սահմանափակում է այդ ռազմական դաշինքի անդամների ու հատկապես Թուրքիայի կողմից սպառազինությունների մատակարարումները Ադրբեջանին, սակայն ՆԱՏՕ-ի գործընկերները` Իսրայելը, Հարավաֆրիկյան Հանրապետությունը, Սերբիան, շարունակում են լայնորեն այդ երկրին վաճառել սպառազինություններ եւ զինարտադրության տեխնոլոգիաներ:

Մյուս կողմից` ՀԱՊԿ-ին Հայաստանի անդամակցությունը որեւէ խոչընդոտ չի հարուցում այդ կազմակերպության գլխավոր դերակատար Ռուսաստանի առջեւ` նույնպես մատակարարելու Ադրբեջանին նորագույն զինատեսակներ, ծավալելու ռազմատեխնիկական համագործակցություն Հայաստանի հետ սառեցված, սակայն չավարտված պատերազմական վիճակում գտնվող այդ երկրի հետ: Նույնը կարելի է ասել նաեւ ԱՊՀ անդամ եւ ՆԱՏՕ-ի հետ համագործակցությունը խորացնող Ուկրաինայի մասին:

Հանքահումքային պաշարամիջոցների անհամաչափ բաշխումը հանգեցրել է Հայաստանի եւ Ադրբեջանի միջեւ նյութական միջոցների անհամաչափության, իսկ Արցախի հնարավորություններն էլ ավելի են նվազել:

Արդյունքում ռազմական հավասարակշռությունը արդեն խախտվում է հօգուտ Ադրբեջանի, եւ այդ խզումը շարունակում է սրընթաց ավելանալ: Ճիշտ է, առայժմ այն ի զորու չէ պատերազմի վերսկսման դեպքում հաղթանակ բերել Ադրբեջանին, սակայն գոյություն ունեցող սպառազինման դինամիկայի պահպանման պարագայում այդ պահը սարերի ետեւում չի լինի:

«Հունգարացիների ամենաարժանի պատասխանը կարող է լինել Լեռնային Ղարա­բա­ղի Հանրապետության ճանաչումը». Ռոբերտ Քոչարյան

«Հունգարացիների ամենաարժանի պատասխանը կարող է լինել Լեռնային Ղարա­բա­ղի Հանրապետության ճանաչումը». Ռոբերտ Քոչարյան

05-09-2012

Ադրբեջանցի ոճրագործ Ռամիլ Սաֆարովի արտահանձման վերաբերյալ հայտարարություն է տարածել ՀՀ երկրորդ նախագահ Ռոբերտ Քոչարյանի գրասենյակից: Այդ մասին տեղեկացնում է 168.am-ը:

«Ադրբեջանի իշխանությունների գործողությունները զարմանք չեն առաջաց­նում: Սա այդ երկրում վաղուց փայփայվող հայատյացության չկշռադատված դրսևորում է: Հիշենք Սումգայիթը, հայերի ջարդերը Բաքվում և «շահիդների պուրակը», որը հավեր­ժ­աց­նում է ջարդարարների հիշատակը: Սրանում համոզվա­ծու­­թյունն է ժամանակին ձևավորել ղարաբաղյան հակամարտության կարգավորման գործընթացում հայկական կողմի անփոփոխ դիրքորոշումը` որևէ ձևով Ադրբեջանի կազմում ԼՂՀ գոյության անհնարինությունը:

Խորը մտահոգություն. Պաշտոնական Մոսկվայի ուշացած ու լակոնիկ արձագանքը

Խորը մտահոգություն. Պաշտոնական Մոսկվայի ուշացած ու լակոնիկ արձագանքը

04-09-2012

Ի տարբերություն ԱՄՆ-ի, որը ժամեր անց պաշտոնապես պարզաբանումներ պահանջեց Հունգարիայից` դատապարտելով նախագահ Ալիեվի կողմից ոճրագործ Ռամիլ Սաֆարովին ազատություն շնորհելը, Հայաստանի ամենամոտ դաշնակից համարվող Ռուսաստանը եռօրյա դադարից հետո հանդես է եկել կարճ հաղորդագրությամբ` մտահոգություն հայտնելով տեղի ունեցածի կապակցությամբ:

Բաքուն ու Բուդապեշտը արեցին սխալ, որը նրանց թույլ տվեցին Բրյուսելն ու Վաշինգտոնը

Բաքուն ու Բուդապեշտը արեցին սխալ, որը նրանց թույլ տվեցին Բրյուսելն ու Վաշինգտոնը

04-09-2012

Ակնհայտ է, որ մոլագար մարդասպան Ռամիլ Սաֆարովի արտահանձնման մասին նախապես տեղյակ են եղել թե' Բրյուսելում, թե' Վաշինգտոնում եւ թե' Երեւանում: Եվ այդ քայլը լռելյայն թույլ տրվեց, քանի որ այս երեք մայրաքաղաքներ էլ ունեին իրենց շահը` թուլացնել ե'ւ Հունգարիայի գործող իշխանությանը, ե'ւ Իլհամ Ալիեւին:

Հունգարիայի ներկայիս վարչապետ Վիկտոր Օրբանը եվրոպական ընտանիքի «աչքի գրողն» էր դեռեւս 1998-2002 թվականներից: Նրա ազգայնական եւ այլատյաց հռետորաբանությունն ու քաղաքականությունը Բրյուսելում միշտ էլ համարել են եվրոպական եւ համամարդկային հումանիստական արժեքների հետ անհամատեղելի ու վտանգավոր: Օրբանը նաեւ մեղադրվում էր ավտորիտար վարչապետական կառավարման մոդելի կիրառման համար, որի արդյունքում խորհրդարանի լիազորությունները նվազեցվել էին: 2002թ.-ին, երբ ոչ առանց Բրյուսելի աջակցության ձախերն ու լիբերալները հաղթեցին Օրբանի գլխավորած «Ֆիդեշ» աջ կենտրոնամետ կուսակցությանը (որն, ի դեպ, ԵԺԿ անդամ է)` Օրբանը բողոքեց, թե ընտրությունների արդյունքները կեղծվել են: Սակայն եվրոպական դիտորդների հայտնաբերած միակ խախտումը պետական հեռուստաընկերության լուսաբանումներում «Ֆիդեշին» ակնհայտ առավելություն տալն էր:

«Թերացել են, վրիպել են Հայաստանի ԱԳՆ-ն և անվտանգության ծառայությունները». Վարդան Օսկանյան

«Թերացել են, վրիպել են Հայաստանի ԱԳՆ-ն և անվտանգության ծառայությունները». Վարդան Օսկանյան

04-09-2012

«Այն, ինչ Հունգարիան արեց Ռամիլ Սաֆարովի հարցում, բարոյական և իրավական առումներով նողկալի է»,-Ֆեյսբուկ սոցիալական ցանցի իր էջի գրառման մեջ գրում է նախկին Արտաքին գործերի նախարար, ներկայումս ԲՀԿ պատգամավոր Վարդան Օսկանյանը` խոսելով նաեւ ՀՀ ԱԳՆ-ի գործառույթների եւ ԱԱԾ մասին:

Գրառումն ամբողջությամբ` ստորեւ:

«Բարոյական առումով նրանք պարզապես պարտավորված էին խորհրդակցել հայկական կողմի հետ, դեռ չեմ խոսում հայ-հունգարական դարավոր բարեկամության, հայ համայնքի առկայության, ինչպես նաև Հունգարիայի պատմության և ազատագրական պայքարում հայերի ներդրման մասին:

«Արդյո՞ք, այսքանից հետո մոլորակի վրա կգտնվի մեկ մարդ, ով կառաջարկի Արցախի ժողովրդին մտնել Ադրբեջանի կազմի մեջ».Սերժ Սարգսյան

«Արդյո՞ք, այսքանից հետո մոլորակի վրա կգտնվի մեկ մարդ, ով կառաջարկի Արցախի ժողովրդին մտնել Ադրբեջանի կազմի մեջ».Սերժ Սարգսյան

03-09-2012

ՀՀ նախագահ Սերժ Սարգսյանն այսօր շնորհավորելով արցախցիներին ԼՂՀ անկախության տոնի առթիվ, խոսել է երկրի զարգացման,անկախության, ինչպես նաեւ վերջին դեպքերի մասին: Ուղերձն ամբողջությամբ` ստորեւ:

Հունգարիայի կառավարությունը կիսում է ծանր հանցագործության հովանավորման բարոյական պատասխանատվությունը. ԱԳՆ

Հունգարիայի կառավարությունը կիսում է ծանր հանցագործության հովանավորման բարոյական պատասխանատվությունը. ԱԳՆ

02-09-2012

ՀՀ Արտաքին գործերի նախարարության հայտարարությունը` ստորեւ:

«Հունգարիայի հանրային կառավարման և արդարադատության նախարարությունը 2012թ. օգոստոսի 31-ին հայտարարել է հայազգի Գուրգեն Մարգարյանի սպանության համար 2004թ. փետրվարի 19-ին ձերբակալված և ցմահ ազատազրկման դատապարտված ազգությամբ ադրբեջանցի Ռամիլ Սաֆարովի` Ադրբեջան փոխանցումն արտոնելու մասին: Ընդունելով նման որոշում` նախարարությունը հղում է կատարել 1983թ. Դատապարտվածների փոխանցման Ստրասբուրգի կոնվենցիային:

Պաշտոնական Վաշինգտոնը բացատրություն է պահանջում Հունգարիայից. Օբաման խորապես մտահոգված է

Պաշտոնական Վաշինգտոնը բացատրություն է պահանջում Հունգարիայից. Օբաման խորապես մտահոգված է

01-09-2012

ԱՄՆ նախագահ Բարակ Օբաման խորապես մտահոգված է այսօր Իլհամ Ալիեվի կողմից Ռամիլ Սաֆարովին ներում շնորհելու փաստից:

Այս մասին տեղեկացնում է ԱՄՆ Սպիտակ Տան պաշտոնական հաղորդագրությունը:

«Ձեզ հիշելու են որպես մարդասպանին «արդարացնող» մարդու». Հրայր Թովմասյանը` Հունգարիայի Արդարադատության նախարարին

«Ձեզ հիշելու են որպես մարդասպանին «արդարացնող» մարդու». Հրայր Թովմասյանը` Հունգարիայի Արդարադատության նախարարին

01-09-2012

Հայաստանի արդարադատության նախարար Հրայր Թովմասյանը նամակ է գրել Հունգարիայի հանրային կառավարման եւ արդարադատության նախարար Թիբոր Նավրաչիչին, որտեղ խորը վրդովմունք է արտահայտել Ռամիլ Սաֆարովին Ադրբեջան տեղափոխելու փաստի կապակցությամբ։ Նամակը ներկայացնում ենք ստորեւ.

«Պարոն Նավարչիչ, խորը վրդովմունքով եւ հիասթափությամբ ընդունեցի Հունգարիայի հանրային կառավարման եւ արդարադատության նախարարության կողմից, մարդկության պատմության բոլոր ժամանակներում դատապարտելի արարք՝ մարդասպանություն գործած անձին՝ Ռամիլ Սաֆարովին Ադրբեջան փոխանցելու փաստը:

Հայաստանը դադարեցնում է դիվանագիտական հարաբերությունները Հունգարիայի հետ. Սերժ Սարգսյան

Հայաստանը դադարեցնում է դիվանագիտական հարաբերությունները Հունգարիայի հետ. Սերժ Սարգսյան

01-09-2012

Նախագահ Սերժ Սարգսյանն այսօր արտակարգ խորհրդակցություն է հրավիրել Հայաստանում հավատարմագրված ՄԱԿ-ի անդամ պետությունների դիվանագիտական ներկայացուցչությունների ղեկավարների և Հայաստանում գործող միջազգային կառույցների ղեկավարների մասնակցությամբ, որտեղ ներկայացրել է Հունգարիայի մայրաքաղաք Բուդապեշտում ՀՀ ԶՈՒ սպա Գուրգեն Մարգարյանին 2004թ. ազգային ատելության հողի վրա դաժանաբար սպանած Ադրբեջանի ԶՈՒ սպա Ռամիլ Սաֆարովին պատիժը կրելու համար Հունգարիայի իշխանությունների կողմից գաղտնի Ադրբեջան տեղափոխելու փաստի կապակցությամբ Հայաստանի Հանրապետության տեսակետն ու ՀՀ Ազգային անվտանգության խորհրդի նիստում ընդունված որոշումը:

«Ադրբեջանում խրախուսվում է հայատյացության եւ ֆաշիզմի քաղաքականություն». Էդուարդ Շարմազանով

«Ադրբեջանում խրախուսվում է հայատյացության եւ ֆաշիզմի քաղաքականություն». Էդուարդ Շարմազանով

01-09-2012

Մինչ Հայաստանի Արտգործնախարարությունն ու Պաշտպանության նախարարությունը մարդասպան Ռամիլ Սաֆարովի` Ադրբեջան վերադարձի Հունգարիայի որոշման շուրջ լռություն են պահպանում, խոսել է ՀՀԿ մամլո խոսնակ, ԱԺ պատգամավոր Էդուարդ Շարմազանովը:

«Հանցագործ Ռամիլ Սաֆարովին Ադրբեջանին արտահանձնելու հունգարական իշխանությունների քայլն առնվազն տարակուսանք եւ վրդովմունք է առաջացնում, քանի որ պարզ էր, թե Ադրբեջանում ինչ էր սպասվելու այդ մարդասպանին:

Իսկ ինչ վերաբերում է նրան ներում շնորհելու Ալիեւի որոշմանը, ապա այս քայլը եւս մեկ անգամ ապացուցում է, որ Ադրբեջանում պետական մակարդակով իրականացվում եւ խրախուսվում է հայատյացության եւ ֆաշիզմի քաղաքականություն: Կարծում եմ՝ այս մարդասպանին ներում շնորհելու Ադրբեջանի ապշեցուցիչ քայլը չպետք է անարձագանք մնա եւ դատապարտող գնահատականի արժանանա միջազգային հանրության կողմից»,-ասել է Շարմազանովը:

Ընտրությունները վերահսկելու, թե՞ «հակառակ էֆեկտ». «Ժառանգության» նախաձեռնությունը` քննարկումների ալիքներում

Ընտրությունները վերահսկելու, թե՞ «հակառակ էֆեկտ». «Ժառանգության» նախաձեռնությունը` քննարկումների ալիքներում

31-08-2012

Նախագահական ընտրություններից հաշված ամիսներ առաջ «Ժառանգություն» կուսակցության նախաձեռնությունը, ըստ որի առաջարկվում է ընտրելու հնարավորություն ընձեռել արտասահմանում բնակվող 18 տարին լրացած ՀՀ քաղաքացիներին, տարատեսակ գնահատականների է արժանացել քաղաքական ուժերի կողմից:

«Ժառանգության» խորհրդարանական խմբակցության պատգամավոր Զարուհի Փոստանջյանը «Ազատություն» ռադիոկայանի հետ զրույցում այսօր նշել է, որ իրենց նախաձեռնության նպատակը դատական կարգով այդ մարդկանց սահմանադրական իրավունքը վերականգնելն է:

«Այդ մասին ես երեկ իմ ֆեյսբուքի էջում հայտարարություն տեղադրեցի: Եվ բավականին մեծ էին արձագանքները: Ողջունվում էր այդ նախաձեռնությունը, եւ մարդիկ պատրաստակամություն էին հայտնում աշխարհի տարբեր երկրներից, որ պատրաստ են դիմել դատական պաշտպանության եւ վերականգնել իրենց այդ իրավունքը»,-նշել է Զարուհի Փոստանջյանը:

Դեռեւս 2007-ի խորհրդարանական ընտրություններից առաջ Ընտրական օրենսգրքում կատարված փոփոխություններով արտասահմանում գտնվող ՀՀ քաղաքացիները զրկվեցին քվեարկելու իրավունքից:

«Հույսը, Հավատը, Սերը կողոպտելուց, մսխելուց և անձնական դանայան տակառներում խցկելուց, ՉԵ՞Ք ՀՈԳՆԵԼ». Արթուր Սաքունց

«Հույսը, Հավատը, Սերը կողոպտելուց, մսխելուց և անձնական դանայան տակառներում խցկելուց, ՉԵ՞Ք ՀՈԳՆԵԼ». Արթուր Սաքունց

27-08-2012

Նախագահական ընտրություններից հաշված ամիսներ առաջ մի քանի հարցադրումների շուրջ գրառում է կատարել Հելսինկյան Քաղաքացիական Անսամբելայի Վանաձորի գրասենյակի ղեկավար Արթուր Սաքունց, որը ամբողջությամբ ներկայացնում ենք ստորեւ:

ԱՄՆ-ի`զենքի վաճառքը դադարեցնելու որոշումը չի կանգնեցնի Ադրբեջանին.առյուծի բաժինը`հետխորհրդային երկրներից

ԱՄՆ-ի`զենքի վաճառքը դադարեցնելու որոշումը չի կանգնեցնի Ադրբեջանին.առյուծի բաժինը`հետխորհրդային երկրներից

24-08-2012

Փորձագետների կարծիքով, ԱՄՆ-ի`Ադրբեջանին այլեւս զինամթերք չվաճառելու մասին որոշումը, որի պատճառը Հայաստանի դեմ այն օգտագործելու հավանականությունն է, չի ազդի երկրի սպառազինության աճող ծավալների վրա:

ԱՄՆ-ի Պետքարտուղարությունը մտադիր էր Ադրբեջանին ներառել այն պետությունների ցանկի մեջ, որոնք իրավունք ունեն երկրից զինամթերք գնել, մասնավորապես սահմանների պաշտպանության եւ ոստիկանության պատրաստվածության զարգացման նպատակով, սակայն հունիսի 27-ին այն փոխեց իր որոշումը, երբ կոնգրեսական Հովարդ Բերմանը գրավոր դիմում ներկայացրեց Պետքարտուղար Հիլարի Քլինթոնին, որտեղ, մասնավորապես նշվում էր. «Այս սպառազինությունը կարող է օգտագործվել սահմանամերձ գոտում հայերին հայտնաբերելու, նրանց հետեւելու կամ նրանց վրա հարձակվելու նպատակով»: