«Ադրբեջանում խրախուսվում է հայատյացության եւ ֆաշիզմի քաղաքականություն». Էդուարդ Շարմազանով

«Ադրբեջանում խրախուսվում է հայատյացության եւ ֆաշիզմի քաղաքականություն». Էդուարդ Շարմազանով

01-09-2012

Մինչ Հայաստանի Արտգործնախարարությունն ու Պաշտպանության նախարարությունը մարդասպան Ռամիլ Սաֆարովի` Ադրբեջան վերադարձի Հունգարիայի որոշման շուրջ լռություն են պահպանում, խոսել է ՀՀԿ մամլո խոսնակ, ԱԺ պատգամավոր Էդուարդ Շարմազանովը:

«Հանցագործ Ռամիլ Սաֆարովին Ադրբեջանին արտահանձնելու հունգարական իշխանությունների քայլն առնվազն տարակուսանք եւ վրդովմունք է առաջացնում, քանի որ պարզ էր, թե Ադրբեջանում ինչ էր սպասվելու այդ մարդասպանին:

Իսկ ինչ վերաբերում է նրան ներում շնորհելու Ալիեւի որոշմանը, ապա այս քայլը եւս մեկ անգամ ապացուցում է, որ Ադրբեջանում պետական մակարդակով իրականացվում եւ խրախուսվում է հայատյացության եւ ֆաշիզմի քաղաքականություն: Կարծում եմ՝ այս մարդասպանին ներում շնորհելու Ադրբեջանի ապշեցուցիչ քայլը չպետք է անարձագանք մնա եւ դատապարտող գնահատականի արժանանա միջազգային հանրության կողմից»,-ասել է Շարմազանովը:

Ընտրությունները վերահսկելու, թե՞ «հակառակ էֆեկտ». «Ժառանգության» նախաձեռնությունը` քննարկումների ալիքներում

Ընտրությունները վերահսկելու, թե՞ «հակառակ էֆեկտ». «Ժառանգության» նախաձեռնությունը` քննարկումների ալիքներում

31-08-2012

Նախագահական ընտրություններից հաշված ամիսներ առաջ «Ժառանգություն» կուսակցության նախաձեռնությունը, ըստ որի առաջարկվում է ընտրելու հնարավորություն ընձեռել արտասահմանում բնակվող 18 տարին լրացած ՀՀ քաղաքացիներին, տարատեսակ գնահատականների է արժանացել քաղաքական ուժերի կողմից:

«Ժառանգության» խորհրդարանական խմբակցության պատգամավոր Զարուհի Փոստանջյանը «Ազատություն» ռադիոկայանի հետ զրույցում այսօր նշել է, որ իրենց նախաձեռնության նպատակը դատական կարգով այդ մարդկանց սահմանադրական իրավունքը վերականգնելն է:

«Այդ մասին ես երեկ իմ ֆեյսբուքի էջում հայտարարություն տեղադրեցի: Եվ բավականին մեծ էին արձագանքները: Ողջունվում էր այդ նախաձեռնությունը, եւ մարդիկ պատրաստակամություն էին հայտնում աշխարհի տարբեր երկրներից, որ պատրաստ են դիմել դատական պաշտպանության եւ վերականգնել իրենց այդ իրավունքը»,-նշել է Զարուհի Փոստանջյանը:

Դեռեւս 2007-ի խորհրդարանական ընտրություններից առաջ Ընտրական օրենսգրքում կատարված փոփոխություններով արտասահմանում գտնվող ՀՀ քաղաքացիները զրկվեցին քվեարկելու իրավունքից:

«Հույսը, Հավատը, Սերը կողոպտելուց, մսխելուց և անձնական դանայան տակառներում խցկելուց, ՉԵ՞Ք ՀՈԳՆԵԼ». Արթուր Սաքունց

«Հույսը, Հավատը, Սերը կողոպտելուց, մսխելուց և անձնական դանայան տակառներում խցկելուց, ՉԵ՞Ք ՀՈԳՆԵԼ». Արթուր Սաքունց

27-08-2012

Նախագահական ընտրություններից հաշված ամիսներ առաջ մի քանի հարցադրումների շուրջ գրառում է կատարել Հելսինկյան Քաղաքացիական Անսամբելայի Վանաձորի գրասենյակի ղեկավար Արթուր Սաքունց, որը ամբողջությամբ ներկայացնում ենք ստորեւ:

ԱՄՆ-ի`զենքի վաճառքը դադարեցնելու որոշումը չի կանգնեցնի Ադրբեջանին.առյուծի բաժինը`հետխորհրդային երկրներից

ԱՄՆ-ի`զենքի վաճառքը դադարեցնելու որոշումը չի կանգնեցնի Ադրբեջանին.առյուծի բաժինը`հետխորհրդային երկրներից

24-08-2012

Փորձագետների կարծիքով, ԱՄՆ-ի`Ադրբեջանին այլեւս զինամթերք չվաճառելու մասին որոշումը, որի պատճառը Հայաստանի դեմ այն օգտագործելու հավանականությունն է, չի ազդի երկրի սպառազինության աճող ծավալների վրա:

ԱՄՆ-ի Պետքարտուղարությունը մտադիր էր Ադրբեջանին ներառել այն պետությունների ցանկի մեջ, որոնք իրավունք ունեն երկրից զինամթերք գնել, մասնավորապես սահմանների պաշտպանության եւ ոստիկանության պատրաստվածության զարգացման նպատակով, սակայն հունիսի 27-ին այն փոխեց իր որոշումը, երբ կոնգրեսական Հովարդ Բերմանը գրավոր դիմում ներկայացրեց Պետքարտուղար Հիլարի Քլինթոնին, որտեղ, մասնավորապես նշվում էր. «Այս սպառազինությունը կարող է օգտագործվել սահմանամերձ գոտում հայերին հայտնաբերելու, նրանց հետեւելու կամ նրանց վրա հարձակվելու նպատակով»:

Ոչ ինձ, ոչ քեզ. Վարդան Ղուկասյանը Գյումրու քաղաքապետի թեկնածուների մասին չի ուզում լսել

Ոչ ինձ, ոչ քեզ. Վարդան Ղուկասյանը Գյումրու քաղաքապետի թեկնածուների մասին չի ուզում լսել

18-08-2012

Թեեւ Վարդան Ղուկասյանը ի հակառակ շատերի սպասումների, այդպես էլ իր թեկնածությունը չառաջադրեց Գյումրու քաղաքապետի ընտրություններում մասնակցելու համար, այնուամենայնիվ խոսակցությունները նրա անձի շուրջ կարծես թե դադարելու միտում չունեն:

Եթե սեպտեմբերին կայանալիք ՏԻՄ ընտրոսւթյունների առաջադրումների մինչեւ վերջին րոպեն բոլորը սպասում էին Գյումրին տարիներ շարունակ իր ազդեցության ներքո պահած Վարդան Ղուկասյանի քայլերին` նշելով, որ նա սպասում է, քանի որ «ակնկալիքներ» ունի, ապա իր թեկնածությունը չառաջադրելուց հետո սկսեցին խոսակցություններն այն մասին, որ նա պատրաստվում է հանդես գալ այս կամ այն թեկնածուի օգտին:

Վարդան Ղուկասյանը մինչեւ վերջին րոպեն ակնկալիքներ ունե՞ր.Գյումրիում ավարտվել են ՏԻՄ առաջադրումները

Վարդան Ղուկասյանը մինչեւ վերջին րոպեն ակնկալիքներ ունե՞ր.Գյումրիում ավարտվել են ՏԻՄ առաջադրումները

11-08-2012

Քիչ առաջ Գյումրիում ավարտվել են ՏԻՄ թեկնածուների առաջադրումները: Ըստ առաջադրումների, Գյումրու քաղաքապետի աթոռի համար կպայքարի 5, իսկ ավագանու անդամության 21 տեղերի համար` 72 հոգի:

Թեեւ մինչեւ վերջին րոպեն շատերը սպասում էին, որ քաղաքապետ Վարդան Ղուկասյանը, ով տարիներ շարունակ Գյումրու քաղաքապետն էր, կառաջադրի իր թեկնածությունը, այնուամենայնիվ նա չի առաջադրվել:

«Դատելով այն հանգամանքից, որ գործող քաղաքապետ Վարդան Ղուկասյանը մինչեւ վերջին րոպեն չառաջադրվեց ու մինչեւ վերջին րոպեն չհայտարարեց չառաջադրվելու մասին, երեւի մինչեւ վերջ ակնկալիքներ ուներ, թե որեւէ ճանապարհ կբացվի իր առաջադրման: Սակայն երեւի հասկանալի եղավ իրեն եւ իր մերձավորներին, որ Բալասանյանին ՀՀԿ-ական մի քանի աջակցական հայտարարություններից հետո իր առաջադրումը ընկալվելու եւ մեկնաբանվելու է որպես Սերժ Սարգսյանի եւ ՀՀԿ դեմ առաջադրում` խռովություն, դրանից բխած բոլոր հետեւանքներով»,-այս կապակցությամբ գրում http://www.asparez.am -ը:

Գյումրու քաղաքապետի ընտրությունները գերտերությունների հակամարտության թատերաբե՞մ

Գյումրու քաղաքապետի ընտրությունները գերտերությունների հակամարտության թատերաբե՞մ

11-08-2012

Գյումրիում սպասվող ՏԻՄ ընտրություններում առաջադրվող թեկնածուների ցանկի վերջնական պարզեցմանը մնաց ընդամենը մեկ ու կես ժամ, բայց հիմա արդեն կարող եմ հավաստիացնել, որ ինչպես ավագանու, այնպես էլ քաղաքապետի թեկնածուների կտրվածքով բոլորս և հատկապես լրագրողները դեռևս մեկ ամիս ու կես կշարունակեն հաճույք ստանալ:

Անկեղծ ասած մենք մտածում էինք, թե հիմնականում ավագանու թեկնածուների ցանկն է լինելու բոլորիս զվարճանքի թեման, բայց պարզվում է քաղաքապետի թեկնածուների ցուցակն էլ պակաս զվարճալին չի լինելու:

Մոմավառության մասնակիցների ուղղությամբ Ավանի բարձրահարկերից ձվեր են շպրտել (ՏԵՍԱՆՅՈՒԹ)

Մոմավառության մասնակիցների ուղղությամբ Ավանի բարձրահարկերից ձվեր են շպրտել (ՏԵՍԱՆՅՈՒԹ)

08-08-2012

Այսօր` զինվորական բժիշկ Վահե Ավետյանի մահվան 40 օրվա կապակցությամբ «Հարսնաքար»  ռեստորանային համալիրի մոտ նախատեսված մոմավառություն ակցիան այդպես էլ չի կայացել, քանի որ մասնակիցներին կրկին թույլ չեն տվել մոտենալ դեպքի վայրին: Հիշեցնենք, որ «Հարսնաքարում» հունիսին` Վահե Ավետյանը վայրագ ծեծի ենթարկվելով տեղի ավտոկայանատեղիում անվտանգության աշխատակիցների կողմից, այդպես էլ գիտակցության չգալով մահացավ հունիսի 29-ին` հոսպիտալում:

Ձախողված մոմավառությունից հետո, ակցիայի մասնակիցները երթով շարժվել են  ռեստորանի սեփականատեր ՀԿԿ պատգամավոր, ՀՖՖ նախագահ Ռուբեն Հայրապետյանի տան ուղղությամբ, ուր նրանց կրկին անակնկալ է սպասել:

Ավանի բարձրահարկ շենքերի բնակիչները, ովքեր նախկին երթի ժամանակ պատուհաններից հետեւում էին բողոքի ակցիայի մասնակիցներին, այս անգամ հանդես են եկել «նախաձեռնությամբ»  եւ ձվեր են շպրտել ակցիայի մասնակիցների ուղղությամբ:

«Հայաստանի փոքրիկ Սիցիլիան». ակտիվիստները մտնում են պայքարի մեջ, վերլուծաբանները զգուշացնում` մաֆիոզ Գյումրում մաքուր ձեռքերով դժվար է

«Հայաստանի փոքրիկ Սիցիլիան». ակտիվիստները մտնում են պայքարի մեջ, վերլուծաբանները զգուշացնում` մաֆիոզ Գյումրում մաքուր ձեռքերով դժվար է

08-08-2012

«Քաղաքը մերն է» քաղաքացիական նախաձեռնությունը սեպտեմբերի 9-ին սպասվող Գյումրու քաղաքապետի և ավագանու ընտրություններին պայքարի դաշտ է մտնում ավագանու անդամի տասը թեկնածուներով, ինչպես իրենք են նշում` «արմատական բարեփոխումների և որակյալ տեղական իշխանություն» ձևավորելու նպատակով:

Իրենց քայլը նախաձեռնության անդամները թեև «ծայրահեղ» են որակում, սակայն նշում են պայքարելու պատրաստակամության մասին:

«Մանդատը վայր մի' դրեք». մի խումբ մտավորականներ «խնդրանքը» Ռուբեն Հայրապետյանին կրկին ալեկոծել է մարդկանց

«Մանդատը վայր մի' դրեք». մի խումբ մտավորականներ «խնդրանքը» Ռուբեն Հայրապետյանին կրկին ալեկոծել է մարդկանց

08-08-2012

Մինչ այսօր շատերը պատրաստվում են ի հիշատակ զինվորական բժիշկ Վահե Ավետյանի կրկին «Հարսնաքարում» մասնակցել նրա մահվան քառասուն օրվա կապակցությամբ նախատեսվածված մոմավառություն-բողոքին, մի շարք անհայտ մտավորականները դիմել են պատգամավոր Ռուբեն Հայրապետյանին` «Մանդատը վայր մի դրեք» նամակով:

«Մոմավառությունը չպետք է վերածվի վառելու, պայթեցնելու... ». փոխոստիկանապետը նախազգուշացնո՞ւմ է

«Մոմավառությունը չպետք է վերածվի վառելու, պայթեցնելու... ». փոխոստիկանապետը նախազգուշացնո՞ւմ է

01-08-2012

Մինչ հայտարարվում է օգոստոսի յոթին` «Հարսնաքար» ռեստորանային համալիրում կրկին անգամ մոմավառության մասին, ի հիշատակ նույն վայրում դաժան ծեծի հետեւանքով հիվանդանոցում մահացած Վահե Ավետյանի քառանսունքի, կրկին անգամ այս թեմային է անդրադառնում ՀՀ փոխոստիկանապետ Ռոբերտ Մելքոնյանը` կիսելով իր մտքերը Ֆեյսբուկ սոցիալական ցանցի իր պատին:

«Հենց ընդդիմությունը թուլանում է, իշխանությունը ուժեղ հարված է հասցնում». նյարդային քայլե՞ր

«Հենց ընդդիմությունը թուլանում է, իշխանությունը ուժեղ հարված է հասցնում». նյարդային քայլե՞ր

28-07-2012

ՀԱԿ-ի 4 ակտիվիստներին 2-6 տարի ժամկետով ազատազրկելու վճիռը քաղաքական վերլուծաբանները վերագրում են իշխանությունների կողմից լարվածության:

Քաղաքական վերլուծաբան Երվանդ Բոզոյանը նման խիստ պատիժը բացատրում է, որակելով իշխանությունների պահվածքը, որպես «նյարդային քայլ»:

«Իշխանությունները պարզապես խիստ նյարդայնացած են ՀԱԿ-ից և փորձում են ջարդել, փշրել նրան՝ հեռացնելով ու տարանջատելով նաև ՀԱԿ-ից այն հայտնի ու կարևոր մարդկանց, ովքեր այսօր դարձել են պարզապես անջատ կարծիք արտահայտողներ»,- ասում է Բոզոյանը «Մեդիալաբին»:

Ըստ նրա՝ նախագահական ընտրություններից առաջ իշխանությունները փորձում են վերահսկողության տակ պահել ողջ քաղաքական դաշտը, և ովքեր դուրս են մնում դրանից, սկսում են հարվածել, պատժել, քրեական պատասխանատվության ենթարկել:

«Սա չնախատեսված քայլ էր նաև դատական համակարգի կողմից, քանի որ դատավորը սովորաբար պաշտպանողական մոտեցում է ունենում: ՀԱԿ-ի տղաների այս դատավճռից հետո մի բան հստակ է, որ այս իշխանությունների կողմից քաղաքացիական շարժման հետ հաշվի նստելն ընդամենը պատրանք է»,- հավելում է Բոզոյանը:

Երկու կրակի արանքում. Սիրիահայերը ՀՀ իշխանությունների անտարբերության մեջ տեսնում են Ռուսաստանի միջամտությունը

Երկու կրակի արանքում. Սիրիահայերը ՀՀ իշխանությունների անտարբերության մեջ տեսնում են Ռուսաստանի միջամտությունը

26-07-2012

Սիրիահայերը համոզված են, որ Հայաստանի իշխանությունները իրենց համայնքին անտարբերության են մատնել, պետական մակարդակով օգնության ձեռք չեն մեկնում, իրենց չեն այցելում Ռուսաստանի թելադրանքով:

Սիրիայում իշխանությունների դեմ մեկ տարուց ավելի ձգվող ընդդիմության ահաբեկչական պայքարը ստիպում է այնտեղ ապրող հայերին արտագաղթել Հայաստան:

Վերջին տասնամյակում Գյումրիում իրական տեր ու տնօրենը քրեական խաժամուժն է. Ղուկասյանները շարունակո՞ւմ են սպառնալիքները

Վերջին տասնամյակում Գյումրիում իրական տեր ու տնօրենը քրեական խաժամուժն է. Ղուկասյանները շարունակո՞ւմ են սպառնալիքները

23-07-2012

Գյումրում ստեղծված «խառը» վիճակներին է անդրադարձել «Շիրակ Կենտրոն» ՀԿ-ի նախագահ Վահան Թումասյանը՝ նշելով, որ «վերջին տասնամյակում և մինչև օրս Գյումրիում իրական տեր ու տնօրենը քրեական խաժամուժն է»:

«Գյումրին նախկինում հայտնի էր որպես մշակութային քաղաք: Հասկանալի է` այստեղ են ծնվել հայ ազգի մեծ թվով արժանավոր զավակներ: Սակայն վերջին տասնամյակում և մինչև օրս Գյումրիում իրական տեր ու տնօրենը քրեական խաժամուժն է, իսկ գյումրեցիները, համենայնդեպս 99 տոկոսը, նրանց խոնարհ ծառան,-գրում է Թումասյանը:

Հիմա, որ մի փոքր շանս է ստեղծվել ապաքրեականացնելու քաղաքը, համենայնպես ինձ համար անսպասելիորեն մի խումբ ներկա ու նախկին գյումրեցիներ սկսեցին բողոքել… ու պարզ չէ, թե ինչ են ուզում: Եթե կարելի է հասկանալ, բայց չներել այլ երկրներ արտագաղթած գյումրեցիներին, որոնք կարծես պատճառ են փնտրում արդարացնելու իրենց հեռանալը, ամենևին չեմ կարողանում հասկանալ Հայաստանում բնակվող այս կարգի գյումրեցիներին»:

«Ընտրություններն ազատ էին, բայց ոչ արդար». ԼՂՀ նախագահի թեկնածու Վիտալի Բալասանյանի հայտարարությունը

«Ընտրություններն ազատ էին, բայց ոչ արդար». ԼՂՀ նախագահի թեկնածու Վիտալի Բալասանյանի հայտարարությունը

21-07-2012

Մինչ բոլորը սպասում են Արցախում երեկ տեղի ունեցած նախագահական ընտրությունների պաշտոնական արդյունքների հրապարակմանը, նախագահի թեկնածու, Արցախի հերոս Վիտալի Բալասանյանն հանդես է եկել հայտարարությամբ, որը ներկայացնում ենք ստորեւ:

«Սիրելի արցախցիներ,

Շնորհավորում եմ ձեզ Արցախի քաղաքական զարթոնքի կապակցությամբ, ինչն արտահայտվել է նախագահական քարոզարշավի և քվեարկության ժամանակ: Արցախցիներով ապացուցեցինք աշխարհին և մեզ, որ արցախյան հանրությունը պատրաստ է տեր կանգնել իր ապագային: Իմ թեկնածությանը կողմ քվեարկածների թիվը հուշում է, որ մեր բարձրացրած խնդիրները հրատապ են և կարիք ունեն լուծումների: Վստահեցնում եմ ձեզ, որ մենք պայքարելու ենք այդ խնդիրների լուծման համար և այսուհետ ձեզ հետ միասին ենք որոշելու երկրի քաղաքական օրակարգը:

«Որ Հայաստանը եւ Արցախը ժողովրդավարացման չափանիշներով համեմատության եզրեր չունենան Ադրբեջանի հետ». Ղարաբաղում նախագահ են ընտրում

«Որ Հայաստանը եւ Արցախը ժողովրդավարացման չափանիշներով համեմատության եզրեր չունենան Ադրբեջանի հետ». Ղարաբաղում նախագահ են ընտրում

19-07-2012

Լեռնային Ղարաբաղում այսօր ընտրություններ են: Առավոտյան ժամը 8-ից մեկնարկած նախագահական ընտրություններում ավելի քան 95 հազար ընտրելու իրավունք ունեցող քաղաքացիներ առաջադրված երեք թեկնածուներից՝ նախագահ են ընտրում:

Լեռնային Ղարաբաղի 5-րդ նախագահական ընտրություններում պայքարի են դուրս եկել գործող նախագահ Բակո Սահակյանը, Արցախի հերոս Վիտալի Բալասանյանը եւ ագրարային համալսարանի Արցախի մասնաճյուղի պրոռեկտոր Արկադի Սողոմոնյանը: Չնայած առաջադրված երեք թեկնածուներին, իրապես պայքարն ընթանում է երկու թեկնածուների՝ Սահակյանի եւ Բալասանյանի միջեւ:

«Արցախում այսօր նախագահական ընտրություններ են: Լավ է, որ ընտրությունները ձևական չեն, և կա բավական լուրջ ընդդիմադիր թեկնածու: Հուսանք, որ կոպիտ խախտումներ և ընտրակեղծիքներ չեն լինի: Ճիշտ է՝ ժողովրդավարությունը միայն ընտրություններով չի որոշվում, բայց ընտրությունները հասարակության և միջազգայաին հանրության համար ժողովրդավարության մակարդակի ամենատեսանելի և շոշափելի ցուցիչն են»,-անդրադառնալով ղարաբաղյան ընտրություններին արձանագրել է նախկին արտգործնախարար, ԲՀԿ պատգամավոր Վարդան Օսկանյանը:

Սուրեն Սուրենյանց. «Ռուբեն Հայրապետյանն իր կերպարով շատ ավելի բարոյական է, քան այսօր նրան անվանարկողներից շատերը»

Սուրեն Սուրենյանց. «Ռուբեն Հայրապետյանն իր կերպարով շատ ավելի բարոյական է, քան այսօր նրան անվանարկողներից շատերը»

16-07-2012

Հատված քաղտեխնոլոգ Սուրեն Սուրենյանցի հարցազրույցից:

- Ձեզ չի՞ թվում, որ Հայաստանում հիմա որոշվում է ոչ այնքան 2013 թ. նախագահական ընտրությունների, որքան 2018-ի հարցը։

- Նորմալ երկրներում այդպես էլ պետք է լիներ, օրինակ, ԱՄՆ-ում, եվրոպական երկրներում երբ քաղաքական թիմը մասնակցում է ընտրության, ոչ միայն կաբինետի կազմն է հրապարակում, այլեւ ուրվագծվում են հաջորդ ընտրությունների ծրագրերը։ Մեր քաղաքական համակարգն այնքան անկայուն է, որ իսկապես չգիտենք՝ 2-3 տարի հետո երկրում ի՞նչ է տեղի ունենալու։ Ավելին՝ մեր քաղաքական համակարգը կորցրել է իմունիտետը։ Մենք այլ Հայաստանում էինք ապրում մինչև 1999-ի հոկտեմբերի 27-ը, հոկտեմբերի 28-ին արթնացանք բոլորովին այլ Հայաստանում։ Այլ Հայաստանում էինք 2008-ի փետրվարի 29-ին եւ այլ՝ մարտի 1-ին։ Մենք այնքան անկայուն քաղաքական համակարգ ունենք, այնքան մեծ է արտաքին միջամտության դաշտը, որ որեւէ մեկը չի կարող կանխատեսել՝ ինչ կկատարվի 4-5 տարի հետո։

«Անկեղծ ասած՝ տեսանյութը նայելիս աչքերս թրջվեցին». Վարդան Օսկանյանի հուզել է «Չենք լռելուի»՝ արտագաղթի մասին հոլովակը

«Անկեղծ ասած՝ տեսանյութը նայելիս աչքերս թրջվեցին». Վարդան Օսկանյանի հուզել է «Չենք լռելուի»՝ արտագաղթի մասին հոլովակը

14-07-2012

ԲՀԿ պատգամավոր, նախկին արտգործնախարար Վարդան Օսկանյանը հուզվել է այսօր առավոտյան դիտելով «Չենք լռելու» երիտասարդական նախաձեռնության «Հայաստանը դու ես, իսկ ես արտագաղթում եմ» տեսահոլովակը:

«Անկեղծ ասած՝ տեսանյութը նայելիս աչքերս թրջվեցին»,-Ֆեյսբուկի իր էջի գրառման մեջ գրում է Օսկանյանն՝ անցում կատարելով երկրում ստեղծված մտահոգիչ վիճակին:

Վարդան Օսկանյանի գրառումը՝ ստորեւ:

«Զուգահեռաբար օրվա լրատվության գերիշխող մասը, ինչպես միշտ, նույնն էր՝ փոխադարձ մեղադրանքներ, վիրավորանքներ, ճնշումներ, անհանդուրժողականություն: Ցավալին այն է, որ այդ ամենն ակնհայտորեն արվում է ոչ թե ինքնաբուխ, այլ պատվերով, ինչ-որ տեղերից ուղղորդված:

«Կիսարձակուրդ». «Հարսնաքարի» գործով ԱԺ-ում արտահերթ նիստ հրավիրելու 4 քաղաքական ուժերի ստորագրահավաքը շարունակվում է

«Կիսարձակուրդ». «Հարսնաքարի» գործով ԱԺ-ում արտահերթ նիստ հրավիրելու 4 քաղաքական ուժերի ստորագրահավաքը շարունակվում է

14-07-2012

ԱԺ 4 խմբակցության 21 պատգամավոր արդեն ստորագրել է «Հարսնաքարի» դեպքի առընչությամբ արատահերթ նստաշրջան հրավիրելու մասին նախագիծը:

Չնայած նրան, որ նախաձեռնությանը միացած ԲՀԿ պատգամավոր Նաիրա Զոհրաբյանը հայտարարել է, որ ներկա պահին, տեխնիկապես հնարավոր չէ ապահովել եւ հավաքել անհրաժեշտ ստորագրությունները, քանի որ մեկնարկում են արձակուրդները, ստորագրահավաքն ամեն դեպքում շարունակվում է:

«Այս պահին, երբ խորհրդարանը գտնվում է կիսաարձակուրդային վիճակում, տեխնիկապես հնարավոր չէ 44 ստորագրություն հավաքելը»,-ասել է Զոհրաբյանը՝ նշելով, որ ԲՀԿ ներկա պատգամավորներն ամեն դեպքում կմիանան նախաձեռնությանը:

Ստորագրահավաքը կշարունավի այսօր մինչեւ ժամը 6-ը: 44 ձայն հավաքելու դեպքում հնարավոր կլինի հրավիրել արտահերթ նստաշրջան:

«Մենք Շեքսպիր ենք կարդում, ոչ թե սերիալներ նայում, չենք խաբվի Նեմեցի տրագիկոմեդիկ, լացակումած հայտարարությամբ». բողոք-ուղերձ Սերժ Սարգսյանին՝Բեռլինից

«Մենք Շեքսպիր ենք կարդում, ոչ թե սերիալներ նայում, չենք խաբվի Նեմեցի տրագիկոմեդիկ, լացակումած հայտարարությամբ». բողոք-ուղերձ Սերժ Սարգսյանին՝Բեռլինից

13-07-2012

Չնայած «Հարսանաքարի» վայրագությունից հետո, երբ ՀՀԿ պատգամավոր Ռուբեն Հայրապետյանին պատկանող ռեստորանային համալիրում անվտանգության աշխատակիցների կողմից գազանաբար ծեծի հետեւանքով հունիսի 29-ին մահացավ ռազմական բժիշկ Վահե Ավետյանը, փորձ է արվում հասարակական շարժմանը տարբեր կեղտոտ շղարշներով փաթաթել եւ խոսել թե ինչ «բարոյական» ու «բարձր» տղա է Հայրապետյանը, այնուամենայնիվ բողոքի ալիքը Հայաստանից մինչեւ Սփյուռք շարունակում է թափ հավաքել:

Սփյուռքի մի շարք գաղթօջախներ արդեն իսկ իրենց գնահատականն են տվել տեղի ունեցածի վերաբերյալ, սուր խոսքերով դիմել իշխանությանը՝ արդարությունը վերականգնելու պահանջով: Ըստ lurer.com-ի, Բեռլինում տեղի ունեցած «Ցույց ընդդեմ Հայկական կառավարության» բողոքի ակցիայի մասնակիցների բողոք ուղերձ են հղել նախագահ Սերժ Սարգսյանին, որն ամբողջությամբ ներկայացնում ենք ստորեւ: