«Փակ շուկայում շինարարական աշխատանքներ իրականացնելու թույլտվություն քաղաքապետարանը չի տրամադրել». Տարոն Մարգարյան

«Փակ շուկայում շինարարական աշխատանքներ իրականացնելու թույլտվություն քաղաքապետարանը չի տրամադրել». Տարոն Մարգարյան

29-05-2012

Երեւանի Փակ շուկայի շուրջ բարձրացրած աղմուկին արձագանքել է Երեւանի քաղաքապետ Տարոն Մարգարյանը՝ նշելով, որ քաղաքապետարանը շինարարարական աշխատանքներ իրականացնելու թույլտվություն չի տրամադրել:

Հիշեցնենք, որ տեւական ժամանակ խոսակցությունների եւ քննարկումների առիթ հանդիսացած Փակ շուկայում մեկնարկած շինարարական աշխատանքների վերաբերյալ երեկ կեսգիշերին հաղորդագրություն էր տարածել «Փրկենք Փակ Շուկան» քաղաքացիական նախաձեռնությունը: Նախաձեռնությունը մասնավորապես ահազանգում էր, այն մասին, որ քանդվում է Երևանի Մաշտոցի պողոտայի վրա գտնվող Փակ շուկայի տանիքը:

«Շարունակվում է վանդալիզմը գլխավոր պողոտայի վրա գտնվող ծածկած շուկայի նկատմամբ: Չնայած պաշտոնյաների կեղծ հավաստիացումներին, թե շուկայի տարածքում շինարարական աշխատանքները դադարեցված են, երեկ երեկոյան հերթական անդառնալի վնասն է հասցվել ճարտարապետական այդ կոթողին, ինչը արձանագրել են տեսախցիկները», -նշված էր հայտարարության մեջ:

Հայտարարությանը հետեւած բուռն արձագանքներին պատասխանել է Տարոն Մարգարյանը:

ԲՀԿ-ՀՀԿ կոալիցիա չի լինելու.Գագիկ Ծառուկյանի հայտարարությունը

ԲՀԿ-ՀՀԿ կոալիցիա չի լինելու.Գագիկ Ծառուկյանի հայտարարությունը

25-05-2012

ԲՀԿ առաջնորդ Գագիկ Ծառուկյանը հայտարարություն է տարածել, որով հայտարարում է, որ նպատակահարմար չի համարում կոալիցիա կազմել։ Ներկայացնում ենք հայտարարությունը ստորև.

Կոալիցիա՝ լինել թե չլինել. հետընտրական քաղաքական պասիվ վիճակը Հայաստանում կշարունակվի առնվազն մինչեւ մայիսի 24-ը

Կոալիցիա՝ լինել թե չլինել. հետընտրական քաղաքական պասիվ վիճակը Հայաստանում կշարունակվի առնվազն մինչեւ մայիսի 24-ը

24-05-2012

Հայաստանյան նախընտրական՝ քննադատող, հավատացնող ու խոստումնախեղդ անող ակտիվությանը արդեն երկու շաբաթ շարունակ փոխարինում է հետընտրական տեւական ու լուռ պասիվությունը:

Քաղաքական օրակարգի հիմնական թեման կոալիցիա կազմել-չկազմելն է, իսկ քաղաքագետների գնահատականները՝ զուսպ են ու բազմանշանակ:

Մեծ շնորհ փուչիկների պայթյունից տուժածներին. նախագահի հանձնարարությամբ Հայաստանում է գերմանացի պլաստիկ վիրաբույժը

Մեծ շնորհ փուչիկների պայթյունից տուժածներին. նախագահի հանձնարարությամբ Հայաստանում է գերմանացի պլաստիկ վիրաբույժը

17-05-2012

Մայիսի 4-ին, Հանրապետության հրապարակում ՀՀԿ նախընտրական եզրափակիչ հանրահավաքի ժամանակ տարբեր կարգի այրվածքներ ստացած տուժողների համար ՀՀ նախագահ Սերժ Սարգսյանի հանձնարարությամբ Հայաստան է հրավիրվել Գերմանիայի Հեյդելբերգ քաղաքի Համալսարանական կլինիկայի պլաստիկ, վերականգնողական վիրաբուժության և այրվածքների կենտրոնի պրոֆեսոր Ադրիան Դայգլերը:

Այդ մասին տեղեկացնում է ՀՀ Առողջապահության նախարարությունը:

Հիշեցնենք, որ մայիսի 4-ին, ԱԺ ընտրություններին ՀՀԿ եզրափակիչ նախընտրական հանրահավաքի ժամանակ, այրվել եւ պայթել են երիտասարդների ձեռքում գտնվող փուչիկները, որոնք լիցքավորված են եղել, ոչ թե հելիումով այլ արգելված այլ գազերով:

Պաշտոնական տվյալների համաձայն, առնվազն 155 մարդ տարբեր այրվածքներով տեղափոխվել է Երեւանի բուժհաստատություններ:

Չնայած հրապարակում ստեղծված իրավիճակին, հանրահավաք-համերգի մասնակիցենրը շարունակել են միջոցառումը, իսկ նախագահ Սերժ Սարգսյանը նույնիսկ ելույթ է ունեցել, ինչը մատնանշել են ոչ միայն տեղական այլ միջազգային հեղինակավոր լրատվամիջոցները:

Իշխանություններն իրենց վարքը բացատրել են նրանով, թե միջոցառումը շարունակվել է «խուճապային իրավիճակից խուսափելու համար»:

Տուժողները՝ հիմնականում տարբեր բուհերի ուսանողներ, ըստ մամուլի հրապարակումների հրապարակ են բերվել մեծամասամբ պարտադրաբար:

Անահիտ Բախշյանն իրերն էր հավաքում. Նա ափսոսում էր, որ շատ ծրագրեր կիսատ մնացին

Անահիտ Բախշյանն իրերն էր հավաքում. Նա ափսոսում էր, որ շատ ծրագրեր կիսատ մնացին

17-05-2012

Կիրակի օրը ՀՀ կենտրոնական ընտրական հանձնաժողովը հրապարակեց մայիսի 6-ին տեղի ունեցած խորհրդարանական ընտրությունների վերջնական արդյունքները: Երեկ «Առավոտն» Ազգային ժողովում էր, որտեղ հետընտրական անդորր էր: Միայն հատուկենտ պատգամավորների կարելի էր հանդիպել միջանցքներում կամ իրենց աշխատասենյակներում: Մենք փորձեցինք փոքրիկ դիտարկում անցկացնել՝ պարզելու համար, թե ընտրություններին այլեւ չմասնակցած եւ կամ դրանց արդյունքում համամասնական եւ մեծամասնական ընտրակարգերով առաջադրված նախկին եւ արդեն չընտրված պատգամավորները շարունակո՞ւմ են արդյոք զբաղեցնել իրենց աշխատասենյակները, թե՞ սկսել են կամաց-կամաց հավաքել իրերը: Պատգամավորների, այդ թվում՝ նոր գումարման խորհրդարան չանցած նախկին պատգամավորների աշխատասենյակների դռները կողպած էին: Այդուհանդերձ, նկատեցինք, որ նրանցից մեկ-երկուսի աշխատասենյակի ցուցանակներն արդեն հանվել էին: Իր աշխատասենյակի վրայից հանված էր մասնավորապես ԱԺ նախկին նախագահ եւ ապա անկախ պատգամավոր Տիգրան Թորոսյանի անուն-ազգանունով ցուցանակը, Արա Աբրահամյանի եղբոր՝ Արմեն Աբրահամյանի ցուցանակը:

Ստեփան Սաֆարյան. Հայաստանի ընտրությունները գնալով վեր են ածվում ընտրական թրաֆիկինգի

Ստեփան Սաֆարյան. Հայաստանի ընտրությունները գնալով վեր են ածվում ընտրական թրաֆիկինգի

16-05-2012

«Ժառանգություն» կուսակցության առանցքային գործիչ Ստեփան Սաֆարյանը գրառում է կատարել իր անձնական բլոգում, որն ամբողջությամբ ներկայացնում ենք ստորեւ:

«Մայիսի 6-ի ընտրություններից հետ իմ մոտ այլ իմաստ ստացավ «մարդկանց առեւտուր» /trafficking/ հասկացությունը եւ հայեցակարգը: 20-րդ ու 21-րդ դարերի միջազգային հանրությունը ներմուծեց այս տերմինը, որպեսզի խուսափի ստրկություն բառը գործածելուց, թեպետ այն ինչ նկարագրվում է իբրեւ թարֆիքինգ, միանգամայն ստրկություն է: Ու պատահական չէ, որ վերջերս գոնե ԱՄՆ պետքարտուղար Հիլլարի Քլինթոնի համարձակությունը հերիքեց` խոսել ժամանակակից ստրկության մասին: Այն ինչ պատմում են Ռուսաստանում կամ անգամ Եվրոպայում ապօրինի հայտնված մեր միգրանտ հայրենակիցներն ու բարեկամները, ոչ միայն մղձավանջ է, այլեւ նորօրյա ստրկության տխուր պատմություն, երբ մեր տխրահռչակ հայրենակիցներից մինչեւ օտարներ օգտագործում-շահագործում են նրանց աշխատուժը` չվճարվելով դրա դիմաց, հաճախ էլ բռնությունների ենթարկելով եւ այլն:

«Մեղադրանք պարտված թիմին` ՀՀԿ-ի շարքերն անցնելու համար». վերլուծաբանները` Աշոտ Զաքարյանի հայտարարության մասին

«Մեղադրանք պարտված թիմին` ՀՀԿ-ի շարքերն անցնելու համար». վերլուծաբանները` Աշոտ Զաքարյանի հայտարարության մասին

15-05-2012

ՀԱԿ Գյումրու համակարգող Աշոտ Զաքարյանի տարածած հայտարարությունը այն մասին, թե դադարեցնում է ՀԱԿ-ում իր քաղաքական գործունեությունը` ելնելով Բարգավաճ Հայաստան կուսակցության հետ ՀԱԿ-ի համագործակցություն սկսելու անհաջող փորձերից, վերլուծաբանները մեկնաբանում են այն պարզապես դժգոհություն պարտված թիմի վերնախավին կամ զգացմունքայնության վրա հիմնված որոշում:

«Ավելին` գաղտնիք չէ, որ Բարգավաճ-Հայաստան կուսակցությունը համարվել եւ համարվում է Ռոբերտ Քոչարյանի քաղաքական հենարանը: Եվ նպաստելով այս կուսակցության վարկանիշի բարձրացմանը, որում մենք համոզվեցինք ԱԺ ընտրությունների ժամանակ, հնարավորություն է ստեղծվում ճանապարհ հարթելու Ռոբերտ Քոչարյանի իշխանության վերադարձին: Բացի այն, որ մեր պետության հիմնական դժբախտությունների պատճառը հենց նույն Ռոբերտ Քոչարյանն է, այս մարդու իշխանության տարիներին են տեղի ունեցել մեր նորօրյա պատմության ամենածանրագույն հանցագործությունները` հոկտեմբերկ 27-ը եւ մարտի 1-ը: Այս մարդու իշխանության տարիներին է, որ հիմք է դրվել քրեաօլիգարխիկ իշխանական համակարգին, որին առաջին նախագահը իրավացիորեն բնութագրեց որպես վերից վար կոռումպացված ավազակապետական համակարգ:

Նպաստել Քոչարյան Ռոբերտի վերադարձի՞ն. որեւէ ցանկություն չունեմ. հայտարարություն

Նպաստել Քոչարյան Ռոբերտի վերադարձի՞ն. որեւէ ցանկություն չունեմ. հայտարարություն

15-05-2012

ՀԱԿ Գյումրու համակարգող Աշոտ Զաքարյանը հայտարարություն է տարածել այն մասին, որ դադարեցնում է ՀԱԿ-ում գործունեությունը: Հայտարարությունն ամբողջությամբ ներկայացնում ենք ստորեւ:

«Ինչպես գիտեք, վերջին երկու ամիսների ընթացքում, ՀԱԿ-ի վարած քաղաքականության եւ ԱԺ ընտրությունների հետ կապված հարցերի շուրջ փորձել եմ պահպանել լռություն: Ունենալով որոշ տարաձայնություններ` այնուամենայնիվ լռությունս հետապնդել է մեկ նպատակ` ԱԺ նախըտրական շրջանում` Հայ Ազգային Կոնգրեսում, միասնակնությունը չխաթարել, միեւնույն ժամանակ, այս ողջ ընթացքում իմ գործունեությամբ հնարավորինս աջակցել եմ ՀԱԿ-ին ԱԺ ընտրություններին առավելագույն քվեներ ստանալու համար: Ավելորդ չեմ համարում եւս մեկ անգամ նշել, որ դա միայն պայմանավորված է եղել ՀԱԿ-ում միասնականությունը չխաթարելու նպատակով, ինչը նաեւ հասարակական պահանջ է եղել: Եվ քանի որ ԱԺ ընտրություններն արդեն կայացած իրողություն են, խոստմանս համաձայն, այսօր հանդես եմ գալիս քաղաքական հայտարարությամբ, միեւնույն ժամանակ պատրաստակամություն հայտնում` պատասխանելու ձեր կողմից տրվող բոլոր հարցերին:

Խաղից դուրս. Ինչո՞ւ Րաֆֆի Հովհաննիսյանը դուրս թողեց «Ժառանգության» ակտիվ պատգամավորներին

Խաղից դուրս. Ինչո՞ւ Րաֆֆի Հովհաննիսյանը դուրս թողեց «Ժառանգության» ակտիվ պատգամավորներին

12-05-2012

Խորհրդարանական ընտրություններից հետո «Ժառանգություն» կուսակցության ներկայացրած թեկնածուներից մի քանիսի, մասնավորապես վերջին 5 տարում իրենց աշխատանքային գործունեությամբ աչքի ընկնող անդամների չընդգրկվելը առաջիկա ձևավորվող խորհրդարանում բազմաթիվ քննարկումների առիթ է դարձել:

Քաղաքական վերլուծաբաններն այն կապում են «Ժառանգության» կողմից հանրահայտությամբ աչքի ընկնող անդամների օգտագործման հետ, իսկ կուսակցության անդամները մատնանշում են ընտրակեղծիքներն ու խախտումները:

Կարեն Քոչարյան. «Այն, ինչ չի կարելի գնել փողով, կարելի է գնել շատ փողով»

Կարեն Քոչարյան. «Այն, ինչ չի կարելի գնել փողով, կարելի է գնել շատ փողով»

11-05-2012

«Պրոցեդուրալ առումով ընտրությունները գրեթե մոտ էին իդեալականին, ինչը ֆիքսեցին նաեւ դիտորդները: Բայց ինչպես հայտնի ասացվածքում է՝ այն, ինչ չի կարելի գնել փողով, կարելի է գնել շատ փողով, այս ընտրություններն այսպես է բնութագրվում», – այս կարծիքին է քաղաքագետ Կարեն Քոչարյանը, ըստ որի՝ նոր խորհրդարանում կոալիցիան կմնա նույնը, կլինեն ՀՀԿ-ն, ԲՀԿ-ն, եւ ՕԵԿ-ը: «Ես չեմ պատկերացնում, որ ԲՀԿ-ն Գագիկ Ծառուկյանի գլխավորությումբ կարող է դառնալ ընդդիմություն»,- ասում է Քոչարյանն ու շեշտում, որ առաջիկայում պորտֆելների շուրջ իշխանական «բազար» է գալու:

Ինչ վերաբերում է ընտրությունների ընթացքում, օրինակ՝ ՕԵԿ-ի հավաքած ձայներին, քաղաքագետը գտնում է, որ ՕԵԿ-ը պետք է ուրախությունից չիմանա, թե ինչ անել, քանի որ նրանց խորհրդարանում հայտնվելը անակնկալ էր:

20 տարի անց. Հաղթանակի կենտրոն Շուշին մշակույթի կենտրոն չի դառնում

20 տարի անց. Հաղթանակի կենտրոն Շուշին մշակույթի կենտրոն չի դառնում

10-05-2012

Մայիսի 9-ին լրանում է Շուշիի ազատագրման 20 ամյակը: Մինչ շատերը քննարկում են արցախյան ռազմական շքերթը, Շուշիի ապագայով մտահոգ մարդիկ մտածում են` քաղաքում դեռ անելիքներ շատ կան:

«Այն, որ Շուշին մեզ համար արժեք է, դա բավական չէ: Դու պետք է անընդհատ այդ արժեքի վրա աշխատես»,- «Մեդիալաբին» ասում է ազատամարտիկ Մկրտիչ Տոնոյանը:

Հայաստանի իշխող վարչախումբը մնալու է գողերի, կաշառակերների, մարդասպանների, տգետների նույն խաժամուժը. Լեւոն Տեր-Պետրոսյան

Հայաստանի իշխող վարչախումբը մնալու է գողերի, կաշառակերների, մարդասպանների, տգետների նույն խաժամուժը. Լեւոն Տեր-Պետրոսյան

09-05-2012

Լեւոն Տեր-Պետրոսյանը ելույթը՝ այսօրվա հանրահավաքում, ուր նա գնահատում է մայիսի 6-ի ընտրությունները, ստորեւ ներկայացնում ենք ամբողջությամբ:

«Սիրելի հայրենակիցներ,

Նախ եւ առաջ պարտքս եմ համարում խորին շնորհակալություն հայտնել Հայաստանի Հանրապետության այն բոլոր քաղաքացիներին, ովքեր իրենց ձայնը տվել են Հայ Ազգային Կոնգրեսին ու նրա մեծամասնական ընտրակարգով առաջադրված թեկնածուներին։ Քիչ թե շատ ժողովրդավարական պետությունների համար սովորական այդ քայլը Հայաստանի պարագայում պետք է համարել ոչ միայն քաղաքական համակրանքի, այլեւ քաղաքացիական քաջության դրսեւորում՝ նկատի ունենալով վարչական, ուժային եւ հարկային ահաբեկումների այն ահավոր մթնոլորտը, որ տիրում է մեր երկրում։

Ես չեմ ուզում խոսել անցած ընտրությունների որակի, համատարած ընտրախախտումների, կրկնաքվեարկությունների, զանգվածային ընտրակաշառքի կամ ընդհանրապես դրանք ընտրություններ կոչելու ծաղրի մասին, որովհետեւ նախ՝ այդ հարցերին հանգամանորեն անդրադարձան նախորդ հռետորները, եւ երկրորդ՝ քանի որ այս անգամ եւս, դժբախտաբար, հաստատվեց իմ այն պնդումը, որ Հայաստանում կայացած ցանկացած հաջորդ ընտրություն ավելի վատ է եղել քան նախորդը, եւ որ յուրաքանչյուր հաջորդ ընտրության ժամանակ, դիտորդների զգոնությունը բթացնելու համար, հանցավոր ռեժիմը հանճարեղ հնարամտությամբ հորինել է ընտրախախտումների նոր անսպասելի մեխանիզմներ։

Ընտրակաշառքը վճռորոշ ազդեցություն ունեցավ ընտրությունների արդյունքների վրա. ՀՅԴ գնահատական

Ընտրակաշառքը վճռորոշ ազդեցություն ունեցավ ընտրությունների արդյունքների վրա. ՀՅԴ գնահատական

09-05-2012

2012թ. մայիսի 6-ին Հայաստանում տեղի ունեցած խորհրդարանական ընտրությունների վերաբերյալ Հայ հեղափոխական դաշնակցություն կուսակցության Գերագույն մարմինը հանդես է եկել հայտարարությամբ, որում նշում է, որ ընտրությունները չարձանագրեցին ժողովրդի կամքը եվ քաղաքական ուժերի իրական հարաբերակցությունը, իսկ ընտրակաշառքը վճռորոշ ազդեցություն ունեցավ ընտրությունների արդյունքների վրա։

Ընդհանուր առմամբ՝ խաղաղ, մասնավորապես՝ բազմաթիվ խախատումներով. միջազգային ու տեղական դիտորդները հրապարակել են իրենց նախնական արձանագրությունները

Ընդհանուր առմամբ՝ խաղաղ, մասնավորապես՝ բազմաթիվ խախատումներով. միջազգային ու տեղական դիտորդները հրապարակել են իրենց նախնական արձանագրությունները

09-05-2012

Միջազգային դիտորդական առաքելությունները Հայաստանի խորհրդարանական ընտրությունները բնութագրում են մրցակցային, հանգիստ ու խաղաղ, բայց միաժամանակ մտահոգիչ ընտրողների վրա գործադրված ճնշումների եւ ընտրական օրենսգրքի մի շարք խախտումների տեսանկյունից:

«Խորհրդարանական ընտրությունները մթագնված են բազմաթիվ ընտրախախտումներով». «Ժառանգության» գնահատականը

«Խորհրդարանական ընտրությունները մթագնված են բազմաթիվ ընտրախախտումներով». «Ժառանգության» գնահատականը

09-05-2012

«Ժառանգություն» կուսակցությունը նախնական գնահատական է տվել 2012 թվականի մայիսի 6-ին Հայաստանում տեղի ունեցած խորհրդարանական ընտրություններին, որը ամբողջությամբ ներկայացնում ենք ստորեւ:

««Ժառանգություն» կուսակցության նախընտրական շտաբն արձանագրում է, որ ս.թ. մայիսի 6-ին Հայաստանում տեղի ունեցած խորհրդարանական ընտրությունները մթագնված են բազմաթիվ ընտրախախտումներով:

Ամենաարդար եւ թափանցիկ ընտրություննե ՞րը. Ըստ վերլուծաբանների կիրառվել են խախտումների կատարելագործված մեխանիզմներ

Ամենաարդար եւ թափանցիկ ընտրություննե ՞րը. Ըստ վերլուծաբանների կիրառվել են խախտումների կատարելագործված մեխանիզմներ

08-05-2012

Մինչ իշխանությունները, որոնք առաջատարի դիրք են զբաղեցրել մայիսի 6-ին կայացած ԱԺ ընտրություններում հայտարարում է, որ տեղի ունեցածը Հայաստանում 21-րդ ամենաարդար եւ թափանցիկ ընտրություններն էին, ընդդիմությունը, տեղական դիտորդներն ու վերլուծաբանները պնդում են, որ ամեն ինչ ընթացել է «ընդունված սցենարի համաձայն»`խախտումներով, կեղծիքներով եւ տոտալ ճնշումներով:

«Հանուն հայրենիքի». Սարգսյանը, Տեր-Պետրոսյանը, Ծառուկյանը եւ այլոք՝ իրենց ակնկալիքների եւ Հայաստանի մասին

«Հանուն հայրենիքի». Սարգսյանը, Տեր-Պետրոսյանը, Ծառուկյանը եւ այլոք՝ իրենց ակնկալիքների եւ Հայաստանի մասին

07-05-2012

Առավոտյան ժամը 8-ին մեկնարկած հինգերորդ գումարման ԱԺ ընտրություններին արդեն իսկ մասնակցել եւ իրենց ընտրական պարտքն են կատարել երկրի նախագահ եւ ՀՀԿ առաջորդ Սերժ Սարգսյանը, ընդդիմադիր ՀԱԿ առաջնորդ եւ առաջին նախագահ Լեւոն Տեր-Պետրոսյանը, ԲՀԿ առաջնորդ Գագիկ Ծառուկյանը, «Ժառանգության» հիմնադիր Րաֆֆի Հովհաննիսյանը, ընտրություններում առանցքային դերակատարում ունեցող քաղաքական ուժերի ներկայացուցիչներ, քաղաքական գործիչներ:

Մայիսի 6. Հայաստանում մեկնարկել են խորհրդարանական ընտրությունները

Մայիսի 6. Հայաստանում մեկնարկել են խորհրդարանական ընտրությունները

06-05-2012

Այսօր առավոտյան ժամը 8-ից Հայաստանում մեկնարկել են ԱԺ ընտրությունները, որին համամասնական կարգով մասնակցում է մեկ դաշինք եւ 8 կուսակցություններ: Խորհրդարանական 131 մանդատների համար պայքարում են

Խնդիր. Հայաստանի ազգային փոքրամասնությունները բարձրաձայնում են ԱԺ-ում «հատուկ տեղ» ունենալու անհրաժեշտության մասին

Խնդիր. Հայաստանի ազգային փոքրամասնությունները բարձրաձայնում են ԱԺ-ում «հատուկ տեղ» ունենալու անհրաժեշտության մասին

06-05-2012

Հայաստանում բնակվող ազգային փոքրամասնություններն Ազգային ժողովում իրենց ներկայացուցիչն ունենալու խնդիրն են վեր հանում, մինչդեռ իշխանությունները պնդում են, որ նրանց խնդիրները առանց այդ էլ լուծվում են:

Փոքրամասնությունների ներկայացուցիչները որպես լուծում առաջարկում են հատուկ քվոտավորված մեկ տեղ հատկացնել իրենց, այդպիսով կպաշտպանվեն իրենց շահերը, այլ ոչ թե այն կուսակցության, որի անդամ Հայաստանում բնակվող այլազգին կարող է լինել:

ԱԺ 2012-ի ընտրություններին մեծամասնական կարգով առաջադրված ազգային փոքրամասնության ներկայացուցիչ չկա, իսկ կուսակցությունների՝ համամասնական ցուցակներում ընդգրկված 7 այլազգի թեկնածուներից միայն մեկն է համեմատաբար անցողիկ տեղ զբաղեցնում՝ Հանրապետական կուսակցության անդամ, ազգությամբ հույն Էդուարդ Շարմազանովը:

Հանրային խորհրդի ազգային փոքրամասնությունների հարցերով հանձնաժողովի ներկայացուցիչ Սլավա Ռաֆայելիդիսը նույնպես հույն է ու կարծում է, որ առաջադրված պատգամավորության բոլոր թեկնածուներից միայն համամասնական ցուցակում 14-րդ տեղում գտնվող Շարմազանովը կարող է անցնել, քանի որ անցողիկ դիրքերում է, իսկ ՀՀԿ-ն ըստ սոցհարցումների, ուժեղ դիրքեր ունի:

«Մենք, իհարկե, դեմ չենք, որ ազգային փոքրամասնության ներկայացուցիչը դառնա կուսակցության անդամ, բայց ուզում ենք, որ անկուսակցական ներակայացուցիչ ունենանք, որ մեր շահերը պաշտպանի ու ոչ թե՝ կուսակցության»,- ասում է Ռաֆայելիդիսը:

«Համոզված եմ, որ փուչիկները լիցքավորելու համար օգտագործվել է պրոպան-բուտան, դա երեւում է կրակի դեղնա-կարմրավուն երանգներից». մասնագետ

«Համոզված եմ, որ փուչիկները լիցքավորելու համար օգտագործվել է պրոպան-բուտան, դա երեւում է կրակի դեղնա-կարմրավուն երանգներից». մասնագետ

06-05-2012

Թեեւ ոստիկանությունը քիչ առաջ հաղորդագրություն է տարածել այն մասին, որ պարզվել են փուչիկները լիցքավորած և մատակարարած անձանց ինքնությունը, դրանք հրապարակ տեղափոխած անձինք եւ որ հետաքննությունը շարունակվում է, այնուամենայնիվ դեռեւս չի տրվել բոլորին հուզող այն հարցի պատասխանը, թե ինչն է եղել երեկվա դժբախտ պատահարի պատճառը. ինչո՞վ էին լիցքավորված պայթուն եւ հրդեհ առաջացրած սպիտակ փուչիկները:

Հիշեցնենք, որ երեկ՝ մայիսի 4-ին, նախընտրական քարոզարշավի պաշտոնական փակման օրը, իշխանական ՀՀԿ հանրապետության հրապարակում եզրափակիչ հանրահավաք է կազմակերպել, որին ներկա տարբեր բուհերի երիտասարդների ձեռքերին եղել են «Հավատանք, որ փոխենք» ՀՀԿ կարգախոսով սպիտակ փուչիկներ, որոնք պայթուն առաջացնելով այրվել են՝ ներկաներին տարբեր աստիճանի այրվածքներ ու վնաս հասցնելով:

Արտակարգ իրավիճակների նախարարության հասարակայնության հետ կապերի վարչության պետ Նիկոլայ Գրիգորյանը այսօր «Ազատություն» ռադիոկայանին տված մեկնաբանությամբ հերքել է մայիսի 4-ի հայտարարությունն այն մասին, որ փուչիկները լիցքավորված են եղել հելիումով: