«Կամաց-կամաց հետ ենք գնում». գազի սակագների բարձրացումը վանաձորցիներին ստիպել են նկուղներից հանել փայտի վառարանները

«Կամաց-կամաց հետ ենք գնում». գազի սակագների բարձրացումը վանաձորցիներին ստիպել են նկուղներից հանել փայտի վառարանները

19-01-2011
Վանաձորցի Ռաֆիկ պապը սմքած մատներով վերցնում է չորացած փայտի երկու կտոր, դնում վառարանի մեջ ու փորձում վառել այն: Կրակը կամաց-կամաց թափ է առնում, լուսավորում վառարանի խորքերն, ու փայտն սկսում է ուրախ ճռթճռթալ:

Երկու սենյականոց բնակարանում 67-ամյա Ռաֆիկ Հովհաննիսյանի սիրած անկյունը վառարանի կողքին է. վառարանը վառում է ու, նստելով տաքուկ անկյունում, թերթ կարդում:

Հովհաննիսյան ամուսինների ամսական եկամուտը 44.000 դրամ թոշակն է, որը լիովին չի բավականացնում կոմունալ վճարումներին և պարզ սննդին:

«Մի ձեռքով ստանում ենք, մյուսով` հետ տալիս»,- ասում է Ռաֆիկ Հովհաննիսյանը:

Ղարաբաղը` «անազատ». փորձագետները վտանգավոր են համարում Freedom House-ի գնահատականը

Ղարաբաղը` «անազատ». փորձագետները վտանգավոր են համարում Freedom House-ի գնահատականը

18-01-2011

Ամերիկյան հեղինակավոր Freedom House իրավապաշտպան կազմակերպության` Ղարաբաղին տված գնահատականներն արդեն տարատեսակ մեկնաբանությունների են արժանացել Հայաստանում:

Օրերս Freedom House-ը հրապարակել էր «Ազատությունն աշխարհում» տարեկան զեկույցը, որտեղ առաջին անգամ որպես տարածք Ղարաբաղը բնութագրվում է  որպես «անազատ» քաղաքական և քաղաքացիական համակարգեր ունեցող, այնպես, ինչպես Ադրբեջանը:

Ինչպես հայտնի է, կազմակերպությունը Ղարաբաղին որակել է որպես «անազատ» երկիր` գնահատականը հիմնավորելով նրանով, որ անցյալ տարվա մայիսին կայացած ԼՂՀ խորհրդարանական ընտրություններում ոչ մի ընդդիմադիր թեկնածու չի մասնակցել:

Մինչ այժմ Ղարաբաղը Freedom House-ի զեկույցներում մշտապես որակվել էր որպես «մասամբ ազատ» երկիր, ինչպես Հայաստանը:

Կադրե՞ր, թե՞ բարեփոխումներ. գյուղատնտեսության անմխիթար վիճակը և աննախադեպ գնաճը շատերի մոտ լավատեսության տեղ չեն թողել

Կադրե՞ր, թե՞ բարեփոխումներ. գյուղատնտեսության անմխիթար վիճակը և աննախադեպ գնաճը շատերի մոտ լավատեսության տեղ չեն թողել

15-01-2011

Անցյալ տարեվերջին «մեկնարկած» պաշտոնանկությունների շքերթում երկուշաբթի ՀՀ վարչապետ Տիգրան Սարգսյանը ներկայացրել է նորանշանակ գյուղնախարար Սերգո Կարապետյանին` հույս հայտնելով, թե անցյալ տարվա անբավարար ցուցանիշները կշտկվեն 2011-ին` շեշտելով, թե «գյուղատնտեսության ոլորտում աննախադեպ բարձր անկումը բերեց բազմաթիվ բացասական հետևանքների», և գների բարձր մակարդակ:

«Այն ունեցավ բավական լուրջ սոցիալական ազդեցություն մեր գյուղացիների կենսամակարդակի վրա»,- հայտարարել է Սարգսյանը` նշելով, թե բազմաթիվ անելիքներ կան «բարեփոխումների, ինստիտուցիոնալ կառույցների ձևավորման տեսանկյունից»։

Սակայն նոր նշանակումը և իշխանությունների «հույսերը» անցյալ տարվա գյուղապրանքների թռիչքային գնաճի պայմաններում, որը գագաթնակետին հասավ տարեվերջին` տոներից առաջ ձվի գների գրեթե կրկնակի աճով, շատերի մոտ լավատեսության տեղ չեն թողել:

«Ինձ ուղղակի քցել են». Տիգրան Կարապետյանը պնդում է, որ «ԱԼՄ»-ն եթերազրկելու պատճառը իր ընդդիմադիր կեցվածքն է, և որ պայքարելու է «մինչև վերջ»

«Ինձ ուղղակի քցել են». Տիգրան Կարապետյանը պնդում է, որ «ԱԼՄ»-ն եթերազրկելու պատճառը իր ընդդիմադիր կեցվածքն է, և որ պայքարելու է «մինչև վերջ»

15-01-2011

Ժողովրդական կուսակցության նախագահ, «ԱԼՄ» հոլդինգի նախագահ Տիգրան Կարապետյանը հունվարի 19-ին նոր հանրահավաք է անցկացնելու Մատենադարանի հարակից տարածքում` ի պաշտպանություն «ԱԼՄ» հեռուստաընկերության:

Հունվարի 20-ից «ԱԼՄ»-ն դադարելու է եթեր հեռարձակվել, քանի որ ՀՌԱՀ-ի կողմից դեկտեմբերին հայտարարված կապուղիների մրցույթում նույն կապուղու համար պայքարող «ԱԼՄ» և «Երևան» հեռուստաընկերություններից հաղթող է ճանաչվել վերջինը:

Եվ երբ հայտնի դարձավ, որ «ԱԼՄ»-ն շուտով այլևս եթերում չի լինելու, Տիգրան Կարապետյանը հունվարի 7-ին առաջին հանրահավաքն անցկացրեց Մատենադարանի հարակից տարածքում:

«Մեր սեփական տանը, չգիտես ինչու, մեր նկատմամբ նման անարդար կերպով են վարվում: Չի կարելի նեղացնել սեփական ժողովրդին: Այստեղ խնդիրը ոչ թե «ԱԼՄ»-ի եթերազրկումն է, այլ ավելի շուտ անարդար վերաբերմունքը ժողովրդի հանդեպ, որը պետք է ոչ թե խնդրողի, այլ պահանջողի դերում հանդես գա: Ես դեռ նման հանրահավաք չեմ արել, սա առաջին անգամ է: Մենք «ԱԼՄ»-ն չենք տալու, մեր պայքարը նաև «Ա1+»-ի, «ԳԱԼԱ»-ի և մարտի 1-ի համար է»,- հանրահավաքի ժամանակ հայտարարել էր Տիգրան Կարապետյանը:

«Հետաձգված հանրաքվե» Սուդանում. ե՞րբ է գալու Արցախի հերթը

«Հետաձգված հանրաքվե» Սուդանում. ե՞րբ է գալու Արցախի հերթը

14-01-2011

1991-ի սեպտեմբերին, երբ Արցախի ժողովուրդը հռչակեց Լեռնային Ղարաբաղի անկախությունը, ՄԱԿ անդամ երկրների թիվը մոտ 150 էր: Միջազգայնորեն ճանաչված երկրների թիվն այսօր անցնում է 190-ից, որոնց մեջ չկա Արցախը: Կարելի է բերել ավելի հուսահատ օրինակներ: Պաղեստինը անկախության ճանապարհին է 1947 թվականից, սակայն դեռ ՄԱԿ-ի անդամ չէ, իսկ նրա առաջնորդները հոգնեցուցիչ բանակցությունների մեջ են Իսրայելի ու միջազգային հանրության հետ:

Ամեն մի հակամարտություն ունի տարբեր պատմական, քաղաքական, մշակութային, կրոնական, իրավական անցյալ:

Մոլորակի չճանաչված միավորներին՝ Լեռնային Ղարաբաղին, Աբխազիային, Մերձդնեստրին, Քաշմիրին ու մյուսներին, որոնց թիվը անցնում է երկու տասնյակից, ընդհանուր է հենց նրանց չճանաչվածությունը: Եվ դժվար է ասել, թե այդ միավորներից քանիսը և երբ կհասնեն իրենց երազանքին՝ անկախության միջազգային ճանաչմանը:

Սպիտակ ճագարի քաղաքական հայացքները. ի՞նչ է խոստանում 2011 թվականը Հայաստանի քաղաքական վերնախավին

Սպիտակ ճագարի քաղաքական հայացքները. ի՞նչ է խոստանում 2011 թվականը Հայաստանի քաղաքական վերնախավին

31-12-2010

Ըստ աստղագուշակների օրացույցի` գալիք տարին Սպիտակ ճագարի կամ Կատվի տարի է: Այն ընդհանուր առմամբ խոստանում է հանգիստ կյանք: Սպիտակ ճագարը հյուրասեր է, ուստի աստղերը խորհուրդ են տալիս հաճախ հանդիպել ընկերներին և բարեկամներին: Հաջողությունը կուղեկցի գթությանն ու արժանապատվորեն ուղղված բոլոր մղումներին:

Սպիտակ ճագարը նորություններ է խոստանում նաև Հայաստանի քաղաքական գործիչներին:

Խեցգետնի համաստեղության տակ ծնված ՀՀ նախագահին աստղերը Նապաստակի տարում բարձունքներ են խոստանում գործնական, անձնական և հոգեւոր ոլորտներում: Սակայն, ըստ հորոսկոպի, եթե Խեցգետին Սերժ Սարգսյանը առաջնային համարի սեփական ցանկությունները և հաշվի չնստի կյանքի իրականության հետ, ապա կարող է կորուստներ և հիասթափություն ունենալ:

Իրավունք չունեք հուսախաբվելու.չորս դուստրերի մայր Զարուհի Փոստանջյանն ասում է, որ ամեն ինչ էլ հնարավոր է հասցնել

Իրավունք չունեք հուսախաբվելու.չորս դուստրերի մայր Զարուհի Փոստանջյանն ասում է, որ ամեն ինչ էլ հնարավոր է հասցնել

31-12-2010

Անցյալ տարի շատ բան տեսած Հայաստանում շատերը թերևս զարմացան, երբ իմացան, որ ամենաակտիվ կին պատգամավոր Զարուհի Փոստանջյանը չորրորդ աղջկա ծննդից հետո ոչ միայն դադարեցեց ռիթմը, այլև նորածնի հետ սկզբում Ստամբուլ, ապա Ստրասբուրգ` ԵԽԽՎ լիագումար նիստին մեկնեց:

Նա ասում է, որ թեև շատերը զարմացան իր այդ քայլից, սակայն իրավիճակն այնպիսին էր, որ պիտի անպայման մեկներ:

«Երեխան այդ ժամանակ մեկ ամսական էր: Գնացի-մասնակցեցի նիստին և, հիշում եմ` իմ այդ քայլը նույնիսկ ԵԽԽՎ նախագահ Չավուշօղլիին էր շատ զարմանալի թվացել»,- պատմում է Զարուհի Փոստանջյանը:

Ազգային ժողով, քրեակատարողական հիմնարկներ, ոստիկանություն, ապա Հայաստանի հեռավոր մարզեր` հասարակական հնչեղության ստացած այս կամ այն խնդրի առնչությամբ:

Խաղից հետո. ի՞նչ տվեց 2010 թվականը հայ-թուրքական հարաբերությունների զարգացման գործընթացին

Խաղից հետո. ի՞նչ տվեց 2010 թվականը հայ-թուրքական հարաբերությունների զարգացման գործընթացին

29-12-2010

Անցնող տարին փաստորեն սկսվեց հայ-թուրքական դեռևս չհաստատված հարաբերությունների ձախողմամբ:

Փորձագետները որակում են տարին որպես ընդմիջման շրջան: Չհաշված մի քանի բարձրաստիճան այրերի հայտարարությունները` երկու երկրների հարաբերություններում, մեծ հաշվով, ոչ մի զգալի տեղաշարժ չեղավ:

Սակայն վերլուծաբանները, այնուամենայնիվ, տեղաշարժերի ակնկալիքներ ունեն:

«Ինձ թվում է` որոշ տեղաշարժեր կարող ենք սպասել 2011 թվականի երկրորդ կեսին»,- «Մեդիալաբին» ասում է թուրքագետ Ռուբեն Մելքոնյանը:

Նա ասում է, որ չնայած հայ-թուրքական գործընթացի թայմ աութին, անցնող տարվա ընթացքում շարունակվել է հայ և թուրք հասարակությունների միմյանց նկատմամբ փոխադարձ հետաքրքրության աճը, և շփումներն «անկասկած պետք է շարունակվեն»:

«Ընդդիմությունը պարզապես բարեբախտություն է». իշխանությունն ու ընդդիմությունը ամանորյա կենացնե՞ր են խմում

«Ընդդիմությունը պարզապես բարեբախտություն է». իշխանությունն ու ընդդիմությունը ամանորյա կենացնե՞ր են խմում

24-12-2010

Ներքաղաքական դաշտում իշխանություն-ընդդիմություն կենացները քաղցրանում են, թեև վերլուծաբանները պնդում են, թե երկուստեք արձագանքները «բնական են ստեղծված իրավիճակում»:

Դեկտեմբերի 18-ին` ՀՀԿ 20-ամյակի կապակցությամբ իր ելույթի ժամանակ, խոսելով երկրում առկա կոռուպցիայի և այլ արատավոր երևույթների մասին, նախագահ Սերժ Սարգսյանը դրական որակումներ տվեց ընդդիմությանը` այն գնահատելով որպես «բարեբախտություն»: Ընդդիմությունն իր հերթին չմոռացավ պատասխան «բաժակաճառը»:

«Առաջին խմբում մեր երկրի ու ժողովրդի բախտով անկեղծորեն մտահոգ անհատներ են, որոնք բարձրացնում են հարցեր, երբեմն՝ շատ սուր, վեր են հանում խնդիրներ, ահազանգ են հնչեցնում այնտեղ, որտեղ իշխանություններն ուշացել են»,- ասաց Սերժ Սարգսյանը:

Ներկուլիսային պայքա՞ր, թե՞ անհեթեթ որոշում. նախարարը պաշտոնանկ է արվել ԴԱՀԿ պետի պատճառով, մինչդեռ վերջինս շարունակում է պաշտոնավարել

Ներկուլիսային պայքա՞ր, թե՞ անհեթեթ որոշում. նախարարը պաշտոնանկ է արվել ԴԱՀԿ պետի պատճառով, մինչդեռ վերջինս շարունակում է պաշտոնավարել

23-12-2010

Արդարադատության նախարար Գևորգ Դանիելյանի պաշտոնանկությունը, որքան անհասկանալի, այնքան էլ առեղծվածային մնաց` շատերի մոտ թողնելով մի հարց. Ինչո՞ւ նա և ոչ ԴԱՀԿ պետը, որի պատճառով էլ, ըստ պատճառաբանությունների, նախարարը լքեց իր աթոռը:

«Մի՞թե նորմալ է, երբ նախարարը պաշտոնանկ է արվում ԴԱՀԿ պետի պատճառով, իսկ վերջինս շարունակում է պաշտոնավարել,- ասում է անկախ քաղաքական վերլուծաբան Երվանդ Բոզոյանը: - Ո´չ, և իրականում այստեղ ուրիշ պատճառ կա թաքնված»:

Մինչ կառավարությունը խուսափում է հստակ պատասխաններից, վերլուծաբանը տեղի ունեցած վերջին փոփոխությունները կապում է «ներկուլիսային պայքարի» հետ:

Դեռևս դեկտեմբերի 10-ին ԱԺ «Ժառանգություն» խմբակցության պատգամավոր Անահիտ Բախշյանը բաց նամակ է ուղարկել վարչապետ Տիգրան Սարգսյանի անունով` արդարադատության արդեն նախկին նախարար Գևորգ Դանիելյանի պաշտոնանկության շուրջ մի շարք պարզաբանումներ ստանալու ակնկալիքով:

Միացյալ Նահանգների երկու երեսը. ամերիկյան դատարանը ճանաչում է Հայոց ցեղասպանությունը, մինչդեռ Կոնգրեսում այդ մասին անգամ չեն ուզում խոսել

Միացյալ Նահանգների երկու երեսը. ամերիկյան դատարանը ճանաչում է Հայոց ցեղասպանությունը, մինչդեռ Կոնգրեսում այդ մասին անգամ չեն ուզում խոսել

21-12-2010

Այն բանից հետո, երբ դեկտեմբերի 10-ին ամերիկյան դատարանը Հայոց ցեղասպանության հարցի օգտին վճիռ կայացրեց, սկսվեցին խոսակցություններն այն մասին, որ երկրի Կոնգրեսի Ներկայացուցիչների պալատը կարող է քվեարկել Հայոց ցեղասպանությունը ճանաչող բանաձևի նախագծի օգտին: Շուտով, սակայն, Վաշինգտոնը ամենաբարձր մակարդակով հասկանալ տվեց, որ այս պահին Թուրքիայի և ԱՄՆ-ի շահերը համընկնում են:

«Վստահ եմ` հաշվի առնելով ավելի ու ավելի բարդ խնդիրները, որոնց աշխարհը բախվում է, ես կարծում եմ, որ ամերիկա-թուրքական համագործակցությունն այժմ ավելի կարևոր է, քան երբևէ։ Մեր ընդահուր շահերը, ընդհանուր արժեքներն ուժեղացնում են մեր հարաբերություններն անգամ այն ժամանակ, երբ մենք ունենում ենք որոշ անհամաձայնություններ»,– ասել է ԱՄՆ նախագահ Բարաք Օբաման դեկտեմբերի 19-ին թուրքական Hurriyet-ին տված հարցազրույցում:

Թուրքագետ Հայկ Գաբրիելյանի կարծիքով` թուրք-ամերիկյան շահերի համընկնումը կանախատեսելի էր:

«Ա1+»-ը եթեր չստացավ, «ԱԼՄ»-ին զրկեցին եթերից. փորձագետները կատարվածը որակում են որպես «ֆարս» և «խայտառակություն», միջազգային իրավապաշտպան կազմակերպությունը`«հետքայլ»

«Ա1+»-ը եթեր չստացավ, «ԱԼՄ»-ին զրկեցին եթերից. փորձագետները կատարվածը որակում են որպես «ֆարս» և «խայտառակություն», միջազգային իրավապաշտպան կազմակերպությունը`«հետքայլ»

18-12-2010

Հեռուստատեսության և ռադիոյի ազգային հանձնաժողովը (ՀՌԱՀ) հինգշաբթի հրապարակած թվային հեռարձակման ցանցի միջոցով հեռուստածրագրերի եթերային հեռարձակում իրականացնելու մրցույթի արդյունքներով կրկին եթեր չտրամադրեց «Ա1+» հեռուստաընկերությանը:

«Ա1+»-ը պարտվեց «Արմնյուզ» հեռուստաընկերությանը, ով ևս պայքարում էր այն նույն հաճախության համար, ինչ «Ա1+»-ը: Մրցույթում հաղթեց «Արմնյուզը»՝ հավաքելով 44 միավոր, «Ա1+»-ը `2։

Հանձնաժողովի հրապարակած արդյունքներից հայտնի դարձավ նաև, որ նույն հաճախության համար պայքարող «ԱԼՄ» հեռուստաընկերությունը պարտվել է «Երևան» հեռուստաընկերությանը:

Հուլիսին ՀՌԱՀ-ի հայտարարած լիցենզավորման մրցույթին ներկայացված 18 հաճախություններից միայն այս երկուսի դեպքում կար մրցակցություն: Մյուս հեռուստաընկերությունները մրցակիցներ չունեին:

Աղետալի իրավիճակ. սիգի պաշարները Սևանա լճում կրճատվել են գրեթե 95 տոկոսով, գիտնականները և բնապահպաններն իրավիճակն «աննախադեպ» են որակում

Աղետալի իրավիճակ. սիգի պաշարները Սևանա լճում կրճատվել են գրեթե 95 տոկոսով, գիտնականները և բնապահպաններն իրավիճակն «աննախադեպ» են որակում

16-12-2010

Թեև դեկտեմբերի 3-ին ՀՀ բնապահպանության նախարարի հրամանով գրեթե մեկուկես ամսով արգելք է դրվել Սևանա լճում իշխան և սիգ ձկնատեսակների արդյունագործական որսի վրա, սակայն բնապահպաններն ու գիտնականները լավատես չեն, թե ձկնատեսակների քանակի խզման նման «աղետալի» իրավիճակում հնարավոր կլինի շոշափելի արդյունքի հասնել:

«Այդ հրամանները գործնական կիրառություն չունեն և ձևական են: Եթե այդպես չլիներ, այսօր այս վիճակը ստեղծված չէր լինի»,- «Մեդիալաբին» ասում է Հայաստանի կանաչների միության նախագահ Հակոբ Սանասարյանը:

Ըստ գիտական հետազոտությունների, ի տարբերություն 80-ականների սկզբի, Սևանա լճում սիգի ձկնապաշարները ներկայումս կրճատվել են առնվազն 170 անգամ:

Պահանջվում է պատրիարք. Պոլսո հայոց պատրիարքարանի շուրջ առաջացած խնդիրները պառակտում են հայ համայնքը

Պահանջվում է պատրիարք. Պոլսո հայոց պատրիարքարանի շուրջ առաջացած խնդիրները պառակտում են հայ համայնքը

16-12-2010

Այսօր Պոլսո հայոց պատրիարքարանի աթոռը փաստորեն թափուր է. ներկայիս պատրիարք Մեսրոպ Երկրորդ Մութաֆյանն անբուժելի հիվանդ է, Թուրքիայի իշխանությունների նշանակած փոխպատրիարքին էլ չի հավանում համայնքի մեծ մասը: Արդյունքում` ընթանում են պատրիարքական աթոռի նոր գահակալի որոնումներ, ինչն էլ պառակտում է Պոլսո հայ համայնքը:

Այս իրավիճակում առիթից օգտվում է Թուրքիայի կառավարությունը, որը, ըստ փորձագետների, փորձում է հնարավորինս ավելի շատ կառավարել Ստամբուլի հայ համայնքի հոգևոր կենտրոնը:

«Թուրքիայի իշխանությունները նպատակ ունեն թույլ պատրիարք ընտրելու միջոցով կործանել թուրքահայ և ստաբուլահայ համայնքը, դրա համար էլ Թուրքիան ձգձգում է հայ համայնքի աթոռակից պատրիարքի ընտրությունները»,- լրագրողների հետ հանդիպման ժամանակ ասել է թուրքագետ, ԵՊՀ արևելագիտության ֆակուլտետի փոխդեկան Ռուբեն Մելքոնյանը:

Մեկ այլ թուրքագետի` Գևորգ Պետրոսյանի կարծիքով` Թուրքիայի կառավարության կողմից միջամտելու փորձերը նորություն չեն և դեռ երկար են շարունակվելու:

«Եթե հայկական եկեղեցի մտնեք, կրակը կընկնեք». թիֆլիսահայերի հավաստմամբ` վրացի հոգևորականների համար հայերը ճիշտ քրիստոնյա չեն

«Եթե հայկական եկեղեցի մտնեք, կրակը կընկնեք». թիֆլիսահայերի հավաստմամբ` վրացի հոգևորականների համար հայերը ճիշտ քրիստոնյա չեն

14-12-2010

Թիֆլիսահայ Հովհաննեսը վրացական եկեղեցի երբեք չի մտնում. ժամանակին փորձել է ու կատարվածից դաս քաղել:

«Ես մի անգամ մտա: Խաչակնքեցի, իհարկե հայկական ձևով` ձախից աջ: Վրացի քահանան դա նկատեց և խնդրեց ինձ դուրս գալ եկեղեցուց»,- «Մեդիալաբին» պատմում է Հովհաննեսը:

Վրաստանի հայերի հետ զրուցելիս կարելի է տարբեր պատմություններ լսել: Ոմանք ասում են, թե հայերը Վրաստանում վատ են ապրում, ոմանք դա հերքում են: Բայց բոլորն էլ միաբերան հաստատում են այն լուրերը, որ վրացական եկեղեցու շատ սպասավորներ հայ քրիստոնյաներին քրիստոնյա չեն համարում:

Մի թիֆլիսահայ, ով խնդրեց իր անունը չնշել, պատմեց, որ իր ծանոթ մի ընտանիք որոշել էր մկրտել երեխային: Երեխայի հայրը վրացի էր, մայրը` հայ:

Իրավապաշտպան. Բեգլարյանի հարցով Սերժ Սարգսյանը պարտավոր էր հաղորդում ներկայացնել գլխավոր դատախազություն

Իրավապաշտպան. Բեգլարյանի հարցով Սերժ Սարգսյանը պարտավոր էր հաղորդում ներկայացնել գլխավոր դատախազություն

14-12-2010

Երևանի արդեն նախկին քաղաքապետ Գագիկ Բեգլարյանի շուրջ խոսակցությունները շարունակվում են անորոշ մնալ. արդյո՞ք Բեգլարյանին իր արարքի համար կենթարկե՞ն պատասխանատվության, թե՞ ոչ:

Ուրբաթ «Ազատություն» ռ/կ-ի հետ զրույցում ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, ԱԺ իշխող Հանրապետական խմբակցության անդամ Ռաֆիկ Պետրոսյանը հայտարարել էր, թե, որքան իրեն է հայտնի, «հանրապետության նախագահը կարգադրել է քրեական գործ հարուցել Բեգլարյանի դեմ»:

«Որովհետև քաղաքապետի գործողություններում կար քրեական օրենսգրքով հետապնդվող երեք արարք. ծեծը, որի հետևանքով թեթև վնասվածք է ստացել տուժողը, և առևանգումը»,- ասել էր Պետրոսյանը:

Անցյալ չորեքշաբթի Գագիկ Բեգլարյանը հրաժարականի դիմում էր ներկայացրել այն բանից հետո, երբ մամուլում լուրեր տարածվեցին այն մասին, որ նա առևանգել և ծեծի է ենթարկել նախագահի արարողակարգի աշխատակից Արմեն Կանդայանին:

Փոփոխությունների հույսե՞ր. միջադեպ և էմոցիոնալ արձագա՞նք, թե՞ քաղաքական կամքի դրսևորում

Փոփոխությունների հույսե՞ր. միջադեպ և էմոցիոնալ արձագա՞նք, թե՞ քաղաքական կամքի դրսևորում

11-12-2010

Դեկտեմբերի 8-ին իշխանության մշտական աջակցությունը վայելող Երևանի քաղաքապետ Գագիկ Բեգլարյանի հրաժարականը` քաղաքապետի անվան շուրջ օրեր շարունակ շրջանառվող սկանդալային պատմության ֆոնի վրա, տարաբնույթ ենթադրությունների տեղիք է տվել` երկրում իրական փոփոխությունների հնարավորության մասին:

«Շատ մարդիկ այսօր ծեծվում են կառավարության անդամների կողմից, բայց քանի որ զոհը պետական պաշտոնյա չէ, յուրային չէ, այս հարցը երբեք մամուլի ասուլիսների և դատական նիստերի քննարկման թեմա չի դառնա։ Եթե սա ապագա աշխատաոճի ազդակ է, շատ լավ է»,– ասում է «Ժառանգություն» կուսակցության հիմնադիր նախագահ Րաֆֆի Հովհաննիսյանը` ողջունելի համարելով Սերժ Սարգսյանի վերջին որոշումները:

Դեկտեմբերի 3-ին Երևանում կայացած աշխարհահռչակ Պլասիդո Դոմինգոյի համերգի ժամանակ, որը շատ լրատվամիջոցներ «պատմական» են որակել, Բեգլարյանը չի կարողացել ներկա գտնվել և նրա փոխարեն կինն է գնացել ընկերուհու հետ:

Քանի որ արարողակարգի համաձայն` ՀՀ նախագահի կողքին պաշտոնյաներ են նստում, Բեգլարյանի կնոջը ՀՀ նախագահի արարողակարգի աշխատակիցը խնդրել է մեկ աթոռ այն կողմ նստել, ինչն էլ սկանդալային պատմության պատճառ է դարձել:

Առանց ընդդիմության թեկնածուի. Բեգլարյանի շուրջ խոսակցություննեը շարունակվում են, մինչ Երեւանը պատրաստվում է նոր ընտրությունների

Առանց ընդդիմության թեկնածուի. Բեգլարյանի շուրջ խոսակցություննեը շարունակվում են, մինչ Երեւանը պատրաստվում է նոր ընտրությունների

11-12-2010

Մինչ խոսակցություները արդեն նախկին քաղաքապետ Գագիկ Բեգլարյանի հրաժարականի եւ աղմկահարույց պատմության շուրջ շարունակում են քննարկումների թեմա մնալ, ընդամենը մի քանի օր անց`դեկտեմբերի 13-ին, արդեն իսկ կգումարվի Երեւան քաղաքի ավագանու արտահերթ նիստ, որի ընթացքում, ավագանու անդամները կընտրեն Երեւանի նոր քաղաքապետին:

Ընդդիմությունն չի մասնակցի ավագանու նիստին եւ հետեւաբար, թեկնածու չի առաջադրի:

2009 թվականի մայիսի 31-ին կայացած Երեւանի ավագանու ընտրությունների արդյունքներով, Երեւանու ավագանու կազմում  ՀԱԿ-ը 14 տեղ ստացել: Ընդդիմադիրները, սակայն, հաջորդ օրն իսկ  վայր են դրել իրենց մանդատները, եւ առայսօր չեն մասնակցել ավագանու նիստերին:

«Մեդիալաբի» հարցին ի պատասխան, թե արդյո՞ք հնարավոր է, որ ընդդիմությունըն մասնակցի ավագանու նիստին եւ թեկնածու առաջադրի,  ՀԱԿ համակարգող Լեւոն Զուրաբյանը ասաց.

Ազատություն քաղբանտարկյալներին. ճնշումներ, քաղաքական որոշո՞ւմ, թե՞ պարտավորություններ

Ազատություն քաղբանտարկյալներին. ճնշումներ, քաղաքական որոշո՞ւմ, թե՞ պարտավորություններ

09-12-2010

Երկուշաբթի «Դատապարտյալների հիվանդանոց» ՔԿՀ-ից ազատ է արձակվել ընդդիմության հերթական ակտիվիստ, քաղբանտարկյալ Գաբրիել Գաբրիելյանը:

Գաբրիելյանը արդեն երրորդ քաղբանտարկյալն է, ով ազատ է արձակվել այս ժամանակահատվածում. մինչ այդ հոկտեմբերի 29-ին ազատ էր արձակվել վանաձորցի նկարիչ, քաղբանտարկյալ Աշոտ Մանուկյանը, նոյեմբերի 24-ին` ՔԿՀ վարչության նախկին պետ, ազատամարտիկ Մուշեղ Սաղաթելյանը:

Մի քանի իրավապաշտպաններ արդեն հայտարարել են, որ նման եղանակով շուտով ազատ կարձակվեն առնվազն ևս երկու քաղբանտարկյալներ:

Բոլոր բանտարկյալներն ազատ են արձակվել պատժի երկու երրորդը կրած լինելու հիմնավորմամբ: Ու թեև Հայաստանի իշխանությունները փորձում են չքաղաքականացնել իրենց այս քայլը և հղում են կատարում օրենքի պահանջներին, փորձագետներն ու ընդդիմադիրները վստահ են, որ այս որոշումը քաղաքական է, և որ տարատեսակ ճնշումների հետևանքով սկսվել է ընդդիմադիր ակտիվիստներին ազատ արձակելու երկրորդ փուլը:

Երկրաշարժից 22 տարի անց. մարդկային անվերադարձ կորուստներից զատ, երկրաշարժից տուժածները կանգնած են բնակարան ստանալ-չստանալու հարցի առջև

Երկրաշարժից 22 տարի անց. մարդկային անվերադարձ կորուստներից զատ, երկրաշարժից տուժածները կանգնած են բնակարան ստանալ-չստանալու հարցի առջև

08-12-2010

Երկրաշարժից ավելի քան երկու տասնամյակ անց էլ էպիկենտրոն Սպիտակի բնակիչները ցավով ու սարսափով են հիշում այդ օրը` չապաքինված սպիների կողքին դեռևս անլուծելի են մնում բազմաթիվ խնդիրներ, դժվարին` ապրելու պայմանները:

Ճիշտ 22 տարի առաջ` դեկտեմբերի 7-ին, ավերիչ երկրաշարժը, ըստ պաշտոնական տվյալների, խլեց առնվազն 25 հազար մարդու կյանք:

Ավերվեցին ներկայիս Գյումրին և Սպիտակը, մեծ վնասներ կրեցին Վանաձորն ու Ստեփանավանը, բազմաթիվ գյուղեր, անօթևան մնացին տասնյակ հազարավոր մարդիկ:

«Ի՞նչ Սպիտակ, Սպիտակ չէր մնացել, ողջ քաղաքը քարակույտ էր դարձել, կեղտ ու փոշի, փոշուց կարծես արևը խավարած լիներ»,- ասում են հազարավոր մարդկային կորուստ տեսած Սպիտակի բնակիչները: