«Կարելի է վստահ լինել, որ դա պարտադրված տեքստ է եւ, բնականաբար, ինքը չի գրել: Իրեն տվել են` դատելով բառամթերքից եւ հարցադրումների կերպից, որ ինքը խեղճ, տառապագին ապրումներ ունի Վահեի հետ կապված: Դա գրում է մարդը, որն այս 12-15 օրերի ընթացքում իր տառապանքի մասին գերադասեց չխոսել, չայցելել»,-հարցին` ի՞նչ տպավորություն թողեց Ձեզ վրա Ռուբեն Հայրապետյանի` մանդատից հրաժարվելու որոշումը, մանավանդ, որ հայտարարության մեջ բավականին սրտաճմլիկ նկարագրումներ կային, ասաց «Պահանջում ենք պատժել Հարսնաքարի մեղավորներին» հանրային խմբի անդամ, ազգագրագետ Հրանուշ Խառատյանը:

Տիկին Խառատյանի խոսքով, անգամ Զորի Բալայանը, ով ամեն գնով փորձում է, ջանք է թափում հասարակությանն իրազեկել եւ հասանելի դարձնել, որ իշխանությունն անտարբեր չի եղել այդ միջադեպի եւ նրան հաջորդած իրադարձությունների նկատմամբ, որ Ռիտա Սարգսյանն է այցելել, Դերենիկ Դումանյանը, ոչ մի խոսք չի գտնում ասելու, թե Հայրապետյանն ինչպե՞ս է արձագանքել:

«Չենք լռելու» երիտասարդական նախաձեռնությունը հայտարարություն է տարածել՝ պահանջելով վաճառել «Հարսնաքարը» եւ փոխանցել գումարը Վահե Ավետյանի ընտանքին: Հայտարարությունն ամբողջությամբ ներկայացնում ենք ստորեւ:

««Չենք լռելու» երիտասարդական նախաձեռնության անդամներն այսօր մասնակցել են Վահե Ավետյանի հուղարկավորությանը` սգո և ցասման մի արարողության, որը ապացուցելու եկավ այս օրերին լրագրողներից մեկի կողմից հնչեցված միտքն այն մասին, որ «հայերի վառոդանոթում դեռ վառոդ կա»:

Այսօր երեկոյան ժամը 21:00-ին ի հիշատակ Վահե Ավետյանի կազմակերպված մոմավառության մասնակցության կոչ է արել հայտնի իրավապաշտան, Հելսինկյան Քաղաքացիական Ասամբլեայի Վանաձորի գրասենյակի նախագահ Արթուր Սաքունցը:

«Իմ բոլոր ընկերներին, համախոհներին չսիրողներին ատողներին, բարեկամներին, անծանոթներին և մտերիմերին կոչ եմ անում. ԱՆՊԱՅՄԱՆ ԼԻՆԵԼ ՀԱՆՑԱՔԱՐՈՒՄ/հարսնաքար ռեստորանում/ այսօր ժամը 21:00-ին -մոմավառության ի հիշատակ այդտեղ սպանված ՎԱՀԵ ԱՎԵՏՅԱՆԻ...»,-գրել է իրավապաշտպանը:

Այս հանցագործությունը կատարողները, հովանավորողները պետք է և դատարանում, և հասարակության առջև պատասխանատվություն կրեն, մեր բոլորիս վրա թքելու, մեզ սպանելու, մեր մեջի մարդուն ոչնչացնելու համար... մենք կանք, մենք ապրում ենք, մենք արժանապատիվ ենք, մենք դատապարտում ենք... տեռորը, բռնությունը չի հաղթի, չի անցնի, չի իշխի...»:

Հիշեցնենք, որ Բժիշկ Վահե Ավետյանի մահը ցասումի հասարակական ալիք է բարձրացրել. սոցիալական ցանցերը ողողված են «Հարսնաքարում» տեղի ունեցած միջադեպի եւ մեղավորներին պատժելու, անտարբերությունից պայքարի դուրս գալու կոչերով:

Երկու օր առաջ «Հարսնաքար» ռեստորանային համալիրում ծեծի ենթարկված բժիշկ Վահե Ավետյանի վիճակը շարունակում է ծայրահեղ ծանր մնալ, մյուս տուժողները համեմատաբար կայուն վիճակում են, իսկ մինչ այդ իրավապահները դժվարանում են որոշել՝ որ գերատեսչությունը պիտի զբաղվի միջադեպի քննությամբ:

Պաշտպանության նախարարության Երեւանի կայազորի հոսպիտալի Ուրոլոգիայի բաժնի պետ, մայոր 33-ամյա Ավետյանին այսօր կրկին վիրահատել են: Վիրահատող բժիշկ Հակոբյանը նշում է, որ փորձել են կանխել ուղեղի շարունակվող այտուցումը, սակայն Ավետյանին այլեւս ոչ դեղորայքով, ոչ էլ վիրահատությամբ օգնել հնարավոր չէ.

Իրավապաշտպան Արթուր Սաքունցը՝ «Ազատության պաշտպան», լրագրող Ծովինար Նազարյանը՝ «Խիզախ կին», Epress.am լրատվական կայքը՝ գերազանց լրատվամիջոց, բնապահպան-ակտիվիստներ Ապրես Զոհրաբյանը, Եղիա Ներսիսյանը, Գոռ Հակոբյանը, Մարի Խաչատրյանն ու Ռուզաննա Գրիգորյանը` բնության պահպաններ:

Նրանք են մարդու համընդհանուր իրավունքների այն պաշտպանները, որոնք հունիսի 4-ին մրցանակներ ստացան Հայաստանում ԱՄՆ եւ Մեծ Բրիտանիայի դեսպանությունների, «Քաունթերփարթ ինթերնեյշնլ» կազմակերպության, ԵԱՀԿ եւ ԵՄ գրասենյակների կողմից: Մրցանակների հանձնմանը ներկա էր նաեւ պաշտոնական այցով Երեւանում գտնվող ԱՄՆ պետքարտուղար Հիլարի Քլինթոնը:

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցի բնորոշմամբ՝ այս մրցանակով խրախուսվում, քաջալերվում է Հայաստանում մարդու իրավունքների պաշտպանությունը, ինչն ամրագրված է նաեւ ՀՀ Սահմանադրությամբ, սակայն, խնդիրն այն է, որ Հայաստանում գործնականը խզում ունի Սահմանադրությունից:

«Եւ այս ամենի իմաստն այն է, որ այդ խզումը նվազեցվի»,- ասում է իրավապաշտպանը` հավելելով, որ պատահական չէ, որ մրցանակներ են հանձնվել նաեւ իշխանության ներկայացուցիչներին, ինչը ցույց է տալիս, որ երբ մի կողմից խրախուսվում են իշխանությունները, մյուս կողմից խրախուսվում է նաեւ քաղաքացիական հասարակությունը:

Իշխանության ներկայացուցչին՝ փոխոստիկանապետ գեներալ-մայոր Արթուր Օսիկյանին ոստիկանության բարեփոխումներում, հատկապես` ոստիկանության կրթական համակարգի դրական տեղաշարժերում ունեցած դերակատարման համար մրցանակ է հանձնել Հայաստանում Մեծ Բրիտանիայի դեսպան Ջոնաթան Էյվզը:

Երեւանում «DIY» ակումբի պայթյունի իրականացնողները գրավի դիմաց ազատ են արձակվել եվ ակումբի տնօրեն Արմինե Օգանեզովան (Ծոմակ) հայտարարում է, որ ակումբի դեմ պայքարը հովանավորվում է Դաշնակցության կողմից:

Ի պատասխան այս ամենի` Արծվիկ Մինասյանը հանդես է եկել հայտարարությամբ, որտեղ ասվում է, որ որպես ԱԺ պատգամավոր նա բազմիցս նշել է, որ Հայաստանում կալանավորումը` որպես խափանաման միջոց, պետք է կիրառվի խիստ հազվագյուտ դեպքերում, այլ ոչ թե դառնա հաճախ կիրառվող պարկտիկա:

«Այս անձնական համոզումս ժամանակին հիմք է հանդիսացել, որ անձնական երաշխավորությունը կամ գրավը որպես կալանավորման այլընտրանքային միջոց կիրառելու նախաձեռնությամբ հանդես գամ, թե օրեսդրական առաջարկների ձեվով, եւ թե մասնավոր դեպքերում»,- ասում է նա հաղորդագրության մեջ:

Մաշկաբանները զգուշացնում են՝ արտերկրից բերված եւ արդեն օգտագործված հագուստը կարող է մաշկային հիվանդությունների պատճառ դառնալ, քանի որ հայտնի չէ, արդյոք այդ հագուստի առեւտրով զբաղվող խանութները եւ այն ներկրող ընկերություններն ու անհատները այն անհրաժեշտ մշակման ենթարկում են, թե՞ ոչ:

Ավելի քան 35 տոկոսանոց պաշտոնական աղքատության պայմաններում շատ հայաստանցիների համար փրկություն են դարձել այսպես կոչված Second hand (երկրորդ ձեռքից) եվրոպական հագուստները, որոնք թեպետ օգտագործված են, բայց նոր տեսք ունեն ու 5-10 անգամ ավելի մատչելի են, քան որակյալ նոր հագուստները, ու ավելի դիմացկուն, քան համեմատաբար էժան նորը:

Սակայն, պատկան մարմինների անուշադրության պատճառով Հայաստանի համար նորահայտ այս բիզնեսը, ըստ մաշկաբանների կարող է վտանգավոր լինել՝ անհրաժեշտ մշակման բացակայության դեպքում:

«Օգտագործված հագուստը վաճառելուց առաջ ախտահանվում է քիմիական նյութերով, որոնք կարող են կոնտակտային դերմատիտի պատճառ դառնալ, երբ մաշկը այտուցվում է, քոր է գալիս: Բացի մաշկաբորբից` միշտ կա ալերգիայի վտանգ: Հաճախ այդ քիմիական նյութերին հատուկ հավելումներ են ավելացնում, որպեսզի հետո հոտը չզգացվի, իսկ այդ հավելումները կարող են ալերգիաների պատճառ դառնալ», - ասում է մաշկաբան-վեներոլոգ Սահակ Հակոբյանը:

Հերթական առտառոց դեպքն է գրանցվել այսօր՝ Գյումրիի քաղաքապետ Վարդան Ղուկասյանի ընտանիքի անդամների մասնակցությամբ:

Քաղաքապետի տղան՝ Սպարտակ Ղուկասյանը, որը հայտնի է պարբերաբար արտակարգ իրավիճակներ ստեղծելու իր կարողությամբ, այսօր առավոտյան առեւանգել է «Կենտրոն» հեռուստաընկերության օպերատորին:

Այդ մասին տեղեկացնում է ՀՀ դատախազության պաշտոնական հաղորդագրությունը:

«2012 թվականի մայիսի 6-ին՝ ժամը 08:30-ին, ՀՀ գլխավոր դատախազության թեժ գծով ահազանգ է ստացվել ԲՀԿ վստահված անձ Գոհար Աբրահամյանից եւ Նազելի Յարալյանից, որ «Կենտրոն» հեռուստաընկերության նկարահանող խումբը նկարահանումներ է իրականացրել Գյումրիի թիվ 6 դպրոցում տեղակայված թիվ 34/25 ընտրատեղամասում: Ըստ հաղորդման հեղինակի՝ Գյումրիի քաղաքապետի տղան՝ Սպարտակ Ղուկասյանը օպերատորի ձեռքից վերցրել է հեռուստախցիկը, այնուհետեւ տարել նաեւ օպերատոր Վարազդատ Պապիկյանին»,-նշված է դատախազության տարածած հաղորդագրության մեջ:

«Միացյալ թագավորությունը ոչինչ չի շահի ցեղասպանության փաստը ընդունելով, բայց այդ քաղաքականությունը կառավարությանը էթիկայի տեսանկյունից խիստ քննադատական կարգավիճակում է թողնում»,- այսպես է արտահայտվել Միացյալ Թագավորության թագուհու խորհրդական, միջազգային իրավագետ Ջեֆրի Ռոբերթսոնը դեռ 1999թ.-ին Արտաքին գործերի եւ համագործակցության հարցերով զբաղվող գրասենյակի հուշագրում:

Անցել է 3 տարի եւ նույն մարդը նույն խոսքերն արդեն կրկնում է Հայաստանում, որտեղ եկել է «Լույս» հիմնադրամի հրավերով:

Ռոբերթսոնը Հայաստանի համար կարեւոր միջազգային հեղինակություն վայելող մարդ է, քանի որ պարբերաբար հանդես է գալիս իրավական վերլուծություններով, որոնցով փաստացի է ապացուցում ցեղասպանության եղելությունը: Նա համոզված է, որ Բրիտանական կառավարության՝ «ապացույցները միանշանակ չեն համոզում եղելությունը ցեղասպանություն որակելու համար» պնդումը կեղծ է:

«Երևանի Վ. Բրյուսովի անվան պետական լեզվաբանական համալսարան» պետական ոչ առևտրային կազմակերպության ռեկտոր Սուրեն Զոլյանը շարունակելու է զբաղեցնել ռեկտորի պաշտոնը, քանի որ նախարարի որոշումը, նրա համոզմամբ, չունի իրավական հիմքեր:

ՀՀ կրթության եւ գիտության նախարար Աշոտյանը երեկվանից դադարեցրել է ռեկտոր Սուրեն Զոլյանի լիազորությունները, ինչն առաջ էր բերել հարյուրավոր ուսանողների դժգոհությունը:

«Զոլյան...Ազատ, անկախ Բրյուսով...» վանկարկելով՝ ուսանողները այսօր դասերից հետո շարժվեցին դեպի ՀՀ կրթության և գիտության նախարարություն՝ ասելով որ Աշոտյանը դադարեցնի Ֆեյսբուքում գրառում անելը եւ դրա փոխարեն գա իրենց լսի: Ուսանողները հայտարարեցին, որ ոչ մի քաղաքական ենթատեքստ չունի իրենց շարժումը. իրենք պարզապես ուզում են վերականգնել սիրելի ռեկտորին:

«Հայաստանի Հելսինկյան կոմիտեի» նախագահ, իրավապաշտպան Ավետիք Իշխանյանը կարծում է, որ իշխանություններին դուր չի եկել, որ «Երևանի Վ. Բրյուսովի անվան պետական լեզվաբանական համալսարանը» քաղաքականացված չէ ու հնարավոր չէ օգտագործել նախըտրական շրջանում վերջինսիս ռեսուրսները: Դա է հիմնական պատճառը, իրավապաշտպանի կարծիքով, որի համար ռեկտոր Սուրեն Զոլյանին այսօր աշխատանքից ազատել են:

60-ամյա Բենիամին Հովակիմյանն ասում է, որ «Նուբարաշեն» քրեակատարողական հիմնարկ գնալ-գալու ճանապարհին ավելի է ծերացել, քան ամբողջ կյանքում: Նա անընդհատ հարցում է ինքն իրեն` ինչու է տղան գտնվում քրեակատարողական հիմնարկում արդեն 26 ամիս, եթե նրա մեղքը դատարանի վճռով ապացուցված չէ:

2010 թ. հունվարին «Մոսկվա» կինոթատրոնից 5 մլն 80 հազար դրամ և 10 հազար ռուսական ռուբլի գողանալու համար մեղադրում են Հովակիմյանի որդուն՝ Ստեփան Հովակիմյանին (այժմ 30 տարեկան) և նրա ընկեր Վահրամ Քերոբյանին (այժմ 26 տարեկան): Նախնական վարկածով՝ Հովակիմյանն է Քերոբյանին ուղղորդել գողություն կատարելու, այժմ երկուսն էլ կալանավորված են:

«Սկզբում ես էլ էի կասկածում, որովհետև քննիչը շատ հաստատ էր պնդում իմ տղայի մեղքը, բայց երբ ուսումնասիրեցի գործը, տեսա, որ ոչ մի ապացույց չկա, բացի խոշտանգումների արդյունքում կորզված Ստեփանի ինքնախոստովանական ցուցմունքից: Այդ ցուցմունքում ներկայացված փաստերն էլ ոչ մի կերպ ապացուցված չեն»,- «Մեդիալաբին» ասում է Հովակիմյանի հայրը:

«ՀՀԿ-ի կողմից Սուրբ Զատիկին ընդառաջ, որպես «բարեգործական ակցիա» Երեւանի Աջափնյակ համայնքում հավկիթներ են նվիրում», «Հայկաշեն գյուղում հոգեհանգստի ժամանակ «Օրինաց երկիր» կուսակցության ներկայացուցիչների օղի եւ սուրճ բաժանում»:

Այս ահազանգերն ընդամենը երկուսն են արդեն հինգ տասնյակը գերազանցող ՀՀ տարբեր մարզերի քաղաքներից եւ գյուղերից ստացվող ահազանգերից, որոնց մասին խորհրդարանական ընտրությունների շեմին տեղեկացնում են հենց բնակիչները՝iDitord.org հանրային վերահսկում իրականացնող կայքի միջոցով:

Հայաստանում մշակվող օրենքի նոր նախագիծը, որի համաձայն համեմատաբար թեթև հանցանք գործած դատապարտյալներին հնարավորություն կտրվի ըստ ցանկության կալանավայրին այլընտրանք ընտրել «ազատ տարածքներում» ընտանիքների հետ ապրելն ու աշխատելը, ենթադրվում է, որ ոգևորությամբ կընդունվի շատ դատապարտյալների ընտանիքների կողմից, սակայն շատերի գնահատմամբ` ղարաբաղյան հակամարտության կարգավորման գործընթացում կարող է նոր շահարկումների և բռնկումների պատճառ դառնալ:

Դեկտեմբերի 19-ին կայացած «Հեքըթոն[ՅԱՆ] Երևան 2011» մրցույթի մրցանակաբաշխության ժամանակ,  Երևանի քաղաքապետարանի սահմանած «Լավագույն նախագիծ» անվանակարգում հաղթող է ճանաչվել «Օգնական» թիմի̀ լսողության խանգարումներ ունեցողների համար բջջային ծրագիրը: Ծրագրի գաղափարի հեղինակը «Մեդիալաբի» լրագրող Փառանձեմ Հովհաննիսյանն է:

«Եղնիկներ» զորամասում հերթական դժբախտ դեպքը կրկին անգամ քննարկումների եւ դժգոհությունների ալիք է բարձրացրել:

Դեկտեմբերի 14-ին «Եղնիկներ» զորամասում ենթասպա Արմեն Թովմասյանը 10.30-11.00-ի սահմաններում Էջմիածնից զորակոչված 18-ամյա ժամկետային զինծառայող Նարեկ Ավետիսյանի աչքին շղթայով հարվածելով այնպես է վնասել այն, որ զինվորը կորցրել է տեսողական օրգանը:

Այս տարի ամռանը հետապնդման ժամանակ ոստիկանների կողմից վնասազերծման արդյունքում մահացած Արման Ենգիբարյանի հոր եւ կնոջ ներկայացուցիչ, փաստաբան Էդմոն Մարուքյանը նախնական դիմում է ուղարկել Մարդու իրավունքների եվրոպական դատարան` նրա նկատմամբ ոստիկանների գործողությունները ՄԻԵԿ –ի 2-րդ, 13-րդ եւ 6 –րդ հոդվածի 2-րդ մասով խախտումներ ճանաչելու պահանջով:

Մարդու իրավունքների եվրոպական դատարանը Վանաձորի Ռազմավարական դատավարությունների կենտրոն իրավապաշտպան ՀԿ-ին ծանուցմամբ հայտնել է, որ ադրբեջանական գերության մեջ շուրջ 2 տարի մնացած եւ անմարդկային զրկանքներ կրած Արթուր Բադալյանի դիմումը գրանցվել է համապատասխան համարի տակ:

Ծանուցագրի մեջ նշված է, որ եվրոպական դատարանը հնարավորինս արագ, սեղմ ժամկետներում քննության կառնի դիմումի ընդունելության հարցը: