Աստրախանում կայացած եռակողմ հանդիպման ժամանակ ռազմագերիների եւ զոհվածների դիերը փոխանակելու վերաբերյալ պայմանավորվածություն է ձեռք բերվել

Աստրախանում կայացած եռակողմ հանդիպման ժամանակ ռազմագերիների եւ զոհվածների դիերը փոխանակելու վերաբերյալ պայմանավորվածություն է ձեռք բերվել

28-10-2010

Քիչ առաջ ՌԴ Աստրախան քաղաքում ավարտվել է ԼՂ հակամարտության խաղաղ կարգավորման շրջանակներում եռակողմ հանդիպումը` Հայաստանի, Ռուսաստանի և Ադրբեջանի նախագահների միջև,  ուր նախագահներն հանդես են եկել համատեղ հայտարարությամբ:

Հանդիպման նախաձեռնող ՌԴ նախագահ Դմիտրի Մեդվեդեվը հանդիպումից հետո լրագրողների ասել է, թե կողմերի միջու համաձայնություն ձեռք բերվեց համատեղ հայտարարության շուր, որը թեեւ հումանիտար բնույթ է կրում, սակայն շատ կարեւոր են ներկայիս Հայաստան-Ադրբեջան բարդ հարաբերությունների ֆոնին:

«Խոսքը հատուկ դեկլարացիայի մասին է, որն ուղղված է վստահության միջոցների ամրապնդմանը, որպեսզի անհապաղ իրականացվի ռազմագերիների փոխանակում և զոհվածների մարմինների վերադարձ»,– ըստ ռուսական լրատվամիջոցների հայտարարել է Դմիտրի Մեդվեդեվը։

Սերժ Սարգսյանի ժամանել է Աստրախան

Սերժ Սարգսյանի ժամանել է Աստրախան

28-10-2010

Նախագահ Սերժ Սարգսյանը ժամանել է ՌԴ Աստրախանի մարզ, որտեղ ՌԴ Նախագահ Դմիտրի Մեդվեդևի նախաձեռնությամբ նախատեսված է ԼՂ հակամարտության խաղաղ կարգավորման շրջանակներում եռակողմ հանդիպում` Հայաստանի, Ռուսաստանի և Ադրբեջանի նախագահների միջև:

Ընդդիմությունը հարգանքի տուրք է մատուցել

Ընդդիմությունը հարգանքի տուրք է մատուցել

28-10-2010

Հոկտեմբերի 27-ին` ողբերգության 11-ամյա տարելիցի օրը, ոճրագործության զոհ դարձած ԱԺ նախագահ Կարեն Դեմիրճյանի եւ ՀՀ վարչապետ Վազգեն Սարգսյանի հիշատակին:

Ընդդիմության առաջնորդները, Կոնգրեսի անդամ կուսակցությունների նախագահները ծաղկեփնջեր են դրել Կարեն Դեմիրճյանի եւ Վազգեն Սարգսյանի շիրիմներին: Ընդդիմության առաջնորդ Լեւոն Տեր-Պետրոսյանը եւ Կարեն Դեմիրճյանի որդին` ՀԺԿ նախագահ Ստեփան Դեմիրճյանը զերծ են մնացել մեկնաբանություններից:

© Medialab.am

Նախագահի մամուլի քարտուղարը հերքում է

Նախագահի մամուլի քարտուղարը հերքում է

28-10-2010

Պատասխանելով այսօր առավոտվանից անանուն աղբյուրի կողմից youtube.com կայքում տեղադրված ԱՄՆ փոխնախագահ Ջո Բայդենին վերագրվող տեսանյութի վերաբերյալ հարցին` ՀՀ Նախագահի մամուլի քարտուղար Արմեն Արզումանյանը հայտնեց.

Այսօր հոկտեմբերի 27-ի տարելիցն է

Այսօր հոկտեմբերի 27-ի տարելիցն է

28-10-2010

Այսօր լրանում է 1999 թվականի հոկտեմբերի 27-ին` Հայաստանի խորհրդարանում տեղի ունեցած արյունալի դեպքերից 11-ամյա տարելիցը։

Տասնմեկ տարի առաջ այս օրը՝ ժամը 17։00-ի սահմաններում, Նաիրի Հունանյանի գլխավորած ահաբեկչական խումբը ներխուժեց Աժ նիստերի դահլիճ ու գնդակահարեց 8 մարդու` ԱԺ նախագահ Կարեն Դեմիրճյանին, ՀՀ վարչապետ Վազգեն Սարգսյանին, ԱԺ փոխնախագահներ Յուրի Բախշյանին ու Ռուբեն Միրոյանին, ինչպես նաեւ  պատգամավորներ Միքայել Քոթանյանին, Հենրիկ Աբրահամյանին, Արմենակ Արմենակյանին եւ օպերատիվ հարցերի նախարար Լեոնարդ Պետրոսյանին:

Հերթական միջադեպը եռակողմ հանդիպումից առաջ. ադրբեջանական գնդակից զոհվել է հայ զինծառայող

Հերթական միջադեպը եռակողմ հանդիպումից առաջ. ադրբեջանական գնդակից զոհվել է հայ զինծառայող

28-10-2010

Աստրախանում կայանալիք Սարգսյան-Մեդվեդեւ-Ալիեւ հանդիպումից մեկ օր առաջ, ադրբեջանական կողմը ղարաբաղա-ադրբեջանական շփման գոտում հայ զինծառայող է սպանել:

Միջադեպը տեղի է ունեցել ԵԱՀԿ առաքելության կողմից ղարաբաղա-ադրբեջանական շփման գոտում անցկացված պլանային դիտարկումից քիչ անց:

Ինչպես հաղորդում են ԼՂՀ Պաշտպանության բանակի լրատվական ծառայությունից, հոկտեմբերի 26-ին ղարաբաղա-ադրբեջանական զորքերի շփման գծի հյուսիս-արեւելյան (Մարտակերտի) ուղղությամբ տեղակայված դիրքերի վրա սպանվել է Ստեփանակերտ քաղաքից զորակոչված, ՊԲ շարքային զինծառայող` 1990 թվականի ծնված Հարութ Աշոտի Գրիգորյանը:

Ըստ ԼՂՀ ՊԲ-ի կողմից հրապարակված տվյալների, զինվորը սպանվել է ադրբեջանական կողմից ձեռնարկված հերթական հրաձգության արդյունքում:

Աստրախանի եռակողմ հանդիպմանն ընդառաջ իշխանությունները խոսում են ԼՂՀ անկախությունը ճանաչելու հնարավորությունների մասին, մինչդեռ վերլուծաբանների ակնկալիքները մեծ չեն

Աստրախանի եռակողմ հանդիպմանն ընդառաջ իշխանությունները խոսում են ԼՂՀ անկախությունը ճանաչելու հնարավորությունների մասին, մինչդեռ վերլուծաբանների ակնկալիքները մեծ չեն

27-10-2010

Չնայած վերլուծաբանները մեծ ակնկալիքներ չունեն հոկտեմբերի 27-ին Աստրախանում կայանալիք Սերժ Սարգսյան-Դմիտրի Մեդվեդեւ-Իլհամ Ալիեւ հանդիպումից, այդուհանդերձ քաղաքական գործիչները չեն բացառում, որ այդ հանդիպումից հետո ՀՀ-ն կարող է ճանաչել ԼՂՀ անկախությունը:

ՀՀ ԱԺ նախագահ Հովիկ Աբրահամյանը հոկտեմբերի 26-ին  ԱԺ-ում հայտարարել է, որ եթե «Աստրախանի հանդիպումից հետո նախագահն առաջարկի խորհրդարանին ճանաչել Լեռնային Ղարաբաղի անկախությունը,  դա տեղի կունենա առանց որեւէ խնդրի»:

Իր հերթին Ղարաբաղի անկախության ճանաչումը օրերս չէր բացառել նաեւ ՀՀ ԱԳ նախարար Էդվարդ Նալբանդյանը, ով հայտարարել էր, թե ԼՂՀ ճանաչումն ինքնին բացառված չէ, սակայն, «քանի դեռ հնարավորություն կա բանակցությունների միջոցով կարգավորել հիմնախնդիրը, ապա ճանաչման հարցի հրատապությունն այսօր դեռ չկա»:

Այս շաբաթ ԱԺ-ում քվեարկության է դրվելու «ԼՂՀ անկախությունը ճանաչելու մասին» Ժառանգություն խմբակցության ներկայացրած նախագիծը: Ինչպես «Մեդիալաբին» փոխանցեց «Ժառանգություն» խմբակցության պատգամավոր Ստեփան Սաֆարյանը, ըստ ամենայնի, հարցը կքննարկվի մինչեւ հինգշաբի:

Նախագահ Սերժ Սարգսյանի հարցազրույցը Շիրակի մարզ կատարած աշխատանքային այցի ժամանակ

Նախագահ Սերժ Սարգսյանի հարցազրույցը Շիրակի մարզ կատարած աշխատանքային այցի ժամանակ

26-10-2010

Պարո՛ն Նախագահ, ինչպիսի՞ն է Ձեր տպավորությունը շաքարի գործարան այցելությունից հետո:

-Երկար տարիներ Հայաստանում շաքար չէր արտադրվում, հիմա արտադրվեց: Մեր շաքարն ամենից լավը պետք է լինի: Իհարկե, կատարված աշխատանքը շատ տպավորիչ է, և ժամանակակից տեխնոլոգիաներով հագեցած այս գործարանը մի քանի խնդիրներ է լուծելու. նախ` այս տարածաշրջանում ապահովելու է 1000 աշխատատեղ: Հիմա արդեն աշխատում է 700 հոգի:

Իսկ 1000 կայուն աշխատատեղը` բարձր աշխատավարձով, շատ լուրջ խնդիրներ է լուծելու այս տարածաշրջանի համար, և որոշ ժամանակ հետո, իրոք, ազդեցությունն զգացվելու է: Երկրորդ` գործարանը այս համայնքների համար լոկոմոտիվի դեր է կատարելու, որովհետև այն ի վիճակի է վերամշակելու տեղում արտադրած ճակնդեղը: Հասկանում եմ, որ հիմա որոշակի խնդիրներ կան, վստահության պակաս կա. մարդիկ երևի չեն հավատում, որ գործարանն ի վիճակի է իրենց արտադրած բերքն ամբողջովին գնելու, կամ կասկածում են բերքատվության վրա:

Սերժ Սարգսյան. «..զզվում եմ բոլոր այն մարդկանցից, ովքեր փորձում են բանակի հաշվին քաղաքական դիվիդենտներ շահել»

Սերժ Սարգսյան. «..զզվում եմ բոլոր այն մարդկանցից, ովքեր փորձում են բանակի հաշվին քաղաքական դիվիդենտներ շահել»

26-10-2010

Ախուրյանում  շաքարի գործարանի բացման արարողությունից հետո, շաբաթ օրը Հայաստանի նախագահ Սերժ Սարգսյանը անդրադարձել է վերջին շրջանում հաճախակի դարձած բանակին առնչվող հրապարակումներին եւ հայտարարել, թե ինքը «վատ է վերաբերում բանակի պախարակմանը»:

«Երբեք մեր բանակը զերծ չի եղել պատահարներից, երբեք մեր բանակում չեն եղել տարիներ, երբ զինվոր չզոհվի, սպա չմահանա, դժբախտ պատահար տեղի չունենա, որովհետև մեր բանակը հսկայական կառույց է, մեր բանակը գործող բանակ է, և, վերջապես, յուրաքանչյուր բանակ հանդիսանում է հասարակության անբաժան մասը:

ՀՀ ՊՆ-ն Սարիբեկյանի մահվան վկայագրից տեղեկություն չունի

ՀՀ ՊՆ-ն Սարիբեկյանի մահվան վկայագրից տեղեկություն չունի

26-10-2010

Ադրբեջանական աղբյուրների հաղորդմամբ, Ադրբեջանը Կարմիր Խաչին է ներկայացրել Մանվել Սարիբեկյանի մահվան մասին վկայագիրը:

Ըստ ադրբեջանական լրատվամիջոցների, Ադրբեջանի ռազմական դատախազության կողմից Մանվել Սարիբեկյանի մահվան վկայագիրը Կարմիր Խաչի Միջազգային Կոմիտեին հանձնելու լուրը հայտնել է ԿԽՄԻ-ի Բաքվի գրասենյակի տեղեկատվական բաժնի ղեկավար Իլահա Հուսեյնովան։

«Քրեագետ- դատախազի, դատական փորձագետ- բժշկի կողմից,  այդ գործին տեղյակ անձանց ներկայությամբ՝ դիակի արտաքին զնման ժամանակ  Սարիբեկյանի կոկորդի վրա հայտնաբերվել էր կախվելուն յուրահատուկ շերտագծային հետքեր,-նշում են լրատվամիջոցները,-Սարիբեկյանի մարմնի վրա բռնության կամ վնասվածքի  նշաններ չեն հայտնաբերվել»։

Գյումրիում տեղակայված ռուսական զորամասում հայտնաբերվել են երկու զինծառայողների դիակներ

Գյումրիում տեղակայված ռուսական զորամասում հայտնաբերվել են երկու զինծառայողների դիակներ

26-10-2010

Գյումրիում տեղակայված ՌԴ զորամասերից մեկում հայտնաբերվել են երկու զինծառայողների դիակներ` կտրած-ծակած բազմաթիվ վնասվածքներով: Այդ մասին տեղեկացնում է ՀՀ ոստիկանությունը:

«Հոկտեմբերի 23-ին, ժամը 17.00-ին, Գյումրիում տեղակայված ՌԴ մի զորամասից ոստիկանության Էրեբունու բաժնում գրություն է ստացվել, որ ժամը 09.39-ին ՌԴ սահմանապահ վարչության վերակարգի հանգստի սենյակներից մեկում հայտնաբերվել են նույն զորամասի պայմանագրային զինծառայողներ`  ՌԴ քաղաքացիներ, 1983 թ. ծնված Արմեն Զախարյանի և 1971 թ. ծնված Արթուր Ենոքյանի դիակները` կտրած-ծակած բազմաթիվ վնասվածքներով »,-նշված է ոստիկանության հաղորդագրության մեջ:

Ըստ աղբյուրի, հանգամանքները պարզվում են: Քննությունը վարում է ՌԴ դատախազությանը կից քննչական կոմիտեի զինվորական քննչական բաժինը:

© Medialab.am

Դատապարտելի է. կոչ է արվում պատժել Երեւանում Հոլոքոստի հուշարձանը պղծողներին

Դատապարտելի է. կոչ է արվում պատժել Երեւանում Հոլոքոստի հուշարձանը պղծողներին

22-10-2010

Հայաստանի նախագահ Սերժ Սարգսյանի մամուլի քարտուղար Արմեն Արզումանյանը մեկնաբանել է Երեւանում Հայոց ցեղասպանության եւ Հոլոքոստի զոհերի հիշատակը հավերժացնող հուշակոթողի նկատմամբ իրականացված վանդալիզմի դեպքը:

«Հայաստանում երբեւէ չի եղել եւ չի կարող լինել այլատյացություն: Մենք, որպես Ցեղասպանություն ապրած ժողովուրդ, շատ լավ ենք հասկանում դրա վտանգավորությունը»,- նշել է Արզումանյանը:

Նախագահի խոսնակն ասել է, թե «անկախ նրանից դա հոգեկան խանգարման արդյունք է,  թե հանցավոր միտում, այն առաջին հերթին ուղղված է մեր ժողովրդի արժեհամակարգի եւ շահերի դեմ»:

Մամուլի ազատության ցուցիչներով Հայաստանը բարելավել է դիրքերը, սակայն իրավիճակը դեռեւս մտահոգիչ է

Մամուլի ազատության ցուցիչներով Հայաստանը բարելավել է դիրքերը, սակայն իրավիճակը դեռեւս մտահոգիչ է

21-10-2010

Հայաստանը մամուլի ազատության ցուցիչներով, ըստ միջազգային «Լրագրողներ առանց սահմանների» բարելավել է իր դիրքերը տաս կետով` վերականգնելով  2008-ի ցուցանիշը եւ 178 երկրների մեջ զբաղեցնելով  101-րդ հորիզոնականը:

Լեւոն Տեր-Պետրոսյանի ելույթը 2010 թ. հոկտեմբերի 19-Ի հանրահավաքում

Լեւոն Տեր-Պետրոսյանի ելույթը 2010 թ. հոկտեմբերի 19-Ի հանրահավաքում

20-10-2010

Սիրելի հայրենակիցներ,

Ձեզ համար իսկզբանե պիտի պարզ լիներ, որ այսօրվա միջոցառումը ոչ այնքան հանրահավաք, որքան ցույց է, ինչի պատճառով երկարաշունչ ելույթներն ավելորդ են։ Հայտնի է նաեւ ցույցի առիթը՝ Եւրոխորհրդի «Հանուն ժողովրդավարության ապագայի» ֆորումը, որն այս պահին ընթանում է Երեւանում։

Արդ, ինչո՞ւ ենք մենք օգտագործում այս առիթը՝ եւս մեկ անգամ մեր ընդդիմախոսներին հիմք տալով չարաբանելու, թե մենք կրկին փորձում ենք Հայաստանի ներքին խնդիրները լուծել օտարների օգնությամբ, այսինքն՝ դրսից տղա ենք բերում։ Քավ լիցի, նախ՝ այդ տղաներին ոչ թե մենք, այլ Սերժ Սարգսյանն ու Դավիթ Հարությունյանն են բերել, եւ երկրորդ, ինչպես մի առիթով նշել եմ, Եւրոխորհուրդը, Եւրոդատարանը, ԵԱՀԿ-ը, ՄԱԿ-ը ամենեւին օտարներ չեն, այլ մեր սեփական կազմակերպությունները։

Հայաստանի քաղաքական բանտարկյալների եւ հալածյալների պաշտպանության կոմիտե նամակը` Եվրոպայի խորհրդի "Հանուն ժողովրդավարության ապագայի" ֆորումի մասնակիցներին

Հայաստանի քաղաքական բանտարկյալների եւ հալածյալների պաշտպանության կոմիտե նամակը` Եվրոպայի խորհրդի "Հանուն ժողովրդավարության ապագայի" ֆորումի մասնակիցներին

20-10-2010

2008 թ. նախագահական ընտրությունները գործող իշխանությունների կողմից բացահայտորեն կեղծվեցին:

Այդ մասին են վկայում հեղինակավոր միջազգային կազմակերպություններ, եվրոպական կառույցներ ու ԱՄՆ պետքարտուղարությունը` իրենց զեկույցներում: Անթաքույց ու ցինիկ կեղծարարության դեմ ընբոստացավ հայ ժողովուրդը:

Երեւանի կենտրոնում գտնվող Ազատության հրապարակում սկսվեցին շուրջօրյա բողոքի ակցիաներ ու նստացույցեր: Կեղծված ընտրություններով իշխանությունը պահելու մարմաջով տարված իշխանությունները` բիրտ ուժի կիռարմամբ ցրեցին տաս օր  տեւող խաղաղ հանրահավաքներն ու նստացույցները Հաջորդ օրը` մարտի 1-ին, չարդարացված ուժի կիրառումից վրդոհված ժողովուրդը կրկին դուրս եկավ հրապարակ:

Պաշտպանի գրասենյակը դիմել է Facebook-ի ադմինիստրացիային` խնդրելով փակել ստեղծված կեղծ էջը

Պաշտպանի գրասենյակը դիմել է Facebook-ի ադմինիստրացիային` խնդրելով փակել ստեղծված կեղծ էջը

20-10-2010

ՀՀ մարդու իրավունքների պաշտպանի գրասենյակը նամակով դիմել է Facebook-ի ադմինիստրացիային` խնդրելով փակել այն ստեղծված էջը, որը իբր թե պատկանում է Օմբուդսմենի գրասենյակին:

Գրասենյակի հաղորդագրության համաձայն, Facebook-ի HUMAN RIGHTS DEFENDER OF THE REPUBLIC OF ARMENIA անվանումը կրող կեղծ էջի շնորհիվ սոցիալական կայքի անդամներին ուղարկվել են տարբեր ապրանքների վաճառքը խրախուսող գովազդներ:

«Հարգելի Facebook վեբ-կայքի ադմինիստրացիա, հայտնում ենք, որ ձեր կայքում անհայտ անձանց կողմից բացված, այսպես կոչված, ՀՀ մարդու իրավունքների պաշտպանի  էջը HUMAN RIGHTS DEFENDER OF THE REPUBLIC OF ARMENIA  կարող է մոլորության մեջ գցել Facebook-ից օգտվողներին և հատկապես` մեր  բազմաթիվ դիմումատուներին:

ՀՀ վարչապետի ելույթը ՀՀ Ազգային ժողովի հանձնաժողովների համատեղ նիստում 2011 թվականի ՀՀ պետական բյուջեի նախագծի քննարկման ժամանակ

ՀՀ վարչապետի ելույթը ՀՀ Ազգային ժողովի հանձնաժողովների համատեղ նիստում 2011 թվականի ՀՀ պետական բյուջեի նախագծի քննարկման ժամանակ

20-10-2010

Ազգային Ժողովի հարգարժան նախագահ, Հարգելի նախագահող Հարգելի գործընկերներ,

Ես հակիրճ կներկայացնեմ ձեզ 2011թ. պետական բյուջեի նախագծի տրամաբանությունը և այն հիմնական սկզբունքները, որոնցով մենք ղեկավարվել ենք այդ նախագիծը կազմելիս։

Առաջին հերթին պետք է անդրադառնանք 2010 թ. ստեղծված իրավիճակին, այն ցուցանիշներին, որոնք այսօր ունենք և այն մակրոմիջավայրին, որով մենք պետք է ավարտենք 2010թ. բյուջեի կատարողականը։ Առաջին հերթին պետք է նշել, որ ամենայն հավանականությամբ մենք կգերակատարենք 2010թ. պետական բյուջեն։

Այս պահի դրությամբ արդեն ունենք եկամտային մասով 40 մլրդ դրամ գերակատարում, ինչը հույս է ներշնչում, որ մենք կկարողանանք եկամտային մասով գերակատարել պետական բյուջեի ցուցանիշը, և, բնականաբար, հարկային մուտքերը վկայում են այն մասին, որ մենք ունենք ավելի բարձր տնտեսական աճ, քան կանխատեսում էինք 2010թ. բյուջեն նախագծելիս։

ԼՂՀ-ում պատրաստվում են հեռուստամարաթոնին

ԼՂՀ-ում պատրաստվում են հեռուստամարաթոնին

20-10-2010

ԼՂՀ նախագահ Բակո Սահակյանը այսօր հրավիրել է աշխատանքային խորհրդակցություն` նվիրված 2010 թվականի  նոյեմբերին կայանալիք հեռուստամարաթոնի նախապատրաստական աշխատանքներին:

Բակո Սահակյանը կոնկրետ հանձնարարականներ է տվել շահագրգիռ կառույցների ղեկավարներին` աշխատանքները պատշաճ մակարդակով իրականացնելու ուղղությամբ:

Խորհրդակցությանը մասնակցում էին Ազգային ժողովի նախագահ Աշոտ Ղուլյանը, փոխվարչապետ, ֆինանսների նախարար Սպարտակ Թեւոսյանը, պաշտոնատար այլ անձինք:

Բակո Սահակյանը պարգեւատրել է Ալբերտ Բոյաջյանին

Բակո Սահակյանը պարգեւատրել է Ալբերտ Բոյաջյանին

20-10-2010

Այսօր ԼՂՀ նախագահ Բակո Սահակյանը հանդիպել է ամերիկահայ բարերար Ալբերտ Բոյաջյանի հետ:

Ինչպես տեղեկացնում են ԼՂՀ նախագահի նստավայրից, «ողջունելով բարերարին Արցախյան հողում` երկրի ղեկավարը բարձր է գնահատել նրա ներդրումը հայոց անկախ պետականության, մեր երկրի սոցիալ-տնտեսական զարգացման,  Հայրենիք-Սփյուռք կապերի ամրապնդման գործում»:

Իտալացի երգիչ Ալ Բանոն Ղարաբաղում մասնակցել է ավանդական դարձած ավանակների մրցույթին

Իտալացի երգիչ Ալ Բանոն Ղարաբաղում մասնակցել է ավանդական դարձած ավանակների մրցույթին

20-10-2010

Հոկտեմբերի 17-ին ԼՂՀ Մարտակերտի շրջանի Վանք գյուղում տեղի է ունեցել ավանդական ավանակների մրցույթը, որը կազմակերպում է ղարաբաղցի գործարար Լեւոն Հայրապետյանի կողմից:

Ավանակների վազքի մրցույթի այս տարվա մրցաշարն առանձնացել է մյուս տարիներից, քանի որ այն «ծաղկացրել է» Ղարաբաղ հրավիրված իտալացի հայտնի երգիչ Ալ Բանոն: Նա մեկնել է Ղարաբաղ` Երեւանում կայանալիք մենահամերգ առաջ, որը նախաձեռնվել է նախագահ Սերժ Սարգսյանի տիկին Ռիտա Սարգսյանի կողմից:

Ի դեպ, արդեն 3-րդ անգամ կազմակերպված ավանակների վազքի  մրցույթն ունեցել է ավելի քան  80 հոգի: 5000 ԱՄՆ դոլար  մրցանակային ֆոնդ ունեցող մրցությանը, մասնակիցներն ասել են, թե «լրջորեն են նախպատրաստվել»:

© Medialab.am