Ալիկ Սարգսյանը Կարապի լճի մոտ տեղի ունեցածը «ոստիկանաորս» է անվանել

Ալիկ Սարգսյանը Կարապի լճի մոտ տեղի ունեցածը «ոստիկանաորս» է անվանել

12-08-2011

Այսօր լրագրողների հետ հանդիպման ժամանակ ՀՀ ոստիկանապետ Ալիկ Սարգսյանը անդրադառնալով նախօրեին Կարապի լճի մոտ տեղի ուենցած միջադեպին, տեղի ունեցածը անվանել է «ոստիկանաորս»:

Վերջինիս խոսքով, ընդդիմադիր ակտիվիստների եւ ոստիկանների միջեւ միջադեպը սկսվել է այն բանից հետո, երբ ոստիկանները «զգուշացում են արել շանն առանց դնչկալի» զբոսանքի դուրս բերած քաղաքացուն, ինչից հետո, ըստ Սարգսյանի, ոստիկաններին են մոտեցել ընդդիմադիր երկու ակտիվիստներ եւ սկսել սպառնալիքներ տեղալ ոստիկանների հասցեին:

Մհեր Շահգելդյան. «Երկխոսության բովանդակային քննարկումը վիժեցնելու համար հիմքեր չկան»

Մհեր Շահգելդյան. «Երկխոսության բովանդակային քննարկումը վիժեցնելու համար հիմքեր չկան»

11-08-2011

Ընդդիմություն-իշխանություն երկխոսության համար իշխող կոալիցիայի կողմից ձեւավորված աշխատանքային խմբի անդամ, ՕԵԿ-ական Մհեր Շահգելդյանը պատասխանելով ընդդիմադիր Հայ ազգային Կոնգրեսի հայտարարությանը` նշեց, թե «երկխոսության բովանդակային քննարկումը վիժեցնելու համար հիմքեր չկան»:

Դիտորդական խմբի ղեկավար. «Որ ծեծ է եղել, դա միանշանակ է»

Դիտորդական խմբի ղեկավար. «Որ ծեծ է եղել, դա միանշանակ է»

11-08-2011

Քիչ առաջ Ձերբակալվածների պահման վայր է այցլել ՀՀ Ոստիկանության ձերբակալված անձանց պահելու վայրերում վերահսկսղություն իրականացնող հասարակական դիտորդական խումբը` պարզելու համար այնտեղ պահվող 7 երիտասարդ ակտիվիստների հետ կատարվող ապօրինությունները:

Ինչպես «Մեդիալաբի» հետ զրույցում տեղեկացրեց դիտորդական խմբի ղեկավար Սուրեն Իսկանդարյանը, մեկուսարանում իրենք զրուցել են ձերբակալված բոլոր 7 երիտասարդների հետ, արձանագրել են բոլոր մարմնական վնասվածքները, նաեւ մեկուսարանի գրանցամատյաններում են կատարել համապատասխան գրառումներ:

Իսկանդարյանի խոսքով, երիտասարդները իրենց տեղեկացրել են, որ իրենք ՁՊՎ-ի հետ կապված խնդիր չունեն, իրենց ծեծել են Կարապի լճի մոտ, ճանապարհին եւ ոստիկանությունում:

«Որ ծեծ է եղել է, դա միանշանակ է»,- նշեց Իսկանդարյանը:

Իսկանդարյանը նշեց, որ երիտասարդները հայտարարել էին, որ իրենք ուղեղի ցնցում ունեն, ինչը, նրանց խոսքով, արձանագրել էին նաեւ ոստիկանություն այցելած բժիշկները: Իսկանդարյանի խոսքով, սակայն, քանի որ դա պաշտոնապես չի արձանագրվել, ուստի իրենց խումբը այսօր մեկուսարան շտապօգնություն էր կանչել:

Երիտասարդներից մեկին` Տիգրան Առաքելյանին, Իսկանդարյանի խոսքով, տեղափոխել են հիվանդանոց` բուժզննման համար: Քիչ առաջ հայտնի դարձավ, որ Առաքելյանին տեղափոխել էին «Էրեբունի» հիվանդանոց, իսկ այժմ Առաքելյանին արդեն հետ են բերել մեկուսարան:

«Մյուսներին բժիշկները տեղում ուսումնասիրել է: Նրանցից մեկը ընդհանրապես հրաժարվել է` ասել է գանգատ չունի, 3-ի մոտ կասկած կար, որ հնարավոր է`ուղեղի ցնցում ունեն: Բայց բժիշկը ասեց, որ ինքը չի կարող 100 տոկոսով ասել դա, որովհետեւ դրա համար երիտասարդներին պետք է բժշկական հաստատություն տեղափոխեն:

Մնացած 2-ի մոտ ամեն ինչ նորմալ է: Կարելի է այսպես ասել, մարմանական վնասվաքծներ կար 7-ից 5-ի մոտ 2-ի մոտ ամեն ինչ նորմալ է, նրանցից մեկը Սարգիս Գեւորգյանն է»,- նշեց Իսկանդարյանը:

Հիշեցնենք, որ երեկ ուշ երեկոյան Կարապի լճի մոտ տեղի ունեցած քաշքշուկի արդյունքում ընդդիմադիր Հայ ազգային կոնգրեսի երիտասարդ 7 ակտիվիստներ Դավիթ Քիրամիջյանը, Սարգիս եւ Արեգ Գեւորգյանները, Սահակ Մուրադյանը, Վահագն Գեւորգյանը, Տիգրան Առաքելյանն ու Արտակ Կարապետյանը տեղափոխվել են Կենտրոնի ոստիկանություն, իսկ ուշ գիշերը նրանց տեղափոխել են ՁՊՎ:

Կարապի լճի մոտ տեղի ունեցած քաշքշուկի կապակցությամբ ոստիկանությունում հարուցվել է քրեական գործ` ՀՀ ՔՕ 258 հոդվածի 3-րդ մասի 1-ին կետի`(Խուլիգանություն) եւ 316 հոդվածի 1-ին մասի, (Իշխանության ներկայացուցչի կամ նրա մերձավոր ազգականի նկատմամբ կյանքի կամ առողջության համար ոչ վտանգավոր բռնություն գործադրելը կամ դա գործադրելու սպառնալիքը՝ կապված նրա կողմից իր ծառայողական պարտականությունները կատարելու հետ) հատկանիշներով:

Կարապի լճի մոտ, ոստիկանություն տալու ճանապարհին եւ ոստիկանությունում երիտասարդների նկատմամբ բռնի ուժ է կիրառվել:

© Medialab.am

Ընդդիմադիր ակտիվիստների հայտարարությունը. Բռնությունը հրահանգված եւ պլանավորված էր

Ընդդիմադիր ակտիվիստների հայտարարությունը. Բռնությունը հրահանգված եւ պլանավորված էր

11-08-2011

Այսօր մեր դեմ կիրառված բռնությունը` մոտ հիսուն հատուկ ջոկատայինների մասնակցությամբ եւ ոստիկանության բարձրաստիճան պաշտոնյաների ներկայությամբ, միանշանակորեն նախօրոք հրահանգված եւ պլանավորած բնույթ էր կրում:

Մենք` Հայ ազգային կոնգրեսի ներկայացուցիչներս, հայտարարում ենք, որ մեր հաղթական ընթացքի կասեցման ցանկացած փորձ դատապարտված է տապալման, որ ՀՀ քաղաքացին որեւէ կերպ համատեղելի չէ երկում ձևավորված ավազակապետության հետ:

Եւ ուրեմն մեզանից կախված ամենինչ անելու ենք հանցագործ իշխանություններից ձերբազատվելու եւ Հայաստանում օրինակարգ

իշխանություն ձեւավորելու համար:

ՀՀ կենտրոնի ոստիկանության բաժնից`

Սարգիս Գևորգյան

Վահագն Գևորգյան

Արեգ Գևորգյան

Դավիթ Քիրամիջյան

Տիգրան Առաքելյան

Արտակ Կարապետյան

Սահակ Մուրադյան

09.08.2011

Իրավապաշտպանները պահանջում են ազատ արձակել ընդդիմադիր ակտիվիստներին

Իրավապաշտպանները պահանջում են ազատ արձակել ընդդիմադիր ակտիվիստներին

11-08-2011

Հայաստանյան իրավապաշտպաններն այսօր հանդես են եկել հայտարարությամբ, որտեղ պահանջում են ազատ արձակել գիշերը ձերբակալված ընդդիմադիր Հայ ազգային կոնգրեսի 7 ակտիվիստներին, ովքեր ներկայում գտնվում են նախնական պահման մեկուսարանում:

Իրավապաշտպանները պահանջում են ոչ միայն ազատ արձակել ձերբակալվածներին, այլ նաեւ «անաչառ հետաքննության արդյունքում պատժել բռնություն գործադրողներին ու շինծու քրեական գործ սարքողներին»:

Հիշեցնելով, որ ոստիկանության շենքում բռնության է ենթարկվել անգամ երիտասարդների փաստաբաններից մեկը, հայտարարության հեղինակները նշել են, որ «կեղծված ընտրությունների արդյունքում իշխանությունը զավթած խմբավորումը  երկիրն, ըստ էության, վերածել է ոստիկանական պետության»:

«Օրենքը չի գործում: Ոչ ոք պաշտպանված չէ: Իսկ նրանք, ովքեր փորձում են պաշտպանել իրենց, առավել եւս, այլոց իրավունքները,  հայտնվում են թիրախի կարգավիճակում: Սա է պատճառը, որ այս երիտասարդները այդքան հաճախ ոստիկանների կողմից բռնությունների են ենթարկվում, ձերբակալվում ու կալանավորվում են: Մենք` իրավապաշտպան կազմակերպությունների ներկայացուցիչներս, դատապարտում ենք Կոնգրեսի երիտասարդ յոթ ակտիվիստների նկատմամբ ոստիկանների կողմից իրականացված բռնությունը եւ նրանց նկատմամբ շինծու քրեական հետապնդում սկսելու փորձերը»,- գրված է իրավապաշտպանների հայտարարության մեջ:

Հայտարարությունը ստորագրել են

«Իրավունքի եւ ազատության կենտրոն» հ/կ-ի ղեկավար Վարդան Հարությունյանը, «Երիտասարդություն հանուն ժողովրդավարության» հ/կ-ի ղեկավար Իզաբելլա Սարգսյանը,

«Հելսինկյան Քաղաքացիական ասամբլեայի հայկական կոմիտե» հ/կ-ի ղեկավար Նատալյա Մարտիրոսյանը,

Ժուռնալիստների «Ասպարեզ» ակումբի ղեկավար Լեւոն Բարսեղյանը,

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը,

Հույս հ/կ-ն:

ՀԱԿ. Տեղի ունեցածը իշխանությունների արձագանքն է արտահերթ ընտրությունների մասին քննարկմանը

ՀԱԿ. Տեղի ունեցածը իշխանությունների արձագանքն է արտահերթ ընտրությունների մասին քննարկմանը

11-08-2011

ՀԱԿ հայտարարություն է տարածել անրդառնալով երեկ երեկոյան տեղի ունեցած միջադեպին:

«Շարունակվում են Հայ Ազգային Կոնգրեսի համակիրների նկատմամբ ապօրինություններն ու բռնությունները:

Միջադեպ ոստիկանության եւ ընդդիմադիրների միջեւ. ՀԱԿ երիտասարդները բերման են ենթարկվել

Միջադեպ ոստիկանության եւ ընդդիմադիրների միջեւ. ՀԱԿ երիտասարդները բերման են ենթարկվել

10-08-2011

Մոտ մեկ ժամ առաջ Կարապի լճի մոտակայքից, Ոստիկանության Կենտրոնի բաժին են տարվել ընդդիմադիր ՀԱԿ երիտասարդ ակտիվիստներ Դավիթ Քիրամիդյանը, Սարգիս Գեւորգյանը, Արեգ Գեւորգյան, Վահագ Գեւորգյան, Սահակ Մուրադյան, Տիգրան Առաքելյան եւ Արտակ Կարապետյանը:

Մեդվեդեւն ու Ալիեւը քննարկել են ԼՂ հիմնախնդիրը

Մեդվեդեւն ու Ալիեւը քննարկել են ԼՂ հիմնախնդիրը

10-08-2011

Այսօր` Ռուսաստանի Սոչի քաղաքում տեղի է ունեցել ՌԴ նախագահ Դմիտրի Մեդվեդեւի եւ Ադրբեջանի նախագահ Իլհամ Ալիեւի հանիպումը: Ալիեւը աշխատանքային այցով Ռուսաստան էր մեկնել Մեդվեդեւի հրավերով:

Ինչպես տեղեկացնում է ՌԴ նախագայի պաշտոնական կայքէջը, հանդիպման ժամանակ մտքեր են փոխանակվել ռուս-ադրբեջանական հարաբերությունների առանցքային հարցերի շուրջ, ինչպես նաեւ օրակարգում ընդգրկված տարածաշրջնայիան հարցերի եւ մասնավորապես, ԼՂ հիմնախնդրի կարգավորման շուրջ ընթացող բանակցությունների մասին:

ՀԱԿ հիմնավորումը Հայաստանում արտահերթ ընտրություններ անցկացման անհրաժեշտության վերաբերյալ

ՀԱԿ հիմնավորումը Հայաստանում արտահերթ ընտրություններ անցկացման անհրաժեշտության վերաբերյալ

10-08-2011

Ներկայացված է Հայ Ազգային Կոնգրեսի պատվիրակության կողմից

9 օգոստոսի, 2011թ.

Երևան

Ընդդիմությունը ներկայացրեց 85 էջանոց հիմնավորումները. իշխանությունը կպատասխանի մեկ շաբաթից

Ընդդիմությունը ներկայացրեց 85 էջանոց հիմնավորումները. իշխանությունը կպատասխանի մեկ շաբաթից

10-08-2011

Այսօր Կառավարության ընդունելությունների տանը մեկնարկած ընդդիմություն-իշխանություն երկխոսությունը տեւել է ավելի քան հինգ ժամ, որի ընթացքում քննարկվել է Հայաստանում արտահերթ ընտրություններ անցակցնելու վերաբերյալ ընդդիմության կողմից ներկայացրած օրակարագը:

Ընդդիմությունն այս պահին ներկայացնում է 85 էջանոց «հիմնավորումը»

Ընդդիմությունն այս պահին ներկայացնում է 85 էջանոց «հիմնավորումը»

10-08-2011

Այսօր ժամը 12-ին կառավարության ընդունելությունների տանը մեկնարկել է ընդդիմություն-իշխանություն երկխոսության չորրորդ հանդիպումը: Այս հանդիպմանը կողմերը պետք է անցնեն օրակարգային երկու հարցերից մեկի` ընդդիմության օրակարգի քննարկմանը:

Հիշեցնենք, որ ընդդիմությունը ներկայացրել էր մեկ օրակարգային հարց` արտահերթ նախագահական եւ խորհրդարանական ընտրությունների անցկացում: Երեկ ընդդիմության պատվիրակության ղեկավար, ընդդիմադիր Հայ ազգային կոնգրեսի համակարգող Լեւոն Զուրաբյանը «Մեդիալաբին» տեղեկացրել էր, որ այսօրվա հանդիպմանը իրենք փաստերով ներկայացնելու են Հայաստանում արտահերթ ընտրությունների անցկացման հիմնավորումները:

«Մեդիալաբի» տեղեկություններով, այդ նպատակով ընդդիմության պատվիրակությունը կազմել է հիմնավորումների մի ամբողջ փաթեթ, որը կազմում է 85 էջ:

Այս պահին, ընդդիմության պատվիրակությունը իշխանական պատվիրակության անդամներին է ներկայացնում վերոնշյալ 85 էջանոց փաթեթը:

Հիշեցնենք, որ երկխոսության համար ձեւավորված իշխող կոալիցիայի պատվիրակության կազմում են Դավիթ Հարությունյանը եւ Գագիկ Մինասյանը ՀՀԿ-ից, Նաիրա Զոհրաբյանը եւ Վարդան Բոստանջյանը ԲՀԿ-ից, Խաչիկ Հարությունյանն ու Մհեր Շահգելդյանը ՕԵԿ-ից: Ի դեպ, իշխող կոալիցիայի պատվիրակության ԲՀԿ-ական անդամ Նաիրա Զոհրաբյանը այսօրվա հանդիպմանը չի մասնակցում, քանի որ մեկնել է հանգստի:

Ընդդիմության պատվիրակության կազմում են Լեւոն Զուրաբյանը, կոնգրեսի կենտրոնական գրասենյակի անդամ Դավիթ Շահնազարյանը, տնտեսական հանձնախմբի անդամ Վահագն Խաչատրյանը, Սամվել Աբրահամյանը ՀՀՇ-ից եւ Ֆելիքս Խաչատրյանտ ՀԺԿ-ից:

© Medialab.am

Վաղը Մեդվեդեւն ու Ալիեւը կքննարկեն ԼՂ հիմնախնդիրը

Վաղը Մեդվեդեւն ու Ալիեւը կքննարկեն ԼՂ հիմնախնդիրը

09-08-2011

Վաղը` օգոստոսի 9-ին աշխատանքային այցով ՌԴ է մեկնելու Ադրբեջանի նախագահ Իլհամ Ալիեւը: Ինչպես տեղեկացնում է ՌԴ նախագահի պաշտոնական կայքէջը, Ալիեւը Ռուսաստան է մեկնելու ՌԴ նախագահ Դմիտրի Մեդվեդեւի հրավերով:

Միաժամանակ ադրբեջանական ԶԼՄ-ները տեղեկացնում են, որ վաղվա հանդիպմանը Դմիտրի Մեդվեդեւն ու Իլհամ Ալիեւը Սոչիում կքննարկեն ղարաբաղյան հիմնախնդիրն եւ Կասպից ծովի իրավական կարգավիճակի շուրջ հարցեր:

«Երկու առաջնորդների հանդիպման ընթացքում նախատեսված է մտքերի հանգամանալից փոխանակում ռուս - ադրբեջանական հարաբերությունների առանցքային ասպեկտների, ինչպես նաև տարածաշրջանային օրակարգի արդիական հարցերի շուրջ, և առաջին հերթին՝ Լեռնային Ղարաբաղի հակամարտության կարգավորման բանակցային գործընթացի վիճակի», - ըստ ադրբեջանական ԶԼՄ-ների այդ մասին տեղեկացրել է ռուսական կողմը:

© Medialab.am

Վաղը ՀԱԿ-ը կներկայացնի արտահերթ ընտրությունների անցկացման փաստարկները

Վաղը ՀԱԿ-ը կներկայացնի արտահերթ ընտրությունների անցկացման փաստարկները

09-08-2011

Վաղը կառավարության ընդունելությունների տանը տեղի կունենա ընդդիմություն-իշխանության երկխոսության թվով արդեն չորրորդ հանդիպումը, որի ընթացքում պետք է քննարկվի ընդդիմության ներկայացրած օրակարգը` Հայաստանում արտահերթ նախագահական եւ խորհրդարնական ընտրություններ անցկացման վերաբերյալ:

Արման Մուսինյան. Գալուստ Սահակյանի ասածները քոռ կոպեկի արժեք չունեն

Արման Մուսինյան. Գալուստ Սահակյանի ասածները քոռ կոպեկի արժեք չունեն

06-08-2011

Չի բացառվում, որ այսուհետ ընդդիմությունն այլեւս չմեկնաբանի իշխող Հանրապետական կուսակցության փոխնախագահ, ՀՀ ԱԺ պատգամավոր Գալուստ Սահակյանի հայտարարությունները:

Ընդդիմադիր Հայ ազգային կոնգրեսի մամլո խոսնակ Արման Մուսինյանը «Մեդիալաբի» հետ զրույցում հայտարարեց, թե «հետայսու Գալուստ Սահակյանին կարող է արձագանքել միայն պարապ մարդը»:

Փաստաբաններն ահազանգում են. «Շուշի» ՔԿՀ աշխատակիցները դաժան ծեծի են ենթարկել ցմահ ազատազրկման դատապարտված զինվորին

Փաստաբաններն ահազանգում են. «Շուշի» ՔԿՀ աշխատակիցները դաժան ծեծի են ենթարկել ցմահ ազատազրկման դատապարտված զինվորին

05-08-2011

Անցած տարվա նոյեմբերին 4 ծառայակից զինվորներին սպանելու մեղադրանքով ձերբակալված եւ երեկ դատարանի կողմից ցմահ ազատազրկման դատապարտված Մանվել Հազրոյանի պաշտպաններ Կարեն Թումանյանն ու Էդմոն Մարուքյանը հանցագործության մասին հաղորդում են ներկայացրել ՀՀ Գլխավոր դատախազ Աղվան Հովսեփյանին:

Հաղորդագրության մեջ նշվում է, այս տարվա օգոստոսի 3-ին Սյունիքի մարզի ընդհանուր իրավասության դատարանում, որի դատաքննությունը տեղի էր ունենում ԼՂՀ Ստեփանակերտ քաղաքում` դատավոր Հ.Դավթյանի կողմից Մանվել Հազրոյանի նկատմամբ դատավճռի հրապարակումից հետո Մ.Հազրոյանը սեղանի վրա գտնվող շիշը վերցրել եւ շպրտել է դատավորի ուղղությամբ, որից հետո Հազրոյանին ուղեկցող ԼՂՀ ոստիկանության Շուշիի քննչական մեկուսարանի աշխատակիցներն ուժի գործադրմամբ ձեռնաշղթաներ են հագցրել եւ վնասազերծել նրան դատարանի դահլիճում:

«Սակայն, ԼՂՀ ոստիկանության Շուշիի քննչական մեկուսարանի աշխատակիցները վնասազերծումից հետո դատարանի դահլիճից դուրս են հրավիրել լրագրողներին, դատավարության բոլոր մասնակիցներին և սկսել են ծեծի ենթարկել Մ.Հազրոյանին հենց դատարանի դահլիճում՝ դատավորի և պաշտպանի ներկայությամբ»,- գրված է հաղորդագրության մեջ:

Ըստ այդմ, ԼՂՀ ոստիկանության Շուշիի քննչական մեկուսարանի աշխատակիցներին փաստաբան` Էդմոն Մարուքյանը մոտենալով պահանջել է դադարեցնել Մանվել Հազրոյանին ծեծելը` «պնդելով որ դատարանի նկատմամբ անհարգալից վերաբերմունք դրսևորելու համար Հազրոյանը համապատասխան պատասխանատվության կարող է ենթարկվել, իսկ եթե նրան ծեծում են իր կողմից կատարված հանցագործության համար, ապա դրա համար դատարանի կողմից նա արդեն դատապարտվել է ցմահ ազատազրկման»:

«Այդ պահին այն նույն ագրեսիվ տրամադրությամբ, որով խփում էին Հազրոյանին ԼՂՀ ոստիկանության Շուշիի քննչական մեկուսարանի աշխատակիցները հարձակվել են փաստաբան` Էդմոն Մարուքյանի վրա և գոռալով փորձել են դուրս հանել դատարանի դահլիճից, որպեսզի իրենց ծեծը հանգիստ շարունակեն, սակայն տեսնելով որ փաստաբանը դուրս չի գալիս դատարանի դահլիճից, նրանցից ագրեսիայով ավելի աչքի ընկնող մայորի կոչումով աշխատակիցը հարձակվել է փաստաբանի վրա և ձեռքերով հրելով հասցրել դատարանի դահլիճի մյուս անկյունը որտեղ ճաղավանդակներն են տեղադրված»,- գրված է փաստաբանների հաղորդագրության մեջ:

Ըստ հաղորդագրության, նույն պահին դատարանի դահլիճ է մտել ՀՔԱ Վանաձորի գրասենյակի ներկայացուցիչը և կոչ է արել փաստաբանին բռնության չենթարկել, որից հետո նաև դատավոր Դավթյանի հորդորները լսելով ԼՂՀ ոստիկանության Շուշիի քննչական մեկուսարանի աշխատակիցները փաստաբանի մոտից հեռացել են և Հազրոյանին դատարանի դահլիճից հանելով նստեցրել կալանավորների համար նախատեսված մեքենան, որի մեջ` Հազրոյանի հարազատների պնդմամբ շարունակել են ծեծելով Հազրոյանին տեղափոխել ԼՂՀ ոստիկանության Շուշիի քննչական մեկուսարանղ

Նշվում է, որ փաստաբան` Էդմոն Մարուքյանի կողմից պահանջվել է, որպեսզի Հազրոյանին ծեծող և իր նկատմամաբ բռնություն գործադրող աշխատակիցը ներկայանա, սակայն նա չի ներկայացել ասելով, որ ինչ անում է լավ է անում:

«Գտնում ենք, որ ԼՂՀ ոստիկանության Շուշիի քննչական մեկուսարանի աշխատակիցների կողմից Մ.Հազրոյանի և նրա պաշտպան Է. Մարուքյանի նկատմամբ կիրառված բռնություններին, որը կատարվել է դատարանի դահլիճում և Շուշիի քննչական մեկուսարան տեղափոխող մեքենայի մեջ պետք է տրվի համապատասխան իրավական գնահատական, որի շրջանականերում նախ պահանջում ենք սույն հաղորդման և մամուլում հրապարակված նյութերի հիման վրա քրեական գործ հարուցել Մանվել Հազրոյանին ծեծի ենթարկելու և նրա պաշտպան, ՀՀ փաստաբանների պալատի անդամ` Էդմոն Մարուքյանի լիազրությունների իրականացմանը խոչընդոտելու և նրա նկատամամբ բռնություն գործադրելու փաստի առթիվ»,- գրել են փաստաբանները:

Նշվում է նաեւ, որ Մանվել Հազրոյանի մարմնի վրա առաջացած բռնության հետքերն արձանագրելու նպատակով նրան անհապաղ ներկայացնել դատաբժշկական փորձագետին, որի չկատարումը կհանգեցնի Հայաստանի Հանրապետության կողմից ստանձնած «Մարդու Իրավունքների և հիմնարար ազատությունների պաշտպանության մասին» Եվրոպական Կոնվենցիայի 3-րդ հոդվածով նախատեսված վատ վերաբերմունքի դեպքերով արդյունավետ քննության պետության պարտավորության խախտման:

© Medialab.am

Ավարտվել է իշխանություն-ընդդիմություն հանդիպումը

Ավարտվել է իշխանություն-ընդդիմություն հանդիպումը

05-08-2011

Քիչ առաջ ավարտվել է ընդդդիմություն-իշխանություն երկխոսության շրջանակներում երրորդ հանդիպումը, որից հետո իշխանական պատվիրակության ղեկավար ՀՀԿ-ական Դավիթ Հարությունյանը լրագրողներին տեղեկացրեց, որ հանդիպմանը որոշում է կայացվել սրանից հետո հանդիպել շաբաթական երկու անգամ:

Հաջորդ հանդիպումը տեղի կունենա երեքշաբթի` օգոստոսի 10-ին:

Հաջորդ հանդիպմանը քննարկվելու է ընդդիմության կողմից ներկայացված օրակարգը` արտահերթ նախագահական եւ խորհրդարանական ընտրություններ անցկացնելու վերաբերյալ:

© Medialab.am

Մեկնարկել է ընդդիմություն-իշխանություն երկխոսության երրորդ հանդիպումը

Մեկնարկել է ընդդիմություն-իշխանություն երկխոսության երրորդ հանդիպումը

05-08-2011

Կառավարության ընդունելությունների տանը մեկնարկել է ընդդիմություն-իշխանություն երկխոսության երրորդ հանդիպումը: Հանդիպումն ինչպես միշտ անցնում է փակ դռների հետեւում, լրագրողներին նախորդ հանդիպումների նման հնարավորություն է տրվել միայն առաջին հինգ րոպեների ընթացքում տեսա եւ լուսանկարահանում իրականացրել:

Ինչպես միշտ առաջինը հանդիպման վայր են ժամանել իշխող կոալիցիայի կողմից ձեւավորված աշխատանքային խմբի անդամները, ապա նոր` ընդդիմության պատվիրակությունը:

Հանդիպումից հետո կողմերը լրագրողների համար հանդես կգան հայտարարությամբ:

Հիշեցնենք, որ իշխող կոալիցիայի աշխատանքային խմբի կազմում են Դավիթ Հարությունյանն ու Գագիկ Մինասյանը` ՀՀԿ-ից, Նաիրա Զոհրաբյանն ու Վարդան Բոստանջյանը ԲՀԿ-ից, Մհեր Շահգելդյանն ու Խաչիկ Հարությունյանը ՕԵԿ-ից:

Ընդդիմության պատվիրակության կազմում են ընդդիմադիր Հայ ազգային կոնգրեսի համակարգող Լեւոն Զուրաբյանը, Կոնգրեսի կենտրոնական գրասենյակի անդամ Դավիթ Շահնազարյանը, տնտեսական հանձնախմբի անդամ Վահագն Խաչատրյանը, Ֆելիքս Խաչատրյանը ՀԺԿ-ից եւ Սամվել Աբրահամյանը ՀՀՇ-ից:

© Medialab.am

Արման Մուսինյան. Երկխոսությունը իմիտացիայի վերածելու փորձը աշխատելու է իշխանությունների դեմ

Արման Մուսինյան. Երկխոսությունը իմիտացիայի վերածելու փորձը աշխատելու է իշխանությունների դեմ

04-08-2011

Վաղը` օգոստոսի 4-ին Կառավարության ընդունելությունների տանը տեղի կունենա ընդդիմության եւ իշխանության պատվիրակությունների թվով արդեն երրորդ հանդիպումը:

Ինչպես «Մեդիալաբի» հետ զրույցում տեղեկցացրեց Կոնգրեսի մամլո խոսնակ Արման Մուսինյանը, «վաղվա հանդիպման ժամանակ տեղի կունենա օրակարգի քննարկում»:

Ծառայակիցներին սպանելու մեջ մեղադրվող զինվորին դատապարտել են ցմահ ազատազրկման

Ծառայակիցներին սպանելու մեջ մեղադրվող զինվորին դատապարտել են ցմահ ազատազրկման

04-08-2011

Ղարաբաղում այսօր ցմահ ազատազրկման է դատապարտվել ԼՂՀ ՊԲ դիրքերից մեկում նոյեմբերի 19-ին տեղի ունեցած չորս զինվորների սպանության եւ երեք զինվորների վիրավորելու գործով մեղադրվող զինծառայող Մանվել Հազրոյանը:

Առաջնային գծում տեղի ունեցած մահվան ելքով միջադեպի պատճառը, ըստ պաշտոնական վարկածի, զինվորների միջեւ ծագած վեճն էր:

Առողջապահության նախարարություն. ինչպես դիմակայել շոգին

Առողջապահության նախարարություն. ինչպես դիմակայել շոգին

04-08-2011

Շոգ եղանակին օդի բարձր ջերմաստիճանի, ուլտրամանուշակագույն ճառագայթման բացասական ազդեցությունը մեղմելու, օրգանիզմի անցանկալի գերտաքացումը կանխելու, ինչպես նաև վարակիչ հիվանդություններից, սննդային թունավորումներից խուսափելու նպատակով ՀՀ առողջապահության նախարարությունը զգուշացնում է.