Վաղը քաղաքապետը կհրապարակի իր վերջնական որոշումը

Վաղը քաղաքապետը կհրապարակի իր վերջնական որոշումը

02-05-2012

Երևանի քաղաքապետ Տարոն Մարգարյանը վաղը` աշխատանքային օրվա ընթացքում, որոշում կկայացնի Մաշտոցի պուրակի կրպակների ապամոնտաժման վերաբերյալ:

Այս մասին հաղորդում է Երեւանի քաղաքապետարանի պաշտոնական կայքը:

«Սեղմ ժամկետներում կապամոնտաժենք կրպակները և կշարունակենք բարեկարգման աշխատանքները»,- ասել է Մարգարյանը:

Մայիսի 1. Այսօր Երեւանի կենդանաբանական այգու տարեշրջանի պաշտոնական բացումն է

Մայիսի 1. Այսօր Երեւանի կենդանաբանական այգու տարեշրջանի պաշտոնական բացումն է

01-05-2012

Այսօր Երեւանի կենդանաբանական այգում մեծ տոն է` տարեշրջանի պաշտոնական բացումը: Այդ մասին տեղակացնում է կենդաբանական այգու պաշտոնական կայքէջը:

«Կենդանաբանական այգու այցելուներին սպասվում են հաճելի անակնկալներ եւ տոնական տրամադրություն՝ լի անմոռանալի միջոցառումներով, կենդանի երաժշտությամբ, թատերականացված ներկայացումներով, հետաքրքիր խաղերով,-նշված է հաղորդագրության մեջ»:

Ի՞նչ անել, երբ անունդ չկա ընտրացուցակում

Ի՞նչ անել, երբ անունդ չկա ընտրացուցակում

01-05-2012

Մայիսի 6-ին խորհրդարանական ընտրություններն են, ընտրության օրը այցելելով ընտրատեղամաս հնարավոր է` հայտնաբերես, որ ընտրացուցակներում քո տվյալները բացակայում են: Այդ հանգամանքը կարող է քեզ զրկել քվեարկության մասնակցելու հնարավորությունից:

Իսկ ինչպե՞ս կարող ես վերականգնել ընտրելու քո իրավունքը, ի՞նչ կարող ես անել այդ իրավիճակում:

Գազարն ու սմբուկը էժանացել են, սունկն ու բողկը` թանկացել

Գազարն ու սմբուկը էժանացել են, սունկն ու բողկը` թանկացել

01-05-2012

Կանաչեղենը, սխտորը, սմբուկը, գազարը, ճակնդեղը, լոլիկը, վարունգը, գլուխ սոխն ու կաղամբը մարտ ամսվա համեմատ՝ ապրիլին էժանացել են: Փոխարենը թանկացել է բողկը՝ 2.2 %-ով, կանաչ պղպեղը՝ 4.5 %-ով, սունկը՝ 5.5 %-ով: Նման տվյալներ է հրապարակել Ազգային վիճակագրական ծառայությունը (ԱՎԾ)՝ դիտարկելով այս տարվա մարտ-ապրիլ ամիսների սպառողական գները:

Ըստ նույն աղբյուրի, այս ամիս 1.5 %-ով նվազել են նաեւ կարտոֆիլի, կենդանական եւ բուսական յուղերի, շաքարավազի գները: Վիճակագիրները պարզել են, որ կարտոֆիլի գինը նվազել է հատկապես Եղեգնաձորում: Ճիշտ է, շաքարավազն էժանացել է, բայց այս տարի այն 2011 թվականի նույն ժամանակահատվածի համեմատությամբ 18.4 %-ով աճել է:

40.000 տուգանք եւ երկու կարգապահական պատասխանատվություն. Վանաձորի դեպքերի առնչությամբ ոստիկանույթյունը տարածել է հայտարարություն

40.000 տուգանք եւ երկու կարգապահական պատասխանատվություն. Վանաձորի դեպքերի առնչությամբ ոստիկանույթյունը տարածել է հայտարարություն

01-05-2012

Ադրբեջանական ֆիլմերի փառատոնի անցկացումը կանխելու համար անօրինական գործողություններով դիտավորությամբ Հելսինկյան քաղաքացիական ասամբլեայի Վանաձորի գրասենյակի գույքը վնասելու եւ մանր չափերի վնաս հասցնելու համար՝ Վանաձորի քաղաքացի Մարգարիտա Խաչատրյանի նկատմամբ նշանակվել է տուգանք՝ քառասուն հազար դրամի չափով:

Սեւանի կարասի մեջ ժապավենաձեւ որդ են են հայտնաբերել

Սեւանի կարասի մեջ ժապավենաձեւ որդ են են հայտնաբերել

01-05-2012

Սեւանից որսած կարաս ձկան մեջ բնակիչները հայտնաբերել են ժապավենաձեւ որդեր: Այս մասին ահազանգում է «Էկոլուր» տեղեկատվական հասարակական կազմակերպությունը:

Քաղաքական կուսակցություններից երկուսը դատապարտվում են Մաշտոցի պուրակում կատարված բռնությունները

Քաղաքական կուսակցություններից երկուսը դատապարտվում են Մաշտոցի պուրակում կատարված բռնությունները

01-05-2012

«Ժառանգություն» կուսակցության նախընտրական շտաբը դատապարտում է ոստիկանության կողմից քաղաքացիների հանդեպ կիրառված բռնի գործողությունները ու այլ ապօրինությունները եւ պահանջում, որպեսզի կատարվածի համար պատասխանատուները պատժվեն օրենքի ամբողջ խստությամբ:

Մաշտոցի այգում 7 ակտիվիստի են ձերբակալել
Տոն. Մայիսի 1-ին կկայանա Երեւանի կենդանաբանական այգու տարեշրջանի պաշտոնական բացումը

Տոն. Մայիսի 1-ին կկայանա Երեւանի կենդանաբանական այգու տարեշրջանի պաշտոնական բացումը

30-04-2012

«Մոտենում է Երեւանի կենդանաբանական այգու թերեւս ամենագունագեղ օրերից մեկը՝ մայիսի 1-ը, օր, երբ պաշտոնապես հայտարարվում է այգու տարեշրջանի բացումը եւ մեծ շուքով նշվում տոնը»,-տեղեկացնում է Երեւանի կենդանաբանական այգու պաշտոնական հաղորդագրությունը:

Ըստ հաղորդագրության, այս տարի եւս կենդանաբանական այգու այցելուներին սպասվում են հաճելի անակնկալներ եւ տոնական տրամադրություն՝ «լի անմոռանալի միջոցառումներով, կենդանի երաժշտությամբ, թատերականացված ներկայացումներով, հետաքրքիր խաղերով»:

«Տոնական ժամանակացույցի համաձայն, մայիսի 1-ին, Երեւանի կենդանաբանական այգին իր դռները կբացի առավոտյան ժամը 9-ին եւ կաշխատի մինչ երեկոյան 19:00-ը:

Այգում փոքրիկներին կդիմավորեն հեքիաթների հայտնի հերոսները՝ Միկի Մաուսը, Սփունգ Բոբը եւ այլ սիրելի կերպարներ: Թատերական ու երաժշտական միջոցառումները կսկսվեն ժամը 11-ից և կշարունակվեն մինչև 16:00-ը,-նշված է հաղորդագրության մեջ:

Պահանջում են ասել, թե ում են ընտրելու, որ տարածք տան, կամ չտան

Պահանջում են ասել, թե ում են ընտրելու, որ տարածք տան, կամ չտան

29-04-2012

Հաշմանդամության խնդիր ունեցող մարդկանց իրավունքենրով զբաղվող կազմակերպությանը միջոցառում իրականացնելու համար տարածք չեն տրամադրում Արարատի մարզի Մասիս քաղաքում՝ ասելով, որ տարածք կտան միայն իմանալուց հետո, թե ում են իրենց ձայնը տալու ԱԺ ընտրությունների ժամանակ:

«Արդեն 10 օր է իմ գործընկեր կազմակերպությունը չի կարողանում տարածք ստանալ, քանի որ Մասիս քաղաքի կամ քաղաքապետարանից, կամ մարզպետարանից խոչընդոտում են մեզ»,- հայտնում է «Փարոս» հասարակական կազմակերպության նախագահ Սուրեն Օհանյանը:

Նա համոզված է, որ այսկերպ քաղաքական կուսակցություններն արդեն ցուցադրում են իրենց վերաբերմունքը քաղաքացիական հասարակության նկատմամբ:

© Medialab.am

«Ժառանգություն», ՀՅԴ, ՀԱԿ. երիտասարդ քաղաքացիական ակտիվիստներին ԱԺ-ում պատրաստ են սատարել միայն 3 քաղաքական ուժ

«Ժառանգություն», ՀՅԴ, ՀԱԿ. երիտասարդ քաղաքացիական ակտիվիստներին ԱԺ-ում պատրաստ են սատարել միայն 3 քաղաքական ուժ

29-04-2012

Ազգային ժողովում հայտնվելու համար պայքարող ինը կուսակցություններից միայն երեքն են պատրաստ բարձրաձայնել այն խնդիրները, որոնք քաղաքացիական հասարակություն ներկայացնող անհատ երիտասարդներն են նախաձեռնում:

Անդրադառնալով քաղաքացիական հասարակության հետ համագործակցելու ծրագրերին՝ միայն Հայ ազգային կոնգրեսի, Ժառանգության եւ Հայ հեղափոխական դաշնակցության ներկայացուցիչները կարեւորեցին երիտասարդական շարժումները:

Նրանք հայտնեցին, որ այդ նախաձեռնությունները ոչ պակաս կարեւոր են եւ, որ Մաշտոցի այգու եւ նմանատիպ այլ խնդիրների պարագայում երիտասարդների բարձրացրած բողոքի ձայնը ԱԺ-ում լսելի կդառնա:

Այն հարցին, թե ինչու մնացած կազմակերպությունների ներկայացուցիչները կարծիք չեն հայտնում երիտասարդական նախաձեռնությունների բարձրացրած խնդիրները ԱԺ շրջանակներում ապագայում քննարկելու համար, 5 կուսակցությունների ներկայացուցիչներ լռեցին, իսկ ՀՀԿ ներկայացուցիչ Արայիկ Հովհաննիսյանն ասաց.

«Մենք պատասխանում ենք այն հարցերին, որոնք նպատակահարմար ենք համարում»:

© Medialab.am

Մշակութային համագործակցությունը շարունակվում է Ռումինիայի եւ Հայաստանի միջեւ

Մշակութային համագործակցությունը շարունակվում է Ռումինիայի եւ Հայաստանի միջեւ

28-04-2012

Ռումինիայում անցկացվելու է հայ-ռումինական պատմամշակութային կապերին նվիրված միջազգային գիտաժողով:

ՀՀ մշակույթի նախարար Հասմիկ Պողոսյանը հանդիպել է Ռումինիայի մշակույթի և ազգային ժառանգության նախարար Հունոր Կելեմենին, ում հետ և քննարկել են միջպետական մշակութային այս եւ մյուս ծրագրերը, որոնք կիրկանանան 2012-2013թթ-ի ընթացքում:

Երկրորդ ընտրատարածքում հակասությունները չեն դադարում

Երկրորդ ընտրատարածքում հակասությունները չեն դադարում

28-04-2012

Երկրորդ ընտրատարածքում մեծամասնական ցուցակներով առաջադրված ԱԺ պատգամավորության թեկնածուներ Սամվել Ֆարմանյանը եւ Վլադիմիր Կարապետյանը շարունակում են բանավիճել:

Այս կապակցությամբ Հայ ազգային կոնգրեսի ներկայացուցիչ Կարապետյանն այսօր հայտարարություն է տարածել՝ նշելով, որ իր առանձնատունը կառուցում է ընտանիքի անդամների օժանդակությամբ: Իսկ որպես դիվանագետ իր պաշտոնավարման ընթացքում՝ մինչեւ 2008 թ. պատշաճ կերպով ներկայացրել է եկամուտի հայտարարագրեր:

Երեք կուսակցություն դիմելու են Սահմանդրական դատարան

Երեք կուսակցություն դիմելու են Սահմանդրական դատարան

28-04-2012

Երեք ընդդիմադիր կուսակցություններ որոշել են սահմանդարական դատարան դիմել՝ բողոքարկելով ՀՀ Ընտրական օրենսգրքի այն կետը, որով ընտրության օրը արգելվում է հրապարակել ընտրողների ստորագրած ցուցակները:

Հայ ազգային կոնգրես, Հայ հեղափական դաշնակցություն եւ «Բարգավաճ Հայաստան» կուսակցությունների ներկայացուցիչները համոզված են, որ նման դրույթը օրենսգրքի մեջ թույլ կտա, որ լինեն ընտրակեղծիքներ:

Սիսիանի բնակչուհին խաբվել է «Одноклассники» սոցիալական կայքում

Սիսիանի բնակչուհին խաբվել է «Одноклассники» սոցիալական կայքում

28-04-2012

Հարութ անունով հանդես եկող մի մարդ Սիսիան քաղաքի բնակչուհի Ն. Մ.-ի հետ ծանոթացել է «Одноклассники» սոցիալական կայքի միջոցով և խաբեությամբ իրենից հափշտակել է 327 000 դրամ գումար:

Այդ մասին հաղորդում է ՀՀ գլխավոր դատախազության պաշտոնական կայքը՝ նշելով, որ հարուցվել է քրեական գործ` համակարգչային տեխնիկայի օգտագործմամբ հափշտակություն կատարելու դեպքի առթիվ:

Մայիսի 6-ի քվեաթերթիկներն արդեն տպագրվում են

Մայիսի 6-ի քվեաթերթիկներն արդեն տպագրվում են

28-04-2012

Ապրիլի 26-ից սկսվել է առաջիկա խորհրդարանական ընտրությունների համամասնական եւ մեծամասնական քվեաթերթիկների տպագրությունը։

ԿԸՀ-ն տեղեկացնում է, որ ինչպես նախորդ անգամ, այս անգամ էլ դրանք տպագրվում են «Տիգրան Մեծ» հրատարակչությունում:

Տպագրական աշխատանքները շարունակվելու են մինչեւ մայիսի 3-ը: Մեծամասնական ընտրակարգով քվեարկողների համար տպագրվելու է 2 մլն 550 հազար 800 քվեաթերթիկ, իսկ 2 մլն 597 հազար քվեաթերթիկ` համամասնական ընտրակարգի համար:

Համամասնական ընտրակարգով կուսակցություններն ու կուսակցությունների դաշինքը այբենական կարգով քվեաթերթիկում զբաղեցնելու են հետեւյալ համարները.

  1. «Բարգավաճ Հայաստան» կուսակցություն

  2. «Ժառանգությունը» կուսակցություն

  3. «Հայ ազգային կոնգրես»

  4. «Հայ Յեղափոխական Դաշնակցություն» կուսակցություն

  5. Հայաստանի դեմոկրատական կուսակցություն

  6. Հայաստանի կոմունիստական կուսակցություն

  7. Հայաստանի հանրապետական կուսակցություն

  8. «Միավորված հայեր» կուսակցություն

  9. «Օրինաց երկիր» կուսակցություն:

    © Medialab.am

Gallup-ի հարցումներով ՀՀԿ-ն առաջատարն է

Gallup-ի հարցումներով ՀՀԿ-ն առաջատարն է

28-04-2012

Gallup International Association-ի` Երևանում և Հայաստանի մարզերում ապրիլի 17-23-ը անցկացրած հարցումներ համաձայն, առաջիկա խորհրդարանական ընտրությունների կողմնորոշված ընտրազանգվածի ձայների բաշխվածությամբ առաջատարն է Հայաստանի հանրապետական կուսակցությունը (39.2 տոկոս):

22 դիմում են ստացել և միայն մեկ քրեական գործ են հարուցել

22 դիմում են ստացել և միայն մեկ քրեական գործ են հարուցել

28-04-2012

Այսօրվա տվյալներով՝ ՀՀ գլխավոր դատախազությունը նախընտրական գործողությունների վերաբերյալ ստացել է 22 հաղորդում, այդ թվում 10 հաղորդում` ԶԼՄ-ներում զետեղված հրապարակումներից:

Հիշեցնենք, որ ՀՀ դատախազությունում ստեղծվել է աշխատանքային խումբ, որը արձանագրում է ընտրական իրավունքի խախտումների վերաբերյալ հաղորդումները և զանգվածային լրատվության միջոցների հրապարակումները:

22 դիմումներից 4-ը ուղարկվել է քննարկման ՀՀ կենտրոնական ընտրական հանձնաժողով, 2-ին տրվել է պարզաբանում: 1-ով որոշում է կայացվել` քրեական գործ հարուցելու մասին, 4-ով որոշում է կայացվել` քրեական գործի հարուցումը մերժելու մասին: 11 հաղորդումների քննարկումը դեռ ընթացքի մեջ է:

© Medialab.am

Կոմունիստներն ուզում են վերականգնել մահապատիժը

Կոմունիստներն ուզում են վերականգնել մահապատիժը

28-04-2012

Հայաստանի Կոմունիստական կուսակցությունը ԱԺ-ում հայտնվելու դեպքում վերականգնելու է մահապատիժը: Այդ մասին այսօր հայտարարել է ՀԿԿ համամասնական ցուցակի պատգամավորության թեկնածու Անդրանիկ Ղուկասյանը:

ԵԱՀԿ/ԺՀՄԻԳ առաքելություն. տրակտորներ բաժանելը ԲՀԿ-ի քարոզարշավի մաս է հանդիսանում