Հերթական դժբախտ պատահարը ՀՀ Զինված ուժերում

Հերթական դժբախտ պատահարը ՀՀ Զինված ուժերում

27-09-2010

Սեպտեմբերի 25-ին հերթական դեպքն է գրանցվել ՀՀ ՊՆ Զինված ուժերում:

ՀԱԿ-ը հետընտրական եւ հաջորդող իրադարձությունների հետեւանքով տուժած քաղաքացիների անունից դատական հայց է նախապատրաստում

ՀԱԿ-ը հետընտրական եւ հաջորդող իրադարձությունների հետեւանքով տուժած քաղաքացիների անունից դատական հայց է նախապատրաստում

26-09-2010

Ընդդիմադիր ՀԱԿ-ը հետընտրական եւ դրան հաջորդող իրադարձությունների հետեւանքով տուժած Հայաստանի քաղաքացիների անունից դատական հայց է նախապատրաստում Հայաստանի նախագահի ինստիտուտի եւ ուժային կառույցների` Ոստիկանության, Ազգային անվտանգության ծառայության եւ Պաշտպանության նախարարության դեմ: Կոնգրեսը պահանջելով ճանաչել տուժած քաղաքացիների իրավունքների խախտման փաստը:

Դատական հայցի մասին դեռեւս  սեպտեմբերի 17-ին հանրահավաքում հայտարարել էր Գլխավոր դատախազի նախկին տեղակալ, ներկայում Կոնգրեսի իրավական աջակցության կոմիտեի համակարգող Գագիկ Ջհանգիրյանը:

Հանրահավաքից  մեկ օր անց արդեն  Կոնգրեսի շտաբերում սկսել են հավաքագրվել քաղաքացիների դիմումները, վարչական դատարան ներկայացվելիք մեկ ամբողջական հայցադիմումում ներառելու նպատակով:

Վարչապետը ներկա է գտնվել Արամ Իսաբեկյանի անհատական ցուցահանդեսի բացմանը

Վարչապետը ներկա է գտնվել Արամ Իսաբեկյանի անհատական ցուցահանդեսի բացմանը

26-09-2010

Սեպտեմբեր 24-ին վարչապետ Տիգրան Սարգսյանը մասնակցել է նկարիչների միությունում Արամ Իսաբեկյանի անհատական ցուցահանդեսի բացմանը:

«Ի դեմս Իսաբեկյանի մենք տեսնում ենք ոչ միայն նկարչի, ով ունի հստակ քաղաքացիական դիրքորոշում և մտավորականի կեցվածք, այլև անհատականության, ով դաստիարակում է երիտասարդ սերունդներ»,- ասել է Տիգրան Սարգսյանը:

Ցուցահանդեսին ներկայացված էին Արամ Իսաբեկյանի  շուրջ քառասուն տարիների ստեղծագործական կյանքի արդյունք հանդիսացող կտավները։

Լինբլադը` շվեդական խորհրդարանի փոխանորդ

Լինբլադը` շվեդական խորհրդարանի փոխանորդ

26-09-2010

ԵԽԽՎ Մոնիթորինգի հանձնաժողովի Հայաստանի հարցով շվեդ համազեկուցող Գորան Լինբլադը չի վերընտրվել  որպես շվեդական խորհրդարանի պատգամավոր, սակայն, ընտրվել է որպես փոխանորդ: Լինբլադը առաջադրվել էր Գյոթեբերգ կոմմունայում` Չափավորների կուսակցության ցուցակով: Այդ մասին տեղեկանում ենք Շվեդիայի Կենտրոնական ընտրական հանձնաժողովի, /Ընտրական իշխանություններ/ կայքից:

Արվեստի ուժը համախմբում է այն, ինչ լեզուն ի զորու չէ. Վլադիմիր Սպիվակով` Երեւանում

Արվեստի ուժը համախմբում է այն, ինչ լեզուն ի զորու չէ. Վլադիմիր Սպիվակով` Երեւանում

25-09-2010

Աշխարհահռչակ դիրիժոր, ջութակահար Վլադիմիր Սպիվակովին այսօր ընդունել է նախագահ Սերժ Սարգսյանը:

«Շատ ուրախ եմ, որ Ձեր այցելությունները մեր երկրի մշակութային կյանքում մեծ իրադարձության են վերածվում:

Դրա մասին են վկայում առաջին հերթին լի դահլիճները, եւ երկրորդ` այն ջերմությունը, որով Ձեզ դիմավորում են: Կարծում եմ, վստահ եք, որ Հայաստանում Ձեզ շատ են սիրում եւ համարում են Հայաստանի բարեկամ»,-ասել է Սերժ Սարգսյանը Վլադիմիր Սպիվակովին:

Հաղթանակ. Տիգրան Գ. Մարտիրոսյանը ծանրամարտի աշխարհի չեմպիոն

Հաղթանակ. Տիգրան Գ. Մարտիրոսյանը ծանրամարտի աշխարհի չեմպիոն

24-09-2010

Անթալիայում ընթացող ծանրամարտի աշխարհի առաջնությունում  հայ ծանրամարտիկ, Եվրոպայի մինչև 77կգ քաշային կարգում բացարձակ չեմպիոն Տիգրան Գ. Մարտիրոսյանը քիչ առաջ նվաճեց աշխարհի չեմպիոնի տիտղոսը:

5 եվրոպական ու 4 համաշխարհային ռեկորդ սահմանած գյումրեցի ծանրամարտիկ Տիգրան Գ. Մարտիրոսյանի հաղթանակը Թուրքիայում բարձրացրեց հայկական եռագույնը եւ հնչեցրեց Հայաստանի օրհներգը:

Տիգրան Գ. Մարտիրոսյանը հայտնի ծանրամարտիկ ԽՍՀՄ եւ Հայաստանի բազմակի  չեմպիոն Գեւորգ Մարտիրոսյանի որդին է:  11 տարեկանում կորցնելով հորը, նույն տարիքից էլ Տիգրանը սկսել է զբաղվել ծանրամարտով` շարունակելով հոր ուղին:

© Medialab.am

Ոչ թե դիվերսանտ, այլ մոլորված հովիվ. Ադրբեջանի հերթական ապատեղեկատվությունը

Ոչ թե դիվերսանտ, այլ մոլորված հովիվ. Ադրբեջանի հերթական ապատեղեկատվությունը

19-09-2010

Սեպտեմբերի 17-ին ադրբեջանական լրատվամիջոցների հրապարակած և Youtube ցանցում տեղադրված` իբր թե հայկական դիվերսիոն խմբի անդամներից մեկի` Մ.Սարիբեկյանի հետ անցկացված հարցազրույցի տեսագրության մեջ հնչած տեղեկատվությունը չի համապատասխանում իրականությանը: Այդ մասին այսօր հայտարարություն է տարածել ՀՀ Պաշտպանության նախարարությունը:

ՀԱԿ հայտարարությունը հանրապետությունում օրեցօր ահագնացող տնտեսական վիճակի եւ գների աճի մասին

ՀԱԿ հայտարարությունը հանրապետությունում օրեցօր ահագնացող տնտեսական վիճակի եւ գների աճի մասին

18-09-2010

Հայաստանում առկա կոռուպցիոն հանցավոր իշխանական համակարգը մեծացնում է թալանչիական շահատակումները։ Դրամի արհեստական արժեւորումը մի կողմից՝ մսխեց հանրապետության արժութային պահուստները, մյուս կողմից քայքայեց տեղական արտադրությունը, ինչի հետեւանքով 2009թ. Հայաստանում պաշտոնապես արձանագրվեց 14.4% (իրականում շատ ավելի մեծ) տնտեսական անկում՝ համընդհանուր ճգնաժամի պայմաններում աշխարում ըստ էության ամենամեծը։

Ավելին՝ նույն այդ ճգնաժամը հաղթահերելու համար ՀՀ կառավարությունը մեր ուսերին լրացուցիչ 1.5 միլիարդ դոլարի արտաքին պարտք կուտակեց։ Եթե միայն վերցված հսկայական այդ պարտքը, որպես ոչ լավագույն լուծում, օգտագործվեր ամենապրիմիտիվ ձեւով՝ բաժանվեր ժողովրդին (յուրաքանչյուր միջին ընտանիքին մոտ 2000 դոլարի չափով), ապա միայն բնակչության գնողունակության բարձրացման ու դրա հետեւանքով տնտեսության խթանման հաշվին կարելի էր հանրապետությունում ամբողջությամբ կանխել տնտասական անկումը։

Լեւոն Տեր-Պետրոսյանի ելույթը սեպտեմբերի 17-ի հանրահավաքում

Լեւոն Տեր-Պետրոսյանի ելույթը սեպտեմբերի 17-ի հանրահավաքում

18-09-2010

Սիրելի հայրենակիցներ,

Թեեւ ես սովորություն չունեմ մեկնաբանելու նախկինում արտահայտած իմ մտքերը, սակայն հաշվի առնելով, որ ՀՀՇ համագումարում ունեցած ելույթս (17.07.2010) միանշանակ չընդունվեց քաղաքական շրջանակների կողմից եւ առիթ հանդիսացավ որոշ թյուրընկալումների ու նենգափոխումների, ստիպված եմ լրացուցիչ պարզաբանումներ տալ այդ առթիվ։ Հիշատակված ելույթում ես ընդամենը կատարել եմ օբյեկտիվ իրականությունից բխող ու միմյանցից անկախ երեք հիմնական արձանագրում՝ կոնստատացիա։

Առաջին. «Առանց Ղարաբաղյան հակամարտության եւ հայ–թուրքական հարաբերությունների կարգավորման Հայաստանն անվտանգության, տնտեսական զարգացման եւ ժողովրդագրական վիճակի բարելավման հեռանկար չունի»։ Միանգամայն աներկիմաստ այս պնդումն իշխանական քարոզչամեքենայի կողմից վերածվել է իր ինտելեկտուալ մակարդակին համարժեք մի պարզունակ մտքի, թե իբր ես առաջարկում եմ հանուն Հայաստանի զարգացման, զիջել Ղարաբաղը։ Մինչդեռ կարիք չկա ապացուցելու, որ ես շեշտել եմ ոչ թե զիջման, այլ Ղարաբաղի խնդրի (ու նրանից կախված հայ–թուրքական հարաբերությունների) կարգավորման կամ լուծման անհրաժեշտությունը։ Մի բան է լուծումը, եւ բոլորովին մի այլ բան՝ զիջումը։ Ո՞վ է ձեզ ստիպում որեւէ բան զիջել, ո՞վ է պահանջում տարածքներ վերադարձնել։ Դեմ եք զիջմանը կամ փոխզիջմանը, անզիջողական կամ հաղթողական լուծում ապահովեք, ո՞վ ուրախ չի լինի։ Միայն թե՝ ինչ ճանապարհ էլ ընտրեք, պետք է գիտակցեք, որ Ղարաբաղի խնդիրը լուծել, կրկնում եմ լուծել եւ ոչ թե զիջել, դուք պարտավոր եք, որովհետեւ...

Հայաստանի արտգործնախարարը ընդունեց ներքին տեղահանված անձանց իրավունքների հարցերով ՄԱԿ-ի գլխավոր քարտուղարի հատուկ ներկայացուցչին

Հայաստանի արտգործնախարարը ընդունեց ներքին տեղահանված անձանց իրավունքների հարցերով ՄԱԿ-ի գլխավոր քարտուղարի հատուկ ներկայացուցչին

18-09-2010

Սեպտեմբերի 17-ին Հայաստանի արտաքին գործերի նախարար Էդվարդ Նալբանդյանը ընդունեց ներքին տեղահանված անձանց իրավունքների հարցերով ՄԱԿ-ի գլխավոր քարտուղարի հատուկ ներկայացուցիչ Ուոլտեր Կալինին (Walter Kalin), ով տարածաշրջանային այցով գտնվում է Հայաստանում:

Էդվարդ Նալբանդյանը շնորհակալություն հայտնեց պրն. Կալինին կատարած աշխատանքի համար եւ գոհունակություն արտահայտեց ներքին տեղահանված անձանց իրավունքների հարցերով ՄԱԿ-ի գլխավոր քարտուղարի հատուկ ներկայացուցչի գրասենյակի հետ բազմամյա արդյունավետ համագործակցության կապակցությամբ:

ՊՆ.Youtube-ի տեսահոլովակի բոլոր մասնակիցները բացահայտված են

ՊՆ.Youtube-ի տեսահոլովակի բոլոր մասնակիցները բացահայտված են

18-09-2010

Հայկական բանակում տիրող բարքերի վերաբերյալ մի քանի օրում մեծ աղմուկ բարձրացրած տեսահոլովակի բոլոր մասնակիցներն ըստ Պաշտպանության նախարարության բացահայտվել են :

«Օրերս ինտերնետ ցանցում հայտնված զինծառայողների միջև ոչ կանոնադրական փոխհարաբերությունների վերաբերյալ տեսանյութի առթիվ իրազեկում ենք, որ դեպքի բոլոր մասնակիցները բացահայտվել են և բերման են ենթարկվել ՀՀ ՊՆ ռազմական ոստիկանություն »,-նշված է հաղորդագրության մեջ:

ՊՆ-ն տեղեկացնում է, որ դեպքի կապակցությամբ նախապատրաստված նյութերը Ռազմական ոստիկանության կողմից այսօր փոխանցվել են ՀՀ զինվորական դատախազություն:

«Հարուցվել է քրեական գործ: Դեպքի մանրամասների մասին կհաղորդենք առաջիկայում»,-նշված է ՊՆ հայտարարության մեջ:

© Medialab.am

«Գամար ջոբա». Վրացի Զվիադիի թխած պուրիները Երևանի Վրացական փողոցում սիրում են ու գնահատում

«Գամար ջոբա». Վրացի Զվիադիի թխած պուրիները Երևանի Վրացական փողոցում սիրում են ու գնահատում

18-09-2010

«Ո՞նց ես, Գոգո´»,- ամեն առավոտ ալյուրոտ Զվիադին ժպիտով դիմում է տաք ու համեղ պուրի առնող երեխաներին:

Երևանի Վրացական փողոցի վրացական պուրին մեծ համբավ ունի ոչ միայն համի, թարմության, այլև ժպտերես, ազգությամբ վրացի հացթուխ 40-ամյա Զվիադի Կավիաշվիլիի շնորհիվ:

Հացի կրպակն այնպիսին է, որ գնորդը կարող է տեսնել, թե ինչ կատարվում է ներսում. ինչպես է Զվիադին պատրաստում հացի գնդերը, ինչպես է գունդը ձգում` երկարացնելով հատուկ պատրաստված տախտակի վրա ու թե ինչպես է այդ տախտակը բռնած` գլխով գցվում թոնրի մեջ, ոտքերը մի վայրկյան ճոճում օդում ու, խմորը խփելով թոնրի ամենաներքևի պատին, դատարկ տախտակով, հաղթական ու քրտնած դեմքով դուրս պրծնում:

Կայացել է 500,000 ԱՄՆ դոլար ֆոնդ ունեցող Վիկտոր Համբարձումյանի անվան միջազգային մրցույթի մրցանակաբաշխությունը

Կայացել է 500,000 ԱՄՆ դոլար ֆոնդ ունեցող Վիկտոր Համբարձումյանի անվան միջազգային մրցույթի մրցանակաբաշխությունը

18-09-2010

Այսօր տեղի ունեցած պատվավոր Վիկտոր Համբարձումյանի անվան միջազգային մրցանակաբաշխության ժամանակ  մրցանակների են արժանացել շվեյցարացի հայտնի աստղաֆիզիկոս Միշել Մայորին ու նրա գիտական խմբի անդամներ Գարիկ Իսրայելյանին եւ Նունո Սանտոսին:

Մրցանակը հիմնվել է ՀՀ Նախագահի 2009թ. ապրիլի 16-ի հրամանագրով` նպատակ ունենալով հավերժացնել մեծ աստղաֆիզիկոսի հիշատակը: Այն շնորհվում է երկու տարին մեկ անգամ` աստղաֆիզիկայի եւ դրան հարակից բնագավառներում ակնառու գիտական աշխատանքի համար: Մրցանակային ֆոնդը 500,000 ԱՄՆ դոլար է:

Նոր նախագահ ԼՂՀ Գերագույն դատարանում

Նոր նախագահ ԼՂՀ Գերագույն դատարանում

17-09-2010

ԼՂՀ Գերագույն դատարանն արդեն նոր նախագահ ունի: Նախօրեին  մեկնարկած ԼՂՀ ԱԺ նիստի ընթացքում փակ գաղտնի քվեարկության արդյունքում` ձայների 28 կողմ եւ 1 դեմ հարաբերակցությամբ, ԼՂՀ Գերագույն Դատարանի նախագահ է ընտրվել ԼՂՀ նախագահ Բակո Սահակյանի ներկայացված թեկնածուն` Արամայիս Ավագյանը:

Մինչ այդ Ավագյանը եղել է ԼՂՀ Գլխավոր դատախազի տեղակալ. այդ պաշտոնից Բակո Սահակյանը Ավագյանին ազատել է երեկ:

Հիշեցնենք, որ մի քանի օր առաջ ԼՂՀ նախագահ Բակո Սահակյանը պաշտոնանկ է արել Գերագույն դատարանի նախագահ Արարատ Դանիելյանին: Պաշտոնանկության պատճառների մասին ոչինչ չի նշվում:

Ալիկ Արզումանյան. ոչ թե հանվել է, այլ հետաձգվել

Ալիկ Արզումանյան. ոչ թե հանվել է, այլ հետաձգվել

11-09-2010

Ադրբեջանական բանաձևը շարունակելու է դամոկլյան սրի պես կախված է լինել մեզ վրա: Այս մասին լրագրողների հետ հանդիպման ժամանակ հայտարարել է ՀՀ նախկին արտգործնախարար, ՀԱԿ անդամ Ալիկ Արզումանյանը:

ԱԳՆ. Հայաստանը շնորհակալ է ոլոր այն երկրներին, որոնք կանխեցին ադրբեջանական բանաձևի ընդունումը

ԱԳՆ. Հայաստանը շնորհակալ է ոլոր այն երկրներին, որոնք կանխեցին ադրբեջանական բանաձևի ընդունումը

11-09-2010

Սեպտեմբերի 9-ին ՄԱԿ-ի Գլխավոր ասամբլեայի 64-րդ նստաշրջանի ընթացքում պետք է քննարկվեր Ադրբեջանի առաջարկած«Ադրբեջանի գրավյալ տարածքներում մարդու իրավունքների ոլորտում միջազգային հումանիտար իրավունքի և միջազգային ստանդարտների նորմերի պահպանումը» բանաձևի նախագիծը:

Սակայն երեկ երեկոյան բանաձեւի նախագիծը հանվել է քվեարկությունից, իսկ համապատասխան օրակարգի կետը տեղափոխվել է ԳԱ 65-րդ նստաշրջանի օրակարգ:

Տեղի ունեցածի կապակցությամբ Հայաստանի ԱԳՆ-ն հանդես է եկել հայտարարությամբ, որում մասնավորապես ասվում է. «Շնորհակալ ենք ՄԱԿ-ի անդամ բոլոր այն երկրներին եւ առաջին հերթին ԵԱՀԿ ՄԽ համանախագահ պետություններին, որոնք իրենց դիրքորոշմամբ կանխեցին Ադրբեջանի փորձերը շեղել և վնաս հասցնել ղարաբաղյան հիմնախնդրի կարգավորման բանակցային գործընթացին` թույլ չտալով ՄԱԿ-ի ԳԱ-ում Ադրբեջանի կողմից ներկայացված ապակառուցողական բանաձևի ընդունումը»:

Ադրբեջանական բանաձևն իշխանության համար զվարճալի է

Ադրբեջանական բանաձևն իշխանության համար զվարճալի է

11-09-2010

ՄԱԿ-ի Գլխավոր ասամբլեայի 64-րդ նստաշրջանի քննարկմանը ներկայացված Ադրբեջանի առաջարկած «Ադրբեջանի գրավյալ տարածքներում մարդու իրավունքների ոլորտում միջազգային հումանիտար իրավունքի և միջազգային ստանդարտների նորմերի պահպանումը» բանաձևի նախագիծը զվարճալի է թվում իշխանական ՀՀԿ պատգամավոր Ռաֆիկ Պետրոսյանին:

«Այն պահին, երբ Ալիևը տեսավ, որ Մեդվեդևը, այսինքն Ռուսաստանը, սանձեց իրեն և այդ սանձը բերանին սկսեց թփռտալ աջ ու ձախ, հանդես բերեց այդ ծիծաղաշարժ նախաձեռնությունը»,-լրագրողների հետ հանդիպման ժամանակ մեկնաբանելով ՄԱԿ-ի ԳԱ 64-րդ  նստաշրջանին առաջարկած ադրբեջանական բանաձևն ասաց Պետրոսյանը:

Արևմտյան Նեղոսի տենդը տարածվում է

Արևմտյան Նեղոսի տենդը տարածվում է

11-09-2010

Արեւմտյան Նեղոսի տենդի վիրուսի  տարածման առումով աշխարհում համաճարակային լարվածությունն ի նկատի առնելով` ՀՀ Առողջապահության նախարարությունը հանդես է եկել տեղեկատվական հաղորդագրությամբ:

ՀՀ ՊՆ հաղորդագրությունը շփման գծում տեղի ունեցած միջադեպի վերաբերյալ

ՀՀ ՊՆ հաղորդագրությունը շփման գծում տեղի ունեցած միջադեպի վերաբերյալ

02-09-2010

Հավատարիմ մնալով որդեգրած գործելաոճին և կոպտորեն խախտելով շփման գծում հաստատված հրադադարի ռեժիմը` ադրբեջանական կողմը հերթական անգամ դիմել է սադրիչ դիվերսիոն գործողության: ԼՂՀ պաշտպանության բանակի մամուլի ծառայությունից ստացված տեղեկատվության համաձայն` օգոստոսի 31-ին, առավոտյան ժամը 6:30-ի սահմաններում, ղարաբաղա-ադրբեջանական զորքերի շփման գոտու հյուսիսարևելյան հատվածում` Վերին Չայլու գյուղի շրջանում տեղակայված հայկական դիրքերից մեկի ուղղությամբ հակառակորդի կողմից ձեռնարկվել է դիվերսիոն գործողության փորձ:

Հայ դիրքապահների զգոնության շնորհիվ և ձեռնարկված համապատասխան միջոցառումների արդյունքում հակառակորդի առաջխաղացումը կասեցվել է, և թշնամու հատուկ նշանակության ջոկատայինները, կրելով կորուստներ` զոհեր և վիրավորներ, հետ են շպրտվել իրենց ելման դիրքերը: Ցավոք, ծավալված մերձամարտի ընթացքում հրազենային վիրավորում է ստացել ՊԲ շարքային զինծառայող, 1991թ. ծնված Ռուդիկ Թովմասի Մանասերյանը:

Վարչապետը վաղը կմեկնի Ստեփանակերտ

Վարչապետը վաղը կմեկնի Ստեփանակերտ

02-09-2010

Սեպտեմբերի 2-ին` ԼՂՀ անկախության հռչակման 19-րդ տարեդարձի կապակցությամբ ՀՀ վարչապետ Տիգրան Սարգսյանի գլխավորած պատվիրակությունը կմիանա Արցախում կազմակրեպվող հանդիսավոր միջոցառումներին:

Ըստ կառավարության տարածած հաղորդագրության, Ստեփանակերտից վարչապետի գլխավորած պատվիրակությունը կվերադառնա երկօրյա այցից հետո: