Սոս Սարգսյանը հիվանդանոցում է

Սոս Սարգսյանը հիվանդանոցում է

13-07-2012

Հայաստանի Հանրապետության ժողովրդական արտիստ, անվանի դերասան Սոս Սարգսյանը հիվանդանոցում է: Այս մասին տեղեկացնում է «Արմենպրես» լրատվական գործակալությունը:

Ըստ աղբյուրի, հուլիսի 12-ին դերասանը պետք է մասնակցեր Փարաջանովի տուն-թանգարանում կայանալիք Կինոակադեմիայի մրցանակաբաշխությանը, սակայն միջոցառման նախօրեին նրան տեղափոխել են բժշկական կենտրոն:

«Արմենպրես»-ի հետ զրույցում Հայաստանի Հանրապետության մշակույթի փոխնախարար Արթուր Պողոսյանը նշել է, որ Սոս Սարգսյանն այժմ վատառողջ է, սակայն վստահեցնել, որ «լուրջ բան չկա»:

«Այժմ նա բժիշկների հսկողության տակ է գտնվում»,- տեղեկացրել է փոխնախարարը:

Ակցիա ԱԺ դիմաց՝ «Հարսնաքարի» գործով

Ակցիա ԱԺ դիմաց՝ «Հարսնաքարի» գործով

13-07-2012

«Պահանջում ենք պատժել Հարսնաքարի միջադեպի բոլոր մեղավորներին» նախաձեռնության հայտարարության համաձայն, վաղը «Հարսնաքարի» դեպքի կապակցությամբ, ժամը 13:00-ին ակցիա է կազմակերպվում ԱԺ մոտ:

«Ողջունում ենք ԱԺ արտակոալիցիոն 4 խմբակցությունների՝ ԱԺ արտահերթ նստաշրջան հրավիելու նախաձեռնությունը: Աժ պատգամավորներին կոչ ենք անում միանալ նախաձեռնությանը: Համարում ենք, որ այն բոլոր պատգամավորները, որոնք իրենց ստորագրությունը չեն դնի արտահերթ նստաշրջան հրավիրելու նախագծի տակ, նպաստած կլինեն Հարսնաքարի գործի կոծկմանը, Ռուբեն Հայրապետյանի պատգամավորական մանդատի եւ անձեռնմխելիության պահպանմանը:

Արտահերթ նստաշրջանի նախաձեռնություն.ՀԱԿ

Արտահերթ նստաշրջանի նախաձեռնություն.ՀԱԿ

13-07-2012

Հաշվի առնելով, որ 2012թ. հունիսի 17-ին Երեւանի «Հարսնաքար» ռեստորանային համալիրում տեղի ունեցած ծանրագույն հանցագործությունները հասարակական մեծ հնչեղություն են ստացել` առաջացնելով հանրային դժգոհության մեծ ալիք եւ ինքնաբուխ զանգվածային ակցիաներ,

Պետական պահպանության ծառայության կրտսեր տեսուչը մեղադրվում է խարդախության մեջ

Պետական պահպանության ծառայության կրտսեր տեսուչը մեղադրվում է խարդախության մեջ

13-07-2012

ՀՀ հատուկ քննչական ծառայությունում ավարտվել է ՀՀ պետական պահպանության ծառայության կրտսեր տեսուչի կողմից խարդախություն կատարելու դեպքի առթիվ հարուցված քրեական գործի նախաքննությունը: Քրեական գործով դատավարական ղեկավարում իրականացնող դատախազը հաստատել է մեղադրական եզրակացությունը:

Ստրասբուրգն էլ կիմանա Ալիկ Սարգսյանի եւ Սայաթ Շիրինյանի մասին

Ստրասբուրգն էլ կիմանա Ալիկ Սարգսյանի եւ Սայաթ Շիրինյանի մասին

13-07-2012

ՀՀ փաստաբանների անդամ, փաստաբան Լիպարիտ Սիմոնյանն Aravot.am-ին տեղեկացրեց, որ Մարդու իրավունքների եվրոպական դատարան 6 ամիս առաջ ուղարկված «Սուխուդյանը Հայաստանի դեմ» գործին գրանցման համար է շնորհվել:

Նվարդ Մանասյան. «Ուժին իրավունքով ենք պատասխանելու»
40 երկվորյակներ` Կասկադի աստիճաններին

40 երկվորյակներ` Կասկադի աստիճաններին

12-07-2012

Այսօր` հուլիսի 11-ին, ժամը 18:30-ին, մոտ 40 երկվորյակներ հավաքվել էին Կասկադի աստիճանների մոտ` մասնակցելու նկարահանումների , որոնց մասին նախապես հայտարարվել էր լրատվամիջոցների կողմից:

Երկվորյակները տարբեր տարիքի և մասնագիտությունների տեր մարդիկ էին: Նրանցից ամենատարեցը 86 ամյա Ամալյան և Թամարան էին: Նրանց ուղեկցողը նշում էր, որ այսօր պատահաբար կայքերից մեկում էր կարդացել իրադարձության մասին և որոշել էր, որ նրանք անպայման պետք է մասնակցեն:

460 հազար եվրո՝ Էդուարդ Ղազարյանի մանրաքանդակի համար /Տեսանյութ/

460 հազար եվրո՝ Էդուարդ Ղազարյանի մանրաքանդակի համար /Տեսանյութ/

12-07-2012

Հայ հանճարեղ մանրաքանդակագործ Էդուարդ Ղազարյանի «Անապատի քարավանը» կոչվող ոսկյա մանրաքանդակը Ֆրանսիայում Կաննի աճուրդում երեք օր առաջ վաճառվել է 460000 եվրոյով։ Քանդակը ստեղծվել է 1986թ-ին։ Գնորդը չի ցանկացել հրապարակել իր անունը՝ հայտնելով միայն, որ այն կմնա երկրում։ Այս մասին տեղեկացնում է a1plus.am-ը:

«Հիշեցնենք,որ աշխարհահռչակ հայ միկրոքանդակագործ, այդ հազվագյուտ և բարդ արվեստի հիմնադիր Էդուարդ Ղազարյանը վախճանվել է այս գարնանը՝ ապրիլին՝ կյանքի 89-րդ տարում։

Էդուարդ Ղազարյանը ստեղծել է շուրջ 1000 յուրօրինակ միկրոքանդակ: Անզեն աչքով անտեսանելի միկրոմարմինները շարժվում են` կատարելով ոչ սինխրոն շարժումներ` չկրկնելով դրանցից և ոչ մեկը: Այս աշխատանքները մինչ օրս մնում են չգերազանցված, չնայած առաջին շարժական միկրոքանդակների ցուցադրումից անցել է ավելի քան երեսուն տարի:

Պարզեցված վիզային ռեժիմի շահառուները կլինեն ուսանողները, գործարարները

Պարզեցված վիզային ռեժիմի շահառուները կլինեն ուսանողները, գործարարները

12-07-2012

Վիզային ռեժիմի դյուրացման եւ վերադարձի շուրջ պայմանագրի կնքման վերաբերյալ բանակցային գործընթացը շարունակվում է: Ըստ «Արմենպրես»-ի, այդ մասին այսօր կայացած մամլո ասուլիսի ժամանակ ասել է Հայաստանի Հանրապետությունում Ֆրանսիայի արտակարգ եւ լիազոր դեսպան Անրի Ռենոն:

«Ամառվա շրջանում մուտքի արտոնագիր ստանալու ցանկացողների թիվն անհամեմատ բազմապատկվում է: Վիզաների հարցը հյուպատոսական ամենօրյա աշխատանքի մի մասն է: Ինչ վերաբերում է Ֆրանսիայի դեսպանատան հյուպատոսական ծառայությանը, ապա այն ջանք չի խնայում, որ դիմումները ժամանակին բավարարվեն, անգամ եթե դրանք սեղմ ժամկետներում են ներկայացվում եւ ակնկալվում է արագ պատասխան»,-«Արմենպրես»-ի հաղորդմամբ` ասել է դեսպանը: Նրա խոսքով` վիզային ազատ ռեժիմի տրամադրման շահառուներն առաջին հերթին լինելու են ազգաբնակչության որոշակի թիրախավորված խմբերը` ուսանողներ, գիտական բնագավառում աշխատողներ, գործարար աշխարհի ներկայացուցիչներ:

Մտքի ախոռները.Արամ Աբրահամյան

Մտքի ախոռները.Արամ Աբրահամյան

12-07-2012

Րաֆֆի Հովհաննիսյանը երեկ, ի պատասխան «Առավոտի» հարցի, նշեց, որ առաջիկա նախագահական ընտրություններում որպես թեկնածուներ տեսնում է մի շարք գործիչների ու թվարկեց մի քանիսին: Համակրանքի տարբեր աստիճաններ ունենալով այդ գործիչների նկատմամբ՝ կարծում եմ, որ նրանց, ինչպես նաեւ մի քանի տասնյակ այլ մարդկանց նախագահ դառնալով որեւէ սարսափելի բան տեղի չի ունենա: Մանավանդ հաճելի էր այդ շարքում տեսնել կանանց, որովհետեւ, անկախ ամեն ինչից, լավ կլիներ, եթե հաջորդ տարի գոնե թեկնածուների շարքում մի կին լիներ: Դա «գենդերային» հարց չէ. այստեղ հնարավոր կլինի խոսել մեր քաղաքական մտահորիզոնի ընդլայնման մասին:

«Կան քաղաքական գործիչներ, ովքեր անձնական վրեժ են լուծում Հայրապետյանից»

«Կան քաղաքական գործիչներ, ովքեր անձնական վրեժ են լուծում Հայրապետյանից»

12-07-2012

«Մասնավոր անձանց թիկնապահների ուշքն ու միտքը մեծ մատնաքաշով երշիկն ամբողջությամբ ուտելն է: Խոսքը միայն Ռուբեն Հայրապետյանի թիկնապահներին չի վերաբերում, այլեւ ընդհանրապես: Ռուբեն Հայրապետյանի թիկնապահները ոչ թե ինքնագործունեությամբ պետք է զբաղվեին, այլ պարտավոր էին զանգահարել ոստիկանություն:

Եզդիներն Երեւանում եզդի հերոս Ջհանգիր Աղայի անունով փողոց են ուզում

Եզդիներն Երեւանում եզդի հերոս Ջհանգիր Աղայի անունով փողոց են ուզում

12-07-2012

Եզդիների «Սինջար» ազգային միավորման երիտասարդ անդամներն օրերս բաց նամակով դիմել են Երեւանի քաղաքապետ Տարոն Մարգարյանին՝ Երեւանում եզդի հերոս Ջհանգիր Աղայի անունով փողոց ունենալու խնդրանքով:

Այս մասին տեղեկացնում է a1plus.am-ը:

Ըստ աղբյուրի, «Սինջար» միավորման նախագահ Բորիս Թամոյանը կարծում է, որ իրենց խնդրանքը դեռ մի փոքր էլ ուշացած է եւ հուսով է, որ քաղաքապետ Տարոն Մարգարյանը «այս հարցին ճիշտ լուծում կտա»։

Թուրքիայում արջը քարով խփել է հովվի գլխին

Թուրքիայում արջը քարով խփել է հովվի գլխին

12-07-2012

Թուրքիայի Էրզրում նահանգի Այնալըքքալեյում բնակվող հովիվ 44-ամյա Մեւլութ Դիլեքչին պնդում է, որ անասուններին արածեցնելու ժամանակ հայտնված արջը քարով հարվածել է իրեն եւ պատրաստվել է ուտել: Այս մասին թուրքական Milliyet-ին վկայակոչելով գրում է news.am լրատվական կայքը:

«Մեվլութ Դիլեքչին հուլիսի 6-ին բջջային հեռախոսով զանգահարել է ժանդարմերիա՝ պնդելով, որ արջը ցանկանում է իրեն ուտել: Ժանդարմերիան, հաշվի առնելով, որ ցամաքով հասնելը դժվար կլինի, Էրզրումից շտապօգնության ուղղաթիռ է կանչել: Ուղղաթիռը կարողացել է գտնել վիրավորված հովվին եւ տեղափոխել Էրզրումի հիվանդանոց:

Ճակատագիր. Օգնություն` օրավարձով ապրող կենդանիներին

Ճակատագիր. Օգնություն` օրավարձով ապրող կենդանիներին

12-07-2012

Ավանում, Զովունիում, Արտաշատում, Խարբերդում եւ Ուշիում կամավորների խնամակալության տակ են գտնվում օրավարձով ապրող կենդանիներ, որոնց խնամքն անհրաժեշտ է շարունակել` մինչ կգտնվեն տերեր: Յուրաքանչյուր շան համար վճարվում է նվազագույնը 1000 դրամ` մեկ օրվա համար, բացի այդ, անհրաժեշտ է նրանց ապահովել սնունդով եւ հոգալ նաեւ բժշկական ծախսերը:

Այդ նպատակով կենդանասերները կազմակերպում են դրամահավաք-սննդահավաքներ, որոնց ընթացքում կամավորները կարող են օգնություն ցուցաբերել կենդանիներին: Հերթական դրամահավաքն երեկ Թամանյանի արձանի մոտ էր. մարդկանց, հատկապես` երեխաների հետ ակտիվ խաղում էին նաեւ ժամանակավոր խնամակալության տակ գնտվող շներից մի քանիսը:

Սեւանա լճում խեղդվել է 16-ամյա երիտասարդ

Սեւանա լճում խեղդվել է 16-ամյա երիտասարդ

11-07-2012

Ըստ Արտակարգ իրավիճակների նախարարության ստացած տվյալների, Սեւանա լճում խողդվել է 16 ամյա Նարեկ Ալեքսանյանը:

Դեպքի մասին տեղեկություն ստացվել է այսօր ժամը 14.15-ին: Հատուկ ջրափրկարարական ջոկատը, Սեւանա լճում հերթապահություն իրականացնելիս, («Ծովինար» լողափի տարածք), նկատել է խեղդվող մարդ:

ԱԻՆ լրատվական ծառայությունից հայտնում են, որ ջրափրկարարները ջրից դուրս են բերել Արարատի մարզի Ազատավան գյուղի բնակիչ՝ 16-ամյա Նարեկ Ալեքսանյանին, ցուցաբերել առաջին բուժօգնություն եւ տեղափոխել Սեւան քաղաքի բժշկական կենտրոն, որտեղ եւ նա մահացել է:

Սպասվում է անձրև և ամպրոպ

Սպասվում է անձրև և ամպրոպ

11-07-2012

Հանրապետության տարածքում`հուլիսի 11-13-ը գիշերվա առաջին կեսին և օրվա երկրորդ կեսին առանձին շրջաններում հնարավոր է, 14-15-ը սպասվում է կարճատև անձրև և ամպրոպ, առանձին հատվածներում հնարավոր է կարկուտ: Քամին հարավային 3-8մ/վրկ, ամպրոպի ժամանակ քամու ուժգնացում 13-18մ/վրկ արագությամբ: Օդի ջերմաստիճանը 13-ին կբարձրանա 1-2 աստիճանով:

Այս մասին տեղեկացնում է ՀՀ Արտակարգ իրավիճակների նախարարության պաշտոնական հաղորդագրությունը:

Փաստաբան Վահե Գրիգորյանը հաղթեց Եվրադատարանում

Փաստաբան Վահե Գրիգորյանը հաղթեց Եվրադատարանում

11-07-2012

Մարդու իրավունքների Եվրոպական դատարանը բավարարել է փաստաբան Վահե Գրիգորյանի հայցը` ընդդեմ Հայաստանի Հանրապետության: Այդ մասին տեղեկացնում է a1plus.am-ը: Ըստ աղբյուրի, Հայաստանի կառավարությունը Վահե Գրիգորյանին պետք է հատկացնի 2500 եվրո։

a1plus.am-ը հավելում է, որ Վահե Գրիգորյանը,ով Բուզանդի փողոցի՝ պետական կարիքների համար իրենց տներից վտարված բնակիչների փաստաբանն էր, 2005-ի հոկտեմբերի 7-ին ձերբակալվել էր խարդախության և փաստաթղթերի կեղծման մեղադրանքով։

Հոկտեմբերի 10-ին նրա նկատմամբ կալանքն ընտրվել էր որպես խափանման միջոց: Վերաքննիչ դատարանն անփոփոխ էր թողել առաջին ատյանի դատարանի որոշումը: Այնուհետև կալանքը երկարացվել էր երկու ամսով:

Հայրապետյանին զրկել անձեռնմխելիությունից, քրեական գործ հարուցել. ՀՔԱՎ-ը՝ Արման Վեզիրյանի հանդեպ բռնության մասին

Հայրապետյանին զրկել անձեռնմխելիությունից, քրեական գործ հարուցել. ՀՔԱՎ-ը՝ Արման Վեզիրյանի հանդեպ բռնության մասին

10-07-2012

ՀՔԱ Վանաձորի գրասենյակի հայտարարությունը երեկ Ռուբեն Հայրապետյանի կողմից իրավապաշտպան Արման Վեզիրյանի հանդեպ ոտնձգության մասին՝ ստորեւ:

«ՀՔԱ Վանաձորի գրասենյակը խստորեն դատապարտում է 2012 թ. հուլիսի 8-ի երեկոյան «Հարսնաքար» ռեստորանային համալիրի մոտ ԱԺ պատգամավոր Ռուբեն Հայրապետյանի կողմից իրավապաշտպան Արման Վեզիրյանի նկատմամբ կիրառված բռնությունը, որը դրսևորվել է առանձնակի ցինիզմով և հանրային կարծիքի նկատմամբ արհամարհական վերաբերմունքով:

«Ես կետչուպ քսեցի բերանիս, պառկեցի գետին».Վահրամ Սահակյանն ասել է, որ կատակում էր, իրեն չեն ծեծել

«Ես կետչուպ քսեցի բերանիս, պառկեցի գետին».Վահրամ Սահակյանն ասել է, որ կատակում էր, իրեն չեն ծեծել

10-07-2012

Այսօր լրագրողների հետ հանդիպման ժամանակ, գրող Վահրամ Սահակյանն ասել է, որ օրեր առաջ տարածված այն լուրեր, թե իրեն դաժան ծեծի են ենթարկել, չի համապատախանում իրականությանը, եւ որ ինքը դրանով կատակ է արել:

«Ինձ չեն ծեծել, ես էլ կարող եմ չէ՞ կատակ անել... Ես կետչուպ քսեցի բերանիս, պառկեցի գետին, ընկերուհուս խնդրեցի նկարել, քցեցի սայթ...»,- ըստ yerkir.am կայքի, հայտարարել է Սահակյանը՝ պարզաբանելով ինտերնետում տարածված իր լուսանակրի հայտնվելու ծագումնաբանությունը:

Նա ասել է, որ որ իր կատակը ոչ մի նպատակ էլ չէր հետապնդում, ինքն իրեն գովազդ չէր անում:

Վարչապետը մեկնում է արձակուրդ

Վարչապետը մեկնում է արձակուրդ

10-07-2012

ՀՀ վարչապետ Տիգրան Սարգսյանը հուլիսի 9-18-ը գտնվելու է արձակուրդում, որի հիմնական մասը կանցկացնի Հայաստանում կամ Լեռնային Ղարաբաղում: Այս մասին տեղեկացնում է ՀՀ կառավարության պաշտոնական կայքէջը:

«Արձակուրդում գտնվելու ժամանակահատվածում Հայաստանի Հանրապետության վարչապետին փոխարինելու է փոխվարչապետ, տարածքային կառավարման նախարար Արմեն Գևորգյանը»,-նշված է հաղորդագրության մեջ: