Սերժ Սարգսյանը ներկա է գտնվել «ԿԱՄԱԶ Արմենիա» կենտրոնի բացման արարողությանը

Սերժ Սարգսյանը ներկա է գտնվել «ԿԱՄԱԶ Արմենիա» կենտրոնի բացման արարողությանը

05-10-2013

Նախագահ Սերժ Սարգսյանն այսօր Երևանում ներկա է գտնվել «ԿԱՄԱԶ Արմենիա» ՓԲԸ առևտրի և սպասարկման կենտրոնի բացման արարողությանը:

 Հանրապետության Նախագահը շրջել է ՌԴ խոշորագույն մեքենաշինական ձեռնարկության՝ «ԿԱՄԱԶ» ընկերությունների խմբի կողմից մայրաքաղաքում բացված կենտրոնում, ծանոթացել իրականացված ներդրումներին, կենտրոնի հնարավորություններին, մատուցվող ծառայություններին, ինչպես նաև «ԿԱՄԱԶ Արմենիա»-ի երկարաժամկետ ներդրումային քաղաքականությանը, այդ թվում՝ Երևանից բացի հանրապետության բոլոր մարզերում տեխնիկական սպասարկման կենտրոնների և պահեստամասերի մատակարարման ցանցի ստեղծման ուղղությամբ ծրագրերին: Նորաբաց կենտրոնում Նախագահին ներկայացրել են, որ «ԿԱՄԱԶ Արմենիա» ՓԲԸ-ի ներդրումների քանակը Հայաստանի տնտեսության մեջ կազմում է 2 մլն ԱՄՆ դոլար: Պատասխանատուների հավաստմամբ, հետագայում ծրագրվում է ավելացնել ընկերության կանոնադրական կապիտալը: Ներկայումս ընկերությունն ունի 15 աշխատակից՝ 270 հազար դրամ միջին աշխատավարձով, իսկ մինչև 2013թ. նոյեմբերը «ԿԱՄԱԶ Արմենիա»-ն նախատեսում է կրկնապատկել աշխատողների թիվը:

Առևտրի և սպասարկման վերոնշյալ կենտրոնի բացմանը ներկա են գտնվել նաև ՀՀ կառավարության անդամներ, ՀՀ-ում ՌԴ արտակարգ և լիազոր դեսպանը, ՀԱՊԿ գլխավոր քարտուղարը, «ԿԱՄԱԶ» ԲԲԸ բաժնետեր Ռուբեն Վարդանյանը, ՀՀ և ՌԴ պատասխանատու մի շարք պաշտոնյաներ:

«Ժառանգությունը» դատապարտում է Զարուհի Փոստանջյանի նկատմամբ հետապնդումները

«Ժառանգությունը» դատապարտում է Զարուհի Փոստանջյանի նկատմամբ հետապնդումները

05-10-2013

Պաշտպանելով Զարուհի Փոստանջյանի խոսքի իրավունքը՝ դատապարտում ենք նրա հանդեպ իշխանությունների սկսած արշավը եւ քաղաքական հետապնդումները, որոնք անընդունելի են:

Նախկին զինվորը կստանա բուժման համար անհրաժեշտ գումարը

Նախկին զինվորը կստանա բուժման համար անհրաժեշտ գումարը

04-10-2013

Սուսաննա Մարգարյանը Մարդու իրավունքների պաշտպանին հասցեագրած դիմումով հայտնել է, որ ՀՀ ՊՆ զորամասերից մեկի մարտական հենակետում հերթապահող իր որդին` Կարեն Մարգարյանը 2009 թվականին փորձել է կանխել իր հսկողության տակ գտնվող դիզվառելիքի գողությունը : Դրա արդյունքում ժամկետային զինծառայողների կողմից ենթարկվել է դաժան ծեծի, ինչի հետևանքով իր մոտ սկսվել են գլխի սուր ծակոցեր և առաջացել տեսողության կորուստ:

Ս. Մարգարյանը հայտնել է նաև, որ իրենք գտնվում են սոցիալապես ծանր վիճակում, այդ իսկ պատճառով չի կարողանում վճարել որդու տեսողությունը վերականգնելու համար պահանջվող մեկ միլիոն ՀՀ դրամ գումարը: 

Սուսաննա Մարգարյանի դիմումը Պաշտպանի աշխատակազմի կաղմից ընդունվել է քննարկման և համապատասխան գրություններ են ուղարկվել ՀՀ պաշտպանության նախարարություն` առաջարկելով քննարկել Կ. Մարգարյանի բուժումն իրականացնելու համար անհրաժեշտ ֆինանսական միջոցներ տրամադրելու հնարավորության հարցը:

ՀՀ պաշտպանության նախարարությունը պատրաստակամություն է հայտնել Կարեն Մարգարյանին տրամադրել առողջարանի ուղեգիր համապատասխան բուժում ստանալու նպատակով, սակայն քանի որ երիտասարդի առողջական խնդիրն այնպիսին է, որ ենթակա չէ առողջարանային բուժման, Ս. Մարգարյանը որդուն անհրաժեշտ վիրահատության համար խնդրել է պահանջվող գումարը : 

Պաշտպանի աշխատակազմի հետևողականության և ՊՆ ռազմաբժշկական հանձնաժողովի հետ անմիջական համագործակցության արդյունքում Պաշտպանության նախարարության կողմից Ս. Մարգարյանին տրամադրվել է իր որդու` բուժումն իրականացնելու համար անհրաժեշտ ֆինանսական միջոցներ:

Սերժ Սարգսյանն ընդունել է «Ռոստելեկոմ»-ի նախագահ Սերգեյ Կալուգինի գլխավորած պատվիրակությանը

Սերժ Սարգսյանն ընդունել է «Ռոստելեկոմ»-ի նախագահ Սերգեյ Կալուգինի գլխավորած պատվիրակությանը

04-10-2013

Նախագահ Սերժ Սարգսյանն այսօր ընդունել է ռուսական առաջատար ընկերություններից մեկի՝ «Ռոստելեկոմ»-ի պատվիրակությանը՝ ընկերության նախագահ Սերգեյ Կալուգինի գլխավորությամբ:

«Ռոստելեկոմ»-ի նախագահը Հանրապետության Նախագահին ներկայացրել է Հայաստանում իր գլխավորած ընկերության ներդրումային ծրագրերը, քննարկել նաև զարգացմանն ուղղված հետագա նախագծերը: Սերգեյ Կալուգինը գոհունակությամբ է խոսել հայաստանյան շուկայում «Ռոստելեկոմ»-ի ընթացիկ գործունեության մասին:

Նախագահ Սերժ Սարգսյանը ողջունել է ընկերության գործունեությունը մեր երկրում և ընդգծել, որ «Ռոստելեկոմ»-ի հետագա ծրագրերի իրականացման գործում ՀՀ կառավարությունը և պետական այլ մարմինները, անհրաժեշտության դեպքում, կցուցաբերեն հնարավոր աջակցություն:

Խայտառակություն Ազգային ժողովում

Խայտառակություն Ազգային ժողովում

02-10-2013

Ազգային ժողովում լրագրողները չեն կարողանում պարզել, թե ի վերջո ո՞ր պատգամավորներն են դեմ քվեարկել Գևորգ Կոստանյանի թեկնածությանը: Նախքան քվեարկության մեկնարկը Ժառանգություն և ՀԱԿ խմբակցությունները հայտարարեցին, որ իրենց պատգամավորները դեմ են Կոստանյանի թեկնածությանը:

«Ընտանեկան բռնության դեմ պայքարի ազգային օր» անոնս

«Ընտանեկան բռնության դեմ պայքարի ազգային օր» անոնս

30-09-2013

2010թ. հոկտեմբերի 1-ին դաժան ծեծի հետեւանքով զոհվեց 20-ամյա Զարուհի Պետրոսյանը: Զարուհու դեպքը, անշուշտ, միակը չէր Հայաստանում, սակայն նախադեպային էր, քանի որ նպաստեց Հայաստանում ընտանեկան բռնության երևույթի տարածվածության մասին դիսկուրսի առաջացմանը, ԶԼՄ-ների կողմից մեր հասարակությունում թաքնված ընտանեկան բռնության դեպքերի վերծանմանն ու լուսաբանմանը, քաղաքացիների կողմից այդ երևույթի մասին իրազեկվածության բարձրացմանը:

Մահացել է Սոս Սարգսյանը

Մահացել է Սոս Սարգսյանը

27-09-2013

Մահացել է հայ անվանի դերասան, ՀՀ ժողովրդական արտիստ Սոս Սարգսյանը:

Սաակաշվիլի. Հայաստանին անկյուն են քշել ու ստիպել ստորագրել
Արամ Ա-ի ակնարկը Գարեգին Բ-ին. Եկեղեցի շինելը կարեւոր է, բայց...

Արամ Ա-ի ակնարկը Գարեգին Բ-ին. Եկեղեցի շինելը կարեւոր է, բայց...

25-09-2013

Այսօր Էջմիածնում Հայ առաքելական եկեղեցու համաժողովին ելույթ է ունեցել նաեւ Մեծի Տանն Կիլիկիո կաթողիկոս Արամ Ա-ն: Նրա ելույթից որոշ հատվածներ ներկայացնում ենք ստորեւ.

Լուսավառության արարողություն Գաֆէսճեան արվեստի կենտրոնում

Լուսավառության արարողություն Գաֆէսճեան արվեստի կենտրոնում

25-09-2013

Գաֆէսճեան արվեստի կենտրոնը տեղեկացնում է, որ սեպտեմբերի 27-ին ժամը  21:00-ին տեղի կունենա լուսավառության հատուկ արարողություն՝ նվիրված կենտրոնի հիմնադիր, ազգային մեծ բարերար Ջերարդ Գաֆէսճեանի հիշատակին: Խորհրդանշորեն,  լուսավառությունը կհաջորդի Գաֆէսճեան քանդակների պարտեզում կազմակերպվող «Կարին» համույթի հայկական ավանդական պարերի ուսուցման այս տարվա վերջին միջոցառմանը, որն արժանացել էր պարոն Գաֆէսճեանի հատուկ ուշադրությանը և անց էր կացվում նրա հովանավորությամբ:

«Նուբարաշեն» քրեակատարողական հիմնարկից տիրացել է ուրիշի թանկարժեք ավտոմեքենային ու գումարին
ՀՀ Ոստիկանության հայտարարությունը բռնությունների բացահայտման կապակցությամբ

ՀՀ Ոստիկանության հայտարարությունը բռնությունների բացահայտման կապակցությամբ

16-09-2013

Վերջին շրջանում անհայտ անձանց կողմից քաղաքացիական ակցիաների ակտիվիստներին բռնության ու ծեծի ենթարկելու դեպքերի վերաբերյալ տեղեկատվության հետ միասին հիշյալ հանցարարքները բացահայտելու ուղղությամբ անգործություն ցուցաբերելու մեղադրանքներ էին ներկայացվում ոստիկանությանը:

Սամվել Հարությունյանը դատի է տալիս Սուրիկ Խաչատրյանի նախկին սիրուհուն

Սամվել Հարությունյանը դատի է տալիս Սուրիկ Խաչատրյանի նախկին սիրուհուն

16-09-2013

Նա Սուրիկ Խաչատրյանին «փրկելու համար» հայտարարություն է արել, թե հղիացել է ոչ թե Սուրիկ Խաչատրյանից, այլ՝ Սամվել Հարությունյանից եւ նրա սիրուհին է եղել:

Զինվորը մահացել է զինակից ընկերոջ կրակոցից

Զինվորը մահացել է զինակից ընկերոջ կրակոցից

16-09-2013

Նախօրեին մարտական դիրքում մահացու հրազենային վիրավորումից մահացած Խաչատուր Կորյունի Խաչատրյանը վիրավորումը ստացել է իր զինակից ընկերոջ ժամկետային զինծառայող, շարքային Տիգրան Մելիքի Հակոբյանի կողմից արձակած կրակոցների հետևանքով: Այդ մասին «Փաստինֆո»-ի թղթակցի հետ զրույցում ասաց ՀՀ ՊՆ քննչական ծառայության ավագ սպա Մերի Սարգսյանը:

Զինծառայող Խաչատուր Խաչատրյանը ստացած մարմնական վնասվածքներով  տեղափոխվել է հոսպիտալ, որտեղ ևս ժամը 05.00-ի սահմաններում մահացել է:

Փաստի առթիվ ՀՀ ՊՆ քննչական ծառայությունում  հարուցվել է քրեական գործ ՀՀ քրեական օրենսգրքի 365 հոդվածի 3-րդ մասով (մարտական հերթապահության կամ մարտական ծառայություն կրելու կանոնները խախտելը, որն առաջացրել է ծանր հետևանքներ) :

Զինակից ընկերների միջև տեղի ունեցած միջադեպի մանրամասների հետ կապված Մերի Սարգսյանը այս պահին ոչինչ չասաց հավելելով, որ  կատարվում է նախաքննություն:
Հիշեցնենք, որ սեպտեմբերի 14-ի լույս 15-ի գիշերը` ժամը 03:10-ի սահմաններում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասի մարտական դիրքում մահացու հրազենային վիրավորում է ստացել 1994թ. ծնված Խաչատուր Կորյունի Խաչատրյանը:
 
«Փաստինֆո»
 
Զինվոր է մահացել

Զինվոր է մահացել

15-09-2013

Սեպտեմբերի 14-ի լույս 15-ի գիշերը ժամը 03.10-ի սահմաններում ՊԲ հարավարևելյան ուղղությամբ տեղակայված զորամասերից մեկի պահպանության տեղամասի մարտական դիրքում մահացու հրազենային վիրավորում է ստացել 1994թ. ծնված Խաչատուր Կորյունի Խաչատրյանը:

Միջադեպի հետ կապված մանրամասները պարզելու համար տարվում է քննություն:

ԼՂՀ պաշտպանության նախարարությունը կիսում է ծանր կորստյան վիշտը և իր զորակցությունը հայտնում Խաչատուր Խաչատրյանի ընտանիքի անդամներին, հարազատներին ու ծառայակիցներին:

ԼՂՀ  ՊՆ  մամուլի ծառայություն

Հրադադարի պահպանման ռեժիմը խախտվել է 250 անգամ

Հրադադարի պահպանման ռեժիմը խախտվել է 250 անգամ

15-09-2013

ՊԲ օպերատիվ տվյալների համաձայն, սեպտեմբերի 8-ից 14-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 250 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1500 կրակոց: ՊԲ առաջապահ զորամասերը ձեռնարկել են համարժեք պատասխան գործողություններ, ինչի արդյունքում հակառակորդի դրսևորած ակտիվությունը կասեցվել է: 

Չինովնիկը պետք է հիշի, որ մարդը բարձրագույն արժեք է
Առաջարկությունների մեկական տաղավար է տեղադրվում յուրաքանչյուր վարչական շրջանում

Առաջարկությունների մեկական տաղավար է տեղադրվում յուրաքանչյուր վարչական շրջանում

14-09-2013
Քաղաքացիներին Երևանի զարգացման ծրագրերում ներգրավելու նպատակով քաղաքապետ Տարոն Մարգարյանի նախաձեռնած հերթական ծրագրի՝ առաջարկությունների տաղավարների տեղադրման աշխատանքներն ավարտին են մոտենում։ Այս օրերին հատուկ տաղավարներ են դրվել նաև Նուբարաշեն, Շենգավիթ, Էրեբունի, Մալաթիա-Սեբաստիա, Քանաքեռ-Զեյթուն, Դավթաշեն վարչական շրջանների կենտրոնական վայրերում։ 

«Հետաքրքիր արդյունքներ ենք ակնկալում։ Ակնկալում ենք նաև քաղաքացիների ակտիվացում, քանի որ սա առաջարկություններ հղելու հեշտ եղանակ է. որևէ մտահղացում առաջարկելու համար կարիք չի լինի, որ քաղաքացին այցելի Երևանի քաղաքապետարանի վարչական շենքում գործող Մեկ պատուհան, այլ կարող է հենց իր բնակության վայրին մոտ այս տաղավարներում թողնել նամակը. վստահեցնում եմ՝ քաղաքի զարգացմանն առնչվող բոլոր առաջարկությունները քաղաքապետին կհասնեն, լավագույն առաջարկները կքննարկվեն հեղինակի մասնակցությամբ», - նշել է քաղաքապետի օգնական Սամվել Մերթարջյանը։
Հիշեցնենք, որ ծրագրի շրջանակում առաջին տաղավարները տեղադրվել էին Աջափնյակ, Արաբկիր, Նոր Նորք, Ավան և Կենտրոն վարչական շրջաններում։ 

 

Երևանի քաղաքապետարանի տեղեկատվության 
և հասարակայնության հետ կապերի վարչություն
 
«Նոր պայմանագիր կա. Ռուսաստանի զենքի արտադրությունից ուղիղ ճանապարհով կարող է օգտվել միայն Հայաստանը»

«Նոր պայմանագիր կա. Ռուսաստանի զենքի արտադրությունից ուղիղ ճանապարհով կարող է օգտվել միայն Հայաստանը»

14-09-2013

Այսօր Aravot.am-ը ՀՀԿ փոխնախագահ Գալուստ Սահակյանից հետաքրքրվեց՝ ինչո՞ւ է Հայաստանն անդամակցում Մաքսային միությանը, ի՞նչ պետք է ընդօրինակենք այդ պետություններից՝ Լուկաշենկոյից, Նազարբաեւից: Ընդդիմադիրները գտնում են, որ դրանք այն երկրներն են, որտեղ նախագահները ընտրությունների միջոցով չեն ընտրվել ու Հայաստանը դառնում է այդ ընտանիքի անդա՞մ: Գալուստ Սահակյանը պատասխանեց. «Դա ընդամենը տեսակետ է: Մեկը կարող է իրականություն համարել, մեկը՝ անհեթեթ բան: Դրանք պետություններ են, որոնք իրենց նախագահներն ունեն, եւ անկախ նրանից, թե ինչպիսի մտածողություն ունեն, այդ նախագահները պատասխանատվություն ունեն: Բացի դրանից, մոռանում են, որ մենք դեռ Մաքսային միություն մտնելու համար քայլեր ենք ձեռնարկում, ոչ մի ձեւակերպված փաստաթուղթ լինել չի կարող: Նախագահն ասել է քաղաքական մոտեցումը, որ մենք ուզում ենք ընդգրկվել Մաքսային միություն: Ռուսաստանը աջակից եղավ: Հիմա դեռ պիտի քննարկումներ գնան Ղազախստանի եւ Բելառուսի հետ, նոր դրանից հետո արդեն պիտի փորձագետներն աշխատեն: Մենք դեռ պիտի տեսնենք՝ մտնելուց մեր շահաբաժինը ո՞րն է: Երբ կգան փաստաթղթեր ստորագրելու, արդեն քաղաքական դաշտը, հանձինս ԱԺ-ի, պիտի քննարկի: Եթե ձեռնտու կլինի՝ կմտնենք, եթե ոչ՝ չենք մտնի: Բայց մենք համոզված ենք, որ մեզ ձեռնտու է լինելու»: 

Ամբողջական հոդվածը կարող եք կարդալ այս հասցեով՝ 
http://www.aravot.am/2013/09/13/385548/ 

Սերժ Սարգսյանն ընդունել է Եվրամիության հանձնակատար Շտեֆան Ֆյուլեին

Սերժ Սարգսյանն ընդունել է Եվրամիության հանձնակատար Շտեֆան Ֆյուլեին

14-09-2013

Նախագահ Սերժ Սարգսյանն այսօր ընդունել է Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեին: