Առանց ծխախոտի. Այսօր ծխելու դեմ պայքարի համաշխարհային օրն է

Առանց ծխախոտի. Այսօր ծխելու դեմ պայքարի համաշխարհային օրն է

01-06-2011

Առողջապահության համաշխարհային կազմակերպության անդամ երկրներն այսօր նշում են «Առանց ծխախոտի համաշխարհային օրը»:

Այդ մասին մասին տեղեկացնում է ՀՀ Առողջապահության նախարարությունը:

«Առանց ծխախոտի» համաշխարհային օրվա կապակցությամբ հայտարարությամբ հանդես է եկել Միավորված ազգերի կազմակերպության գլխավոր քարտուղար Բան Կի-Մունը, ասելով. «Ծխախոտի օգտագործումն աղքատացնում է մեզ` թե՜ առողջական և թե՜ տնտեսական տեսանկյունից: Ես կոչ եմ անում բոլոր անդամ երկրներին հետևել ԱՀԿ Ծխախոտի դեմ պայքարի շրջանակային կոնվենցիայի դրույթներին»:

«Անդրադառնալով կոնվեցիայի իրականացմանը և արդյունքներին Հայաստանում` պետք է նշել, որ մեկնարկը բավականին հաջող էր, ինչի մասին վկայում են արդեն իսկ ընդունված օրենքները, ենթաօրենսդրական ակտերը և որոշումները: Միևնույն ժամանակ պետք է նշել, որ սա դժվարին գործընթացի սկիզբն է միայն, և նոր օրենքներն ու ակտերը, ինչպես նաև գործող օրենսդրության մեջ կատարվող լրացումները և փոփոխությունները դեռ պետք է փորձարկվեն մեր իրականության մեջ: Նպատակը շարունակում է մնալ ՀՀ օրենսդրության համապատասխանեցումը կոնվենցիայի դրույթներին»,-նշված է ՀՀ ԱՆ պաշտոնական հաղորդագրության մեջ:

ԱՄՆ դեսպանությունը ողջունում է ՀՀ հայտարարված համաներումը

ԱՄՆ դեսպանությունը ողջունում է ՀՀ հայտարարված համաներումը

30-05-2011

ԱՄՆ դեսպանությունը ողջունում է ՀՀ նախագահ Սարգսյանի կողմից առաջարկված և ՀՀ ազգային ժողովի կողմից հայտարարված համաներումը, ինչպես նաեւ է 2008թ. մարտի 1-ի դեպքերի առնչությամբ անազատության մեջ գտնվողների արագ ազատ արձակումը: Այդ մասին տեղեկացնում է ՀՀ-ում ԱՄՆ դեսպանատան պաշտոնական հաղորդագրությունը:

«Միացյալ Նահանգները հավատացած է, որ օրենքի գերիշխանությունն ու ժողովրդավարական հաստատությունները հիմնարար կարևորություն ունեն Հայաստանի անվտանգության և քաղաքական ու տնտեսական զարգացման համար,-նշված է հաղորդագրության մեջ:

Մենք շարունակում ենք հավատարիմ մնալ մեր հանձնառությանը` աջակցելու Հայաստանի կառավարությանը պատշաճ իրավական ընթացակարգերի, հանրահավաքների ու խոսքի ազատության ամրապնդմանը և բաց, կենսունակ ու ծաղկուն հասարակությանն աջակցելուն ուղղված քայլերում»:

© Medialab.am

Նիկոլ Փաշինյանն ազատ արձակվեց

Նիկոլ Փաշինյանն ազատ արձակվեց

28-05-2011

Բուռն վանկարկումների ներքո, հենց նոր «Արթիկ» քրեակատարողական հիմնարկից ազատ արձակվեց Նիկոլ Փաշինյանը:

Փաշինյանն ազատ արձակվեց մայիսի քսանվեցին ԱԺ ընդունած համաներման որոշման արդյունքում, որի առաջակով խորհրադարան էր դիմել Սերժ Սարգսյանը:

Հիշեցնենք, որ Նիկոլ Փաշինյանը 2008-ի հետընտրական իրադարձությունների կապակցությամբ մեղավոր ճանաչվելով զանգվածային անկարգություններ կազմակերպելու մեջ, դատապարտվել էր 7 տարվա ազատազրկման:

«Մեդիալաբի» թղթակիցն Արթիկից հաղորդում է, որ ՔԿՀ-ի մոտ են ՀԱԿ համակիրներ, անդամներ, Փաշինյանի ծնողները, կինն ու ընտանիքի անդամները, որոնք բուռն արձագանքներով դիմավորեցին Փաշինյանին:

© Medialab.am

«Արթիկ» ՔԿՀ-ի մոտ սպասում են Նիկոլ Փաշինյանի ազատ արձակմանը

«Արթիկ» ՔԿՀ-ի մոտ սպասում են Նիկոլ Փաշինյանի ազատ արձակմանը

28-05-2011

Երեկվանից` համաներմումն ուժի մեջ մտնելուց ի սկսած, «Արթիկ» քրեակատարողական հիմնարկի մոտ հերթապահություն են սահմանել Նիկոլ Փաշինյանի համակիրները:

«Նիկոլ» եւ «Ազատություն քաղբանտարկյալներին» վանկարկելով` ներկայումս մի քանի տանսյակ մարդիկ ամեն րոպե սպասում են «Հայկական ժամանակ» օրաթերթի գլխավոր խմբագիր, ընդդիմության առանցքային ներկայացուցիչ Նիկոլ Փաշինյանի ազատ արձակմանը:

Փաշինյանն ազատ կարձակվի մայիսի քսանվեցին ԱԺ ընդունած համաներման որոշման արդյունքում, որի առաջակով խորհրադարան էր դիմել նախագահ Սերժ Սարգսյանը:

Հիշեցնենք, որ Նիկոլ Փաշինյանը 2008-ի հետընտրական իրադարձությունների կապակցությամբ մեղավոր ճանաչվելով զանգվածային անկարգություններ կազմակերպելու մեջ, դատապարտվել էր 7 տարվա ազատազրկման:

«Մեդիալաբի» թղթակիցն Արթիկից հաղորդում է, որ ՔԿՀ-ի մոտ են ՀԱԿ համակիրներ, անդամներ, Փաշինյանի ծնողները, կինն ու ընտանիքի անդամները:

© Medialab.am

Սասուն Միքայելյանն ազատ արձակվեց

Սասուն Միքայելյանն ազատ արձակվեց

28-05-2011

Քիչ առաջ, աջակիցների, ընկերների ոգեւորված բացականչությունների ներքո «Դատապարտյալների հիվանդանոց» ԱԿՀ-ից ազատ է արձակվել Սասուն Միքայելյանը` հայտարարված համաներման արդյունքում:

Հայաստանի Ազգային ժողովը հինգշաբթի օրը`մայիսի քսանվեցին ձայների 91 կողմ, 1 ձեռնպահ հարաբերակցությամբ, (ձեռնպահ է քվեարկել միայն ԱԺ նախկին նախագահ Տիգրան Թորոսյանը) ընդունեց համաներման մասին որոշումը, որը Սերժ Սարգսյանը խորհրդարան էր ներկայացրել մայիսի քսանին:

2008 թվականի նախագահական ընտրություններին հետեւած մարտիմեկյան իրադարձությունների կապակցությամբ Սասուն Միքայելյանը դատապարվել էր 8 տարվա ազատազրկման եւ առողջական խնդիրների պատճառով պահվում էր «Դատապարտյալների հիվանդանոց» քրեակատարողական հիմնարկում։

© Medialab.am

Նալբանդյան. համանախագահ երկրների ղեկավարների ընդունած հայտարարությունը կարող է խթան հանդիսանալ ԼՂՀ հիմնախնդրի հանգուցալուծման համար

Նալբանդյան. համանախագահ երկրների ղեկավարների ընդունած հայտարարությունը կարող է խթան հանդիսանալ ԼՂՀ հիմնախնդրի հանգուցալուծման համար

27-05-2011

Այսօր, Դովիլում, Մեծ Ութնյակի գագաթաժողովի շրջանակներում, ԵԱՀԿ Մինսկի խմբի համանախագահ երկրների ղեկավարների ընդունած հայտարարությունը կարեւոր ուղերձներ է պարունակում եւ կարող է խթան հանդիսանալ հիմնախնդրի հանգուցալուծման համար: Այդ մասին հայտարարել է ՀՀ արտգործնախարար Էդուարդ Նալբանդյանը:

Նա նշել է, որ Հայաստանը բարձր է գնահատում նախագահներ Մեդվեդեւի, Օբամայի եւ Սարկոզիի ջանքերն՝ ուղղված ղարաբաղյան հիմնախնդրի խաղաղ կարգավորմանը:

«Հայաստանը միշտ կողմնակից է եղել Ադրբեջանի եւ Լեռնային Ղարաբաղի միջեւ հակամարտության բացառապես խաղաղ ճանապարհով կարգավորմանը եւ բազմիցս դա ապացուցել է գործնականում, ուստի պարզ է, թե ում է ուղղված այս առնչությամբ հայտարարության մեջ պարունակվող միանշանակ ուղերձը:

«Խաղաղություն այլ ոչ թէ պատերազմ». գերտերությունների` ԼՂՀ վերաբերյալ հայտարարությունը

«Խաղաղություն այլ ոչ թէ պատերազմ». գերտերությունների` ԼՂՀ վերաբերյալ հայտարարությունը

27-05-2011

Այսօր Ֆրանսիայում կայացած հանդիպման ժամանակ Ռուսաստանի, ԱՄՆ-ի եւ Ֆրանսիայի նախագահներն ԼՂՀ կարգավորման վերաբերյալ համատեղ հայտարարություն են ընդունել` Հայաստանի եւ Ադրբեջանի նախագահներին կոչ անելով բնակչությանը նախապատրաստել «խաղաղության, այլ ոչ թե պատերազմի»:

Գերտերությունների ղեկավարները նաեւ կոչ են արել հունիսին նախատեսված գագաթաժողովում ավարտին հասցնել ԼՂՀ կարգավորման սկզբունքների շուրջ աշխատանքները:

«Երբ պայմանավորվածությունը ձեռք բերվի, պատրաստ ենքաջակցել հաշտության պայմանագրի մշակման գործում և օժանդակել դրա կատարումը մեր միջազգային գործընկերների հետ»,- նշված է գերտերությունների ընդունած հայտարարության մեջ:

© Medialab.am

ԱԺ որոշումը համաներում հայտարարելու մաuին (փոփոխված)

ԱԺ որոշումը համաներում հայտարարելու մաuին (փոփոխված)

27-05-2011

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՈՐՈՇՈՒՄԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՆԿԱԽՈՒԹՅԱՆ ՀՌՉԱԿՄԱՆ 20-ՐԴ ՏԱՐԵԴԱՐՁԻ ԿԱՊԱԿՑՈՒԹՅԱՄԲ ՀԱՄԱՆԵՐՈՒՄ ՀԱՅՏԱՐԱՐԵԼՈՒ ՄԱUԻՆ

Ընդունվել է 26.05.2011

Քննարկելով Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մաuին Հայաuտանի Հանրապետության Նախագահի առաջարկությունը եւ ղեկավարվելով Հայաuտանի Հանրապետության Uահմանադրության 81-րդ հոդվածի 1-ին մաuի 1-ին կետով:

ԱԺ-ն ընդունեց համաներման մասին որոշումը

ԱԺ-ն ընդունեց համաներման մասին որոշումը

27-05-2011

Հայաստանի Ազգային ժողովը հինգշաբթի օրը`մայիսի քսանվեցին ձայների 91 կողմ, 1 ձեռնպահ հարաբերակցությամբ, (ձեռնպահ է քվեարկել միայն ԱԺ նախկին նախագահ Տիգրան Թորոսյանը) ընդունեց համաներման մասին որոշումը, որը Սերժ Սարգսյանը խորհրդարան էր ներկայացրել մայիսի քսանին:

ԱԺ-ում քննարկման ժամանակ նաեւ որոշ փոփոխություններ են արվել համաներման նախագծի տեքստում: Այդ փոփոխություններն առայժմ չեն հրապարակվել:

Արդարադատության նախարար Հրայր Թոմվասյանը այդ կապակցությամբ այսօր ԱԺ-ում հայտարարել է, որ համաներումը կտարածվի նաեւ քաղբանտարկյալներ Սասուն Միքայելյանի եւ Նիկոլ Փաշինյանի պարագայում:

«Եթե կոնկրետ նկատի ունեք Սասուն Միքայելյանին և Նիկոլ Փաշինյանին, ապա այս համաներումը նրանց վրա կտարածվի և պետք չէ մտավարժանքների մեջ ընկնել»,-ասել է Թովմասյանը: Համաներումը կտարածվի նաեւ քաղբանտարկյալներ Սարգիս Հացպանյանի եւ Արա Հովհաննիսյանի պարագայում:

Համաներումը կտարածվի Նիկոլի դեպքում, Գալստյանի դեպքում` ոչ

Համաներումը կտարածվի Նիկոլի դեպքում, Գալստյանի դեպքում` ոչ

26-05-2011

Ընդդիմադիր Հայ ազգային կոնգրեսի իրավական աջակցության կենտրոնի ներկայացուցիչ Արմեն Խաչատրյանը` քիչ առաջ «Մեդիալաբի» հետ զրույցում փոխանցեց, որ համաներման մասին ԱԺ ներկայացրած նախագծով համաներումը ամեն դեպքում կտարածվի նաեւ քաղբանտարկյալ Նիկոլ Փաշինյանի դեպքում: Արմեն Խաչատրյանը «Մեդիալաբի» հետ զրույցում նշել էր, որ համաներումը չի տարածվում երկու քաղբանտարկյալների` Նիկոլ Փաշինյանի եւ Շմավոն Գալստյանի պարագայում:

Խաչատրյանը, սակայն, փաստաթղթի նոր ուսումնասիրությունից հետո փոխանցեց, որ ամենայն հավանականությամբ Փաշինյանի պարագայում համաներումը կտարածվի:

«Համաներման 9-րդ կետի 9-րդ ենթակետը` համաներում չկիրառել այն անձանց նկատմամբ, որոնք դիտավորությամբ կատարած հանցագործության համար պատժից պայմանական վաղաժամկետ ազատվել են եւ պատժի չկրած մաuի ընթացքում կրկին կատարել են դիտավորյալ հանցագործություն, Փաշինյանին չի վերաբերում, այսինքն` նրա վրա կկիրառվի համաներումը 4-րդ կետի համաձայն եւ այս համներման ակտով ազատ կարձակվի»,- «Մեդիալաբին» փոխանցեց Արմեն Խաչատրյանը:

ԱԺ որոշումը համաներում հայտարարելու մաuին

ԱԺ որոշումը համաներում հայտարարելու մաuին

26-05-2011

ԱԶԳԱՅԻՆ ԺՈՂՈՎԻ ՈՐՈՇՈՒՄԸ

Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մաuին

Քննարկելով Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մաuին Հայաuտանի Հանրապետության Նախագահի առաջարկությունը եւ ղեկավարվելով Հայաuտանի Հանրապետության Uահմանադրության 81-րդ հոդվածի 1-ին մաuի 1-ին կետով`

Հայաuտանի Հանրապետության Ազգային ժողովը որոշում է.

1. Պատժից ազատել, բացառությամբ սույն որոշման 8-րդ կետի 4-րդ եւ 5-րդ ենթակետերով նախատեսված դեպքերի`

1) առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց.

2) այն անձանց, որոնց նկատմամբ պատիժը պայմանականորեն չի կիրառվել, կամ պատժի կրումը հետաձգվել է.

3) այն անձանց, որոնց նկատմամբ նշանակվել է ազատությունից զրկելու հետ չկապված պատիժ:

Համաներումը չի՞ տարածվելու Նիկոլ Փաշինյանի եւ Շմավոն Գալստյանի վրա

Համաներումը չի՞ տարածվելու Նիկոլ Փաշինյանի եւ Շմավոն Գալստյանի վրա

26-05-2011

Այսօր` մայիսի քսանհինգին, ԱԺ կայքում է տեղադրվել համաներում հայտարարելու վերաբերյալ տեքստի նախագիծը, որով համաներումը ըստ էության չի տարածվում երկու քաղբանտարկյալներ` Նիկոլ Փաշինյանի եւ Շմավոն Գալստյանի վրա:

Ինչպե «Մեդիալաբի» հետ զրույցում տեղեկացրեց ընդդիմադիր Հայ ազգային կոնգրեսի իրավական աջակցության կենտրոնի պատասխանատու Արմեն Խաչատրյանը, եթե համաներման ներկայիս տեքստը չփոխվի, ապա երկու քաղբանտարկյալներ կմնան բանտում:

«Մասնավորապես, այս նախագծի 9-րդ հոդվածի 2-րդ մասի ա կետով` համաներումը չի կիրառվում Փաշինյանի նկատմամբ, որովհետեւ Փաշինյանի դեպքում համաներումը մեկ անգամ արդեն կիրառվել է եւ նշանակված պատժաչափը կրճատվել է: Իսկ նույն հոդվածի յոթերորդ կետով` չի տարածվում Գալստյանի նկատմամբ, որովհետեւ համաներումը չի ազդում ՔՕ 262-րդ հոդվածի 3-րդ մասի վրա, որով դատապարտված է Գալստյանը»,- նշեց Խաչատրյանը:

Ադրբեջանը հրապարակել է «Եվրատեսիլ 2012» -ի ամսաթիվը

Ադրբեջանը հրապարակել է «Եվրատեսիլ 2012» -ի ամսաթիվը

26-05-2011

«Եվրատեսիլ 2012» երգի միջազգային մրցույթը կկայանա ՝ 2012թ . մայիսի 22 և 24–ին, իսկ եզրափակիչ փուլը՝ մայիսի 26–ին: Այս մասին հայտնել է Ադրբեջանի հանրային հեռուստատեսությունը «Ինտերֆաքս» գործակալության տվյալներով:Այս տարվա «Եվրատեսիլ» մրցույթի հաղթող էր ճանաչվել Ադրբեջանը ,որը հավաքել էր 221 միավոր :Մրցույթի կանոնների համաձայն՝ հաջորդ մրցույթը տեղի կունենա Բաքու քաղաքում:Հայաստանը ,որը նունպես մասնակցում է մրցույթին դեռ չի պարզաբանել կմասնակցի արդյոք «Եվրատեսիլ 2012» -ին , թե ոչ:

© Medialab.am

Կարեն Կարապետյան. Երևանի գլխավոր ճարտարապետի նշանակման վերաբերյալ

Կարեն Կարապետյան. Երևանի գլխավոր ճարտարապետի նշանակման վերաբերյալ

25-05-2011

Երևանի գլխավոր ճարտարապետի նշանակման հետ կապված թույլ տվեք նշել, որ ճիշտ չէ Երևանում առաջացած բոլոր խնդիրները վերագրել մեկ անձի։ Շատ որոշումներ պայմանավորված են բազմաթիվ օբյեկտիվ և սուբյետիվ գործոններով, խաղի կանոններով և այլն։ Որոշ որոշումներ ինձ էլ առանձնապես դուր չեն գալիս։ Ամեն ինչ կախված է թե թիմին ու կառավարիչներին ինչ լիազորություններ և ազատության աստիճան է տրվում և ինչ խաղի կանոններով են շարժվում։

Նարեկ Սարգսյանի նշանակման ժամանակ հաշվի է առնվել իր անվան հետ կապված թե՛ դրական, թե՛ բացասական կարծիքները, ինչպես նաև իր դրական և «բացասական» փորձը։ Սա կարող է օգտակար լինել՝ (անցյալը վերլուծելով), ավելի արդյունավետ և համակարգված կառավարիչ լինել։

Հաշվի է առնվել նաև այն հանգամանքը, որ քաղաքապետարանի թիմը ձևավորում է բաց և թափանցիկ մթնոլորտ, որտեղ երևանցին կարողանում է վերահսկել մեր աշխատանքը։

Քրեական գործ` «Սուրբ Աստվածամայր» բժշկական կենտրոնի աշխատակիցների նկատմամբ`անփույթ ու անբարեխիղճ վերաբերմունքի առթիվ

Քրեական գործ` «Սուրբ Աստվածամայր» բժշկական կենտրոնի աշխատակիցների նկատմամբ`անփույթ ու անբարեխիղճ վերաբերմունքի առթիվ

25-05-2011

«Սուրբ Աստվածամայր» բժշկական կենտրոնի աշխատակիցների կողմից պարտականությունները ոչ պատշաճ կատարելու, դրանց նկատմամբ անփույթ ու անբարեխիղճ վերաբերմունք դրսեւորելու դեպքի առթիվ քրեական գործ է հարուցվել:

2011թ. մայիսի 10-ին եւ 11-ին մամուլում տեղ գտած հրապարակումների հիման վրա, Շենգավիթ վարչական շրջանի դատախազի ցուցումով նախապատրաստված նյութերի ուսումնասիրությամբ պարզվել է, որ մայիսի 3-ին` ժամը 10:30-ի սահմաններում, «Սուրբ Աստվածամայր» բժշկական կենտրոնի մի խումբ բուժաշխատողներ, ունենալով բժշկական օգնություն եւ սպասարկում իրականացնելու պարտականություններ, դրանք կատարել են ոչ պատշաճ եւ դրանց նկատմամբ դրսեւորել անփույթ ու անբարեխիղճ վերաբերմունք:

Օմբուդսմենը չի ասում «քաղբանտարկյալ», բայց հուսով է, որ նրանք համաներմամբ ազատ կարձակվեն

Օմբուդսմենը չի ասում «քաղբանտարկյալ», բայց հուսով է, որ նրանք համաներմամբ ազատ կարձակվեն

25-05-2011

«Հույս կա, որ 2008-ի մարտից հետո ազատազրկման դատապարտված բոլոր անձինք շուտով կլինեն ազատության մեջ»,- այսօր` մայիսի քսանչորսին «Սիվիլիթաս» հիմնադրամի կազմակերպած քննարկման ժամանակ հայտարարել է Մարդու իրավունքների պաշտպան Կարեն Անդրեասյանը:

Օմբուդսմենը նման հայտարարություն է արել անդրադառնալով Սերժ Սարգսյանի կողմից` համաներում իրականացնելու համար ԱԺ-ին դիմելու հանգամանքին: Անդրեասյանն ասել է, թե հույս ունի, որ առաջիկայում հայտարարվելիք համաներումը կտարածվի «2008 թվականին մարտյան իրադարձությունների արդյունքում ազատազրկված մարդկանց վրա»։ Հայաստանի մարդու իրավունքների պաշտպանը, սակայն, խուսափել է կիրառել «քաղբանտարկյալ» տերմինը:

«Ցանկացած մարդասիրական քայլ, որը թեթևացնումն է մարդկանց վճակը և բարելավում այն, անկախ քաղաքական և հասարակական ենթատեքստից, դրական է»,- ասել է Անդրեասյանը։

Մայիսի 21, 2011թ. Քաղաքացիական ժողով Րաֆֆի Կ. Հովհաննիսյանի բացման խոսքը

Մայիսի 21, 2011թ. Քաղաքացիական ժողով Րաֆֆի Կ. Հովհաննիսյանի բացման խոսքը

25-05-2011

Հայաստանի Հանրապետությունը եւ Արցախի Հանրապետությունը շուտով կդառնան 20 տարեկան, եւ բոլորս միասին` անկախ մեր բնական տարիքից, կհավասարվենք. բոլորս կդառնանք 20 տարեկան: Կարեւոր են, սակայն, ոչ միայն 1991 թվականից մինչ օրս ընկած ժամանակահատվածը, անկախության եւ ինքնիշխանության համար երկարատեւ պայքարի շրջափուլը, այլեւ այն ապագան, որ պիտի կերտենք միասին եւ որը մեզ տանելու է դեպի 2021 թվական, երբ մենք միասին կդառնանք արդեն 30 տարեկան: Ահա այդ նպատակով, այդ թիրախով մենք քաղաքացիական ազգային նոր օրակարգի ճշգրտման հրամայականի առջեւ ենք գտնվում:

Ինձ համար` որպես Հայաստանի հպարտ եւ միաժամանակ համեստ ու իրավատեր քաղաքացու, հրապարակային հացադուլը ուժեղացնող, լիցքավորող, նաեւ ուսանելի փորձառություն էր: Ինչպես մի մեծ փիլիսոփա ասել է. «Ես նախընտրեցի ինքս ինձ հետ լինել ազնիվ, թեկուզ այլոց ծաղրին ենթարկվելու վտանգի գնով, քան լինել կեղծ եւ դրանով հարուցել իմ նկատմամբ իմ իսկ նողկանքը»: Ես երախտապարտ եմ Ձեզ` ձեր զորակցության, օրհնանքների, քննադատությունների եւ ձեր մշտական ներկայության համար:

Համաներումը կքննարկեն արտահերթ կարգով

Համաներումը կքննարկեն արտահերթ կարգով

24-05-2011

Հայաստանի ԱԺ նախագահ Հովիկ Աբրամյանը այսօր` մայիսի 23-ին լրագրողների հետ հանդիպման ժամանակ հայտարարել է, որ Սերժ Սարգսյանի համաներման առաջարկն Ազգային ժողովը կքննարկի արտահերթ կարգով:

Հիշեցնենք, որ Սերժ Սարգսյանը մայիսի 20-ին դիմել էր Ազգային ժողովին` Հայաստանի անկախության 20-րդ տարեդարձի կապակցությամբ համաներում հայտարարելու առաջարկով:

Լրագրողների հարցին, թե արդյո՞ք համաներում կկիրառվի՞ նաեւ քաղբանտարկյալների նկատմամբ, Հովիկ Աբրահամյանը պատասխանել է, թե աշխատում են, ու որ երկու օրից պարզ կլինի:

«Եթե համբերություն ունենաք, մենք երկու օրից կսկսենք այդ քննարկումը, եւ այդ ժամանակ հայտնի կդառնա»:

Դեժավյու.Նարեկ Սարգսյանը կրկին Երեւանի գլխավոր ճարտարապետ

Դեժավյու.Նարեկ Սարգսյանը կրկին Երեւանի գլխավոր ճարտարապետ

24-05-2011

Երեւանի գլխավոր ճարտարապետը կրկին Նարեկ Սարգսյանն է: Այսօր` մայիսի 23-ին, Երեւանի քաղաքապետ Կարեն Կարապետյանը աշխատանքային խորհրդակցության ժամանակ ներկայացրել է նրան քաղաքապետարանում:

«Ես դրական եմ գնահատում Միքայել Հասրաթյանի հետ մեր համատեղ աշխատանքը: Նա ազատվել է աշխատանքից իր դիմումի համաձայն, և չեմ բացառում, որ պարոն Հասրաթյանը այլ կարգավիճակով կմնա համակարգում, եթե այդպիսի ցանկություն հայտնի»,- նշել է քաղաքապետը:

Հիշեցնենք, որ Նարեկ Սարգսյանը պաշտոնավարել է նաեւ նախկին նախագահ Ռոբերտ Քոչարյանի օրոք:

© Medialab.am

Մարտի մեկի մասին ֆիլմը կցուցադրվի ԱՄՆ-ում

Մարտի մեկի մասին ֆիլմը կցուցադրվի ԱՄՆ-ում

24-05-2011

Հունիսի 11-ին, երեկոյան ժամը 7-ին, ԱՄՆ Լոս Անջելես քաղաքի Գլենդելի Beyond the Star’s Palace-ում` «Star’s» կինոթատրոնում կցուցադրվի գրող, հրապարակախոս Տիգրան Պասկեւիչյանի եւ ռեժիսոր Արա Շիրինյանի «Հայաստանի կորսված գարունը» հետաքննական ֆիլմը, որը պատմում է 2008 թվականի մարտի 1-ի իրադարձությունների մասին:

Այդ մասին տեղեկատվությունն այսօր` մայիսի քսաներեքի առավոտյան տարածել է ընդդիմադիր Հայ ազգային կոնգրեսի Լոս Անջելեսի գրասենյակը:

Ըստ այդ տեղեկատվության, ԱՄՆ-ում ֆիլմի ցուցադրությանը ներկա կլինեն եւ քաղաքացիների հարցերին կպատասխեն ֆիլմի սցենարի հեղինակ Տիգրան Պասկեւիչյանը, Հայաստանի Գլխավոր դատախազի նախկին տեղակալ, նախկին քաղբանտարկյալ Գագիկ Ջհանգիրյանը, Մարտի 1-ի գործով փաստահավաք խմբի անդամ, պաշտպանության նախկին փոխնախարար Անդրանիկ Քոչարյանը: