Երկխոսության այսօրվա հանդիպումն ավարտվեց. իշխանությունը ներկայացրեց իր հիմնավորումների մի մասը

Երկխոսության այսօրվա հանդիպումն ավարտվեց. իշխանությունը ներկայացրեց իր հիմնավորումների մի մասը

24-08-2011

Քիչ առաջ Կառավարության ընդունելությունների տանը ավարտվել է ընդդիմություն-իշխանություն երկխոսության համար ստեղծված աշխատանքային խմբերի հանդիպումը, որը տեւել է ավելի քան 5 ժամ:

Ինչպես հանդիպումից հետո լրագրողների հետ զրույցում նշել է ընդդիմության պատվիրակության ղեկավար Լեւոն Զուրաբյանը` այս հանդիպմանը քննարկվել է օգոստոսի 9-ի միջադեպը եւ այդ միջադեպի հետ կապված զարգացումները:

Զուրաբյանն ասել է, թե քննարկման արդյունքում Կոնգրեսը վստահություն ունի, որ ընդդիմադիր երիտասարդ ակտիվիստ Տիգրան Առաքելյանի խափանման միջոցի փոփոխության հարցն արագորեն կկարգավորվի:

Նշվել է նաեւ, որ այսօր իշխանության աշխատանքային խմբի անդամները վերջապես ներկայացրել են ընդդիմության կողմից ներկայացված Հայաստանում արտահերթ ընտրությունները հիմնավորող 85 էջանոց փաստաթղթի իրենց պատասխանը:

Իշխանական պատվիրակությունը ներկայացրել է փաստաթղթի հարցերի մի մասը միայն, իսկ մյուս մասը ներկայացնելու է հաջորդ հանդիպման ժամանակ:

Ընդդիմություն իշխանություն երկխոսության համար ստեղծված պատվիրակությունների հաջորդ հանդիպումը տեղի կունենա այս ուրբաթ`

ժամը 10:00-ին:

© Medialab.am

Ընդդիմությունը ԱՄՆ գործերի հավատարմատարի հետ քննարկել է երկխոսության ընթացքը

Ընդդիմությունը ԱՄՆ գործերի հավատարմատարի հետ քննարկել է երկխոսության ընթացքը

24-08-2011

Օգոստոսի 23-ին ընդդիմադիր Հայ Ազգային Կոնգրեսի համակարգող Լեւոն Զուրաբյանը եւ կենտրոնական գրասենյակի անդամ, Եվրոպական կառույցներում Կոնգրեսի ներկայացուցիչ Արման Գրիգորյանը հանդիպել են Հայաստանում ԱՄՆ գործերի ժամանակավոր հավատարմատար Բրյուս Դոնահյուի եւ դեսպանության քաղաքական խորհրդատու Քրիստոֆեր Անդերսոնի հետ: Այդ մասին տեղեկացնում են Կոնգրեսից:

«Հանդիպման ընթացքում քննարկվել են ներքաղաքական իրադարձություններին վերաբերող հարցեր: Մասնավորապես անդրադարձ է եղել Հայ Ազգային Կոնգրեսի եւ իշխանության միջեւ ընթացող երկխոսության ներկա վիճակին եւ հեռանկարներին»,- գրված է Կոնգրեսից տարածված հաղորդագրության մեջ:

Նշենք, որ ԱՄՆ գործերի ժամանակավոր հավատարմատարի հետ հանդիպումը կայացել է առավոտյան` ընդդիմություն-իշխանություն երկխոսության նպատակով ստեղծված աշխատանքային խմբերի այսօր մեկնարկած հերթական հանդիպումից առաջ:

Բուն հանդիպումը, որը այսօր Կառավարության ընդունելությունների տանը մեկնարկել է ժամը 12-ին, այս պահին դեռ չի ավարտվել:

© Medialab.am

Ընդդիմություն-իշխանություն հանդիպումը դեռ չի ավարտվել

Ընդդիմություն-իշխանություն հանդիպումը դեռ չի ավարտվել

24-08-2011

Այսօր` պայմանավորվածության համաձայն կառավարության ընդունելությունների տանը մեկնարկել է ընդդիմություն-իշխանություն երկխոսության նպատակով ստեղծված աշխատանքային խմբերի արդեն 6-րդ հանդիպումը:

Այս պահին հանդիպումը դեռ շարունակվում է:

Հիշեցնենք, որ երեկ ընդդիմության պատվիրակության ղեկավար Լեւոն Զուրաբյանը «Մեդիալաբի» հետ զրույցում տեղեկացրել էր, որ նախորդ հանդիպմանը քննարկել են օգոստոսի 9-ին ընդդիմադիր ակտիվիստների եւ ոստիկանության միջեւ տեղի ունեցած միջադեպը, եւ պայմանավորվել են, որ այսօր «կշարունակվի այդ միջադեպի քննարկումը»:

Հիշեցնենք նաեւ, որ այդ միջադեպի արդյունքում ձերբակալվել էր 7 ընդդիմադիր ակտիվիստ, որոնցից 6-ն ազատ են արձակվել, իսկ ակտիվիստ Տիգրան Առաքելյանը դեռեւս գտնվում է բանտում:

© Medialab.am

Ընդդիմությունն ու իշխանությունը կհանդիպեն Վաղը ժամը 12-ին

Ընդդիմությունն ու իշխանությունը կհանդիպեն Վաղը ժամը 12-ին

23-08-2011

Վաղը ժամը 12-ին` Կառավարության ընդունելությունների տանը կկայանա ընդդիմություն-իշխանություն երկխոսության նպատակով ստեղծված պատվիրակությունների հերթական հանդիպումը:

Հիշեցնենք, որ ընդդիմության կողմնակից երիտասարդներից մեկը` Տիգրան Առաքելյանը շարունակում է մնալ բանտում, իսկ ընդդիմությունը բազմիցս էլ հայտարարել էր, որ երկխոսությունը չի կարող կայանալ, եթե Հայաստանում կան քաղբանտարկյալներ:

Երկու միջադեպ բանակում` երկու օրում. մեկ զոհ եւ մեկ վիրավոր

Երկու միջադեպ բանակում` երկու օրում. մեկ զոհ եւ մեկ վիրավոր

23-08-2011

Ինչպես տեղեկացնում են ԼՂՀ Պաշտպանական բանակից, օգոստոսի 21-ին ժամը 19:45-ի սահմաններում` ադրբեջանական բանակի առաջապահ ստորաբաժանումների կողմից հրադադարի ռեժիմի հերթական խախտման արդյունքում`մարտական դիրքերից մեկում հրազենային վիրավորում է ստացել ՊԲ զինծառայող, 1980 թվականի ծնված Նվեր Գառնիկի Սարգսյանը:

Ըստ հաղորդագրության, «վիրավորվածի վիճակը միջին ծանրության է, իսկ վիրահատությունից հետո այն գնահատվում է բավարար»:

Հայաստանի Արտգործնախարարությունը Լիբիայի իրադարձությունները նույն կերպ է մեկնաբանում, ինչ ամիսներ առաջ

Հայաստանի Արտգործնախարարությունը Լիբիայի իրադարձությունները նույն կերպ է մեկնաբանում, ինչ ամիսներ առաջ

23-08-2011

Ինչպես հայտնի է այս գիշեր լիբիացի ապստամբները գրավել են Լիբիայի մայրաքաղաք Տրիպոլին, իսկ Լիբիայի առաջնորդ Մոամար Քադաֆին, ըստ նախնական տեղեկությունների, փախել է երկրից եւ գտնվում է արաբական երկրներից մեկում:

ՀՀ ԱԳՆ մամլո խոսնակ Տիգրան Բալայանը «Մեդիալաբի» հետ զրույցում` մեկնաբանելով լիբիական վերջին զարգացումները` նշեց, որ «մենք մեր դիրքորոշումը այդ տարածաշրջանում տեղի ունեցող իրադարձությունների կապակցությամբ արդեն հայտնել ենք»:

Գյուղատնտեսական ապրանքների տոնավաճառ` Կասյան փողոցի վերջնամասում

Գյուղատնտեսական ապրանքների տոնավաճառ` Կասյան փողոցի վերջնամասում

21-08-2011

«Գերակա հռչակված գյուղատնտեսության բոլոր ճյուղերում բերքի աճ է գրանցվել», - ամփոփելով այս տարվա անցած ամիսների ցուցանիշերը` օգոստոսի 19 -ին հրավիրված մամուլի ասուլիսի ժամաակ հայտարարել է ՀՀ գյուղատնտեսության նախարար Սերգո Կարապետյանը:

Նախարարը գոհունակություն է հայտնել հացահատիկի բերքատվությունից: Կառավարության կողմից մշակված 2010-2014 թթ «Ցորենի սերմնաբուծության և սերմարտադրության զարգացման ծրագրի» դրական արդյունքներն ակնհայտ են։

Մոր շիրիմի մոտ հայտնաբերվել է Կենտրոն եւ Նորք-Մարաշ վարչական շրջանների դատախազության դատախազ Արամ Գրիգորյանի դիակը

Մոր շիրիմի մոտ հայտնաբերվել է Կենտրոն եւ Նորք-Մարաշ վարչական շրջանների դատախազության դատախազ Արամ Գրիգորյանի դիակը

18-08-2011

2011 թվականի օգոստոսի 16-ին` ժամը 13-ի սահմաններում, Վանաձորի քաղաքային գերեզմանատանը, հարազատների շիրիմի մոտ հայտնաբերվել է Երեւան քաղաքի Կենտրոն եւ Նորք-Մարաշ վարչական շրջանների դատախազության դատախազ Արամ Գրիգորյանի դիակը՝ գլխի քունքայինի շրջանում հրազենային 1 վնասվածքով: Նախնական տվյալներով՝ Գրիգորյանը կատարել է ինքնասպանություն՝ իրեն ամրակցված հաշվեցուցակային «Մակարով» տեսակի ատրճանակի գործադրմամբ:

 Լարային գործիքներին միջազգային մրցույթում Արևիկ Իվանյանը արժանացել է երկրորդ մրցանակի

Լարային գործիքներին միջազգային մրցույթում Արևիկ Իվանյանը արժանացել է երկրորդ մրցանակի

18-08-2011

Երևանի Սայաթ-Նովայի անվան երաժշտական դպրոցի շրջանավարտ տասներեքամյա Արևիկ Իվանյանը ՀՀ մշակույթի նախարարության աջակցությամբ հուլիսի 22-24 -ը մասնակցել է Իտալիայի Կրեմոնա քաղաքում անցկացված լարային գործիքների (ջութակ, թավջութակ, ալտ) միջազգային մեծ համարում ունեցող մրցույթին և արժանացել երկրորդ մրցանակի: Հեղինակավոր ժյուրին, որի կազմում ընդգրկված էին երաժիշտներ New England-ի (Բոստոն), Սանկտ-Պետերբուրգի, Մոսկվայի կոնսերվատորիաներից, մասնագետներ Ֆրանսիայից և Իտալիայից Արևիկին շնորհել են նաև հատուկ մրցանակ, որով հնարավորություն և իրավունք են ընձեռել շնորհաշատ ջութակահարուհուն 2012 թ. մենահամերգով հանդես գալու Կրեմոնայում` Ա. Ստրադիվարիուսի թանգարանում։ Այս մասին տեղեկացնում է ՀՀ մշակույթի նախարարությունը:

Ուշի գյուղում`պաստերելյոզ.կենդանիները հարկադիր սպանդի են ենթարկվել

Ուշի գյուղում`պաստերելյոզ.կենդանիները հարկադիր սպանդի են ենթարկվել

17-08-2011

Արագածոտնի մարզի Ուշի գյուղի բնակիչներին պատկանող խոշոր եղջերավոր կենդանիների մոտ ախտորոշվել է պաստերելյոզ հիվանդություն: Հիվանդության գրանցման առաջին դեպքից առ այսօր 4 գլուխ խոշոր եղջերավոր կենդանիներ ենթարկվել են հարկադիր սպանդի, որոնց մոտ առձանագրվել են հիվանդությանը բնորոշ կլինիկական ախտանշաններ:

Երկխոսությունը չդադարեց. հաջորդ հանդիպումն` ուրբաթ

Երկխոսությունը չդադարեց. հաջորդ հանդիպումն` ուրբաթ

17-08-2011

Քիչ առաջ Կառավարության ընդունելությունների տանը ավարտվել է ընդդիմություն-իշխանություն երկխոսության համար ստեղծված պատվիրակությունների 5-րդ հանդիպումը:

Չնայած կանխատեսումներին, որ ընդդիմադիր ակտիվիստների ձերբակալության պատճառով, հնարավոր է` ընդդիմությունն այսօր դադարեցնի երկխոսությունը, նման բան տեղի չունեցավ:

Մշակվել է ոչխարաբուծության զարգացման հայեցակարգը

Մշակվել է ոչխարաբուծության զարգացման հայեցակարգը

17-08-2011

ՀՀ գյուղատնտեսության նախարարությունը մշակել և կառավարության քննարկմանն է ներկայացրել հայեցակարգ՝ հանրապետությունում ոչխարաբուծության զարգացման մասին: Հայեցակարգում ըստ մարզերի վերլուծության է ենթարկվել արոտավայրերի ծանրաբեռնվածությունը, որից ելնելով և մարզերի բնատնտեսական հնարավորություններին համապատասխան, սահմանվել են ոչխարների օպտիմալ գլխաքանակները 2011-2020 թթ.:

Հրանուշ Հակոբյանն հանդիպել է ստամբուլահայ երգչուհի Սիբիլ Փեքթորոսօղլուին

Հրանուշ Հակոբյանն հանդիպել է ստամբուլահայ երգչուհի Սիբիլ Փեքթորոսօղլուին

17-08-2011

ՀՀ սփյուռքի նախարար Հրանուշ Հակոբյանն ընդունել է ստամբուլահայ երգչուհի Սիբիլ Փեքթորոսօղլուին, ճանաչված երգահան Մաժակ Թոշիկյանին և «Մարմարա» օրաթերթի փոխխմբագիր, մանկավարժ Մաքրուհի Հակոբյանին: Այդ մասին տեղեկացնում է ՀՀ մշակույթի նախարարության հաղորդագրությունը:

Պատմության մեջ առաջին անգամ Թուրքիայի առաջատար երաժշտական հեռուստաալիքներն ու TRT-ն ցուցադրել են Սիբիլ Փեքթորոսօղլուի կատարմամբ հայերեն «Նամակ» տեսահոլովակը:

Առանց մեկնաբանության. Իշխանության եւ ընդդիմության համատեղ հայտարարությունը

Առանց մեկնաբանության. Իշխանության եւ ընդդիմության համատեղ հայտարարությունը

17-08-2011

Գրեթե երկու ժամ տեւած իշխանություն-ընդդիմություն հինգերորդ հանդիպումից հետո կողմերը հանդես են եկել համատեղ հայտարարությամբ:

«Քննարկվեց օգոստոսի 9-ին Հայ ազգային կոնգրեսի ակտիվիստների և ոստիկանության աշխատակիցների միջև տեղի ունեցած միջադեպը, պայմանավորվածություն է ձեռք բերվել շարունակել քննարկումը ուրբաթ օրը, նաև պայմանավորվում ենք առայժմ ձեռնպահ մնալ միջադեպի քննարկման մանրամասների մասին մեկնաբանություն տալուց։ Շնորհակալություն, մենք նաև պայմանավորվել ենք որևէ հարցի չպատասխանել»,- հայտարարության տեքստն է կարդացել ՀԱԿ համակարգող Լեւոն Զուրաբյանը, որից հետո կողմերը հեռացել են հանդիպման վայրից:

Սերժ Թանկյանն ի պաշտպանություն Թեղուտի

Սերժ Թանկյանն ի պաշտպանություն Թեղուտի

16-08-2011

Աշխարհահռչակ ռոք երաժիշտ Սերժ Թանկյանը, ով երեկ Երեւանում հանդես է եկել մենահամերգով, իր պաշտոնական կայքում զետեղել է Հայաստան կատարած իր այցի տպավորությունները, որտեղ անդրադարձել է նաեւ Թեղուտի անտառի խնդրին:

«Այս շաբաթվա սկզբին ես նաեւ այցելել եմ Լոռու մարզ եւ հանկարծակիի եմ եկել փարթամ անտառների եւ գետերի գեղեցկությամբ: Այդ տարածաշրջանում է գտնվում նաեւ Թեղուտի անտառը, որը կարող է ամբողջությամբ ավերվել, եթե շարունակվի այնտեղ իրականացվող հանքարդյունաբերությունը»,- իր կայքում գրել է Թանկյանը:

Ընդդիմությունը իշխանություններին 24 ժամ տվեց կողմնորոշվելու համար

Ընդդիմությունը իշխանություններին 24 ժամ տվեց կողմնորոշվելու համար

16-08-2011

Ընդդիմադիր Հայ ազգային կոնգրեսի մամլո խոսնակ Արման Մուսինյանը այսօր լրագրողների հետ հանդիպման ժամանակ հայտարարել է, թե ընդդիմադիր 3 երիտասարդների կալանավորումը շատ մեծ խոչընդոտ է սկսված ընդդիմություն-իշխանություն երկխոսության համար:

«Սակայն դեռ կա 24 ժամ ժամանակ, և կախված նրանից, թե ինչպիսին կլինի տղաների կարգավիճակը մինչև վաղը, ժամը 10:00-ը, մենք որոշում կկայացնենք»,- հայտարարել է Մուսինյանը։

Հիշեցնենք, որ վաղը ժամը 10-ին Կառավարության ընդունելությունների տանը պետք է կայանա ընդդիմություն-իշխանություն երկխոսության համար ձեւավորված պատվիրակությունների 5-րդ հանդիպումը:

«Խափանման միջոցը փոխելը իշխանության համար խնդիր չէ»,- այսօր հայտարարել է Արման Մուսինյանը:

Հայ ազգային կոնգրեսի հայտարարությունը Երեւանում կրպակների ապամոնտաժման վերաբերյալ

Հայ ազգային կոնգրեսի հայտարարությունը Երեւանում կրպակների ապամոնտաժման վերաբերյալ

12-08-2011

 

Այն համառությունը եւ հետեւողականությունը, որով վարչախումբը շարունակում է արշավանքը միջին դաս կազմող կամ անհատական աշխատանքով գոյատեւող սոցիալական խմբերի դեմ, ինչպես արդեն ոչ մեկ անգամ արձանագրել ենք, խոսում է այն մասին, որ այդ դասի վերացումը կամ առավել թուլացումը ռեժիմի համար կենսական քաղաքական նշանակություն ունի։ Դրանով երկու խնդիր է լուծվում.

  1. Նպաստել, որպեսզի առեւտրաշրջանառությունն ամբողջությամբ կենտրոնանա օլիգարխներին պատկանող սուպերմարկետներում եւ խոշոր խանութներում՝ բազմապետկելով նրանց շահույթները։

  2. Թուլացնել սոցիալական այն շերտը, որը ինքնուրյուն աշխատանքով ապրելով եւ անմիջական վարչական կախվածության մեջ չգտնելով պետական հիմնարկներից ու պաշտոնյաներից, անհամեմատ ազատ է իր ձայնը տնօրինելիս։

  3. Այս տարածքները կրկին վերադարձվում են իշխանության տնօրինության տակ, որոնք հետագայում կարող են բաժանվել յուրայիններին կամ էլ վաճառվել աստղաբաշխական գներով:

 

Մնացած բոլոր հետեւանքները՝ կապված հազարավոր մարդկանց ճակատագրի, սոցիալական դժգոհության բազայի մեցածման ու խորացման, աշխատատեղերի կրճատման, արտագաղթի լրացուցիչ խթան դառնալու եւ այլ խնդիրների հետ, ավազակապետական իշխանության համար երկրորդական են եւ ստորադասվում են առաջին երկուսին։

Երեւանի կրպակատերի դեմ շարունակվող արշավանքի հերթական փուլը դրա վառ վկայությունն է։ Խոսքը վերաբերում է շուրջ 3000 կրպակների, որոնք մաս առ մաս նույն ճակատագրին պետք է արժանանան։ Որպես կանոն կրպակատերերն ունեն սեփականության վկայական, վարձակալման օրինական պայմանագիր, պարտաճանաչ մուծել են բոլոր հարկերն ու վարձավճարները։ Զանգվածաբար խախտվում են մարդու սահմանադրական՝ մասնավոր սեփականության իրավունքը, աշխատանքի իրավունքը, ըստ էության՝ կյանքի իրավունքը։ Անկախ բոլոր հանգամանքներից, ինքնուրույն աշխատանքով զբաղված ու դրանով իր ապրուստը հոգացող յուրաքանչյուր քաղաքացի վաստակելու այդ հանարավորությունից կարող է զրկվել միայն մեկ պայմանով՝ երբ իր համաձայնությամբ ստանա դրա ճիշտ համարժեք մի այլ հնարավորություն կամ համարժեք փոխհատուցում։ Ոչ մի քաղաքի տեսք, ոչ մի այլ հանգամանք ավելի թանկ չարժե, քան յուրաքանչյուր քաղաքացի, նրա ապրելու եւ աշխատելու իրավունքը, ըստ էության՝ նրա ճակատագիրը։

 

Հայ Ազգային Կոնգրեսը դատապարտում է կրպակատերերի դեմ ծավալված արշավանքը, իր պատրաստակամություն է հայտնում բազմակողմանի՝ իրավական, քարոզչական, տեխնիկական եւ կազմակերպական գործնական օգնություն տրամադրել իրենց օրինական իրավունքների համար պայքարող քաղաքացիներին։ Այս առիթով Կոնգրեսը ստեղծել է աշխատանքային խումբ (կոնտակտային հեռախոս՝ 52.09.74), որն արդեն իսկ մի քանի հանդիպումներ է ունեցել կրպակատերերի ներկայացուցիչների հետ։

Նախկին քաղբանտարկյալներ. «Ոստիկանների հակաօրինական գործողությունները հղի են լարվածության առաջացմամբ»

Նախկին քաղբանտարկյալներ. «Ոստիկանների հակաօրինական գործողությունները հղի են լարվածության առաջացմամբ»

12-08-2011

Մի քանի օր առաջ ստեղծված «Քաղբանտարկյալներ» Հասարակական կազմակերպությունը, որում ընդգրկված են նախկին քաղբանտարկյալները, եւ որը ղեկավարում է նախկին քաղբանտարկյալ, ԱԺ նախկին պատգամավոր Մյասնիկ Մալխասյանը, այսօր հանդես է եկել հայտարարությամբ, որտեղ անդրադարձել է նախօրեին ձերբակալված 7 ընդդիմադիր երիտասարդ ակտիվիստների գործին:

Հիշեցնենք, որ ներկայում Ձերբակալվածների պահման վայրում, (КПЗ) են գտնվում Տիգրան Առաքելյանը, Արտակ Կարապետյանը, Արեգ, Սարգիս, Վահագն Գեւորգյանները, Սահակ Մուրադյանն ու Դավիթ Քիրամիջյանը:

Հայտարարության մեջ նշվում է, որ «ՀՀ Ոստիկանությունը օգոստոսի 9-ին հերթական անգամ բռնություն կիրառելով Կոնգրեսի երիտասարդ անդամների նկատմամբ, նրանց բերման է ենթարկել ոստիկանության Կնտրոնի բաժին, իսկ արդեն ուշ գիշերին ձերբակալել»:

Հայտարարության հեղինակները «առավել վրդովեցուցիչ» են համարել այն հանգամանքը, որ «ծեծը շարունակվել է ոստիկանության բաժնում: Երտասարդները զրկված են եղել անհրաժեշտ բուժօգնությունից, չեն կարողացել օգտվել փաստաբանական ծառայություններից, իսկ փաստաբանների նկատմամբ կիրառվել է բռնություն, սահմանափակվել է փաստաբանների ազատ տեղաշարժի իրավունքը, հնարավորություն չեն տվել իրականացնել մասնագիտական գործառույթներ»:

«Նախկին քաղբանտարկյալների նորաստեղծ «Քաղբանտարկյալներ» հասարակական կազմակերպությունը հայտարարում է, որ ոստիկանների նման հակաօրինական գործողությունները հղի են լարվածության առաջացմամբ եւ կոչ ենք անում իշխանություններին դադարեցնել քաղբանտարկյալներ ունենալու ավանդույթը եւ անհապաղ ազատ արձակել ՀԱԿ երրիտասարդ ակտիվիստներին: Նաեւ զգուշացնում ենք, որ վճռականորեն պայքարելու ենք մարդու իրավունքների ու ազատությունների նման կոպիտ ոտնահարումների դեմ»,- նշված է հայտարարության մեջ:

© Medialab.am

Ալիկ Սարգսյանը Կարապի լճի մոտ տեղի ունեցածը «ոստիկանաորս» է անվանել

Ալիկ Սարգսյանը Կարապի լճի մոտ տեղի ունեցածը «ոստիկանաորս» է անվանել

12-08-2011

Այսօր լրագրողների հետ հանդիպման ժամանակ ՀՀ ոստիկանապետ Ալիկ Սարգսյանը անդրադառնալով նախօրեին Կարապի լճի մոտ տեղի ուենցած միջադեպին, տեղի ունեցածը անվանել է «ոստիկանաորս»:

Վերջինիս խոսքով, ընդդիմադիր ակտիվիստների եւ ոստիկանների միջեւ միջադեպը սկսվել է այն բանից հետո, երբ ոստիկանները «զգուշացում են արել շանն առանց դնչկալի» զբոսանքի դուրս բերած քաղաքացուն, ինչից հետո, ըստ Սարգսյանի, ոստիկաններին են մոտեցել ընդդիմադիր երկու ակտիվիստներ եւ սկսել սպառնալիքներ տեղալ ոստիկանների հասցեին:

Մհեր Շահգելդյան. «Երկխոսության բովանդակային քննարկումը վիժեցնելու համար հիմքեր չկան»

Մհեր Շահգելդյան. «Երկխոսության բովանդակային քննարկումը վիժեցնելու համար հիմքեր չկան»

11-08-2011

Ընդդիմություն-իշխանություն երկխոսության համար իշխող կոալիցիայի կողմից ձեւավորված աշխատանքային խմբի անդամ, ՕԵԿ-ական Մհեր Շահգելդյանը պատասխանելով ընդդիմադիր Հայ ազգային Կոնգրեսի հայտարարությանը` նշեց, թե «երկխոսության բովանդակային քննարկումը վիժեցնելու համար հիմքեր չկան»: