Սառնաղբյուրում ոստիկանները հրազեն և փամփուշտ են հայտնաբերել

12-06-2019
201 դիտում
Սառնաղբյուրում ոստիկանները հրազեն և փամփուշտ են հայտնաբերել

Հունիսի 10-ին, ժամը 13.55-ին, ոստիկանության Մուշի բաժնում տեղեկություններ են ստացվել, որ Շիրակի մարզի Սառնաղբյուր գյուղի 41-ամյա մի բնակիչ իր տանը և կից օժանդակ կառույցներում ապօրինի պահում է զենք, ռազմամթերք: Նույն օրը հարուցվել է քրեական գործ ՀՀ քրեական օրենսգրքի 235 հոդվածի 1-ին մասի հատկանիշներով:

Հունիսի 11-ին, ժամը 10.30-ին, քրեական գործի շրջանակներում, ոստիկանության Մուշի և Անիի բաժինների ծառայողները Սառնաղբյուր գյուղի հիշյալ բնակչի տանը կատարված խուզարկությամբ ննջասենյակում երկաթյա պահարանից հայտնաբերել են ապօրինի պահվող «ՏՕԶ» տիպի հրազեն և 5,6 մմ տրամաչափի 13 փամփուշտ: 

Ձեռնարկվում են միջոցառումներ քաղաքացուն հայտնաբերելու ուղղությամբ:

Հայտնաբերված հրազենը և փամփուշտներն առգրավվել են: 

Նշանակվել է դատաձգաբանական փորձաքննություն:

Կատարվում է նախաքննություն:

***

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

ՀՀ ոստիկանություն