Ամուլսարի հանքի շահագործման նպատակով նշանակված համալիր փորձաքննության եզրակացությունը  ՔԿ-ն կստանա հուլիս ամսվա վերջին

09-07-2019
619 դիտում
Ամուլսարի հանքի շահագործման նպատակով նշանակված համալիր փորձաքննության եզրակացությունը  ՔԿ-ն կստանա հուլիս ամսվա վերջին

Քննչական կոմիտեի  դեպարտամենտի տեղեկատվության և հասարակայնության հետ կապերի բաժնի պետ Նաիրա Հարությունյանը տեղեկացնում է, Ամուլսարի ոսկեբեր քվարցիտային հանքի շահագործման նպատակով նշանակված համալիր փորձաքննության եզրակացությունը  նախաքննական մարմինը կստանա հուլիս ամսվա վերջին:

«Հաշվի առնելով հանրության հետաքրքրությունը՝ հայտնում ենք, որ Ամուլսարի ոսկեբեր քվարցիտային հանքի շահագործման նպատակով նշանակված համալիր փորձաքննության եզրակացությունը դեռևս չի ստացվել:

Քննչական կոմիտեն՝ փորձաքննությունն իրականացնող «ԷԼԱՐԴ» ընկերությանը լրացուցիչ հարցադրումներ է առաջադրել, ինչպես նաև՝ պահանջել մի շարք մեկնաբանություններ, ինչի արդյունքում փորձաքննության կատարումը երկարաձգվել է:

Համալիր փորձաքննության վերջնական եզրակացությունը նախաքննական մարմինը կստանա հուլիս ամսվա վերջին, որի մասին հանդես կգա հայտարարությամբ»,- Ֆեյսբուք սոցիալական ցանցում գրել է Նաիրա Հարությունյանը: