Պապ. Հայերի հետ կատարվածը 20-րդ դարի առաջին ցեղասպանությունն էր

14-04-2015
192 դիտում
Պապ. Հայերի հետ կատարվածը 20-րդ դարի առաջին ցեղասպանությունն էր

Հռոմի պապ Ֆրանցիսկոսը կիրակի օրը Վատիկանում կայացած եկեղեցական արարողության ժամանակ ցեղասպանություն բառն է օգտագործել 100 տարի առաջ օսմանյան Թուրքիայում հայերի զանգվածային ջարդերի առնչությամբ, փոխանցում են միջազգային լրատվամիջոցները։

BBC-ի փոխանցմամբ՝ Սուրբ Պետրոսի տաճարում Հայ կաթողիկե եկեղեցու ծիսակարգով մատուցված Պատարագի ընթացքում, որին ներկա են եղել նաև Հայաստանի նախագահ Սերժ Սարգսյանը, Ամենայն Հայոց Գարեգին երկրորդ և Մեծի Տանն Կիլիկիո Արամ առաջին կաթողիկոսները, Հռոմի կաթոլիկ եկեղեցու քահանայապետը ասել է, որ վերջին հարյուրամյակում մարդկությունը վերապրել է «երեք զանգվածային և աննախադեպ ողբերգություն»։

«Առաջինը, որը լայնորեն համարվում է «20-րդ դարի առաջին ցեղասպանություն», պատուհասել է ձեր իսկ՝ հայ ժողովրդին», - հայտարարել է Ֆրանցիսկոս պապը, ինչպես նշում է BBC-ն՝ գործածելով Հռոմի Հովհաննես-Պողոս պապի 2001 թվականի հռչակագրի ձևակերպումը։

Ֆրանցիսկոսը խոսել է նաև «նացիզմի ու ստալինիզմի կողմից գործադրված» ոճիրների մասին և ասել, որ դրանց հաջորդեցին այլ ցեղասպանություններ Կամբոջայում, Ռուանդայում, Բուրունդիում և Բոսնիայում։

 Ամբողջական հոդվածը կարդացեք այստեղ http://www.azatutyun.am/content/article/26951506.html