Երեխաների առողջության և սնուցման հարցերի լուսաբանման լրագրողական մրցույթ

04-08-2015
346 դիտում
Երեխաների առողջության և սնուցման հարցերի լուսաբանման լրագրողական մրցույթ

Հայաստանը հայտարարում են երեխաների առողջության, սնուցման և խնամքի հիմնահարցերի լուսաբանման լրագրողական մրցույթ:

Նպատակն է  խրախուսել լրագրողներին առավել հաճախ անդրադառնալ երեխաների առողջության և սնուցման հարցերին:

 

Մրցույթն անցկացվում է «Մանուկների և վաղ տարիքի երեխաների առողջության ու սնուցման բարելավում» ծրագրի շրջանակներում, որը ֆինանսավորվում է ԱՄՆ Միջազգային զարգացման գործակալության կողմից:

Ծրագիրն իրականացվում է ՄԱԿ-ի մանկական հիմնադրամի (ՅՈՒՆԻՍԵՖ) կողմից՝ ՀՀ առողջապահության նախարարության և Վորլդ Վիժն Հայաստանի հետ համատեղ: Ծրագրի նպատակն է նվազեցնել կանանց և երեխաների թերսնուցումը երեխայի առաջին 1000 օրերի ընթացքում, որը ներառում է հղիությունն ու կյանքի առաջին երկու տարիները:

 

Երեխաների առողջության, սնուցման և խնամքի թեմաների լավագույն լուսաբանման համար սահմանվել են 2 հիմնական (պլանշետներ) և 6 խրախուսական մրցանակներ: 

 

Մրցանակներին կարող են հավակնել հայաստանյան տպագիր, առցանց և հեռարձակող լրատվամիջոցների աշխատակիցները, ինչպես նաև անկախ լրագրողներ։

 

Մրցույթին ներկայացված նյութերը պետք է տպագրված կամ հեռարձակված լինեն 2015թ.-ի օգոստոսի 1-ից սեպտեմբերի 30-ն ընկած ժամանակահատվածում:

 

Նյութերը կարող են ներկայացվել լրագրության հետևյալ ժանրերում՝

1) Հեռուստատեսային նյութ

2) Ռադիոնյութ

3) Տպագիր հոդված

4) Առցանց հոդված

5) Հանրային թղթակցություն/բլոգի հոդված

6) Ֆոտոռեպորտաժ

 

Գնահատման ընդհանուր չափանիշներն են՝ անաչառություն, հավատարմություն լրագրողական էթիկայի սկզբունքներին, գրագետ և մատչելի խոսք, թեմայի խորը ըմբռնում և հասարակությանը գործողության մղող մոտեցում:

 

Հայտերը հարկավոր է ներկայացնել մինչև 2015թ.-ի հոկտեմբերի 10-ը, Վորլդ Վիժն Հայաստանի գրասենյակ (Ռոմանոս Մելիքյան 1, Երևան) կամ ուղարկել[email protected]էլեկտրոնային հասցեով`նամակը վերնագրելով «լրագրողական մրցույթի հայտ»: Նամակում հարկավոր է նշել նյութի հեղինակի անունն ու ազգանունը, հեռախոսահամարը և լրատվամիջոցը:

 

Արդյունքները կամփոփվեն մինչև հոկտեմբերի 25-ը: