«Դուք մի հատ հայտնվեք խորհրդարանում, հետո կորոշեք՝ ընդդիմություն կլինեք, թե ինչ». Մարուքյանը՝ Շարմազանովին. «Առավոտ»

07-11-2018
115 դիտում
«Դուք մի հատ հայտնվեք խորհրդարանում, հետո կորոշեք՝ ընդդիմություն կլինեք, թե ինչ». Մարուքյանը՝ Շարմազանովին. «Առավոտ»

«Դուք մի հատ հայտնվեք խորհրդարանում, հետո կորոշեք՝ ընդդիմություն կլինեք, թե ինչ ու մի փորձեք սրա-նրա վրա տակառ գլորել»:

«Առավոտ»-ի փոխանցմամբ այսօր ԱԺ-ում լրագրողների հետ զրույցում հայտարարել է «Ելք» խմբակցության պատգամավոր Էդմոն Մարուքյանը՝ արձագանքելով ՀՀԿ խոսնակ Էդուարդ Շարմազանովի այն հայտարարությանը, որ ՔՊ-ին միայն ՀՀԿ-ն է ընդդիմություն, մյուսներն ի՞նչ ընդդիմություն են:

«Երբ որ ապրում ես ապակե տնակի մեջ, ուրիշների վրա քար մի շպրտիր»,- ասել է Մարուքյանը:

Հարցին՝ նախընտրական շրջանում իրենց թիրախում ո՞ր ուժն է լինելու՝ ՀՀԿ-ն է լինելո՞ւ՝ Մարուքյանը պատասխանել է, որ դեռ ռազմավարությունը չեն քննարկել, այս պահին զրոյական վիճակ է, բոլոր ուժերն ունեն հավասար հնարավորություններ:

«Սպիտակ թղթից սկսում ենք, եւ մենք պետք է ներկայացնենք մեր անելիքները, պետք է ներկայացնենք, թե որս ինչ ներդրում ենք ուզում ունենալ պետականաշինության գործում»,- ասել է նա: