Բաղրամյանը 26-ը նորից նախագահի նստավայր է

08-11-2018
198 դիտում
Բաղրամյանը 26-ը նորից նախագահի նստավայր է

Հանրապետության նախագահի նստավայրը տեղափոխվում է նորից Բաղրամյան 26, այսինքն՝ այնտեղ, որտեղ եղել է նախկինում։ Նման որոշում է կայացրել գործադիրն այսօրվա նիստոււմ:

Վարչապետի նստավայր է սահմանվել Հանրապետության հրապարակ՝ Կառավարական տուն 1 հասցեն՝ կառավարության շենքը:

Հիշեցնենք, որ նախկին նախագահական նստվայրը՝ կառավարական շենքի հետ մեկտեղ, վարչապետի նստավայր դարձավ այս տարվա հունվարին, երբ Սերժ Սարգսյանը պատրաստվում էր ստանձնել վարչապետի պաշտոնն ու երրորդ անգամ դառնալ պետության գլուխը:  

Հենց այդ ժամանակ էլ Նախագահի նստավայր էր սահմանվել Մաշտոցի 47-ն հասցեում գտնվող կառավարության ընդունելությունների տունը: Այնտեղ է այժմ Հայաստանի նախագահ Արմեն Սարգսյանի նստավայրը: 

Նախագահական նստավայրը վերատեղափոխելու մասին վարչապետի պաշտոնում ընտրվելուց հետո հայտարարել էր Նիկոլ Փաշինյանը: