«Տեղի ունեցածն անձնական հաշվեհարդար է, իսկական վենդետա իմ եւ իմ ընտանիքի հանդեպ». Ռոբերտ Քոչարյանի հայտարարությունը (Տեսանյութ)

07-12-2018
401 դիտում
«Տեղի ունեցածն անձնական հաշվեհարդար է, իսկական վենդետա իմ եւ իմ ընտանիքի հանդեպ». Ռոբերտ Քոչարյանի հայտարարությունը (Տեսանյութ)

Factor tv Ռոբերտ Քոչարյանի գրասենյակի ղեկավար Վիկտոր Սողոմոնյանը հրավիրված ասուլիսում հրապարակեց երկրորդ նախագահի հայտարարությունը:

«Հայաստանի Հանրապետության վերաքննիչ դատարանը կայացրեց մի վճիռ, որի արդյունքում կրկին հայտնվելու եմ կալանքի տակ։ Ակնհայտ է, որ այս վճիռը նախ և առաջ քաղաքական որոշման արդյունք է և կայացվել է իշխանությունների բիրտ ճնշումների պայմաններում։

Բավական է միայն նշել, որ մեղադրական կողմը ներկայացնում էր 6 հոգանոց դատախազական թիմ՝ Հայաստանի Հանրապետության գլխավոր դատախազի գլխավորությամբ, ինչը մեր նորագույն պատմության մեջ աննախադեպ մի բան է, գործը քննող դատավորն ընտրվել է օրենքի և ընթացակարգերի կոպիտ խախտումներով, իսկ իշխանամետ մամուլն առանց դատարանին սպասելու վաղուց արդեն հրապարակել էր որոշումը։ Ես և թիմակիցներս բազմիցս հայտարարել ենք, որ տեղի ունեցողը ոչ այլ ինչ է, քան անձնական հաշվեհարդար, իսկական վենդետա իմ և ընտանիքիս հանդեպ։

Դա ապացուցեցին նաև տխրահռչակ գաղտնալսումների ձայնագրությունները։ Անցածս ուղին, կառավարման տարիներին գրանցածս արդյունքները, հեղինակությունս Հայաստանում, Արցախում և արտերկրում ինչպես նաև քաղաքական հեռանկարներս, ոչ մի կերպ հանգիստ չեն տալիս օրվա պոպուլիստ և երկիրը ղեկավարելու անընդունակ ղեկավարին»,- ասվում է Ռոբերտ Քոչարյանի տարածած հաղորդագրությունում։