«Հիմնադիր խորհրդարանի» անդամներից մեկը`գյումրեցի Արամ Հակոբյանը, որը ևս մասնակցել է «100 -ամյակն՝ առանց ռեժիմի» խաղաղ ավտոերթին, Aravot.am-ին Բերձորում կատարվածի մասին պատմեց հետևյալը. «Մենք իրազեկում-ակցիա էինք անցկացնում ու բացառիկ խաղաղ նպատակներով` կանանցով-երեխաներով, Արցախն էլ առանձին պետություն չէ, ես ինքս մասնակցել եմ Արցախի ազատագրման պատերազմին, ես, ինքս գիտեմ Արցախի արժեքը, և ավտոերթի մասնակիցների մեծամասնությունը գիտի Արցախի արժեքը […]
«Հիմնադիր խորհրդարանի» անդամներից մեկը`գյումրեցի Արամ Հակոբյանը, որը ևս մասնակցել է «100 -ամյակն՝ առանց ռեժիմի» խաղաղ ավտոերթին, Aravot.am-ին Բերձորում կատարվածի մասին պատմեց հետևյալը.
«Մենք իրազեկում-ակցիա էինք անցկացնում ու բացառիկ խաղաղ նպատակներով` կանանցով-երեխաներով, Արցախն էլ առանձին պետություն չէ, ես ինքս մասնակցել եմ Արցախի ազատագրման պատերազմին, ես, ինքս գիտեմ Արցախի արժեքը, և ավտոերթի մասնակիցների մեծամասնությունը գիտի Արցախի արժեքը մեր հայրենիքի համար: Մեծ մասը մարդանց այն տեսակն էր, որոնք իրենց կյանքն են ներդրել Արցախի համար ու ամեն վայրկյան պատրաստ են ներդնելու: Արցախ չհասած`Աղավնու գետի կամրջի վրա, որտեղից սկսվում է Արցախը, Տեղ գյուղից իջնում ես ներքև հենց Արցախի սահմանն է, սա ազգային անվտանգության ծառայության նախկին պետի ծննդավայրն է, մեզ չթույլատրեցին առաջ շարժվել, մեքենաների ամբողջ շարասյունը կանգնեց և երբ բանակցությունների ընթացքում պարզվեց , որ մեզ չեն թողնելու , մենք սկսեցինք հետ դառնալու պրոցեսը: Այսինքն`մտածեցինք, չեք թողնում , չեք թողնում, խնդիր չստեղծեցինք, հետ էինք վերադառնում, արդեն շարժվում էինք, ու հանկարծ սկսվեց մի սարսափելի իրավիճակ, որը ես կբնութագրեմ որպես ջարդ, չգիտեմ՝ ու՞մ կողմից մեր նկատմամբ: Չեմ կարող էդ մարդկանց բնութագրել որպես ազգային որևէ պատկանելություն ունեցող մարդ: Եվ հետո բացարձակապես այդտեղ չկար Արցախի բնակչություն, կային ոստիկաններ` համազգեստով և առանց համազգեստի: Բացառապես կազմակերպված տեռորիստական ակցիա էր խաղաղ մարդկանց նկատմամբ: Չխնայեցին անգամ կանանց, երեխաներին, փշրեցին ամբողջ մեքենաները, հայկական դրոշները հերիք չէ գետին էին գցում, մի բան էլ ոտքերով տրորում էին: Մարդկանց տեսակ չէ դա, չգիտեմ ովքեր են, չգիտեմ ինչի ազգի ներկայացուցիչներ են, երևի Թուրքիայից կամ Ադրբեջանից ուղարկված դիվերսիոն խումբ էր` հայկական ոստիկանական համազգեստներով, տպավորությունն էդպիսին էր: Իհարկե, կատակ եմ անում, բայց տպավորությունը հենց էդպիսին էր: Ոնց էին ծեծում, մարմնական վնասվածքներ հասցնում լեգենդար մարդկանց, որոնք պատրաստ են իրենց կյանքը դնել Արցախի համար, բազմիցս ապացուցել են:
Ամբողջական հոդվածը կարող եք կարդալ այս հասցեով՝ http://www.aravot.am/2015/02/01/537862/
