Ադրբեջանի պետական սահմանապահ ծառայությունը հայտարարում է, թե իբր «Հայաստանի կողմից նոր սադրանք է նախապատրաստվում»։Այս մասին հայտնում է «Ազատություն»-ը:
«Ստացված տեղեկատվության համաձայն՝ հուլիսի 26-ին Հայաստանի կողմից Լաչինի միջանցքի պետական սահմանին տեղադրված անցակետի մուտքի մոտ տարբեր տրանսպորտային միջոցների կուտակմամբ ցուցադրաբար ծրագրվում է հերթական սադրանքը», – ասված է հաղորդագրության մեջ։
«Կոչ ենք անում հայկական կողմին ձեռնպահ մնալ նման գործողություններից, որոնք ծառայում են իրավիճակի սրմանը։ Կրկին հայտարարում ենք, որ նման սադրիչ գործողությունների ողջ պատասխանատվությունը ամբողջովին ընկնում է հայկական կողմի վրա»,-հայտարարել է Ադրբեջանի պետական սահմանապահ ծառայությունը։
