Երկու հազար 130 դրամի առևտուրը Հակոբյանների ընտանիքին 500 հազար դրամի շահում է պարգևել: Վերջից յոթ թվի համընկնմամբ շահող է դարձել 92734590 հատուկ համարով կտրոնը:
Ըստ ՀՀ կառավարությանն առընթեր պետական եկամուտների կոմիտեի հաղորդագրության, շահող կտրոնը տրվել է 73-ամյա Հերիքնազ տատիկին` քաղցրավենիք գնելիս:
«Այս, ինչպես և մյուս ՀԴՄ կտրոնները, թոշակառու ամուսինները խնամքով են պահում, միայն թե վիճակահանության ժամանակ դրանք ստուգելու գործը վստահում են դստերը` Լաուրային:
Այն, որ երջանիկ համարով կտրոնն իրենց ձեռքում է, Հակոբյանների ընտանիքն իմացել է միայն ամսվա վերջում` նոյեմբերի 29-ին` զանգահարելով Պետական եկամուտների կոմիտեի «Թեժ գիծ» »,-նշված է հաղորդագրության մեջ:
Նոյեմբերի 30-ին «Արարատբանկ»-ում Հակոբյանները ստացել են շահումը: Բանկը շահող ընտանիքին նաև նվեր քարտ է հանձնել:
«Իմ ծնողները մտադիր են այդ գումարով բնակարանի ջեռուցման խնդիրը լուծել»,-նշել է Լաուրան:
© Medialab.am