«Փոխարժեքը նույնպես կարծես թե կարգավորվել է, որովհետև երեկ 600 դրամի էր հասել, հիմա 460-480․․․ Գերարժեվորվել էր դոլարը երեկ, և արժեզրկվել էր մեր դրամը: Բայց այս երկու օրվա մեջ կկարգավորվի», – լրագրողների հետ զրույցում այսօր ասաց վարչապետ Հովիկ Աբրահամյանը, ով կեսօրից հետո շրջայցով եղավ մայրաքաղաքի որոշ խանութներում: Հարցին, թե երբ վերջնականապես կկայունանա արտարժույթի փոխարժեքը, վարչապետն արձագանքեց․ […]
«Փոխարժեքը նույնպես կարծես թե կարգավորվել է, որովհետև երեկ 600 դրամի էր հասել, հիմա 460-480․․․ Գերարժեվորվել էր դոլարը երեկ, և արժեզրկվել էր մեր դրամը: Բայց այս երկու օրվա մեջ կկարգավորվի», – լրագրողների հետ զրույցում այսօր ասաց վարչապետ Հովիկ Աբրահամյանը, ով կեսօրից հետո շրջայցով եղավ մայրաքաղաքի որոշ խանութներում:
Հարցին, թե երբ վերջնականապես կկայունանա արտարժույթի փոխարժեքը, վարչապետն արձագանքեց․ – «Դա շուկան է թելադրում: Ես համոզված եմ, որ առաջիկա շաբաթում ակնհայտ կլինի արդեն իրական կուրսը: Մենք որևէ միջամտություն չենք անում: Փորձում ենք բոլորին բերել օրենքի դաշտ: Անհիմն թանկացումներին․․․ պատկան մարմինների միջոցով նաև պատասխանատվության ենթարկել: Եվ դոլար – դրամ փոխարժեքով զբաղվող սպեկուլյանտներին նույնպես պատասխանատվության պետք է ենթարկենք: Երեկվա շոկը կարծես թե անհիմն էր, և շատ-շատ մարդիկ օգտվեցին»:
«Ազատության» հարցին, թե իր շրջայցից հետո ինչ կարծիք է կազմել թանկացումների չափերի մասին, Աբրահամյանը պատասխանեց․ – «Եթե թանկացումներ լինի, պետք է լինի դոլար – դրամփոխարժեքի տատանման տոկոսադրույքին հավասար: Բայց եթե դոլարը տատանվում է 10 տոկոս, 13 տոկոս, չի կարող ապրանքը 30 տոկոս թանկանալ: Հիմա նման դեպքեր մենք արձանագրեցինք, և մարդիկ նաև հասկացան, որ չի կարելի մեր ժողովրդի բախտի հետ խաղալ, այդ իրավիճակը ստեղծել, շոկի մեջ պահել: Մարդկանց մոտ տպավորություն կար, որ դոլարը դառնալու է 800-900 դրամ»:
Ամբողջական հոդվածը կարող եք կարդալ այս հասցեով http://www.azatutyun.am/content/article/26750995.html