Քննչական կոմիտեի մարզային քննչական բաժիններում առերևույթ ընտրախախտում պարունակող նյութեր այսօր չեն ստացվել:
Այս մասին տեղեկացնում է Քննչական կոմիտեի մամուլի քարտուղար Նաիրա Հարությունյանը։
«Ժամը 20:00-ի դրությամբ Հայաստանի 23 համայնքներում տեղի ունեցած տեղական ինքնակառավարման մարմինների ընտրությունների ընթացքում քննչական կոմիտեի մարզային քննչական բաժիններում առերևույթ ընտրախախտում պարունակող նյութեր չեն ստացվել»,- հայտնում է ՔԿ խոսնակը:
