Տավուշի մարզի Լուսահովիտ գյուղի 35-ամյա համայնքապետ Գրիգոր Սարհատյանը հունիսի 14-ին աջ ազդրի հրազենային վնասվածքով տեղափոխվել է «Էրեբունի» բժշկական կենտրոն։
«Արմենպրես»-ի հետ զրույցում «Էրեբունի» բժշկական կենտրոնի հասարակայնության հետ կապերի պատասխանատու Շուշան Հունանյանը տեղեկացրեց, որ հիվանդին վիրահատել են, այս պահին նա գտնվում է վերակենդանացման բաժանմունքում։
«Բժիշկները վիճակը գնահատում են ծանր։ Հիվանդը գիտակցություն ունի, բայց արհեստական շնչառական ապարատին է միացված»,- ասաց նա։
