Հ. Հովնանյան ընտանեկան հիմնադրամը, հետամուտ լինելով արհեստավարժ հայերի տաղանդը և գիտելիքները զարգացնելու և նրանց աշխարհին ներկայացնելու իր նպատակին՝ հայտարարում է դրամաշնորհային ծրագրի մեկնարկի մասին:
Դրամաշնորհները նպատակ ունեն խթանելու հայ մասնագետների զարգացումը և ընդլայնելու մասնագիտական ցանցը մշակութային, գիտական, կրթական և մրցակցային այլ ոլորտներում` աջակցելով նրանց մասնակցությանը միջազգային հեղինակավոր միջոցառումներին: Բարձրացնելով տեղեկատվությունը լավ կրթված և տաղանդավոր հայ մասնագետների մասին, ովքեր ակտիվորեն մասնակցում են կարևոր համաշխարհային իրադարձություններին՝ մենք բարձրացնում ենք հայության և Հայաստանի Հանրապետության մասին կարծիքը աշխարհում:
Դրամաշնորհները բաց են ուսանողների, դասախոսների, ՀԿ ղեկավարների, գիտնականների, արվեստագետների, իրավական փորձագետների, մարզիկների, ակադեմիկոսների, բժշկական մասնագետների և այլ անհատների համար՝ ակադեմիական կոնֆերանսներում և ֆորումներում, կրթական սեմինարներում, ինչպես նաև գրական և գիտական մրցույթներում որպես հրավիրված բանախոսներ կամ զեկուցողներ իրենց մասնակցության հետ կապված ծախսերը հոգալու համար։ Նկարիչները կարող են դիմել, եթե հրավիրված են իրենց ստեղծագործությունները ցուցադրելու արվեստի հեղինակավոր ցուցահանդեսներում: Միջազգային մարզումների և մրցումների մասնակցող սպորտային մասնագետները նույնպես խրախուսվում են դիմել: Դրամաշնորհները կօգնեն հոգալ միջոցառմանը մասնակցության հետ կապված ծախսերը՝ ներառյալ ճանապարհածախսը, կացությունը և սնունդը:
Հայկական դրամաշնորհները կտրամադրվեն ոչ խտրական հիմունքներով ամբողջ աշխարհում ծագումով հայ անհատներին: Դիմումները կքննարկվեն՝ ելնելով դիմորդների փորձից, միջոցառման տեսակից, ինչպես նաև նրանց ակադեմիական/մասնագիտական ձեռքբերումներից, ֆինանսական կարիքից, երաշխավորական նամակներից և անհատի մոտիվացիայից ու կարողություններից: Հայտերը կընդունվեն ամբողջ տարվա ընթացքում՝ առանց վերջնաժամկետների՝ բացառությամբ այն, որ պահանջվող փաստաթղթերի ողջ փաթեթն անհրաժեշտ է ուղարկել միջոցառման մեկնարկի օրվանից առնվազն 60 օր առաջ:
Լրացուցիչ տեղեկությունների համար, ներառյալ դիմելու ձևի և պահանջվող փաստաթղթերի ցանկի, պետք է այցելել Հ. Հովնանյան ընտանեկան հիմնադրամի կայքէջում գտնվող Ամերիկյան և Հայկական դրամաշնորհների բաժիններ:
