«Զվարթնոց» օդանավակայանի ռուսական սահմանային անցակետն առաջիկայում կփակվի. ՌԴ ԱԴԾ տնօրենի թեկնածու Ալեքսանդր Բորտնիկով

Երեւանի «Զվարթնոց» օդանավակայանում ՌԴ ԱԴԾ սահմանային անցակետը առաջիկայում կփակվի: Այս մասին այսօր հայտարարել է ՌԴ ԱԴԾ տնօրենի թեկնածու Ալեքսանդր Բորտնիկովը։

Նա հայտնել է, որ Երեւանը դիմել է ռուսական կողմին՝ ռուս սահմանապահների ժամանակավոր օպերատիվ խմբերը դուրս բերելու խնդրանքով:

«Միևնույն ժամանակ, Հայաստանը մեզ դիմեց խնդրանքով, ի թիվս այլոց, փակել «Զվարթնոց» միջազգային օդանավակայանի անցակետը, ինչը, ըստ էության, կանենք մոտ ապագայում», – ասել է Բորտնիկովը՝ ֆեդերացիայում լիագումար նիստում։

Միաժամանակ նա ընդգծել է, որ ռուս սահմանապահները մնում են երկրում և հայկական կողմի խնդրանքով կպահպանեն Թուրքիայի և Իրանի հետ սահմանը։