ԵԱՀԿ Մինսկի խմբի համանախագահներ Բեռնար Ֆասյեն` Ֆրանսիա, Ռոբերտ Բրադկեն` ԱՄՆ, Իգոր Պոպովը` ՌԴ, այսօր հյանդես են եկել հետեւյալ հայտարարությամբ.
“ԵԱՀԿ Մինսկի խմբի համանախագահները սեպտեմբերի 23-ին Նյու Յորքում` ՄԱԿ-ի ԳԱ-ի նստաշրջանի կուլուարներում առանձին հանդիպումներ են անց կացրել Հայաստանի ԱԳ նախարար Էդվարդ Նալբանդյանի եւ Ադրբեջանի ԱԳ նախարար Էլմար Մամեդյարովի հետ: Հանդիպումներին եւ քննարկումներին մասնակցել է ԵԱՀԿ գործող նախագահի անձնական ներկայացուցիչդեսպան Անջեյ Կասպրշիկը:
Համանախագահները տեղեկացրել են երկու նախարարներին սպասվող 2010 թվականի հոկտեմբերի 4-14-ը Լեռնային Ղարաբաղի հարակից տարածքներում իրականացվելիք Դաշտային առաքելության նախապատրասական աշխատանքների մասին:
Նյու Յորքում եւ Ժնեւում ՄԱԿ-ի պաշտոնատար անձանց հետ ունեցած նախնական շփումներից հետո համանախագահները պաշտոնապես հրավիրել են ՄԱԿ-ի զարգացման ծրագրի (UNDP) եւ (UNHCR) ՄԱԿ-ի փախստականների հարցով գերագույն հանձնակատարի փորձագետներին` մասնակցելու առաքելությանը:
Բացի այդ, համանախագահները նախարարների հետ հաստատել են առաջիկա ամիսների համար իրենց աշխատանքային ծրագիրը` ներառյալ Աստանայում կայանալիք ԵԱՀԿ գագաթնաժողովի նախապատրաստական աշխատանքները:
