ՀՀ Նախագահի շնորհակալագիր`«Մանկական Եվրատեսիլ 2010»-ի հաղթող Վլադիմիր Արզումանյանին

Այսօր Կոմիտասի անվան կամերային երաժշտության տանը Նախագահ Սերժ Սարգսյանը հանդիպել է «Մանկական Եվրատեսիլ 2010» երգի մրցույթում առաջին տեղը զբաղեցրած Վլադիմիր Արզումանյանին և նրա հետ ելույթ ունեցած պարային խմբի անդամներին: Ըստ ՀՀ նախագահի պաշտոնական կայքի, Արզումանյանն ու խմբի անդամները ներկա էին գտնվում Կոմիտասի 140-ամյակին նվիրված հոբելյանական տարին եզրափակող միջոցառմանը:
« «Մանկական Եվրատեսիլ 2010»-ում Հայաստանն արժանվույն ներկայացնելու և փայլուն հաղթանակի համար Հանրապետության ղեկավարը Վլադիմիր Արզումանյանին պարգևատրել է ՀՀ Նախագահի շնորհակալագրով: Այնուհետև Սերժ Սարգսյանը նրան և պարային խմբի անդամներին հանձնել է նվերներ` մաղթելով, որպեսզի այդ առաջին հաջողությունը նրանց կյանքի վերելքի սկիզբը լինի»,-նշված է ՀՀ նախագահի պաշտոնական կայքը:
© Medialab.am