Կորոնավիրուսի հետեւանքով մահացել է Սարհատ Պետրոսյանի մայրը

Հեղինակ MediaLab

Կորոնավիրուսի հետեւանքով մահացել է Սարհատ Պետրոսյանի մայրը՝ Ռուբինա Ղազարյանցը։ Այս մասին տեղեկացրել է Ռուբինա Ղազարյանցի դուստրը՝ Սեւան Պետրոսյանը։

Սեւան Պետրոսյանը ֆեյսբուքյան էջում գրել է.

«Խորը կսկիծով հայտնում ենք Ռուբինա Ղազարյանցի մահվան բոթը։

Երկու բառով դժվար է նկարագրել նրա անցած ուղին։ Գիտենք, որ նա իր մտերիմների, ընկերների եւ ծանոթների հուշերում կմնա իր յուրօրինակ խառնվածքով, վառ անհատականությամբ, անկոտրում կամքով, սկզբունքայնությամբ եւ պարզությամբ։

Ցավոք, ԿՈՎԻԴ-19-ի վարակը նաեւ նրա կողքով անցավ։

Մեր կորուստը ծանր է։ Թող, որ այն չկրկնվի՝ յուրաքանչյուրիս անհատական ու հանրային զգոնությամբ ու ջանքով։

Հայտնում ենք, որ համավարակի պատճառով, սգո արարողություններ տեղի չեն ունենալու։

Ցանկության դեպքում, կարող եք նվիրատվություններ կատարել կորոնավիրուսային վարակի կանխարգելման և հաղթահարման ապահովման համար բացված պետական հաշվեհամարին (900005001947), Հայաստան համահայկական հիմնադրամի «COVID-19 Հայաստան. միասին հաղթահարենք համաճարակը» ֆոնդին (https://www.himnadram.org/hy), կամ այլ նախաձեռնությունների»։

Խորը կսկիծով հայտնում ենք Ռուբինա Ղազարյանցի մահվան բոթը։Երկու բառով դժվար է նկարագրել նրա անցած ուղին։ Գիտենք, որ նա…

Gepostet von Sevan Petrosyan am Sonntag, 31. Mai 2020