Ազգային ժողովի «Բարգավաճ Հայաստան» խմբակցությունը չի մասնակցի խորհրդարանի արտահերթ նիստին, որին քննարկվելու է Սահմանադրական դատարանի նախագահին և դատավորներին փոխարինելու օրենքի նախագիծը: «Արմենպրես»–ի փոխանցմամբ՝ այս մասին լրագրողների հետ զրույցում նշեց խմբակցության անդամ Նաիրա Զոհրաբյանը:
«Բարգավաճ Հայաստանը» չի մասնակցելու այս նիստին»,- ասաց Զոհրաբյանը:
Ավելի վաղ խմբակցության մեկ այլ անդամ՝ Իվետա Տոնոյանը նշել էր, որ «Բարգավաճ Հայաստանը» կմասնակցի արտահերթ նիստին՝ քննարկվող հարցի վերաբերյալ իր տեսակետները հայտնելու համար: