Այսօր ՀՀԿ խմբակցության անդամ Մհեր Սեդրակյանը սպառնացել է «Ա1+» կայքի լրագրող Մհեր Արշակյանին, ով փորձել է նրանից հարցազրույց վերցնել՝ ասելով. «Դավայ, դավայ, յալլա, կտամ ծնոտդ կպոկեմ»:
168.am-ը Մհեր Սեդրակյանից հետաքրքրվեց՝ ինչո՞ւ եք սպառնացել լրագրողին, ինչին ի պատասխան՝ նա ասաց.
«Դա սպառնալիք ո՞նց կարելի է համարել, ես ընդամենը զայրացա, երբ որ ես մարդու հետ կանգնած խոսում եմ, խոռով եկել կանգնել են դեմս, ապարատները պահել են վրես ու նկարում են: Ասում եմ՝ ընկեր ջան, ես մարդու հետ խոսում եմ, էդ ապարատները քաշեք մի կողմ:
Երկու անգամ զգուշացնելուց հետո տեսա, որ նույն դիրքով կանգնած մնացին, ես էլ զայրացա, մի երկու բառ ասեցի: Լրագրողները Զուրաբյան-Օսկանյան գաղտնալսումը դատապարտում են, մենք էլ էինք գաղտնի բան խոսում, ինչի՞ համար եք ձայնագրում կամ նկարում: Ի՞նչ է՝ ես չպե՞տք է դատապարտեմ ինձ իմ կամքին դեմ նկարելն ու ձայնագրելը: Ի՞նչ տարբերություն թաքուն գաղտնալսում են, թե բացահայտ կանգնած նկարում ու ձայնագրում են մարդկանց զրուցը:Մարդ ենք, կանգնած իրար հետ խոսում ենք, թե՞ իրավունք չունենք»: Կարդալ ավելին