ՀՀ նախագահի թեկնածու Րաֆֆի Հովհաննիսյանն այսօր լրագրողների հետ ճեպազրույցում ասաց, որ անպայման կայցելի նախագահի թեկնածուներից Անդրիաս Ղուկասյանին, ով այսօրվանից անժամկետ հացադուլ է հայտարարել: Րաֆֆի Հովհաննիսյանը նշեց, որ սեփական փորձից ելնելով` Անդրիաս Ղուկասյանին խորհուրդ է տալիս դադարեցնել հացադուլը:
«Ի վերջո ավելի ճիշտ է, որ մեր քաղաքացիներն իրենց ընտրարշավով, իրենց մոտեցումներով, որպես առողջ, բանական մասնակիցներ` սեփական առողջությունը հարվածի տակ չդնեն: Ես սեփական փորձով կարող եմ ասել, որ շատ դժվար է բացօթյա հրապարակային, ձմռան ամիսներին հացադուլ անել, ոչ թե տանը այլ դրսում: Ես կուզենայի, որ ինքը վերանայի այդ որոշումը, կայցելեմ և անձնապես այդ իմ խնդրանքը կփոխանցեմ իրեն»,- ասաց նա: Կարդալ ավելին