Փոխվարչապետ Տիգրան Ավինյանի շնորհավորական ուղերձը Հայաստանի Անկախության հռչակագրի ընդունման 30-ամյակի կապակցությամբ ներկայացնում ենք ստորեւ։
«Սիրելի՛ հայրենակիցներ,
Շնորհավորում եմ բոլորիս Հայաստանի Անկախության հռչակագրի 30-ամյակի առթիվ։
1990թ․ օգոստոսի 23-ին Հայկական ԽՍՀ Գերագույն խորհրդը, արտահայտելով Հայաստանի ժողովրդի միասնական կամքը, ընդունեց Հռչակագիր Հայաստանի անկախության մասին։ Այս պատմական իրադարձությունը հիմք հանդիսացավ մեր անկախ պետականության հաստատման համար։
30 տարի անց արդեն ունենք կայացած, կենսունակ ու ժողովրդավարական պետություն, որն ունակ է պաշտպանել ժողովրդի անվտանգությունը, ապահովել բարեկցությունն ու խթանել բազմակողմանի մարդկային զարգացումը։
Կեցցե՛ ազատ, անկախ ու հարատև Հայաստանի Հանրապետությունը»։
