«Դ!ԵՄ ԵՄ» նախաձեռնության անդամներից Հայկ Ավետիսյանը հանդես է եկել հայտարարությամբ` առաջարկելով հստակ գործողություններով զրկել կառավարությանը շրջանառվող փողերի մի մասից:
«Ֆեյսբուքի» «Ընդդեմ կենսաթոշակային 5% պարտադիր վճարին» խմբում (որին միացել են գրեթե 29 հազար հոգի) արված հայտարարությունը արդեն իսկ բուռն արձագանքների է արժանացել:
Հայտարարությունն ամբողջությամբ ներկայացնում ենք ստորեւ:
«Հարգելի Հայրենակիցներ,
ԲՈԼՈՐՍ կարող ենք մի մշտական գործողություն անել՝ հենց աշխատավարձը ստանանք, ապա ամբողջ գումարը հանենք բանկերից, որը ոչ մի դժվարություն չի պահանջում:
Իրականում այս օրենքի գործելուն պես Հայաստանը հայտնվելու է էլ ավելի ծանր տնտեսական ճգնաժամի մեջ:
Կառավարությունը ուզում է կանխիկ փողերը մտցնի շրջանառության մեջ ու փոխանցի արտերկիր, որոնք կատարվելու են բանկերի և ֆոնդերի միջոցով:
Փողերը բանկից մի անգամից հանելը բանկերին միաժամանակ զրկելու է ՄԵԾ ԳՈՒՄԱՐԻՑ՝ դրանք կանխիկացվելու են:
Այդ քայլով Կառավարության տրամադրության տակ գտնվող փողերը մենք քչացնում ենք: Ինչպես նաև ով ունի մաստեր քարտի վրա ձրի կանխիկացման հնարավորություն, ապա ամբողջը հանենք և դնենք տեղը այն ժամանակ, երբ տոկոս է գալու կամ ուշացնենք:
Այսինքն կառավարությանը զրկենք շրջանառվող փողերի մի մասից, միաժամանակ ուշացնենք կոմունալ վճարները մինչև անջատում, բացի դա փորձ ենք բոլոր գործարքները անել կանխիկով՝ առանց քարտի: Նաև ով կարող է հանի իր ավանդները բանկից»:
© Medialab.am
