Առողջապահության նախարար Արսեն Թորոսյանը ներկայացնում է այս օրերի առաջնագծում բուժօգնության կազմակերպման մանրամասների մասին։
Նա ասաց, որ երեկ ուշ երեկոյան է վերադարձել Ստեփանակերտից։ «Իրավիճակն այնպիսին է, որ Ստեփանակերտն ամբողջությամբ ռմբակոծության տակ էր, և որևէ տարբերություն չկար հրթիռների թիրախների առումով, թիրախները ե՛ւ ռազմական օբյեկտներն էին, թե՛ քաղաքացիական, հատկապես ենթակառուցվածները, ինչը խաթարում է քաղաքացիական բնակչության բնականոն կյանքը», -հայտարարեց Թորոսյանը։
