Ազգային ժողովի «Իմ քայլը» խմբակցության պատգամավոր Արմեն Խաչատրյանը անդրադառնալով Սյունիքի մարզի Դավիթ Բեկ համայնքից հայ զինծառայողի առևանգման վերաբերյալ տարածվող տեղեկություններին, իր ֆեյսբուքյան էջում գրել է․
«Հետաքրքիր է, թե որոշ լրատվամիրոցների` Հայաստանին վերաբերող տեղեկություններում սուտն ու ապատեղեկատվությունը որ տոկոսն է կազմում։
Բայց ամենավատն այն է, որ սուտը տարածվում է հատուկ նպատակով՝ սեփական հայրենակիցների մոտ տագանապի, վախի, անպաշտպանվածության, պետության և պետականության նկատմամբ անվստահության զգացողություն, բոլոր ոլորտներում անկայունություն առաջացնելու համար։
Կարծում եմ՝ հասկանալի է, որ զինծառայողի առևանգման մասին հրապարակումն իրականությանը չի համապատասխանում»։