Ընդդիմությունը նոր մարտավարություն է որդեգրում․ Փակելու են փողոցներ

Այսօր հանրահավաքի ավարտին ընդդիմության ներկայացուցիչները հայտարարեցին երկուշաբթի օրվանից նոր մարտավարության մասին․ երկուշաբթի՝ ժամը 18։00-ին Արաբկիրի Պրահայի այգու դիմացից սկսվելու է Հայրենիքի փրկության շարժման անհնազանդության երթը։

«Սա տարբերվելու է մեր մյուս արժանապատվության ակցիաներից, որովհետև սա լինելու է անհնազանդության ակցիա։ Երկուշաբթի օրվանից ամեն օր առանց դադարի մայրաքաղաքում, հետո մարզերում, անգամ ամենահեռավոր գյուղերում լինելու են ակցիաներ։ Առանց շտապելու և առանց հապաղելու հասնելու ենք չարիքի կառավարության հեռացմանը»,- իր ելույթում հայտարարեց Իշխան Սաղաթելյանը։