2460 թեստավորումից հաստատվել է կորոնավիրուսի 317 նոր դեպք. մահացել է 10 մարդ

Առողջապահության նախարարությունը տեղեկացնում է.

Մարտի 15-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 178702 դեպք, որոնցից 166410-ն` առողջացած, 3265-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 8190 պացիենտ: Ընդհանուր առմամբ կատարվել է 776843 թեստավորում:

Այսպիսով` երեկ կատարվել է 2460 թեստավորում, որից հաստատվել է կորոնավիրուսային հիվանդության 317 նոր դեպք: Ունենք 230 առողջացած և 10 մահվան դեպք: