Հիվանդանոց է տեղափոխվել ԱՄՆ-ի նախկին նախագահ Բիլ Քլինթոնը: Հարավային Կալիֆոռնիայի հիվանդանոցից հայտնում են, որ ինչ որ վարակով վարակված նախիկին նախագահն այժմ ապաքինման փուլում է, հայտնում է Ամերիկայի ձայնը:
75-ամյա Քլինթոնը երեքշաբթի երեկոյան է ընդունվել Կալիֆոռնիայի համալսարանի Ըրվայնի բժշկական կենտրոն: Նրա մոտ կորոնավիրուս չի հայտնաբերվել:
Քլինթոնի խոսնակի կողմից հրապարակված հայտարարության մեջ ասված է, «Նա առողջանում է, լավ տրամադրություն ունի եւ անչափ շնորհակալ է բժիշկներին, բուժքույրերին և անձնակազմին, ովքեր իրեն ցուցաբերում են գերազանց խնամք»:
Ըստ հայտարարության, նախկին նախագահին «հակաբիոտիկներ են տվել և հեղուկներ ներարկել»:
«Երկու օր բուժումից հետո նրա լեյկոցիտների թիվը նվազում է, և նա լավ է արձագանքում հակաբիոտիկներին»,-ասում են բժիշկները: Նրանք հույս ունեն, որ Բիլ Քլինթոնը շուտով տուն կվերադառնա:
Քլինթոնը, 2001 թվականին Սպիտակ տնից հեռանալուց հետո, առողջական մի շարք խնդիրներ է ունեցել:
2004 թվականին, կրծքավանդակում երկարատև ցավեր ու շնչահեղձություն զգալուց հետո, ենթարկվել էր քառակի շրջանցման վիրահատության:
Նա հիվանդանոց է վերադարձել 2005 թվականին թոքի մասնակի կանգառի պատճառով վիրահատության ենթարկվելու համար: 2010 թվականին զույգ ստենտներ են տեղադրվել սրտանոթային զարկերակի մեջ:
