ՄԱԿ-ի գլխավոր քարտուղար Անտոնիու Գուտերեշի ուղերձը «ՁԻԱՀ-ի դեմ պայքարի համաշխարհային օրվա» առթիվ

ՄԱԿ-ի գլխավոր քարտուղար Անտոնիու Գուտերեշի ուղերձը «ՁԻԱՀ-ի դեմ պայքարի համաշխարհային օրվա» առթիվ
ՄԱԿ-ի գլխավոր քարտուղար Անտոնիու Գուտերեշի ուղերձը «ՁԻԱՀ-ի դեմ պայքարի համաշխարհային օրվա» առթիվ

ՄԱԿ-ի գլխավոր քարտուղար Անտոնիու Գուտերեշի ուղերձը «ՁԻԱՀ-ի դեմ պայքարի համաշխարհային օրվա» առթիվ ներկայացնում ենք ստորեւ։

«ՁԻԱՀ-ի դեմ պայքարի համաշխարհային օրվանից երեսուն տարի անց ՄԻԱՎ-ի կանխարգելման գործընթացը գտնվում է ճամփաբաժանին: Թե ո՞ր ուղղությամբ կշարունակենք, ցույց կտա համաճարակի ընթացքը. արդյո՞ք կկարողանանք վերջ դնել ՁԻԱՀ-ին մինչև 2030 թվականը, թե՞ ապագա սերունդները կշարունակեն կրել այս կործանարար հիվանդության բեռը:

Ավելի քան 77 մլն. մարդ վարակվել է ՄԻԱՎ-ով և ավելի քան 35 մլն. մարդ մահացել է ՁԻԱՀ-ին հարակցող հիվանդություններից: Հսկայական առաջընթաց է գրանցվել ախտորոշման և բուժման փուլերում, իսկ կանխարգելմանն ուղղված ջանքերի շնորհիվ հնարավոր է եղել խուսափել վարակման միլիոնավոր նոր դեպքերից:

Այնուհանդերձ, առաջընթացի տեմպը չի համապատասխանում համաշխարհային զարգացումներին: ՄԻԱՎ-ի նոր վարակները բավականաչափ արագ չեն վերացվում: Որոշ տարածաշրջաններ ետ են ընկնում, իսկ ֆինանսական միջոցները բավարար չեն: Ամոթն ու խտրականությունը դեռևս ետ են պահում մարդկանց, հատկապես բնակչության կոնկրետ հատվածին՝ ներառյալ միասեռական տղամարդկանց և այլ տղամարդկանց, ովքեր սեռական հարաբերություններ են ունենում տղամարդկանց հետ, սեռական բնույթի աշխատանք կատարողներին, տրանսգենդերներին, թմրամիջոցներ ներարվկող մարդկանց, բանտարկյալներին ու միգրանտներին, ինչպես նաև՝ երիտասարդ կանանց ու դեռատի աղջիկներին:

Ավելին՝ ՄԻԱՎ-ով վարակված չորս մարդկանցից մեկն անտեղյակ է իր վարակվածության մասին որը խոչընդոտում է նրանց որոշում կայացնել կանխարգելման, բուժման, այլ խնամքի և աջակցության ծառայությունների ուղղությամբ։

Դեռևս ժամանակ կա ընդլայնելու ՄԻԱՎ-ի թեստավորումների քանակը, բուժման հասանելիության հնարավորություն տալու ավելի շատ մարդկանց , ավելացնելու նոր վարակների կանխարգելման համար անհրաժեշտ ռեսուրսները և վերջ դնելու ամոթին։

Այս ծայրահեղ իրադրության մեջ մենք պետք է ճիշտ շրջադարձն ընտրենք»։