Ադրբեջանը շարունակում է Արցախի գրավյալ տարածքներում ռազմական տարբեր օբյեկտներ բացել։ Մասնավորապես, ադրբեջանական լրատվամիջոցների հաղորդմամբ՝ Ադրբեջանի պաշտպանության նախարարի տեղակալ, նյութատեխնիկական ապահովման գլխավոր վարչության պետ Նիզամ Օսմանովը մասնակցել է Արցախի գրավյալ Վարանդայում նոր մոդուլային ենթակառուցվածնքների բացմանը։
Նշվում է, որ մարտական դիրքերի վրա կառուցված մոդուլային տեղակայման կետերում ապահովվել են անձնակազմի համար բոլոր անհրաժեշտ կարիքները։ Օսմանովը հետաքրքրվել է անձնակազմի մարտական և նյութատեխնիկական ապահովմամբ։
Բացի այդ, նա մասնակցել է ՊՆ կենտրոնական պարենային պահեստի տարածքային բաժնի նորակառույց շտաբի շենքի բացմանը, որտեղ ծանոթացել է բարձրաստիճան զինվորական ծառայության համար ստեղծված պայմաններին, ինչպես նաև սննդամթերքի ստացման, պահպանման և զորքերին բաշխման գործընթացին։
Այս մասին հայտնում է factor.am-ը:
