Շրջակա միջավայրի նախարար Էրիկ Գրիգորյանը այսօր լրագրողներին ասաց, որ շաբաթ օրը պատրաստվում է լողալ Սևանա լճում՝ հավելելով, որ լճի որակի հետ կապված վտանգ չկա:
«Այն ցուցանիշը, որն ունենք այսօր, որակի բարձրացման և թափանցիկության առումով, շատ էական է։ Այս տարի միայն 100 մլն խմ ավել գոլորշիացում է եղել, 40 մլն-ով էլ քիչ տեղումներ են եղել։ Այսինքն՝ 140 մլն խմ, որը Սևանի մակարդակի մոտ 10 սմ է կազմում, այդքանով քիչ ջուր է լցվել Սևան»,- նշեց նախարարը:
Անդրադառնալով Սևանի վիճակի բարելավման ուղղությամբ աշխատանքներին՝ նախարարն ասաց, որ հետևյալ միջոցառումները պետք է իրականացվեն.
«Ջրի մակարդակը պետք է բարձացվի։ Եվ դուք այսօր տեսնում եք, որ էականորեն ավելի քիչ ջրառ է իրականացվում, Արփա-Սևանով մուտք կա լիճ։ Մակարդակի բարձրացմանը զուգահեռ ափամաքրման աշխատանքները պետք է կատարվեն։ Մյուսը՝ կեղտաջրերի քանակը պետք է նվազեցվի։ Այս երկու մեր հիմնական գործողությունը։ Մնացած ամեն ինչը ածանցյալ ենթագործողություններ են»:
Նախարարը նաև նշեց, որ 1500 մետրից ցածր գտնվող ափամերձ բոլոր 4800 շինությունները, բացառությամբ ԽՍՀՄ տարիներից մնացած որոշ պոմպակայաններ, բոլորն ապօրինի են։ Ըստ նրա՝ բոլոր աշխատանքները՝ և դրանց քանդման, և ափամերձ տարածքների մաքրման մասով, պետք է իրականացվեն։ Բայց քանդման աշխատանքները մեծ ծախսերի հետ են կապված:
Մանրամասները՝ Factor.am-ի տեսանյութում