Պաշտպանության նախարարությունը ստացել է «Եռաբլուր» զինվորական պանթեոնում շիրմաքարերը պղծելու դեպքով ոստիկանությունից տրամադրված նյութերն ու ուղարկել Ռազմական ոստիկանություն։ Այս մասին Factor.am-ին ասել է ՊՆ խոսնակ Արծրուն Հովհաննիսյանը։
«Մենք այդ նյութերը ստացել ենք և փոխանցել Ռազմական ոստիկանությանը։ Այս պահին այլ տեղեկություն չեմ կարող փոխանցել»,- ասել է Հովհաննիսյանը։
Ավելի վաղ հայտնի էր դարձել, որ է«Եռաբլուր» զինվորական պանթեոնում ապրիլյան պատերազմի մասնակից հերոսների շիրմաքարերը պղծվել են։ Այս մասին տեսանյութեր էին հրապարակել ֆեյսբուքյան օգտատերերը։
