«Այդտեղ պատմելու ի՞նչ կա, հանել ենք, նկարվել ենք: Եթե նկատի ունեք միջավայրը, դա ընդունված պրակտիկա է, որ երբ ղեկավարները միասին ինչ-որ միջոցառաման պետք է մասնակցեն, միևնույն տրանսպոտային միջոցով են տեղաշարժվում: Ոչ մի արտառոց բան տեղի չի ունեցել»,- այսօր ԱԺ-կառավարություն հարց ու պատասխանի ժամանակ ասաց վարչապետ Նիկոլ Փաշինյանը՝ անդրադառնալով երեկվա հայտնի սելֆիին:
Պատգամավոր Միքայել Զոլյանը հնչեցրեց նաև հանրությանը հետաքրքրող հարցը՝ իսկ ինչո՞ւ լուսանկարում չկար Բելառուսի նախագահ Լուկաշենկոն:
«Բելառուսի նախագահի վերաբերյալ կարող եմ ասել, որ, ցավոք սրտի, նրա ընտանիքում որոշակի դժբախտություն էր պատահել, իհարկե, ոչ երեկ: Որոշակի սգո միջոցառումներ կային, որոնց նա պետք է մասնակցեր, դրա համար մի փոքր ավելի վաղ մեկնեց Հայաստանից»,- ասաց Նիկոլ Փաշինյանը:
