ԼՂՀ նախագահ Բակո Սահակյանը այսօր հրավիրել է աշխատանքային խորհրդակցություն` նվիրված 2010 թվականի նոյեմբերին կայանալիք հեռուստամարաթոնի նախապատրաստական աշխատանքներին:
Բակո Սահակյանը կոնկրետ հանձնարարականներ է տվել շահագրգիռ կառույցների ղեկավարներին` աշխատանքները պատշաճ մակարդակով իրականացնելու ուղղությամբ:
Խորհրդակցությանը մասնակցում էին Ազգային ժողովի նախագահ Աշոտ Ղուլյանը, փոխվարչապետ, ֆինանսների նախարար Սպարտակ Թեւոսյանը, պաշտոնատար այլ անձինք:
Ի դեպ, հիշեցնենք, որ անցած տարի` «Մեր Շուշին» կարգախոս կրող հեռուստամարաթոնին կազմակերպչական աշխատանքները համակարգելու համար ստեղծվել էր հատուկ շտաբ, որը ղեկավարում էր հենց Սպարտակ Թեւոսյանը:
Նախորդ տարի հանգանակված-խոստացված գումարը` Շուշին վերականգնելու ծրագրի համար, կազմել էր 15 միլիոն 875 հազար 43 դոլար:
© Medialab.am
