Հայաստանը մամուլի ազատության ցուցիչներով, ըստ միջազգային «Լրագրողներ առանց սահմանների» բարելավել է իր դիրքերը տաս կետով` վերականգնելով 2008-ի ցուցանիշը եւ 178 երկրների մեջ զբաղեցնելով 101-րդ հորիզոնականը:
Փարիզում տեղակայված «Լրագրողներ առանց սահմանների» իրավապաշտպան կազմակերպության անցյալ տարվերջի զեկույցի համաձայն Հայաստանը անցյալ տարի զբաղեցնում էր 111-րդը հորիզոնականը:
Միջազգային իրավապաշտպան հեղինակավոր Freedom House-ը, Human Rights Watch-ը, «Լրագրողներ առանց սահմանների» եւ այլ կազմակերպությունների տարեկան զեկույցների համաձայն, անցյալ տարի պարբերաբար ահազանգում էին Հայաստանում «ոչ ազատ» մթնոլորտի եւ լրագրողների հանդեպ բռնությունների մասին:
«Իշխանությունները շարունակում են վերահսկել հեռարձակվող մամուլի մեծ մասը, իսկ մասնավոր հեռուստա եւ ռադիոկայանները պատկանում են իշխանությունների հետ սերտ կապեր ունեցող քաղաքական գործիչներին եւ գործարարներին,-ասվում է փետրվարի 16-ին Նյու Յորքում տեղակայված Լրագրողների պաշտպանության կոմիտեի հրատարակված «Հարձակումներ մամուլի վրա 2009. Հայաստան» զեկույցում:
Սակայն, այս տարի ըստ «Լրագրողներ առանց սահմանների» 2010-ի զեկույցի Հայաստանն առաջընթաց է արձանագրել գրեթե հասնե,ով մամուլի ազատության ցուցիչներով նախորդ տարիներին զգալի առաջընթաց ապրող հարեւան Վրաստանին, ուր ի տարբերություն Հայաստանի, վերջին զեկույցով անկում է արձանագրվել:
Անցյալ տարվա 81-ի փոխարեն, այս տարի Վրաստանը զբաղեցնում է 100-րդ հորիզոնականը, Թուրքիան 138-ն է, Ռուսաստանը 140-ը, իսկ Ադրբեջանում իրավիճակն ամենամտահոգիչն է: Անցյալ տարվա 146-րդ հորիզոնականի փոխարեն այս տարի Ադրբեջանը 152-րդն է:
Մամուլի ազատության ցուցիչներով ամենաազատ երկրներն են Ֆինլանդիան, Իսլանդիան եւ Նորվեգիան: Ամենամտահոգիչ ցուցանիշներով ցուցակը եզրափակում են հարեւան Իրանի իսլամական հանրապետությունը, Թուրքմենստանը, Հյուսիսային Կորեան, Էրիթրեան:
© Medialab.am