ՀՀ նախագահի մամլո քարտուղար Արմեն Արզումանյանը հաստատել է երեկվանից ակտիվ քննարկման թեմա հանդիսացած Երեւանի քաղաքապետ Գագիկ Բեգլարյանի հետ կապված այն լուրը, որի համաձայն վերջինիս ՀՀ նախագահի արարողակարգի աշխատակից Արամ Կանդայանին ծեծի է ենթարկել:
Այդ մասին տեղեկացնում է NEWS.am լրատվական կայքը, որի հարցմանն ի պատասխան Արզումանյանը հաստատել է , որ միջադեպ տեղի ունեցել է:
«Այո՛, ցավոք միջադեպ տեղի ունեցել է: Իհարկե՛ մեր մամուլը դեպքերի իր նկարագրության մեջ դրանք չափազանցրել է. մասնավորապես, չի եղել ո՛չ առեւանգում, ո՛չ էլ դաժան ծեծ: Բայց այդպիսի դեպք իսկապես տեղի ունեցել է:»,-ասել է նախագահի մամլո խոսնակը:
Կայքը նաեւ հիմնվելով սեփական աղբյուրների վրա, նշում է, թե Բեգլարյանը հրաժարականի դիմում է ներկայացրել: Սակայն, պաշտոնապես, այս լուրը դեռեւս չհաջողվեց ճշտել:
© Medialab.am
