«Հայաստանում էդքան մարդ, էդքան ծեր ու էդքան հիվանդ չկա, որ կորոնավիրուսից չոռ կպչի». Բժիշկ

Հեղինակ MediaLab

Բժիշկ Հայկ Մանասյանը Ֆեյսբուքի իր էջում գրել է.

«Նախ կորոնավիրուսից մահանում են հիմնականում ծերերը և ուղեկցող ծանր հիվանդություն ունեցողները։ Հայաստանում կյանքի միջին տևողությունը 70-75 տարի է, այսինքն Հայաստանում ծերեր գրեթե չկան։ Տարեցներ շատ կան, բայց նրանք չեն հասնում խոր ծերության, հետևաբար չեն կարող մեռնել կորոնավիրուսից։

Իսկ ուղեկցող ծանր հիվանդություններով մարդիկ կամ արդեն մահացել են հենց իրենց հիվանդությունից վատ առողջապահության պատճառով, կամ պառկած են տանը ու չեն այցելում հանրային այնպիսի վայրեր, որտեղ հեշտությամբ կվարակվեն։ Մի խոսքով բնական կարանտինի մեջ են։ Ուրեմն նրանց էլ մահը չի սպառնում։ Տակը ո՞վ մնաց։ Մնացա՞ծը…

Դե մնացածից մի մասը Ֆեյսբուքում չի, հետևաբար ոչ կորոնավիրուսից է տեղյակ, ոչ էլ էս խուճապից։ Ֆեյսբուքում էլ մի 500 հազար մարդ հազիվ լինենք, ու եթե Չինաստանի պես 15.000-ից մեկը վարակվի, կստացվի 33 հոգի։ Գոնե 1 մահ տալու համար պիտի 50 հոգուց ավել հիվանդ լինի, իսկ 33-ը ակնհայտորեն 50 հոգուց ավել չի։ Այնպես որ… Կայֆավատ եղեք։ Հայաստանում էդքան մարդ, էդքան ծեր ու էդքան հիվանդ չկա, որ կորոնավիրուսից չոռ կպչի»: